وكانت كلما تنفست ..تألمت ...

القضايا تموت من تموت الاشخاص
ونتي بلا قبر صرتي القضية

الضحية تخاف لو مر بيها جلاد
وهدمتي عروش يا اول ضحية

يباب الله الجبير الهجمو عليه
لان يدرون باب الله الزجية

الدعاء اباب بيتج يوصل بساع
لان بي يلتقن عبرة ومنية

الدعاء اباب جرحج حيل مسموع
بي طبره وضلع والغاضرية ..

قراءة جديدة لواقعة الباب

الموقف فعل موش المواقف ايام
والزلمة مو بسنين ينعد عمره

واحد يعيش ويصل فوك التسعين
بس كله ويه الموت يمشي لكبره

اواحد من الاصلاب سجل تاريخ
وكبل الولاده الناس تحجي بذكره

وهاي المواقف مو سوالف وتروح
من هلمواقف كون ناخذ عبره

الموقف الثابت عدنا يحتاج ارواح
بدرب الخلود دماه ترفع سعره

وعبدالله بلطف جان كل سيفه كماط
وبركبته عللسهم بين نصره

عبد الله فارس مهرته جفوف حسين
ومهرة الفارس تنطي للحك كدره

تربية محسن جان عبد الله الحيد
من عمه بالميدان ماخذ شمره

المحسن سقط بحساب عدوان الباب
وبحساب اهل البيت عكس الفكره

محسن الغيره المنها شارب عباس
وروت زلم شالت لواء الثوره

محسن وياها وامه تنطك شلون؟
وخد الزجيه شلون  يحمل سطره

وينطك ضلعها وما يدافع معقول؟
بيا وجه للكرار راح ينظره ؟

محسن فزع من شاف لمه عللباب
حسباله اجو خطار مد السفره

ولمن قراهم مو زلم ذوله وحوش
التمو اباب  الدين هتكو ستره

هد بعزم حيدر ومنهم ما خاف
وتلكه بسمار النذاله بصدره

محسن سقط حتى الفجر ما ينباك
ولا تنضم بفد يوم شمس العتره

يدري الدرب محتاج دم الاطهار
ابطن امه جان وفاهم لهلفكره

ماحمل لمن ينولد ويضحيه
طكت الغيره وما تحمل صبره

وشال اللواء من الضلع والبسمار
واول شهيد تسجل بهلمسره

محسن سقط بس اخذ روح امه وياه
وما ماتت ابسمار لا بلعصره

هم شفتو يوم بجبل اثر بسمار
كلشي الجبل دون السفح يحتقره

والزهره من الجبل اكبر ولله
وهذا الدليل الباري جان يذكره

اكبر جبل يتصدع من القرأن
والزهره قرأنين جانت تقره

قرأن ربنه البي تعلم جبريل
وقرأن الاخر ولدتنه العتره

والزهره طاحت لان محسن قرأن
شافت صوره عللارض مطشره

وخافت الباري الدنية يكلبها عليه
صاحت الاهي بجاه ضلع الزهره

انطيك روحي وكلشي تطلب قربان
بس كون دينك يا الاهي تنصره

وامة محمد كون تحمي القرأن
ونسوانهم بلدين تلبس خدره

ياربي لجل الستر مال النسوان
اهديك محسن والضلع والعصره

الاخت هي المرأة الصادقة بعد الام ..والمتألمة عليك قبل الزوجة ..

اذا تزعل اجيب الدنية مشايه
اخيتي وغير  اني لهمها تجايه

اذا تطلب هواي وياها احسه يهون
هي هواي فدوه لهمها الهوايه

اذا تزعل حرام عليه احسه النوم
اشلون تغمض عيني وبيها سلايه

اختي ام ريحة امي الكلهة نفخة طيب
اخيتي ام صيت اسمها يشرف الولاية

من ريحة حسين العطر منها يفوح
مثل عودة بخور بنص القراية

بين العبرة والعبرة

ماحجة السواد عليك البسة بيوم
شيلبس من زرع احزانك بنبضه

اذا جرحك سواد ودمعة وسط العين
اني اول موالي لجرحك يرفضه

اذا جرحك حزن تتوارثه الاجيال
ومحرم من يهل علوادم يفرضه

اني ارفض محرم بس حزن ودموع
وتطبير ومأسي وعاطفة وركضه

محرم مو جرح جان بجسد عباس
ولا جود وحضن عباس ما كضه

ومحرم مو مثلث ضرب جبد حسين
ولا ضلع وحوافر خيلها ترضه

محرم جمر ثوره بفيض كل وجدان
ودمك بي جهاد العالم توضه

محرم ملحمه وحلك الجرح بركان
وكل سيف اليصل يم حضرته يعضه

محرم مو سوالف والكلام هواي
وكلام البلدمه ينكال مو لفضه

وزينب ما بجت بلعاشر بعاشور
زينب كبرت وانعلنت النهضه ....
......
اليوصفك حزن قصر بوصف حسين
وجفنه عللمبادئ والقيم غضه

واليوصفك دمع ما انطه حك حسين
شيجيب الذهب يحسين للفضه

بجه يعكوب حتى عيونه صاحت اخ
ومن عظم المصاب عيونه مبيضه

لاجن يافضل من ينذكر يعكوب
بس صبره الخذاه من قصتك قرضه

يا صبر النبوه وغيرة الاسلام
وبابه القيم زافات مكتضه

اليكول انته ضريح بكربلا  اذاك
وباك الفلك منك وانتهم حظه

اليكول انته مزار وتحرسه الاملاك
وباب انته اليطبه بنعمته يرضه

اليكول انته جسد يحسين ضمه تراب
واليكصد يزوره الخالق يعوضه

قصر بلوصف انته بسماه محراب
وضريحك بلنفوس وكبرك بارضه
............   
نعم انته القيم يحسين انته الدين
واسلام الصحيح بكربلا تعرضه

وربك لمن شاء بكربلا تنزار
مو بس كربلا لاهل المجد ربضه

ولا نيته يحدد ياحسين بكاع
قبرك يا شهيد بقدرته المحضه

بس رادك دليل تعلم الاحرار
شلون الدم خلود وتنتهي الفوضى

ومو معناة كبرك انته بي محبوس
حبس الكون دمك يا بطل فضه

وبيت الله انوجد توحيد للاسلام
موقصده يحدد مسكنه بفرضه

حشا لله لن ربك يحده الكون
او فكرك تحصره الكبه والروضه

وثورتك مو دمع يحسين بس الدين
فاض عللبشر من دمك تشضه

وزرع سره الاله بكبتك يحسين
ودليلي بكبتك حك تشتفي المرضى

وخطيه الناس كل واحد يشوفك لون
بس منهو الكدر مضمونك يحفظه

قال لها حبيبتي فامتعضت لانها تحمل مسؤولية عباءة زينب عليها السلام ..وما اعظمها من مسؤولية ..فكتبت بلسانها هذه القصيدة ..

لا مو حبيبة واحد اني اخت فلان
الما يوم عن الكاع شايل عينه

الساعة ما يعرف بنات الجيران
حتى احنا تيه زينب من سكينه

بروس العبي الفصلها زارع نيشان
حتى يعرفنا اخواته من عبينه

الما يوم واكف يتنه فاتح شباج
بس فاتح لبوب الستر جفينه

اليدري المواقف دين عرضه يوفيه
وشكد رخيص العرضه يوفي بدينه

من هذا من البس عباه مو موديل
اجمع شرف للوادم الشارينه

مطلوبه اوفي العنده دين بهلجيد
اولهم امي الرضعتني الزينه

الخلت حضنها ويه الدفو يوزع عيب
واخلاق جان ويه اللبن ينطينه

وعكال ابوي بستري ضل فوك الراس
وشعر الشوارب بالستر ساكينه

لو طاح ستري عكاله معناها يطيح
والزلمه اذبحه ولا بجلمه تهينه

حتى انته باجر لو تصير الرجال
هم نستحي اني وياج من ماضينه

باجر شكل لبنتي يا موقف عيب
واحنا الغلط ويانه ما ناسينه

كلبي اعترفلك ودك وعندي احساس
وادري المشاعر نارها تجوينه

بس شيلة امي تشور وما تنخان
واني وخواتي بكل صله توصينه

ما تنترس عين المره الا برجال
غيره وموده اثنين تقره بعينه

الزلمه يكبر من يدك باب البيت
ولو حيد بلشباج ما تلكينه

اليتختل بملكاج بلختله يروح
والجايج من الباب طاهر طينه

بشارب الخير كالو الحرمة تصير
والشارب البي خير تستنكينه

استنكي ذاك اليقره سترج قرأن
خاطر اذا يلكاج يكمل دينه

رأيته كاذباً متمرساً،استطاع ان يسيطر على كل جوارحها..فكانت فريسة فرحة باستباحة عواطفها حالمة بصدق يحتوي انوثتها..ولكنها الثقة في غير محلها وحسن الضن بمن لا يستحق ..

تعاين لعينه وكلها تمطر لهفه
مستحية مثل الفقرة من تتحفه

يسولف محنه واني احسنها تذوب
وحمرة خجلها تغطي خد وشفه

كل كلمة منه تخضرلها جناحات
وتاخذها رعشة تكول نسمة وسعفه

كامت تلولي بكثر ما شافت بيت
بي غرفة اخشاب وحنان وزفه

حلم الشريفة الحلقة خاطر تنصان
والمو شريف احلامه ذبح العفه

وهيج التدور ستر بيد المو خوش
مثل اليصب النفط خاطر يطفه

مثل اليتاني بامس ويريد يعود
والشعر الابيض يرد يترس زلفه

مثل اليريد الفرح من ام وليد
وحيد يتيم ومات يوم الزفه

احلام هاي بوكت ضد الحلمان
يحلم ابيش الحمله هادل جتفه

راحت الناس الجانت تعرف العيب
راح اليحومر خده لو مر ولفه

راح اليحب بستر حد باب البيت
بلمشية يلله الي يحبها تعرفه

راح اليغار عليها حتى من الليل
لو حرك الكذله بنسايم ترفه

راح اليروح لكبره لو منهي يصير
واسم اليحبها بجفن روحه يلفه

راح الحيا اليستر وجوه الحلوات
لو طاري اسم محبوبها يمر صدفه

راحت الحلوه العينهه تخاوي الكاع
خاف التحبه بيوم نظره تكشفه

راحت المن يسأل ابوهه تقبلين
غير البكيفك ما تمر علشفه

ايام بيها اهل الغرام يشورون
بيها اليحب متروس غير وعفه

بيها العشك مثل الامام الينزار
اليطلب مراد يفرع ويتحفه

قصيدة بحق امير المؤمنين ع ..وهي تخميس بالشعر الشعبي لابيات السيد الحميري ..

نورٌ وأنزلهُ الإلهُ الأوحدُ
هو ذلكَ الفيضَ الذي لا ينفدُ

هو ذاكَ سرُّ اللهِ حار بكنههِ
كل الانامِ سوى الرسول محمدُ

هو ايةُ الإعجازِ كان ببطنِها
حتى ببطن ِالبيتِ حراً يُولدُ

من جان ابطنها معجزة وقدرة
بقرأن الجليل يرتل ويقره
واسرار الولادة المعجزة الكبرة

وَلَدتْهُ في حَرم الإلهِ وأمْنهِ
والبيتِ حيثُ فِناؤه والمسجدُ

بده ابيت الجليل ويختم ابيته
وبدت كبل الارحام هناك تربيته
ابوه سد الرساله وامه حاميته

بيضاءُ طاهرةُ الثيابِ كريمةٌ
طابتْ وطابَ وليدُها والمولِدُ

ما ولدت ولد ولدت وصي وفقار
يندار العدل وي سيفة من يندار
ميلاد الامامة بيوم حامي الجار

في ليلةٍ غابت نحوسُ نجومِها
وبَدَتْ مع القَمَر المُنير الأسْعدِ

ياهو المثله مهده يصير بيت الله
ونزل جبريل يمه وكبر وصله
تكمطه امه بحمد وتلفه باسم الله

ما لُفَّ في خِرَقِ القوابلِ مثلُهُ
إلاّ ابن آمنةَ النبيُّ محمدُ

قصائد العفة التي القيت بين الحرمين الشريفين (تخرج بنات الزهراء)

فل يسمع التاريخ صوت ندائي
ولينحني لعبائتي وحيائي

فانا التي تهب الحياة وجودها
للأم للاباء  للابناء

انا ذلك  الصيد الذي تسعى له
حياتهم .. فتردها آلائي

موضاتهم ..حملاتهم ..افكارهم
اعلامهم   لم يستطع اغوائي

فانا البصيرة في زمان اعور
وانا دواء الستر عند الداء

انا ضيفة بين الحسين وعضده
اني السمية بابنت الزهراء

القصيدة الثانية ..

عاشت ادين المره الي ربتها
البنت الشريفة تشيل راس اخوتها

وذني البنات الشالن اسم الزهراء
كل وحدة منهن شدته بربطتها

مو بس شعار عللصدر علكناه
ذني البنات تربن بسيرتها

كل وحدة منهن زينب بوجه ابليس
وكل وحده منهن كاشخة برايتها

كل وحدة منهن فاهمه الدين شراد
ودرب العلم شعليه بتنوريتها

درب العلم يحتاج عقل يشع نور
وترست عقلها من الزجية وبتها

من هذا صارت طالبة وربة بيت
ومدرسة عفة تعلم الطبتها

حفل التخرج رادته بصف حسين
واكبر رسالة بهلحفل كتبتها

القدوتها زينب ما تهزها الحفلات
بس الدموع عللخدر هزتها

قصيدة كتبت بحق سماحة الشيخ الكربلائي عندما اجرى عملية جراحية لقدمه ..القيت عنده بعد عودته الى الصحن الشريف ..

ثقةُ الحسينِ ومرجعٍ أعلى
ينسابُ من مَولى إلى مولى

جنحينِ ربُ العرشِ أكرمهُ
اني لأغبِطُ ذلكَ الفضلا

عبدٌ لصاحبِ أمرِنا فغدا
اسماً يطابقُ قولُهُ الفِعلا

كم ضاقَ فيَّ الخطبُ بل عصفتْ
فيَّ الهمومُ وهمّيَ ٱستعلى

ما إن قصدتُ بياضُ لحيتهِ
حتى رأيتُ سوادَها يُجلى

ما قالَ قطُّ لا لِقاصدهِ
زينُ العبادِ بفعلهِ اجلى

آياتُ نصرِ اللهِ تَعرِفُهُ
للنصرِ فوقَ لسانهِ تُتلى

فتوى الجِهادِ بِصوتِهِ صدحتْ
حتى الجهادُ بصوتهِ أحلى

قدمٌ أراد الدهرُ مقتلها
لكنّ همّتها هيَ الأعلى

حفظ الكريمُ بياضَ لحيتهِ
حتى يَعيشَ بخدمةِ المَولى

ويضلُّ باباً من أبي حسنٍ
كلُ الطوارقِ عندهُ تُبلى

تجربتي مع قسم الإعلام
استلمتُ مسؤولية قسم الإعلام في جامعة بابل قرابة سنةٍ ونصف، وكانت تجربةً غنيّة بكلّ شيء؛ من حيث الخبرة التي اكتسبتها من زملائي، والعلاقات التي أُضيفت إلى علاقاتي، والقرب رسميًا من مصادر القرار في صرحٍ أكاديمي يستحق الثناء والإكبار والتقدير؛ لأنه مصنع العقول، ومنجم الإبداع، وباني الأوطان.
فكانت تجربة بناءٍ للنفس، وتهذيبٍ للسلوك، خصوصًا وأنت تعيش صراعًا بينك وبين نفسك، بل تحدّيًا عزمتُ عليه منذ تسلّمي المسؤولية، بأن أغادرها وأنا صديق للجميع، وألّا أترك خلفي من معارفي وغيرهم من يحمل في نفسه عليّ ولو مقدار ذرّةٍ من عتب.
نعم،ربتنا  سيرة أهل البيت (عليهم السلام) أن تكون المسؤولية بابًا لخدمة الإخوان، وإن لم تكن كذلك فهي بابٌ من أبواب حبّ الدنيا، والذي عرّفه المعصوم، روحي فداه، بأنه رأس كلّ خطيئة. ومن هنا بذلتُ الوسع وما فوقه من أجل خدمة الناس، غير متكاسل ولا متقاعس، بل أحمل نفسي فوق طاقتها، حتى أُرضي ضميري الذي كان الدافع الكبير للقبول بهذا التحدّي.
وبعد تجربةٍ مليئةٍ بالجهد والتحدّيات، وما قدّمته من خدمات يعتبرها بعض الإخوة المحبّين إنجازات، وإن كانت متواضعة، قرّرتُ أن أغادر هذا التكليف طوعًا لا كرهًا. بل إنّي سخّرتُ علاقاتي وتأثيري على أصحاب القرار في الجامعة ليقبلوا بإعفائي، بعد أن عاتبني بعضهم، وزعل مني البعض الآخر، ولكنهم قبلوا أخيرًا تقديرًا لإصراري واحترامًا لرأيي، وهو لطفٌ كبيرٌ منهم.
ورغم أهميّة تمسّك رئاسة الجامعة، متمثّلةً برئيسها والسادة المساعدين والسادة العمداء، الذين عاتبوني بعد أن سمعوا بخبر الإعفاء، فإن تمسّك الزملاء في القسم، ورسائلهم التي حملت ثناءً لا أستحق أكثره، وتقديرًا أراه كبيرًا عليّ، كان له الأثر الكبير في شعوري بالنجاح. فلو لم يكن لي غير هذا الحبّ والتقدير من فريق عملٍ كان هو أهم أدوات النجاح، لكفاني فخرًا واعتزازًا.
وأخيرًا، ما كتبتُ هذه السطور إلّا لأبيّن للمتسائلين عن سبب إعفائي، بأنّي ولله غادرتُ التكليف بكامل إرادتي، بل وبضغطٍ منّي على السيد رئيس الجامعة الذي منحني ثقةً كبيرة، اجتهدتُ أن أكون في محلّها. ولم يكن طلب إعفائي تنصّلًا من المسؤولية، بل لزرع ثقافة مغادرة المناصب عند توفّر الأكفّاء، والتوجّه إلى مسؤولياتٍ أخرى قد يكون وجودك فيها أكثر نفعًا.
شكرًا لرئاسة جامعة بابل، متمثّلةً بالسيد رئيس الجامعة ومساعديه الكريمين، على ثقتهم ودعمهم. وشكرًا للسادة العمداء الذين كانوا مساندين لنا في تكليفنا. وشكرًا من القلب لزملائي في قسم الإعلام، الذين كانوا صانعي النجاح بحرصهم وتفانيهم وإخلاصهم. وشكرًا لله الذي أخرجني من هذه المسؤولية أبيض الوجه، راضي الضمير.
والحمد لله ربّ العالمين.

عيدك مبارك… مع التقصير.
في ليلة مولدك المبارك؛ ذلك الحدث الذي انتظره آل محمد بالصبر والفرح والغبطة والأمل. وأنت أول ثمار التقاء النبوة بالإمامة، وأول زهرةٍ نبتت عند زواج النور من النور.
في ليلة مولدك التي لا تقل أجرًا وفضلًا عن ليلة القدر، نرى أن الحزن بشهادة حفيدكم المستطاب قد شغلنا عن الفرح، وأخرنا عن التهاني.
نعلم، قاطعين، أن المصاب مصابكم، وأنكم أكثر ألمًا منا، وأشد حزنًا من حزننا؛ لأنكم تعلمون مقامات الأولياء، وتقيمون مقام الشهداء. ولكننا نعتذر لانشغالنا عن هذا اليوم الذي أعزَّ المؤمنين، ورسم نهج الصديقين، وعبَّد طريق الفداء لأخيه الحسين.
فمباركٌ لنا ولادتك في شهر الرحمة والخير، لتضيف إلى ليالي القدر ليلةً أخرى. وعذرنا كبير؛ لأننا نرتدي السواد على كبدٍ من أكبادكم فُري بالغدر والظلم.
ثبَّتنا الله على نهجكم، ولا حرمنا من مشاركتكم في أفراحكم وأحزانكم.
والسلام عليك يا معزَّ المؤمنين، ومذلَّ الكافرين، وكاشفَ المنافقين، وراسمَ نهج الأحرار والمجاهدين.

قصيدة فصخى كتبت من اجل طلبتنا في تخرج رسل الحسين ع الذي اقمناه بين الحرمين الشريفين في كربلاء الحسين ..

رسْل الحسينِ وأنعمْ إنهم رسلُ
قد بايعوهُ وفي دربِ الهُدى اتـّكلوا


وأبصروا الطفّ َ منهاجاً ومدرسة ً
إن ضلت النفسُ او شَطّت بهم سبلُ

وبَيرقُ البدرِ عباسٍ يُـظلّـِلُهم
وأحرفُ المجدِ عنوانٌ بهِ اتصلوا

فكانَ ما كانَ من اخلاقِهم فَغَدَوا
من كوثرِ الطفّ مهما يَظمئوا نَهلوا

فكلُ طالبِ علمٍ منهمُ لغدٍ
كرايةِ السبطِ تعلو حيثُما نزلوا

وكلُ طالبِ علمٍ منهمُ علمٌ
كسيدِ الماءِ يبقى ذكرُهم خضلُ

وكلُ طالبِ علمٍ شوكةٌ زُرعت
في حَلقِ من قالَ نحوَ المجدِ لن تصلوا

هم عزةُ الارضِ او عنوانُ عزتِها
ان هُددت نزفوا او أجدبت هطلوا

آبائهم حين أفتى الحقُ مرجعُها
تساقطوا حين جنّ الليلُ واشتعلوا

هم بذرةُ الفجرِ من فتوى الجهاد أتوا
هاماتهم ذل من عليائِها زُحل

تَخرجوا بينَ أُسْدِ الطفِ فانفتحت
بابُ الجنانِ لمن ظلوا أو ارتحلوا

القصيدة الثانية في حفل تخرج رسل الحسين ع ...

ذوله الشباب اولاد ولد الفتوه
الضحو زلم للكاع وين اليسوه

وربو ولد يتخرجون من حسين
وبلطف يمرغون الوجوه الحلوه

شبان بس ريحتهم من البارود
عدهم فكر متروس غيرة ونخوه

عدهم عقل يدرك اعدائه شيردون
ويدري المواقف بالشدايد ثروه

يدرون حرب الفكر اقوى من السيف
من هذا ما انطو عدوهم عطوه

راد الركص يصبح متاع الحفلات
ورادو حفلهم كله حشمه وتقوى

مو فارغين وبلجذب ينترسون
ولا تنسحك كيعانهم مو رخوه

ولا موده تاخذهم وبيها يكيفون
ولا علحماره تصير عدهم شروه

ولا ياخذون الموقف بلاية حساب
ولا يوم ركضو علهوه الما يسوه

ولا يوم شربو من نهر ما معروف
اليشرب الماي من البحر ما يروه

ذوله العلي السيستاني رباهم زين
همه الذخيرة لهلوطن والعزوه

همه اليجازون اليربي وتعبان
باجر يصيرون لاهلهم تجوه


ذوله اليغضون الطرف من يمشون
اويه الزميلات بدرسهم اخوه

اليدرون حتى النضرة باجر هم دين
واليوفي دينه بعرضه مابي نخوه

ذوله الزنود الباجر تصون الدار
ذوله المواقف والامل والرجوه

يستاهلون الحفل يم باب حسين
ذوله امتداد العرسو بالفتوه

شقشقة عاشورائية
ما إن يبدأ شهرُ المحرم تجد الناس منقسمةً إلى أربعة أقسام :
مُوالين يَفهمون الحسين (ع) ويسعون أن تكون شعائرهُ رمزاً يتناسبُ مع حجمِ المعصوم وقيمتهِ.
تابعين يحبون الحسين بفطرتهم فيسيرون مع شعائرهِ متيقنين بإخلاصهم أنهم في رحال خدامه وما أروعه من مقام فيكسبون رضا الله لأنهم اتبعوا المنهج الصحيح رغم بساطتهم وساروا في ركب الهداية بنور فطرتهم التي غذاها منبر الحسين ومجالس عزائه ومنابر خدمته .

وقسمٌ ثالثٌ يطبّلُ ضد الشعائر قاصداً الحسين عليه السلام وينتقد الممارسات بدعاوى التصحيح فينظر ويتفلسف ويتفيقه ولكنه لا يصل إلى شيء سوى الكشف عن حقده وقلة وعيه وكأن محبة الحسين عليه السلام كاشفة لمعادنِ الناس.

أما القسم الرابع فهم الأكثر خسراناً وتيهاً فرغم غبائهم وفراغ محتواهم إلا أنهم يسيرون مع من يحاربُ الحسين (ع) ويقابلُ نهجهُ ورغم أنهم بلا محتوى ويرددون كالببغاء ما يسمعون دون فهم أو وعي إلا إنهم يسيرون مع معسكر أعداء الحسين (ع) بل يكثرون السواد في معسكر الظالمين.

فإذا لم تكن واعيا لتميز الحقيقة كاملة فميز شمس الحسين عليه السلام واتبع من يعرف بها فالعالم والخطيب وخادم الموكب وشاعر الحسين ورادوده هم أدوات للبصيرة .
احضر مجالس الحسين حتى تكثر السواد في مجالسه خير لك من أن تطبل مع المطبلين فتدخل إلى جهنم دون فهم كما عشت في هذه الحياة بلا فهم أيضا .

اليوم في رحاب الحسين بدعوة من نقابتي المعلمين والاكاديميبن في بابل