كرّاسـة قلمـي 💙💙💙💙💙💙🌿

➖➖➖➖➖➖➖➖➖➖➖🌸
ملاحظة : كل من يأخذ نصاً دون اسمي لن أسامحه
➖➖➖➖➖➖➖➖➖➖➖🌸

🌻راحـة                    🌻خطـوة جديـدة
🌻أيـلول                 🌻متنفّس الروح
🌻منزلي الوحيد       🌻مسـافة
🌻غيمة                   🌻متعبة
🌻لأجلك فقط           🌻أنا هنا
🌻بالسلامة.              🌻 خربشة
🌻لطفه يجري.          🌻طيف
🌻الحزن الأول.          🌻أدعوه
🌻غربة الروح           🌻لا تطلبها
🌻 تعطرنا بالحب.      🌻تستّرنَ يا مسلمات
🌻فارغ.                  🌻حذر
🌻خيبة قلم              🌻دعوني أعيش
🌻جناحان                🌻لوزي الأحبّ ¹
🌻اعتذار                  🌻 سيرة ذاتية
🌻عام جديد             🌻لوزي الأحبّ ²
🌻جذوةُ شعور          🌻أهوي
🌻تراتيل                  🌻زلزال
🌻ياسمينٌ بالدّم.      🌻إنسان
🌻اعتراف                 🌻 نضجّ
🌻سنجبر               🌻نسق حزن
🌻أعظم ذكرى.          🌻غياب
🌻أمانك الوحيد      🌻أنا قوتي
🌻حلم                   🌻شعر و حبّ
🌻الأرض لفظتنا.      🌻دواعي النجاة
🌻كيف السبيل.      🌻الكتابة روح
🌻انطفاء.                🌻عُقَد
🌻هُزِمت                 🌻ثرثرة
🌻دعوة                  🌻كمِأذَنَة
🌻ذكراكِ.                🌻وشاحٌ حزين
🌻ماضٍ و حاضر     🌻مشوار عام ¹
🌻احتفال.              🌻بعنفوانِ طفل
🌻كسرة.                🌻جار الوريد
🌻صورة بعيدة.       🌻اطمئنان
🌻إدراك ليليّ. 🌻 أرق
🌻غربة. 🌻 خوف
🌻لصاحبي. 🌻 وحشة
🌻وطن جريح. 🌻 غزة
🌻دعوة. 🌻 صبح
🌻حسرة. 🌻 اعتذار
🌻وصية. 🌻أنّاي
🌻دفتري. 🌻 متعبة
🌻زلزال. 🌻العظيم أبي
🌻لهفة. 🌻 مع العلم
🌻نداء. 🌻 الأعظم !
🌻 إنجاز. 🌻 مرض
🌻بداية أخرى 🌻بعد عام
🌻سقيا العشر 🌻فُرادى
🌻في سوريا فقط. 🌻 منقّبة
➖➖➖➖➖➖➖➖➖➖➖🌸

📍وسوم مهمّة لتسهيل البحث في القناة 💗

ملاحظة : اضغط على الوسم و انتقل إلى "هذه المحادثة" لتظهر لك الرسائل الخاصة بالوسم

#بقلمي
#فضفضة
#البناء_المنهجي
#أكاديمية_زاد
#رقم_جديد
#تصميمي
#مريم

➖➖➖➖➖➖➖➖➖➖➖🌸

السلام عليكم ورحمة الله و بركاته
أولاً للمعرفة اسمي ريناد و اسم القناة مشتق من اسمي ، أغلب الي عالبوت يحكولي رند ، اسمي ريناد والله 😂
ثانياً القناة بدأت فيها من الصفر مثل كل قنواتكم لها سنة و شهر تقريباً و الحمد لله فيكم بتكبر ، الاعضاء حقيقين دون رشق لا تفاعلات و لا مشاهدات و لا اعضاء 🫶
الي يعمل قناة جديدة مبدئياً دخلوا كروبات تبادلات عملوا اشتراك اجباري حتى تصلو ١٠٠ + تبادلات بالليل او تثبيت
لما تصلوا ١٠٠ القناة حطوها بدعم للقنوات الصغيرة و لا تحطوا اكثر من دعمين ابداً
بس تصل ٥٠٠ حطوها بدعم لقنوات ٥٠٠ و فوق و هيك حتى تصل فوق ١ك و تزيد الزيادة الي رح تاخدوها من الدعومات
الي عندو وقت و متفرغ باليوم شي ساعتين مو اكثر يعمل دعم و اذا هو كان صاحب الدعم الافادة تكون اكبر لانو يدعم قناته كل اسبوع يومين و تزيد قناته بالشهر ٧٠٠ عضو و اكثر
انا ما بشترك بدعومات لانو انا عندي دعومات بدعم منن القناة و هيك تفاعل قناتكم يزيد اذا كانت خالية من الدعومات
حتى تكبر القناة بدها تعب حبتين بس لما تدخل رقم جديد تنسوا التعب والله 🥺🩵🩵

+ المحتوى لا تخلوا فيه صور نساء ( منقبات او غير منقبات او محجبات تجنبوا او دون حجاب) + موسيقى + صور الانمي كاملة الخلقة
هيك يكون المحتوى نافع و له اجر و لا يكون سيئة جارية لصاحب القناة
و بارك الله فيكم و بقنواتكم اتمنى اكون فدتكم
و السلام عليكم🥺💙💙💙
#فضفضة

صباح الخير و الجدّ
صباح المحاولة و التوكّل على الله
حابّة أحكي اليوم بالعاميّة لربّما تكون أقرب للقلب من الفصحى و أكثر ألفة و شارككم هالتجربة
بعد الزلزال الي صار بسورية الي الكل بيعرفوا
و الخوف اليي ضل مرافقني شهور بعدو
تغيّر منظوري بعد فترة للحياة ( للأسوء مع الأسف )
صرت فكّر : هو ليش أدرس إذا ممكن بفجأة أموت ، هو ليش لازم أتعب و لسا مشواري و مشوار أحلامي طويل و ممكن ينقطع بنصّو و ليش و ليش ..
تساؤلات سلبيّة وقفتني عن كل شي بعملو فترة لعدم إيماني بأهميّة الحياة
حكيت هالشغلة لرفيقتي و الجواب الي حكتلي ياه كان كفيل ينسف كل هالمفاهيم المغلوطة عن الحياة
حكتلي حديث الرسول عليه الصلاة و السّلام :
"إذا قامت الساعةُ وفى يدِ أحدِكم فسيلةٌ فإن استطاع ألّا يقومَ حتى يغرسَها.. فليَغرسها."
بعرف الحديث من زمان بس ولا مرة استحضرتو بموقف مناسب متل هاد
يدهشني الإسلام الي بجاوب عن كل تفصيلة منحس فيها
معنى الحديث مو خوفك من الموت يوقفك ، و لا خوفك من القيامة يوقفك ، لا إذا قامت حتى القيامة و أنت لسا بإيدك هالفسيلة الي اصلا ما رح تستفيد شي و لا رح تشوف ثمارها ، بس اغرسها
لا تزال مطالب بالسعي حتى تلك اللحظة { وَقُلِ اعْمَلُوا فَسَيَرَى اللّٰهُ عَمَلَكُم }
و من يومها بستحضر الحديث و بستحضر حديث { عن عمره فيما أفناه } و بتذكر أنو هي اللحظات رح يسألني الله عز و جل عليها
اسعوا و توكلوا على الله و لا تخلوا الشيطان يتمكّن منكم و حاولوا وجاهدوا تتطوّرو و تكونوا سبب في تغيير و لو شخص على هذه المعمورة
و أخيراً الحمد لله الذي هدانا للإسلام و علّمنا الإسلام و الله. يجعل إسلامنا تامّ الإيمان كامل الإخلاص يدخلنا برحمة الله عز وجل بقرب الحبيب المصطفى ﷺ 💙💙💙
#فضفضة
- ريناد عيّان

-
العشرينات مو عمر اكتئاب و ضياع و حزن و شتات
العشرينات نظرة استباقية للإنسان الي بتطمح تكونوا بعد 10 سنوات ، بناء لمستقبلك و إجابة على سؤال " عن عمره فيما أفناه و شبابه فيما أبلاه "
عن شبابه ، سؤال منفصل و متفرد و إجابته تختلف عن باقي الأجوبة
المفروض بهالعمر تكون في رحلة سعي لإيجاد إجابة السؤال

العشرينات الي بيحكولكن عن جانبها الأسود ما تاخدو منها إلا الحذر و التجلّد
بس بالمقابل لازم نستوعب انو نحن بمرحلة بناء مو هدم !!

( و قل اعملوا ) 💗🌸

•ريـناد عيان
#فضفضة

بذكرى زلزال سوريا- تركيا السّنوي الأوّل
بليلة عم تمرّ بطيئة
الكلّ عم يترقّب بأي لحظة يعيش نفس الشعور ( الله لا يقدر )
قاعدين بفراش النوم مسنتذكر يوم القيامة المصغر
لما كنت نايمة بأمان الله بنفس هي الزاوية الي انا فيها اليوم ، و الحمد لله لا زلت !
الأرض تروح يمين و شمال بشكل جنوني ، الثريا فوقي من كتر ما هزت بقوة ضربت بالسقف
على عجل فاق بابا و الكل فاق مرعوب لبسنا اي شيء بوجهنا و اخدنا الموبايلات و نزلنا ، دون اي التفات ، مشهد "اللهم نفسي " المصغّر !
برد مو طبيعي و مجرد ما وصلنا للشارع " بالوقت الي غيرنا ما قدر يصل لتحت " هزت الأرض الهزة التانية
نازلين و ما في إلا نور الله نستدل فيه الطرقات لشدة الظلام
وصلنا لمكان بعيد عن المباني نسبياً و أثناء اقترابي يرعبني مشهد " المحشر المصغر "
اول مرة كانت بحياتي بشوف كل هالناس و بكل هالخوف
و يوقف واحد بالنص و يحكي " كبروا "
خطرلي لوهلة طلع عالقرآن بجوز فعلاً يوم القيامة و الآيات راحت ، مشهد لا تصفه الكلمات و شعور ما بنساه لآخر يوم بعمري
شهور عدت و نحن منحس بأبسط هزة بتصير و بس نقعد هاديين تلقائيا. عيونا عالسقف نخاف لحظة الغفلة !
لشهور و نحن منسمع حالات الوفيات المرعبة و الناس الي فقدت بيوتها و الي فقدت ولادها
حرفياً باللحظة الي كنا فيها بالشارع ما عاد شي مهم
درنا ظهرنا للبيت و لكلشي فيه أحلام و ذكريات هاربين من أرض الله لأرض الله لا مفرّ
يومها متلي متل أي حدا سوري أو تركي عاش الوجع و حسّ بفظاعة الخوف و بقصّة حكيتها علساني باسم كل الناس الي مرت بالزلزال ، بحب ذكرني و ذكركن انو يومها عاهدنا الله بالطاعة ، لانو خفنا منو
و حكيناله انو رح نصوم و نصلي و نبطل ذنوب و كنا ندعي يارب بس ثبت الارض و ارحمنا
مرت سنة و اليوم نجدد العهد بأنّنا سنتوب و نبدأ صفحة أخرى بيضاء غير تلك الملطخة التي مضت !
لا تنس عهدك يا من بين الثبات ة الذنب تتأرجج 🖤

الله لا يعيدها و لا يسلط علينا عذابو و يحتوينا برحمتو الواسعة لانو والله مالنا حمل غضبه و عقابه 💗
#فضفضة
• ريناد عيان

بدايةً
في رحلة اكتشافي لنفسي من حوالي الست شهور
برحلة بين البودكاست و شرح الكتب الخاصة بالتنمية الذاتية و طرق لإدارة الوقت و التخطيط و ما إلى ذلك من الأشياء الي بعتبر الإبحار فيها استراحة لي و شغفي بالتعلم منها حرفياً لا ينتهي
بصادف بودكاست لبرنامج اسمو " آيه المشكلة؟
و من خلال البودكاست تعرفت على الشيخ " محمد الغليظ " الي شخصياً أجد طريقة تفكيره و طرحه للمواضيع عبقريييية اسلوبو رائع بكل معنى الكلمة
وأنصح جداً بحلقة " ايه المشكلة في الحجاب " حرفياً كان طولها بحدود ساعتين ما حسيت فيهن من كمية المتعة بطرحن للمواضيع و طريقة مناقشتها بما يناسب عقول " الجيل الحديث "
لأستقر بعد كل هذا على فكرة عظيمة ما كنت أفهمها بهالعمق و هي أنو الدين الإسلامي حرفياً مو مجرد تعاليم ، بل اسلوب حياة
مقارنتي بين الحياة الصحية المدّعاة من الغرب و أسس الحياة الصحية و الجسم الرشيق و ما إلى ذلك .. حرفياً كل كلمة فيها جذرها و أصولها حديث من أحاديث الرسول و أسلوب حياته المنظم و العبقري
الرسول صلى الله عليه و سلم عالم نفس درجة أولى ، و له مواقف مع الصحابة تدرّس !
شخصياً و كتجربة صغيرة قد كده 👌
إذا فعلاً كنا بحاجة الحياة المنظمة و النظام و التخطيط و البركة في الوقت فنحن بحاجة إلى الإسلام أولاً و أخيراً
بحاجة نفيق عند الفجر ، و ناخذ بأسباب بركة الوقت ، و نقسم مهامنا حسب التقسيم الإلهي ( بمواقيت الصلاة ) و نتبع أحاديث الرسول في الملبس و الأكل و الممشى و العادات
تعلقي بهذا الدين العظيم بزيد بكل مرة أسمع فكرة و أجدها متجذرة من ١٤٠٠ سنة بدستور إلهي محكم
و كما قال تعالى ( فاسأل به خبيراً )
الدّين هو الطريقة الوحيدة لنكون في القمة على كل الأصعدة
و حرفياً لو تركنا الله بلا دين هلكنا !
الحمد لله على نعمة الإسلام
الحمد لله على السلام النفسي المصاحب للاستسلام لله و الإسلام له
و السلام على سيدنا محمد و على آله و صحبة و سلم 💗
#فضفضة
• ريناد عيان

السلام عليكم يا أهل الرّند العظماء ❤️‍🔥

حابة شارككم شي باعتباري أختكم الصغيرة قليلة العلم و الخبرة و المنطلقة جديداً إلى الحياة 🙊💗
كما يقال " مخالطة الصّالحين تصلح "
من نظرتي الخاصّة بشوف أنو المخالطة تتضمن في هذا العصر الناس الي منتابعن على المنصات
و في ضوء هذا حابة أخبركم عن شغلة موجودة في كل المنصات و هي " خوارزميات " توجّه صفحاتكن على المنصّات حسب اهتمامكم ، و طريقة معرفة هذا الاهتمام بقياس مدة جلوسك على نوع معين من المقاطع اذا حضرتوها للآخر او لا و في حال حضرتوها للأخير بتعرض عليكم بنفس النمط مقطع ثاني و بتضل تعرض و انت تشاهد و هالطريقة طبعاً بتخلي عنا الإدمان على المنصات لانو حرفيا بيعرفو شو منحب
و على هذا السياق متابعة الصالحين تجرّ صفحات لناس صالحة مصلحة أو مفيدة بشتى العلوم و متابعة الفاسدين و الحرام تجرّ الحرام و هكذا ..
وجهو الصفحات الي عندكن لما يفيد و صدقاً متابعة الناس الناجحة تجعل منك ناجح ، تغيّر من تفكيرك
مخالطة الصالحين أيضاً تتضمن مصاحبة الكتب ( المفيدة )
و على هذا يا أحباب الرّند يصلح حاال الواحد منّا
فليست البيئة فقط من تحددّ بل حتى الناس الي منهتم بمتابعتها و ما أكثر التافهين في هذا الوقت
احرصوا تتابعوا ناس تجعل إدمانكن على هالمنصات يعود عليكن بنفع ، أقل شي شي ما بضل ضميركن يوجعكن عضياع وقتكن 🙃
و بس 🤭 🌸
من باب المشاركة لهالشغلة الصغنونة الي بعرفها 🙊💗💗💗💗

الله يبارك فينا و يجعلنا من الصالحين المصلحين 💗💗

#فضفضة

لما فكرة حلوة تدور ببالي و خاصّة لو كانت فكرة تخصّ عمل يقرّبني إلى الله أو شيء جميل لو عملته ممكن يفرق في صحيفة أعمالي
مجرّد خطور الفكرة على قلبي بحسّ انو الله عز و جلّ أكرمني فيها
و لما تتكررّ على عقلي و لساني و تظهر رغبتي فيها من خلال تصرّفاتي أجد أنّ هذا نداء رحمة من الله عزّ وجلّ و كأنّ جملة " ما زرع الله بقلبك أمنية إلا لأنه يريد أن يعطيك إيّاها" بتتجسّد واقعياً أمامي
و في النّهاية أصل لفعل هذا و الاستجابة للصوت الداخلي اللطيف الي بسمعو بشكل متكرر
الله عز وجل ينادينا إليه و هو الغني عنا و النداءات الداخلية اللطيفة هي جند من جنوده يسخره الله لنا
الله يجعل هالأصوات محمودة دوماّ و يقربنا له بالصوت و الفعل 💗💗

•ريناد عيان
#فضفضة

بعد مرور الوقت
أكتشف القدرات الهائلة داخل "الإنسان" و أن الملائكة لما اعترضت على خلق الإنسان فعلا. ماكانت مدركة لعظمة هبة " التفكير " و العقل الي أحياناً يحول الإنسان لملاك بالطاعة أو شيطان بالمعصية و عبقرية التنقل بين الشيطنة و الملائكية و الطاعة و العصيان هي الميزة الفريدة الي فعلاً موجودة بس عند البشر ✨
عبقريّة الإنسان في تحويل العالم خلال أقل من 100 عام "لغرفة" يستطيع التنقل بها أي شخص من " نافذة الغرفة" أو "الهاتف " شيء لا يصدق !!
الكون موجود من ملايين السنين
لكن ب 100 عام تغيرت المفاهيم بشكل مرعب !
عدا اتساع مجالات التفكير و غزارة المعلومات في كل مكان الي شكلت عندي شخصياً نهم كبير للمعرفة بشتى المجالات
الخلاصة : أنت كفرد فعلاً تستطيع أن تحدث الفرق
و أنا شخصياً لما آمنت بهالفكرة صرت أستشعر أهميتي و أهمية كوني جزء و إن كان صغير في هذا العالم العملاق إلا أنو لا يتجزء !
الفرق بدأ يظهر بشكل واضح على تصرفاتي و أفكاري و أحلامي و غير مفاهيم كثيرة عندي و عند المحيطين فيني
آمن بنفسك
و ما تنسى تحب نفسك أيها المخلوق العظيم 🌍✨

#فضفضة
• ريـناد عيّان

-
بالمناسبة
الحجاب تسأل كل البنات عنو ما وحدة منن رح تحكيلك انو هي فيه احلا من لما تشيلو
و لا وحدة فيهن حاططته لانه بخليها اصغر أو أحلى أو ملفتة
هدف الحجاب : إطفاء نور الفتنة
نحن كمسلمات ندرك أنو فتنة النساء أشد الفتن على الرجال منحاول نكفي أنفسنا و أنفس الرجال شر هالفتنة
مو لأنو نحن منحب نحطو أو منحب الشمس الي فوق راسنا و نحن علينا مية طبقة لبس
هذا هو الجهاد الحقيقي
أنو نحن كبنات نتخلى عن فطرتنا بحب جمالنا و رغبة إظهاره و انو نكون ملفتات و محط نظر و نتجه لكل شيء يطفئ هذا الجمال طاعة لله مو لحدا ، و حباً بالله مو بحدا ، و رغبة برضاه دون رضا حدا
هذا ما بيعني أنو نحن مغصوبين عليه ، كل إنسان بيروح للطريق الي بيختاره و يتحمل العواقب فيه و نحن ارتضينا المشقة في الدنيا على أن ننال الراحة في الآخرة
كلامي طبعاً للفئة الي بتحاول يكون حجابها حجاب ساتر قدر الإمكان و تحاول تحسن فيه و تخفي معالم جمالها قدر المستطاع ، مو الفئة الي عاملة الحجاب موضة و بتحاول تخليه يبرز الجمال تحت مسمى " محجبة "

لذلك مافي داعي للتنمر و الكلام : " مكبرك ، هاد مو لعمرك ، ليش تلبسي العريض متل الختايرة ، ليش مغطية وجهك هو بشع لهالدرجة ؟"

لا مالي بشعة ، بس بجاهد بدرجة و انتو بتجاهدو بدرجة
كلنا نحاول أن نتعبد إلى الله بالحجاب
مافي داعي للتجريح

الله يتوب علينا و على نساء المسلمين و يجعل حجابنا رفعة لنا يوم القيامة و يحمينا و إياكم من الفتن
💗🌸")
#فضفضة

• ريناد عيان

_
أحياناً بين فترة و فترة بتحتاج تحكي مع إنسان اخذ جزء من طريقك كمحور حياة الو
مثلاً كطلبك للعلم الشرعي يعتبر جزء من مسيرتك في الحياة و درب تسلكه بكلّ ما أوتيت من محاولة بس ما اخد منك الجزء المحوري بحياتك لدرجة انك تتفرغله بشكل كامل .. بسبب انك في مرحلة بناء شاملة لقواعد كتيرة بحياتك
لهيك بين كل فترة و فترة محتاج تحكي مع انسان اخد تعلم الدين محور حياته
أو تسمع عن الأئمة الي أفنت عمرها لتتعلم منو بشكل موسّع
بتحتاج هالقعدة معن أو سماع قصصن حتى يزول منك اليأس و تدرك تماماً أهمية هالجزء من حياتك
لما تقعد مع حدا مؤمن بهالجانب من حياتك بتؤمن انت فيه تلقائياً و بيغير نظرتك الو
كذلك الأمر بالنسبة للجامعة لازم تقعد مع حدا همو الجامعة أو نموذج ناجح فيها لتعرف أهميتها بالنسبة الك و تتذكر دورك فيها و تحس بمسؤوليتك بالسعي فيها بكل صدق
نفس الحكي بالنسبة للشغل الي انت فيه أو لحفظ القرأن أو أي جانب من حياتك يعتبر جزء منها
روح دوماً لإنسان اخد هالجزء ليكون حياتو كلها
هيك بتعرف ضرورة الموازنة
و عدم البحث عن غير اشياء ممكن تخليك تقصر في الاساسيات
دوماً خلي عندك حب السؤال و البحث عن قصص الناجحين لتكون منهم

وفقك الله بكل جوانب حياتك يا صاحبي وجعل منك ذخراً للأمة بنّاء لها و أبعد عنك قلق الأسئلة و التيه 💗💗
و السلام 💗🌸

*ريناد عيّان
#فضفضة

-
بعد عملية بحث داخلي " كحوّاء " و بحث في حياة " حوّائيات " برزت أسمائهن بالتاريخ كأمّهات عظيمات أو متعلّمات أو مقاتلات في شتّى ميادين الحياة و شتّى دروبها
اكتشفت اكتشاف و من رأيي أجده الأصوب و و الي عنده رأي يشاركه على البوت
المهم
وجدتّ أنّنا كـ "حوّائيّات " مهمّتنا أعظم من " العمل " و " بناء كيان مستقل " ، مع العلم لا شكّ هالأمور محمودة و يُسعى لها
لكن تأتي في مرتبة ثانية بعد " الأمومة "
و أتمنى ما حدا يستحقر " الأمومة " لأنّ بمعناها العظيم حرفياً تم تهميشها و حشو رؤوس حوائياتنا اليوم بمداخلات كثييرة ، منها انو لازم تكون مستقلة ، قويّة ، مالها بحاجة للرجال بحياتها أو الأسرة على العموم ، و كلام تاني كتير
و أنا شخصيّاً بحس هالشي مخالف للفطرة الي خلقنا عليها بشكل أو بآخر ، فوجود " أمّ " في المنزل أهم و أعمق في الأثر من وجود " عاملة "

بس أتوقع السبب الأساسي بقلب الموازين هو تخلّف الرجال عن " القوامة " أصلاً و أخذ السيادة و التسلط و التجبر منها متناسيين بشكل كامل أنو القوامة = الرّعاية و الحرص ، و المسؤولية ، و الكفاية ، و الحماية
مصيبتنا اليوم أنا شخصياً بحسها من لما دخلت لمفاهيمنا كمسلمين تشتتنا ،
و هي أنو الأدوار ماعادت واضحة ، الأب مثلاً غير ساعي لطلب الرّزق بالشكل الي لازم يسعاله ، و الأم هي بما أنها " الأم القيادية المستقلة صاحبة الكيان المتفرّد " بتصير عبارة عن مستنزَفة بين مهامها بالبيت و خارج البيت و كأنها تربي الأولاد و الزوج معاً ، كأنه الزواج عايش على قوامتها هي أو كأنو هي مهمتها !

مصيبة والله لما يتخلف أحد الآدميين أو الحوائيات عن مهامن الجوهرية

لهالسبب كلنا كبنات اليوم عنا تخوّف من تخلّف الآدميين القوّامين حالياً على رعايتنا أو حتى مستقبلاً لهيك نسعى بميادين كثيرة و إن كانت هالجوانب مهمة و تحمينا بشكل كامل ، إلّا إنها مع الوقت بحسّها هدامة لقيم المجتمع بشكل عام
الرجل له دور لازم يتفعّل و البنت لازم تدرك معنى الأمومة ، و ما بعدها تعمل الي بدها ياه

بالعكس
يا حبذا لو كانت " أمّ عاملة "
توازن بين الأساس و تسعى للثانويّات و تحاول تجمع بين شتى الأمور وقاية لها و لعائلتها مستقبلاً من أي خرق في القيم الأصيلة و القواعد
كلامي فوق لا يعني أنو مخطأة البنت الي بتفكر هيك ، أبداً ، تحية لكل حوائية تحاول انو تكون أفضل على شتى الأصعدة

بس كلامي مخصص أكثر للآدميين و الحوائيات الي أهملوا الأساسيات مقابل الثانويات

أساس دور الحوائيات " الأمومة " بكل تفاصيلها و " طلب العلم " بشتى مجالاته و" العمل " دون إرهاق نفسها و علاقتها بالله عز و جل قبل كل شي

و دور الآدميين الرعاية و القوامة و طلب الرزق و المسؤولية التامة عن مستلزمات الأهل و الرعيّة الي الله عز وجل رح يسألوا عنها

و العمل في نصرة الدين بالدعوة و النصح و الأمر بالمعروف و النهي عن المنكر مطلوب من الاثنين

شخصياً أتوقع لو تتوازن الأدوار بهالشكل و ترجع إلى ما فطره الله عليها بتتغير حال الأمة الإسلامية على شتى النواحي

هذا رأيي و الله أعلم 💗🌸
سلام 💗

• ريـناد عـيّان
²⁶-⁵-²⁰²⁴
#فضفضة

-
بدايةً السلام عليكم ورحمة الله و بركاته
ثانياً الفضفضة اليوم عن الروتين و تنظيم الوقت بشكل عام

الروتين بالعموم هو الاستتمرار على فعل نفس الشيء بس لمدة طويلة
بالمعنى العام باين أنو شي حلو بس مع هيك تقريباً الأغلبية العظمى بتكرهه
السبب الأهم برأيي أنو بيحسو ب" الملل " .. لأنو البشر بطبيعتن بتحب التجديد
بس مع النظر لحياة كثيير ناجحين و مهمة وفارقة في التاريخ منلاقي أنو تنظيم حياتن كان مدهش
الرسول عليه الصلاة و السلام مثلاً كان ينام العشاء .. يفيق بعد ثلثي الليل .. يفيق يصلي قيام .. يصلي الفجر و يقعد يذكر للضحى و يصلي الضحى و ينطلق بيومه .. و ياخذ عند الظهر " قيلولة "
الأمر عكتر مالو مبين ممل .. إلا أنو صنع حياة عظماء
الوقت المحدد للنوم و الاستيقاظ من أعظم النقاط المحورية في يومنا بشكل عام
لأنو مجرد ما نفكر نحط خطة لازم أول شي نعرف حدود اليوم " بدايتو ونهايته " و منعرف بعدها الساعات الي منقدر نمليها
مع العلم النوم مسألة شخصية و أنا شخصياً بشوف 8 ساعات نوم كثير .. السّلف و الصّحابة نومن بشكل عام كان قليل .. و بحس الدراسات الي بتحكي عن 8 ساعات فيها تضخيم مبالغ فيه .. ذُكر في القران ( كَانُواْ قَلِيلاً مِّنَ ٱلَّيْلِ مَا يَهْجَعُونَ ) مدحاً بالمحسنين
وكانوا بشر طبيعين وعاشوا حياة صحية و رائعة و أفادوا الأمة بعلوم إلى اليوم

الأمر الثاني بعد النوم تحديد وقت محدد للعلم الشرعي الأمر محوري و لربما أهم من الدراسة الأكاديمية لأننا نمثل الإسلام بشكل مباشر أو لا
على الأقل نكون نملك العلم الكافي لننفع أنفسنا و ننقذ أنفسنا من النار
بعدها تحديد المطلوب مننا خلال اليوم " بشكل منطقي " .. طبعاً مع البعد عن الموبايل و المشتتات .. و أعظم تقسيمة للوقت برأيي و أنا بعملا هي " مهام بين الصلوات " ( من الفجر للظهر أصعب شي ومن الظهر للعصر مهمة خفيفة و من العصر للمغرب تسلية و من المغرب للعشاء مهمة تكون خفيفة و محببة للنفس و بعدها النوم عند العشاء وهكذا ) حرفياً اليوم بصير يومين 😎
بحس هالأمور الثلاثة كافية تصنع يوم عظيم
وانتظام الأيام بشكل مستمر لفترة محددة بخليك تلمس الأثر و ببطل الموضوع صعب
الشي الحلو بالروتين أنو هو مو متل مالو بذهننا بلوك واحد ما بيتغير
هو بس عبارة عن تنظيم الوقت بشكل صارم حتى يكون بعد مدة معينة " نمط حياة "
الروتين جزء لا يتجزء من اليوم .. وهو بالنهاية مجرد تحديد لأفاق اليوم و نظرة عن الوقت المتاح .. يوم بعد يوم وبعد ماتحارب أنك تخلي وقت الشغل للشغل ووقت اللعب للعب بتلاقي مخك لحالو صار يعرف وقت الشغل ووقت اللعب بلا جهد منك
بس الموضوع بدو استمرارية
و العادات الجيد تكتسب بنفس الطريقة ( صعوبة بالبداية ثم " تعويد " )
من أهم النصائح الي بشوفها شخصياً مهمة " المتابعة " الشخصية لأيامنا .. إيمت تأخرنا بالنوم أو سهرنا او صار في خلل بالروتين أو تقصير بأي عادة منحاول نكتسبها
والموضوع ربما يبين شغل أطفال بس إدارة وقتك وحياتك رأس مالك
أعمارنا في النهاية مسؤولية و لعمر الشباب سؤال منفصل أمام الله فأعدوا الجواب 🩷
حاولوا تضلوا تبحثوا و تتعلموا عن كل الطرق الي بتحول أوقات الفراغ و المضيعة لمنفعة .. و مع الاستمرارية شكل يومكن بيتحدد و بصير هين عليك التنفيذ و هاد هو بالضبط الروتين 🫶🏻
بعتذر عن الإطالة و أنو كذا فكرة انطرحت سوا بس أتمنى تكون فضفضة خفيفة نظيفة مفيدة
و السّلام💗💗🌸

📍ريناد عيّان
#فضفضة