نقدم لكم عدة منشورات سرد من باب التوعية، نتمنى تتمعنوا فيها منيح وتخلوها مرجع دائم وبالأخص لجيل الشباب.


كارد قناة الساحل السوري 24

من منصتنا هذه، قناة الساحل السوري 24، نوجّه لكم هذه الرسالة:

يا أهل الساحل… يا أهل الحكمة والكرامة،
من كم يوم بلّشت تطلع أصوات غريبة، إشاعات، فيديوهات، محاولات خبيثة لزرع الخوف بقلوب الناس.

قنوات الفتنة بالتعاون مع شخصيات عديمة الشرف وبدون ذكر أسماء، رح توهم شبابنا بحرب لا ناقة لنا فيها ولا جمل، لذلك انتهبوا كتير، اقعدوا ببيوتكم بأمان واتفرجوا خباثتهم وين رح توديهم، ولا تنجروا وراهم.

الإمام علي عليه السلام قال:
"كونوا كالنخلة، يُرمى بالحجر، فتعطي ثمراً."
يعني لا تردوا على الاستفزاز، ولا تخلوا العاطفة تسبق العقل.
الفتنة لو دخلت، ما بتخلّي حدا… بتزرع الشك، وبتكسر الروابط يلي نحنا حافظنا عليها لسنين.

الإمام علي عليه السلام قال: "كن في الفتنة كابن اللبون، لا ظهر فيُركب، ولا ضرع فيُحلب."
يعني لا تكون طرف، ولا تكون أداة بيد حدا. الفتنة إذا بلّشت، ما بتفرق بين ظالم ومظلوم، الكل بينداس، والدم ما بيغسل الدم، بس بيكتره.

#كادر_الساحل_السوري_24

الساحل اليوم عم يمر بمرحلة دقيقة على الصعيد الدولي،
أما على الصعيد الداخلي في ضغط، في توتر، في ظلم...
بس كمان في شوية وعي هدفنا يكون أكبر، وفي ناس عم تفكر قبل ما تتحرك.
نحنا ما طالبنا دم، ولا يوم ردينا الأذى بأذى.
ووقت شفنا يلي صار بـ 7 رمضان 2025، قلوبنا تقطّعت… وخسرنا أعز الناس والأصحاب.

في ناس رح تفتعل اشتباكات، تحرك المشاعر، وتجر الساحل لمصير أسود…
بس نحنا أقوى.
أقوى من الإشاعة، وأوعى من نصدق كل شي منشوفو أو منسمعو.

خلونا نكون أهل المسؤولية.
نلتزم ببيوتنا.
نرفض السلاح.
ننتظر الحل السياسي.

#كادر_الساحل_السوري_24

الحل السياسي اليوم هو أقوى ورقة بإيدنا.
الحرب ما عمرها بنت وطن،
أما السياسة، فبترجّع الحقوق،
وبتعيد الكرامة،
وبتحمي أولادنا من إنو يكونوا وقود لأي مشروع دموي.


شوفو لبنان، العراق، حتى أفغانستان، الدول اليوم ما بتقوم إلا على التفاوض والسياسة، ما عاد في شي بينحل بالبندقية.
السلاح بيكسّر، بس الكلمة بتعمر.
الرصاصة بتزرع حقد، بس الحل السياسي بيزرع أمل.


لا تسمحوا لحدا يجرّنا للدم.
لا تسمحوا لحدا يحوّل الساحل لحكاية مؤلمة.
خلي صوت العقل هو الأعلى…
وخلينا نكون سَند لبعض، متل ما كنا دايمًا.

#كادر_الساحل_السوري_24

الدولة لما تضعف، الفتن بتقوى، متل ما قال الإمام علي: "إذا فُقد العدل، كثر الجور، وظهرت الفتن."

كونوا قدّها، واحكوا مع جيرانكن، أهلكن، ولادكن، خلو العقل هو السيد، والسلاح آخر شي ممكن يُفكّر فيه.
ولادنا أغلى من أي خطاب ناري، كلو رح ينحل والرب ما بيتركنا، بس بدها ناس تعقل وتصبّر.

#كادر_الساحل_السوري_24

أهم فتنة لازم نبتعد عنها اليوم "هي فتنة الأعلام"
رح نذكركم بس بالأسبوع من 1 الشهر ال12 ، وحتى 8 من نفس الشهر للعام 2024، كان أصعب أسبوع بيمر على الشعب السوري بسبب الحرب الأعلامية الخبيثة.

خلوكم متلنا صح إعلاميين لكن أعتمادنا هو عاللي منشوفوا مو عاللي منسمعوا، ولا بعمرنا أخدنا القيل والقال وصفحات وقنوات النسخ لصق مرجع ومصدر لمعلوماتنا.

#كادر_الساحل_السوري_24

وفي الختام، منرجع للوصية الخالدة:
"كن في الفتنة كابن اللبون، لا ظهر فيُركب، ولا ضرع فيُحلب."
ولا تنسوا يا أهلي، يا عقل هالبلد، إذا اشتدّت الفتنة فالزموا بيوتكن، وسلامٌ على من لزم العقل.

واذكروا الله، لأنو متل ما قال رب العالمين:
بسم الله الرحمن الرحيم
"ألا بذكرِ اللهِ تطمئنُ القلوبُ" (سورة الرعد : الآية 28)
صدق الله العلي العظيم.
نذكر الله، لنرتاح، ونحمي حالنا وأهلنا ووطننا.
والله خير الحافظين.

والسلام على من اتبع العقل قبل العاطفة، ورفعَ الوعي فوق الغضب.

#كادر_الساحل_السوري_24

#حمص
مسلحون يستقلون سيارة جيب سنتافي . تحمل لوحة حلب . أطلقوا النار من سلاح كاتم للصوت على الشاب "فراس سليمان محمد" في حي وادي الذهب بحمص، شارع رقم 16 - بيت الطويل . مما أدى إلى إصابته في يده.

#حمص فقد الشاب زين محمد العلي، 20 عاماً، منذ الساعة 10:00 صباحا أثناء توجهه نحو مول الأشقر. آخر اتصال معه كان بين حي المهاجرين وحارة الأرمن.

لأي معلومات، الرجاء الاتصال على:
0935074036
0932664265

سماع دوي أنفجار كبير في #بانياس

جميع الاصوات التي سمعت في بانياس والشيخ بدر هي لإسقاط مسيرات بواسطة سلاح دفاع الجو الروسي.

📌أصوات السيارات المسموعة في القرداحة هي لدوريات الأمن العام التي انتشرت نتيجة خلاف و شكوى أهلية في الضاحية ، ولا يوجد أي حدث أمني .

#مراسلنا_في_طرطوس
أصوات 23 من عمريت، وبحسب المصادر الأهلية أصوات تكبيرات قوية، وكالعادة الجواب "تدريبات".