ضحيـةُ ذنـبٍ لم يقترفـه ..
كتب طبيب من مشى الأطفال على صفحته الشخصية..
عادةً بقسم الأطفال بالمشفى ؛ منشوف #الأهل قبل ما نشوف الطفل بيوصفولنا وجع #طفلهن بدقة قبل ما يخلونا نفحص الطفل !

لكن اليوم القصة كانت مختلفة ؛ كان في #رضيع بس ما كان في أهل .. كان في ورقة " مجهـول الـنسب "

تلفتت حواليي بلكي بلاقي حدا واقف بشي #زاوية عم يتطلع عليه من بعيد ؛ حدا عم #يودعه بنظرات أخيرة !!

ولا حدا ؛ إلا #الشاب يلي جابه لعنا عالمشفى ..
" وين لاقيته " ؟!
كان السؤال بدل من شو عم يشكي هالحلو ..

" على الرصيف وأنا طالع عالدوام ؛ كان في كرتونة حد الشجرة وعم تهز ويطلع منها صوت غريب !!
فكرت فيها شي قطة عالقة .. قربت منها ولاقيته
مع ورقة مكتوب فيها ( سامحنا ) .. "

سامحنا .. هي الذنب يلي رح يضل هالطفل حامله العمر كلو !!

فحصت الطفل وكان كله طبيعي ؛ ماعدا #حرارته يلي كانت نازلة .. لأنه بقي #الليل بطولو عم يبكي على يلي لازم يسامحن ..

كانت حرارته 36 درجة مئوية ؛ دقات قلبه بطيئة لكن الحالة كانت #معتدلة وتحت السيطرة .. كان لازم بس #ندفيه ونراقبه .. وكان رافض #للرضاعة ؛ يمكن هي كانت طريقته البريئة للتعبير عن إنو بده #أمه مو نحنا ..

بقي عنا بالقسم خمس أيام تحت المراقبة ..
كنت كل يوم امرق لعنده واسأل إذا في حدا #سأل عنه !
تركله #رسالة .. #تياب .. أو #صورة تخبره بالأيام مين هو !

خمس أيام بقي وحيد .. صوته مابروح من بالي
كل الأطفال عم تبكي بصوت وهو بصوت
بصوت #موجوع !

كنت كل يوم امسحله جسمه الصغير " بمحارم معطرة "
وحطله بودرة كرمال تطلع #ريحته حلوة ..
ما كان بدي حدا يشوف إنو هالطفل مو متل غيرو ..
ما كان بدي يفكر إنه #وحيد ..

بآخر #مناوبة إلي سهرت حده ؛ ومسكلي إصبعي بإيده الصغيرة
وكأنه عم يودعني ..

الصبح كانت الإجراءات القانونية مكتملة
وأخدوه من المشفى ..

ولهلق عم فكر ؛ شو مصيره ؟!
لوين رايح ؟!
وين #العدل بأنه يجي على الدنيا ليكون محروم من أبسط حق للإنسان بالحياة .. حق " العيلة " !!

في حال مانكم قادرين #تأمنوا حياة لطفل ؛ لا تجيبوه على الدني يتعذب كرمال رغباتكم !
هالطفل ماعم تجي معه رزقته ؛ عم يجي معه #قهره !!

يمكن لو هالطفل رح #يسامحكم بالأيام ؛ أنا مارح اقدر سامحكم على القدر يلي منحتوه ياه ..

هاد " اللقيـط " هو ذنبكم يلي ما ممكن قوة بالعالم تمحيه ..
ما بحياته كان هو المذنب ..
لكن للأسف هو يلي بيتعاقب ..

حتى " عيد ميلاد " مارح يكون عنده ..
رح يبقى كل عمره عم #يدور بين عيون الناس ..
أنتي أمـي ؟! .. أنت أبـي ؟!

بدون جواب ..
#متداول..
https://www.facebook.com/1933662260043227/posts/3784234584985976/