انا من الذين تحضنهم وتواسيهم اغنية
تقبلهم وتحملهم معها في كل نوته موسيقية
كيف لي لا اعيش واحلم
وانا اعلم
اعلم جداً
ادري..!
ربما لا تعجبني نهايتها
... علي نغيمش

الحياة تستحق السب وانواع الشتائم
ولاتوجد مسبة او شتيمة افضل من الصمت
الصمت هو المحرك الحقيقي لكل شيء
الموت مثلاً اعظم صمت على الاطلاق
... علي نغيمش

لان الكتابة صمت كتبت
لم اصرخ
لكنني حاولت
مثل مزراب كسرتها الرياح
تشبث في السياج
لم اشكي
لكنني غنيت
مثل مجنون لا يؤاخذ
قال مايريد
لم ابكي
لكنني تمردت
مثل ماء المزراب
... علي نغيمش

...

لانني افتقدكِ تبنتني القصيدة
ولأنكِ امي
اقدس الايادي المجعدة
والنقش المرسوم عليها اقبلها بعيناي
لأنني ابنكِ
اواسي طفلي الداخلي
بخيال طفلي الخارجي
لا اكذب عليكِ
بكيت كثيراً ولازلت ابكي
لا تحزني
لقد بلغت سن الحزن
حان دوري استريحي
افتقد طعام يديكِ الحس يدي لأنها منكِ
افتقد خوفكِ احتضن نفسي اشم رائحتكِ
افتقد نخلكِ الشامخ
وهو ينتظر مجيء في عواصف الليل الخائف
اقف لموقفكِ كلما خطر ببالي الجلوس
انشط الذاكرة بصورتكِ
انا مستعد للضرب والاهانة
فقط نادي بأسمي
بصوتك اواجهه الكون
لوحي بعمري
رؤية ضلوعكِ سالمة تجعلني قوي
لأنني اعرف من كان يصلب من اجلي
اصلب كل يوم لأجلكِ
احاول الصبر وانت سلواني
لا تحملِ عني شيء
انا وحدي احمل كل شيء
انتِ امي ماذا اريد
انت بقلبي
القريب البعيد
... علي نغيمش

كل لحظة وانت بروحي

"يا ليتنا كنا بحضنكم فنشموا شماً عظيما"
خاف اجيك وما احصلك
كثرلي شتلك
انا اداري اغيابك بكل شكلك
صوتك عيونك
شفتك لونك
ضحكتك دگات گلبك
راحتك فرگاس تعبك
وجهك حزنك
فركات سنك
گلاتك
شام نحرك
خدك
خصل شعرك
كلشي منك يحچي عنك
انا منك
دوم احضني
اشمني
واشمن حضنك
... علي نغيمش

...

راح بليتي 💔

"محطات عديتهن مامش عرف"
مودع بالله يا كوكب

احزان سبعة بفرح واحد
ليلية دمع يلبس ضحك واحد
على گد الايام وگد الفلوس
ازنود سبعة بردن واحد
ربع جايس ربع
صاير الف الفين
ثلاثة
اربعة
خمسة
ستة
سبع حلوات ينتظرن كحل واحد
سمواتك بنياتك مظلوماتك السمرات
جبتلهن گمر واحد
... علي نغيمش

تايه يحب تايه بكل تيها عين
بكل تفاصيله حنين
لا ابنادم دله ودنه
ولا تعب ناوشنه طين
تايهين
اثنينه ياحبيبي تايهين
لا وطن سجل عشگنه
ولا نفوس اتعدنه زين
غريبين
اثنينه ياحبيبي غريبين
عزبينه بحبنه لافراح السنين
بكل مهجنها انگول وين
هذا ياهو اليشترينه
غالين
وبنفس الحزن كلش رخيصين
چريمين
اثنينه ياحبيبي چريمين
حزين يحب حزين بكل اغانيه
دلاله وشوگه مو ليه
لا ضحك مر على شفنه
ولا بياض الياسمين
حزينين
اثنينه ياحبيبي حزينين
ضحية تحب ضحية
خطية تحب خطية
العليه يجره علية
مساچين
اثنينه ياحبيبي مساچين
عراقي يحب عراقي بكل ونينه
وعينه على الذبح ماضگنه تينه
وطن ينطر وطن ياگاعنه وبعدين
عراقيين
اثنينه ياحبيبي عراقيين
... علي نغيمش

ابو جسال

انت الماورثت المال
تاليتك
مثل
وابو جسال
بطرگ الجال
شيب ويشتغل عمال
ابوجسال المعدل
يسهر للصبح
والضحى يتبهذل
ابن شعلان يا صيته
يدفع بالحزن والاخ تاليته
محد عرف ماهيته
النوارس تندل الحيته
يا ياسين الرميثي ليش ربع حسين
عشره وي الشوارع والعمر بالدين
هدمهم وي وجهم طين
ابو جسال ينذر ماي گصته الخاطر اولادة
وابو عزو يجرهم بالنعل سادة
وبضل ضحكت السادة
لو ترجع الطيني اثنينها اگوادة
بس الفرق واضح والبشر عادة
يغثونك
يحبونك
يشاقونك
يخيعونك
خيعوني عليمن خيي خيعوني
على حزني الطفه عيوني
لو عالاه
الماخلت ضلع سالم من متوني
حمال وعراقي
بعد شيسوي بيه الله
ادور بالرزق تدوارة اسم الله
اعثر بالگصايب شال
ونسم بالزلوف اشمال
اگوم الطاري تمري اهلال
واعيد بالاطفال ارجال
اعيد من ضرسهم يشكر اتعابي
اكيف من اشوفن شاب عزابي
ولو عمر الضنه ما تعب اليمه
ولو كبر الحمل ماثگل البوية
لچن خوية حمد خوية
اذا حمال لتخلف
ولا تبلي البلد ببنه
ماعايز يتامه ابن العراقيات
ولا عايز خدم ابن الشرب حبنه
واذا كلش تحبها وهي هم تهواك
صوغلها النجم بسماك
بس گللها مكفولة
عيشه وگوة ماتنراد
ولا تعبر بهلهولة
چزت بني ادم من بني ادم
حنضل سم
لا تجزي بحلا
لا هي تخلص شم
ذم ودم
... علي نغيمش

عايشتلك هي
بكل گلبها بكل قواها
تنبض وتترية
بكل نفسها بكل هواها
معتبرتك رية
اول واخرها انت
بصوت وبكل سكته
تحبك بكل روحه وبكل جية
عايشتلك هي
حاسبتلك كل ثواني الانتظار
راسمتلك كل تضاريس الخضار
شام جيدك
كل مساماتك وريدك
بقيد وبحرية
عايشتلك هي
گدرت شوگك عليها ولبسته
وماذبته
حضنته وشم شمته
باسته وحمدت شكلها
جسته وخلتك ضلها
بذلة وبشخصية
عايشتلك هي
واعيتلك والاوادم جاهله بعيشتها
صاحيتلك والاحلام ارماح ماخلتها
باقيتلك ماتنام
صايغتلك خام خام
اخيوط للفجرية
عايشتلك هي
لو نوت تعصب حزنها
تشتكيك
وتشهيك
لو تنست بيك
ووحامك عليك
والعمر وياك فرحة
والصدر وياك شرحة
وانت هي
عايشتلك هي
... علي نغيمش

هاي اليسمونها الوادم تعاسه
انتكاسه