ومتعود على الغربه
نبي وصحبه
زاد بدون وجه امي
اتخيله يگص لحمي
رغم كل ضيمي من عدهن
اشتاگلهن اعيوني
ابديهن
احب لوني
واحب تعبي وتفاصيلي
ولأني ماعشت جيلي
صرت كل ميل امشي وياه
يتراهق دقايق عمر ماانساه
ارد ايام وحدي
بطرگ جدي
لعب هذا الوكت ينتهي ومايبدي
وانه شعندي
غريب وكل غريب بلا مدينة يعيب
حبيب وكل حبيب بلا حبيبه يشيب
تايه
كل اغاني ادلي گلبي
تعزف بضلعي نشدها
ضايع
كل شعر شعبي قصدها
امراد للجيل اليجي
كل ضحك سني بچي
اهواي بجروحي حچي
دمي عايش على طولي
السكته تتغذه على الگولي
رغم صوتي الداخلي
ماصحت بيه خفت لا ابتلي
خايف يگولون مل المخملي
... علي نغيمش

صوتي الداخلي

...

انت وحبك
تضحك على الايام
وحدك انت بكل بياضك يا سلام
كل ضلام يلوح شمسك
ينتهي وتبدي صبح
كل خسارة تجيس شفتك
تنتهي وتبدي ربح
يا نهاية الكل بداية
ويا بداية الكل نهاية
انت غيرت العوايد والتقاليد القديمة
الشاف حسنك ينسى ضيمة
وانه من يوم العرفتك
صرت الوم اليشتريني
صرت ماهم لليجيني
عينك تگلي احتويني
شوف دربك
لا اطيحك عيني
الكل حزن وجهة نظر
بس انت طيني
ودينك يواسيني
ياااشگدك
فصلت عمرك عليه
وعوزتني وچملتني
وشاورتني اخر محنه
وگتلي بيه
وانه ماگتلك
شگلك
مستحيك بكل وحكاحة
بكل صدگ وبكل صراحة
روحي من لاگتك عاشت مستراحة
حتى بغيابك اغني
ضام صوتك بذني
يابخت حظي شحلاتي
وياحلات اسمي بلهاتي
انت ذاتي
وكل حياتي
كل قصيدة اتسولفك
اكتبها منك
ماتعرفك
كل رسالة اعذره عنك
ماتقدر ظرفك
وكلشي يامحبوبي
يحبيب عداي
مايشرفك
وانه ماگلهم شگلك
واخجل واحبك
انه كل دگة اعيش بگلبك
شرد اگلهم
وشرد اگلك
همه مايهوني
بس اسمعني كلك
انه شكلك
ولو مشيت يصير ضلك
انه احب خوفي عليك
مااحب خوف اهلك
... علي نغيمش

وحدك انت

الاسطورة لوكاس فازكيز اسميته هذا الاسم للسخرية لكنه يثبت العكس أحياناً

من لم يستذوق القصائد ولم تعجبه الموناليزا
ولا يفقه بعزف بتهوفن ولم يسمع سؤال من عباس حمزة
لا يعرف من هو توني كروس
... علي نغيمش

...

"الوطن لا يساوي حذاء"
مجبل من عقلاء الناصرية
يقولون انه كان من اثرياء المدينة ...
نص #محمد_للماغوط
تصوير #سجاد_محمد

لا اعرف كيف يكون الانسان ممثل
لكنني اعرف كيف يكون على سجيته
... علي نغيمش

المسافر راح

بندر بن عبدالمحسن شاعر سعودي رحل عن سمائنا هذا اليوم بعد ما كتب افضل واجمل الاغاني يعني انت ممكن تسمع اغنية خليجية وما تعرف منو شاعرها يطلع بندر
"وينها عيونك حبيبي سافرت مثلك حبيبي "

مبارك شعب مدريديستا ليغا 36
هلا مدريد ولا شيء اكثر

لان البشر لا تحرك ساكن
انا مع اجدادنا بصنع الاوثان
لدي اصنام كثر ولا اعتقد ان العظيم يخشى منهم
... علي نغيمش