القصيدة : وانتهى كل شي
الشاعر : عبداللطيف خالدي
إصدار : محرم ١٤٤٧
رابط القصيدة :
https://youtu.be/SR0ltfpQIio?si=KobAdtlI1el0QrDT
------------------------------
وانتهى كل شي .. هدوءه يخوف الطف
كل هلي صرعى .. وعلي أيتامي تلتف
ثگل هاي الدنيا بيه .. وانا وحدي بهالمسية
وانتهى كل شي
--
انتهى كل شي وأشوف الطف .. موحش من لفى بهمه
حُماتي وهلي فوگ الگاع .. كلمن سابح بدمه
بقيت انا وبقت عندي نسا وأيتامي تنحب
أشوف أطفال أخويه حسين .. تون وتنوح من همها
تسولف والحجي مبحوح .. حسرتي ومگدر أفهمها
إجوا عند إذني وأسمعهم دخيلج عمة زينب
رحت أصلي الليل .. جلوس وظهري محني
شفت جن فارس .. اقترب مني ولمحني
گلت منهو المر عليه .. وانا وحدي بهالمسية
وانتهى كل شي
--
شافت فارس ملثم .. اجه عندها على خيله
گالتله يهالمجبل .. وحيدة ومالي كل حيلة
انا بنت الوصي حيدر إذا انت تعلمه
إذا رايد ذبح انظر .. جثث گومي على الغبرة
وإذا رايد نهب عاين .. بخيامي باقية الجمرة
حاذر تقترب مني ترا لحيدر احشمه
علي ما يرضى .. ويفز لمن اندبه
من النجف يگصد .. إذا بحاجة أطلبه
والدي كله حمية .. وانا وحدي بهالمسية
وانتهى كل شي
--
سمعت ونة الفارس .. وبيده لثامه يكشفه
شافت حيدر الكرار .. وحسرته بوجهه ماتخفى
لزم جفها وهي تنظر دمع بس تجري عينه
يبنتي يگلها لا تخلفين .. ابوج بكربله يمج
تعالي بحجري يازينب .. وبإذني سولفي همج
انا الكلما يناديني شخص أحضر وأعينه
شكثر ناديتك .. يبويه بيوم عاشر
من شفت ابنك .. وحيد وماله ناصر
بجى گاع الغاضرية .. وانا وحدي بهالمسية
وانتهى كل شي
--
شفت بالطف يبويه هواي .. شحصيها وشعددها
لون غيري يصد ليها .. يحگ له يموت من عدها
شفت ياحيدر بعيني المصارع والمقاتل
كسرت خاطره بنته .. على حجره تنام خلاها
وصار بيمنته الكرار .. يمسح فوگ عيناها
وسألها بحسرته زينب رفع راسي بوفاضل ؟
ابنك العباس .. أسد جان بعرينه
لخدري يابويه .. هدى يساره ويمينه
من وگع فوگ الوطية .. وانا وحدي بهالمسية
وانتهى كل شي
--
انا متعودة من زغري .. بحمية هاشم أتدلل
لجن من طاحوا اخواني .. يحيدر حالي تبدل
عاين ياعلي بعينك تصد حالة عجيبة
إذا انخى گمر هاشم .. خولي برمحه يوگزني
وإذا دمعة بطرف عيني .. يجيني الشمر ويسبني
زينبكم وسط أرذل بشر صارت غريبة
عالمة وأدري .. الأمر لله وقراره
هيه جم ساعة.. ونعوف الطف يساره
ساعة والحرة سبية .. وانا وحدي بهالمسية
وانتهى كل شي
--
-----

قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : حسين هل تسمعنا
الشاعر : كرار حيدر الخفاجي
إصدار : محرم الحرام ١٤٤٧
رابط القصيدة :
https://youtu.be/y2cj_Lyk5Mg?si=LshSbHxTjiXKdA5D
------------------------------
شمر الخنا .. يتبعنا حسين هل .. تسمعنا
قد بحت الأصوات صيحات بصيحاتٍ
أيا حسين !
--
خيمنا طاحت علينا .. ولا ستر باقي لينا
گمنا نستر بإيدينا .. حسين
نركض بهالبوادي .. ولاحگينا الأعادي
لو عثرنا ننادي .. حسين
شفنا شامت يسبنا .. ويستلذ بضربنا
واحنا شنهو ذنبنا .. حسين
ماتدلينا وينك .. خلها تنظرنا عينك
أشر لنا بيمينك .. حسين
فامدد يدا .. وأمسح على رؤوسنا .. حل البلا
وانظر لها قد ملئت طعنًا وضربات
أيا حسين !
--
مسلم أولاده بالبر .. ضاعوا وبيّن الشر
بالذبح صاحوا احضر .. حسين
وعاتكة تريد أبوها .. تركض ويلحگوها
بالخيول اسحگوها .. حسين
يمك ومو بعيدة .. من انسطر خد حميدة
وخولي يدفعها بإيده .. حسين
روس أهلها ارفعوها .. ودورت من سبوها
ما لگت راس ابوها .. حسين
متعبة .. ومجهدة سبية .. مقيدة
آثارها فوق الثرى نزف جراحات
أيا حسين !
--
هب غلام الحسن هب .. والخيم كلها تلهب
رادت تمنعه زينب .. حسين
بس تعجل يحضرك .. خله راسه على صدرك
هذا عبدالله كترك .. حسين
حاول يحامي جسمك .. ويدفع بإيده خصمك
گطعوا جفوفه يمك .. حسين
وانذبح يا ونينك .. دمه طاح على عينك
رفرف ببين ايدينك .. حسين
مرتعشًا .. تنفسا محاولًا .. أن يهمسا
وروحه فاضت من النحر بأنات
أيا حسين !
--
حافية ودمها يجري .. تركض لمن ما تدري
صاحت افزع يعمري .. حسين
انا بنتك رقية .. ورم السوط ايديه
وماخذيني سبية .. حسين
لمن أگعد وأحاجي .. شبعوني بواجي
وسلبوني التراجي .. حسين
راح أعوفك ييابه .. ونلتقي بالخرابة
لا خدر لا مهابة .. حسين
قلبي قد .. تمزقا يا أبتي .. متى اللقى
سنلتقي بعد السبا لقاء أموات
أيا حسين !
-----

قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : نخدمك في كل مكان
الشاعر : عبدالللطيف خالدي
إصدار : ليلة حادي من محرم الحرام ١٤٤٧
رابط القصيدة :
https://youtu.be/i3Bt_vZMfGQ?si=zYQUmSNgxh4CyFCM
------------------------------
اعتلى من الطف أذان .. للعزا آن الأوان
بالبحر بالبر لازم .. نخدمة في كل مكان
--
طاير وشايل خدمتك وأطوي بجناحي الفله
بيا أرض رايدني أخدم بيدك انت المسألة
دخيلك مخلي اليخدمك عنده جاه ومنزلة
أسمع الوادم تگلي هلا بريحة كربله
أمري كله بين ايديك .. منحسب انا عليك
انا ويه أصحابي وأهلي .. نخدمك في كل مكان
--
أذن آذان الفجيعة ودوه بالكون النداء
هذا شهر محرم أگبل وابتدى فرض العزاء
لجل عين حسين جينا ونستلذ بكل عناء
نقيم إله هاي المجالس بالأرض لو بالسماء
مأتمك عدنا فرض .. بالسما لو بالأرض
مايهم كل شي ويهمنا .. نخدمك في كل مكان
--
بالحسين أملك عقيدة وبيها ما لحظة أحير
الله من الذر جعلني بمجلسك خادم أصير
لهالسبب لو هل محرم إله متعني أسير
هو أعز عندي من ابويه ومجلسه بيتي الجبير
مجلسك يابوعلي .. أغلى من روحي وهلي
تربيتنا من الطفولة .. نخدمك في كل مكان
--
احنا صح كل يوم نعقد لأبو الأكبر مأتمه
بس خصوصية محرم تختلف أرضا وسما
بكل عزاء نقيمه ندرك أمر واحنا نعلمه
بالبجي والنوح نسعد گلب أمك فاطمة
أغلى من جنة عدن .. علينا ترضى أم الحسن
واحنا لأجل الزهرة نبقى .. نخدمك في كل مكان
--
لو وسط صحراء أبقى راح أهل لأجلك دمع
ولو على روس الجبال عليك نعيي ينسمع
بالأرض عندي عزائك وبالسماوات السبع
راح أخلي الطير والله بذكر طفك ينفجع
وين ما أوگف أصيح .. بكربله حسيني ذبيح
وين ما رايدنا تآمر .. نخدمك في كل مكان
--
-----

قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : ما عدنا غير حسين
الشاعر : كرار حسين الكربلائي
إصدار : ليلة حادي من محرم الحرام ١٤٤٧
رابط القصيدة :
https://youtu.be/sg1ktcvpFMc?si=qLKT7pzV56lP7wAi
------------------------------
هاي المجالس بيها نتباهى
وكلمتنا عالفطرة حجيناها
ماعدنا غير حسين
يابوعلي بس انت سيدنا
ومن ننسأل بالمحشر شعدنا
ماعدنا غير حسين
حسين حسين حسين حسين
--
هذا عزائك سيدي بي للخدم عقيدة
والما تريده بمجلسك حتى الله مايريده
الما يلبس أسود بالعزا يم الله وجهه أسود
الما يرفع ايده باللطم باجر تكرهه ايده
كلمتي هسه وقبل .. مجلسك ثورة عقل
كل عمل ما ينقبل .. إلا مع الحسين
رايتك فوگ النجم .. واللطم بس للزلم
والعشگ ما ينفهم .. إلا مع الحسين
انت الصدگ باقي البشر جذبة
هذا الحجي بدموعنا نكتبه
ماعدنا غير حسين
يوم القيامة يصير موعدنا
ومن ننسأل بالمحشر شعدنا
ماعدنا غير حسين
حسين حسين حسين حسين
--
من خشبة المنبر بنى نوح النبي سفينة
ومن منبرك موسى أخذ ذيج العصا بيمينه
عرش الملوك گبال اسم منبرك ماله قيمة
انت المهم يا بوعلي بالعالم شعلينا
منبرك گالوا خشب .. مادروا يسووا ذهب
منبر وفوگه انكتب .. لبيك ياحسين
خدمتك أكبر شرف .. والشرف بيها انعرف
كل گلب باسمك هتف .. لبيك ياحسين
انت العظيم بحبك واسمك
وبس كلمتين نگولها يمك
ماعدنا غير حسين
وبكل زمن بس انت قائدنا
ومن ننسأل بالمحشر شعدنا
ماعدنا غير حسين
حسين حسين حسين حسين
--
الما عنده وي حسين أثر ضايع بقى بحياته
هو اليصلي بلا حمد ماتنقبل صلاته
الما حبك بهاي الخلگ مايسوه عدنا درهم
انت الحسين بن علي الما تنوصف غلاته
بكل محرم نستعد .. خدمتك معنى المجد
للصلاة انت الحمد .. مولانا ياحسين
بالدما نكتب عهد .. مانعوفك للأبد
ردنا من عندك مدد .. مولانا ياحسين
خدامك احنا من قبل آدم
نادينا بالذر أيها العالم
ماعدنا غير حسين
من عهد أبونا ومن عهد جدنا
ومن ننسأل بالمحشر شعدنا
ماعدنا غير حسين
حسين حسين حسين حسين
--
هيه المجالس مدرسة وبالمدرسة انجمعنا
احنا معلمنا الگمر ما ننكسر طبعنا
رايتنا هاي بمجلسك من رايته العظيمة
سوانا بوفاضل زلم بجفنا علم نرفعه
مدرسة راعي العلم .. هالعزا أصله خيم
شكرًا بإسم الخدم .. شكرًا اخو الحسين
ياگمر يضوي الزمن .. رتبتك حامي الضعن
نادتك أم الحسن .. شكرًا أخو الحسين
يحسين ياسيد على السادة
حتى بوفاضل بالشدد نادى
ماعدنا غير حسين
ويه بوفاضل كلنا رددنا
ومن ننسأل بالمحشر شعدنا
ماعدنا غير حسين
حسين حسين حسين حسين
--
هذا الحسين بكل زمن يتجدد انتصاره
هذا الحسين يظل علم عالي على المنارة
هذا الحسين المنذبح ماتنذبح قضيته
يبقى اللطم يبقى البجي والخدمة والزيارة
شما جرى وشما يمر .. لشيعته يبقى النصر
ياخلگ تسوى العمر .. زيارة الحسين
بحضرته نلتم سوه .. تربته إلنا دوه
أغلى من هذا الهوه .. زيارة الحسين
بيوم أربعينه هناك تلگانا
والدنيا كلها تصيح ويانا
ماعدنا غير حسين
ماعدنا غير حسين ماعدنا
ومن ننسأل بالمحشر شعدنا
ماعدنا غير حسين
حسين حسين حسين حسين
--
-----

قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : صدگ نعمة
الشاعر : مصطفى العيساوي
إصدار : ليلة الثاني من محرم الحرام ١٤٤٧
رابط القصيدة :
https://youtu.be/iZXEcV9wlBk?si=i7c0oeiNkf44KLqz
------------------------------
الحمدلله الشكر لله على الخدمة
مجالسنا الحسينية .. صدگ نعمة
ظل يكبر هالعشگ ويانا
لطامة بالعزا تلگانا
نحن قوم من دون الحسين لا نعيش
--
كل سنة نعاهد عهدنا
نخدم ونلطم بعدنا .. لبو اليمة
عالمجالس عدنا حرگة
شما تمر أيام تلگى .. بينا همة
بوگت بيه الموت قادم
اليحضر بهاي المآتم .. صدگ زلمة
الخدم هيه ولائية فدائية حسينية
يظل حبنا على النية .. لأبو الأكبر
لمنيتنا عقيدتنا قضيتنا مهابتنا
خدم للمذلح صرنا .. فلا نزغر
يهنياله الكتب اسمه بسجل فاطم
ترا الرتبة السماوية صفى خادم
لو منبر بالسما نادانا
لطامة بالعزا تلگانا
نحن قوم من دون الحسين لا نعيش
--
حسيننا ما نلگى مثله
احنا مخلوقين لأجله .. قبل كل شي
للنجاة أكبر سفينه
الدنيا من تضيگ بينا .. إله نمشي
غيرة الحمزة ويه دمنا
لهالسبب نلگى بزمننا .. ألف وحشي
زمانك كل وگت عنده ألف وحشي وألف هنده
نصيح بصوت للشده .. نعاندهم
يهاي الناس مجنونة نعوف حسين يردونه
الحجي هذا يسمعون .. حلم عندهم
بضمايرنا كتبناها بضمايرنا
إذا متنا يدفنونا بشعايرنا
هناك أمه الزهرة ما تنسانا
لطامة بالعزا تلگانا
نحن قوم من دون الحسين لا نعيش
--
يا خلگ هالثوب الأسود
فصله بجفه محمد .. يوم عاشر
وزعه بس عالأوادم
انت لاطم انت خادم .. صير باجر
انت شاعر انت تقرا
وانت عينك تجري عبرة .. عالمناحر
يقسم أدواركم جده مهمين الخدم عنده
ابو الزهرة يحيينا .. ونعم منه
بعزانت واگف الهادي يصيح بدمعه وينادي
هلا بخدام ويلادي .. العزه جنة
التعب يسوى لابو اليمة إذا نتعب
وإذا نبرد يحزمنا بدمع زينب
بالشدة بت علي ترعانا
لطامة بالعزا تلگانا
نحن قوم من دون الحسين لا نعيش
--
بعد جم يوم ويجينا
جرح اسمه أربعينه .. يألمنا
الخدمة مو مستحب واجب
نفرش الگاع بمواكب .. تعلمنا
الخدم تسمع مستهلها
نضيف الدنيا وأهلها .. التجي يمنا
بليالي الأربعينية يشح الهوه من الرية
ونضيف الكرة الأرضية .. أهل ملگى
صفر من تبدي أيامه تحس الغيرة بالهامة
تشوف بگلب خدامه .. أكو حرگة
نشيد الهم هلا بزاير ابو اليمة
نظل نهتف هلا بجيته ونشد عزمه
يجي يمنا ودمعته عنوانه
لطامة بالعزا تلگانا
نحن قوم من دون الحسين لا نعيش
--
نرفع بكل گاع راية
ضعن راجع بيه سبايا .. تهل عينه
ما نحس بالصار بيهم
إلا نتذكر مشيهم .. يبجينا
بهزلة راحت من سبوها
راجعة لحسين أخوها .. بأربعينه
تجي زينبنا تتحسر بجرحها الگاع تتعثر
تدور گبر ابو الأكبر .. تشم نحره
تسولفله السبي شسوه يا أهل الغيرة والنخوة
تگله بعازة الخوة .. بألف حسرة
حزن زينب بدا ويانا وصعب شرحه
وبقى عايش عمر بينا السبي وجرحه
وتكبيرة جرح صار آذانه
لطامة بالعزا تلگانا
نحن قوم من دون الحسين لا نعيش
--
-----

قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : بده الهم
الشاعر : كرار حيدر الخفاجي
إصدار : ليلة الثاني من محرم الحرام ١٤٤٧
رابط القصيدة :
https://youtu.be/WCdnrLF8M70?si=UkfLB4rrpz1u2Xks
------------------------------

محرم .. بده الهم
جايب ظعن حسين وجاي
مصيبة .. عجيبة
وتمنع عن الضيف الماي
تصيح تصيح.. دمعتي حسبي الله
حسين حسين .. ظامي انذبح حسيناه
--
بين هلالك ياشهر للطف وصل خير الورى
كرب وبلا مو كربله سيوف شكثر متحضرة
آدم بجى بهاي الأرض وشجم نبي دمعه جرى
معناها جم ليلة بقت وحسين ينحز منحره
لمن أشوفك يبدي نحيبي
يالبيك أشاهد مذبح حبيبي
جرحي شيضمده وضايع طبيبي
بحزني لمحرم ياروحي غيبي
أقاسي .. مآسي
من اول ليلة بعاشور
مناحر .. حوافر
نار ودم وجف مبتور
تنوح تنوح .. ام الحسن أويلاه
حسين حسين .. ظامي انذبح حسيناه
--
يوجعني گلبي ياشهر لو بالسما هلالك على
وانظر محمد لو وگع من ظهر مهره بكربله
عالگاع يتطشر وذر وحسين يتراكض إله
يگعد يشمه ويحضنه ومن الوريد يقبله
إلمن يحشم .. وين العشيرة
لمّن يجمِّع .. جسمه بحصيرة
للخيمة يرجع .. والحيرة حيرة
يا روحة إبنه .. كسرة جبيرة
للأكبر .. تعثر راح وليده وراح يشوف
تحير .. تحسر خاف أمه تموت من الخوف
تلوج تلوج .. وبجفها تمسح دماه
حسين حسين .. ظامي انذبح حسيناه
--
هذا الحسن حاضر ترا لوليده يشعل شمعته
ليلة فرح عنده لجن تتجارى عالخد دمعته
كل شاب يحلم لو كبر يوگف أبوه بزفته
والقاسم بگطع المهر ياويلي گطعوا رگبته
شبل الهواشم .. بالدم تحنى
ليلة زفافه .. بس ماتهنى
رملة بعد ما .. شبعانة منه
شبگت ولدها .. شبگة محنّة
تصد له .. وتگاه
عريس ونحرك مذبوح
يغالي .. شبگالي
كون وياك تروح الروح
وراك وراك .. تخلص حياتي بالآه
حسين حسين .. ظامي انذبح حسيناه
--
بالطف بعد حيدر علي طاع على جرف المشرعة
وشلون يتلگى الأرض الطاح وجفوفه مگطعة
كافل هواته الخاشمي كثر الطعن ماوجعه
هين لجن گلبه احترگ من شاف زينب طالعة
هالمرة الأولى .. يترك عضيده
مو بيده لكن .. گطعوا وريده
بالگوة عايف .. زينب وحيدة
وينظر شمرهم .. يدفعها بإيده
أشوفه .. بحتوفه
حاول يشلع سهم العين
منيته .. بمنيته
بس يعاين وجه حسين
يصيح يصيح .. فوگ النهر سمعناه
حسين حسين .. ظامي انذبح حسيناه
--
وبكربله أنظر بعد موجود محسن فاطمة
عبدالله بأحضان الأبو رفرف مثل طير السما
يتمنى لو گطرة عذب خشب لسانه من الظما
مد إيده يشرب ما درى هذا العلى نحره دما
سهم المثلث .. شاغ وتألم
وگماطه أصبح .. أحمر من الدم
رد بي حبيبه .. يعثر من الهم
رايد يدفنه .. خلف المخيم
فجيعة .. رضيعه
ليش يذبحونه العدوان
يشمه .. ويضمه
عطشان وحاضن عطشان
حرام حرام .. ينزف وريده يلگاه
حسين حسين .. ظامي انذبح حسيناه
--
ونة الزهرة بكربله نسمعها من زينب تون
قد ورثت من أمها كل المصايب والحزن
هم انسطر منها الوجه هم انضرب منها المتن
والخيل غارت عالخيم ومحد على العيلة يحن
عگب المهابة .. زينب سبية
شامت يگلها .. يالخارجية
الله اليساعد .. گلب الزجية
لو بالخرايب .. ماتت رقية
أسارى .. حيارى
بين الكوفة وبين الشام
العقيلة .. كفيلة
ومحتارة بحفظ الأيتام
محال محال .. جرح الشماتة تنساه
حسين حسين .. ظامي انذبح حسيناه
--
-----

قناة التلگرام لقصائد الملا حيدر بوحمد مكتوبة :
https://t.me/haidarbouhamad_write

القصيدة : تخيفني كربلاء
الشاعر : كرار حيدر الخفاجي
إصدار : ليلة الثالث من محرم الحرام ١٤٤٧
رابط القصيدة :
https://youtu.be/neOn9piSsxU?si=n2aFMpR_r5x1gh7m
------------------------------
تخيفني والله كربلاء
فهل لنا بعد الجفا لقاء
عليلة وأنتم الدواء
--
وراء الظعن أركض بين أرزائي
اما الإسراع مهلًا يا أحبائي
فيا ضوئي ويا نفسي ويا مائي
فراقكم أشد علي من دائي
حسين لم أقلها غير إيماءِ
فأشهق كلما حاولت بالحاءِ
كأن مذ سرتم إلى العراق
تمشي على فؤادي النياق
وابيضت العين من البكاء
عليلة وأنتم الدواء
--
بأوردتي دم من فقدكم يغلي
ورجلي لم تطق من بعدكم حملي
صغيرتكم تناديكم على مهل
فعودوا قبل أن يغتالني ليلي
ركضت ورائكم فتعثرت رجلي
وحت وما التفتتم كيف يا أهلي
لوحت بالكفين من بعد
وكم بأسمائكم أعيد
هلا أجبتم ذلك النداء
عليلة وأنتم الدواء
--
جلست كئيبة في دار أحزاني
أقول أبي حبيبي كيف تنساني
شممت من الزوايا عطر إخواني
فأمرضني على مرضي وأبكاني
خلا مهد الرضيع وكيف سلواني
فمن بالليل يغفو فوق ذرعاني
احسسن باليأس والإنكسار
وأشعلت بالروح ألف نار
أموت في الصباح والمساء
عليلة وأنتم الدواء
--
أرى من مكة الحجاج قد آبوا
إلى أوطانوا من بعد ما غالوا
فعل لغيابكم يا أهل أسبابُ
سواكم ليس للعين أحبابُ
بكت دار لرؤيتكم ومحرابُ
كما اشتاق لطرق يديكم البابُ
تعبت من قول متى وأين
حنت يدي إلى يد الحسين
بعد الظما هل يحصل إرتواء
عليلة وأنتم الدواء
--تباطئتم وفوق الرأس من يمسح
وحين الهم يقرأ لي ألم نشرح
بعيني غدا طيف الأسى يجرح
أرى فيه أبي فوق الثرى يطرح
بسيف الشمر من أوداجه يذبح
فتبكي فاطم وأمية تفرح
صوت علا بطيفي المخوف
يا فاطم قومي إلى الطفوف
قد غسلت حبيبك الدماء
عليلة وأنتم الدواء
--
إذا دار على السطح غزاب الهم
سأعلم حينها ماكنت لا أعلم
بأن رجالنا منهم أريق الدم
فمن بنسائنا في كربلا يهتم
إذا استرحمن من بالأسر لا يرحم
وتحت السوط تلك وهذه تُشتم
بالشامتين زينبٌ تُحاط
آهٍ وكم تؤلمُها السياط
تبكي وتَرجو صاحِبَ اللواء
عليلة وأنتم الدواء
--
-----


قناة التلگرام لقصائد الملا حيدر بوحمد مكتوبة :
https://t.me/haidarbouhamad_write

القصيدة : شنو يصير
الشاعر : علي السقاي
إصدار : ليلة الثالث من محرم الحرام
رابط القصيدة :
https://youtu.be/IEueOMPb54c?si=zbCMqDKGdfp6Dliv
------------------------------
شنو يصير .. لو جنت سبية
والحبال .. تجرح بايديه
عليلة ولو تخيروني سفر للطف أريده
السبي وياكم أحب عندي ولا أبقى وحيدة
--
مصيبة وهزت أركان المدينة
حريم بلا زلم رجعت حزينة
العليلة انصدمت بحال الظعينة
گلبها المنكسر الله يعينه
گبل متگول وين حسين وينه
تلگنها البنات احنا انسبينا
جم وحد تحجي .. جم وحدة تشجي
وعمتها زينب .. محنية تبجي
وهي تصيح .. الرحمة ياخواتي
صدگ هاي .. صدمتي بحياتي
عساني لا جنت أسمع وأون ونة شديدة
السبي وياكم أحب عندي ولا أبقى وحيدة
--
لساني استثگلت حجيه وكلامه
شگلكم يهلي حمدًا عالسلامة
السبي شسوه وحنى من عمتي قامة
واخويه برگبته شهاي العلامة
إذا اسأل عن رجال الشهامة
الجواب ألگاه بعيون اليتامى
ظل عقلي ضايع .. هل هذا واقع
وشلون أجمع .. كل هالفجايع
تمنيت .. لو يرد زماني
وعلى النوگ .. ينحسب مكاني
رغم علتي أرافگكم بالدروب البعيدة
السبي وياكم أحب عندي ولا أبقى وحيدة
--
يرد ريته الزمن والمحمل أركب
ولا أبقى بوطني مثلي تغرب
العطش بالطف إذا گلتولي يلهب
عطش شوفة أبويه أقسى وأصعب
إذا عالماي أصبر تالي أشرب
شيروي قليبي والوالد تغيب
محتاجة نظرة .. انجان على مهره
انجان هو طايح .. يكفيني نحره
شكثر صار .. ما شفت جماله
تگولون .. عالرمح تعالى
مثلكم هم ردت شوفه وردت ألثم وريده
السبي وياكم أحب عندي ولا أبقى وحيدة
--
حملت نار انتظاري والله يعلم
احترگت ومالگيت لشوگي مرهم
شتفرگ لو شفت نار المخيم
بكال حال الگلب ماراح يسلم
ابويه ومنفگد ومخضب بدم
عساني وياكم وأتشارك الهم
دم ومجازر .. نار وعساكر
أركض عساني .. ويه الحراير
بهالأخبار .. ضامري تعذب
على الأيتام .. ركضوها زينب
يريت أگدر أساعدها تدور عن حميدة
السبي وياكم أحب عندي ولا أبقى وحيدة
--
صحيح بداري بس همي سباني
شكثر تفكيري وداني وخذاني
صدگ مسبية وياكم عساني
ومثل ما انتوا عانيتوا أعاني
وإذا من الحزن موتي دعاني
طشت بي راس خل يبعث زماني
وتلوگ إليه .. موتة رقية
وين ألگى أحلى .. من هالمنية
تمنيت .. أمنية جروحي
على الراس .. يقبض الله روحي
ومثل اختي تدفنوني شهيدة يم شهيدة
السبي وياكم أحب عندي ولا أبقى وحيدة
--
-----

قناة التلگرام لقصائد الملا حيدر بوحمد مكتوبة :
https://t.me/haidarbouhamad_write

القصيدة : ياعباس
الشاعر : عبداللطيف خالدي
إصدار : ليلة الرابع من محرم الحرام ١٤٤٧
رابط القصيدة :
https://youtu.be/X2DCrxBgusI?si=GWQdBvO2-qOJ6EhW
------------------------------
ياعباس .. عيني خلها بعينك
ياعباس .. بكربلاء حسينك
ياعباس .. وفي يبني دينك
ياعباس .. لفاطمة وعيالها
--
يا ابن أم البنين ويا بعد كل البنين
گرب يوم البيه أريدك بالطفوف تگر لي عين
يبني من يوم الدخلت لبيت أمير المؤمنين
گتله نذرًا كل بنيني تصير خدام الحسين
إلك دين .. هذا يومك قرب
إلك دين .. للطفوف تأهب
إلك دين .. ما أوصي بزينب
ياعباس .. يبني يا كفالها
--
يبني من يوصل ضعنكم للطفوف بكل سلام
بدال ابو الأكبر يروحي انت دگ ساس الخيام
ومن تجهز خيمة الحرة انحني إلها احترام
انت خادم للإمام وخادم لاخت الإمام
ياوفاي .. الحمدلله الرادنا
ياوفاي .. واحنا كل مرادنا
ياوفاي .. حسين واهله اسيادنا
ياعباس .. فاز ذاك النالها
--
يمه خل زينب تأمن لا تحس لحظة بكدر
ولو شفت كربله وحشة انت صير إلها گمر
حسين وأولاده وبناته برگبتك لو حل خطر
لو تحس صاروا عطاشى روح اركض للنهر
يسگاي .. للفرات اتعنى
يسگاي .. واملي جودك منه
يسگاي .. من تواعد سكنة
يعباس .. يبني ريح بالها
--
شد يبوفاضل واريد بكربله تخط ملحمة
ابذل الجهد المضاعف حتى ترضى فاطمة
فشلة يا ساقي العطاشى گومك يمسهم ظما
للنهر اطلع وانا ادعي الجربة ترجع سالمة
علي وياك .. روح يابوفاضل
علي وياك .. بسيف عودك قاتل
علي وياك .. ولفراتك واصل
يعباس .. تغرف من زلالها
--
ادحي يوليدي الكتايب يا بعد عيني وهلي
وارتجز اني انا للعباس من صلب علي
منهو يتجرأ يقاوم وانت سيفك يصطلي
انت كرار الطفوف الكسر خشم الجاهلي
يامهيوب .. يبني گص لسانهم
يامهيوب .. خل تذل فرسانهم
يامهيوب .. بسيف كسر اسنانهم
ياعباس .. خل تذل أبطالها
--
يبني لو شاء الإله بكربله بكربله تدفع ثمن
انطي جفينك ييمه وانطي عينك والبدن
في سبيل حسين موتك حفظ دينك والسنن
والأهم من هذا يمه عليك ترضى أم الحسن
تناديك .. فاطمة بالمحشر
تناديك .. والنعم ما قصر
تناديك .. حمه الموته الخدر
ياعباس .. قصتك وأفضالها
-----

قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : زرت قبرك حزينة
الشاعر : كرار حيدر الخفاجي
إصدار : ليلة الرابع من محرم الحرام
رابط القصيدة :
https://youtu.be/vXnlfBNP-jU?si=U8nmfjsPevkoRF2f
------------------------------
زرت قبرك حزينة .. وبجت كل المدينة
بنيني الأربعة نذور .. لأبو اليمة وبنينه
--
لضريحك يارسول الله تعنيت
عگب ممشى القوافل وحدي ظليت
وگفت وسلمت وعليه رديت
وسمعتك على حسين بحرگة ونيت
نوحك
اسمعه من الگبر نوحك
حفيدك فزز جروحك
روحك
حسين الأغلى من روحك
دواسيني على مذبوحك
شسولف وانت تدري .. على أحبابك شيجري
بگاع الغربة شيصير .. لبو اليمة وبنينه
--
گعدت ابجي على گبرك بلكت أرتاح
شگول شسوه بيه حسين من راح
سكت بوداعي بس بداخله صياح
وگف قبلني من راسي وبجى وطاح
رايح
عرفته من بجى رايح
ترى الفرگة سهم جارح
واضح
ولا يرجع بعد واضح
يظل على الرمل طايح
اجت عيني على عينه .. وصحت راح من ايدينه
يريت عيوني عميات .. لأبو اليمة وبنينه
--
على ابنك يامحمد گلبي حيران
أخاف حسين بات الليلة عطشان
اشو گلبي يگلي انذبح عريان
و أصبح صدره للخيالة ميدان
يمه
صحت مات الولد يمه
حبيبي مغسل بدمه
جسمه
الحوافر تاكل بجسمه
تمنيت انذبح يمه
أحس لاجمني گلبي .. صحت سترك ياربي
اشوف بكربله شصار .. لأبو اليمة وبنينه
--
بده گلبي يحس يالهادي بإحساس
شبگى من حسين بس على الرمح راس
گطع نحره وعلى صدره الشمر داس
صحت وينك تعال الحگ يعباس
وينه
ابوفاضل صحت وينه
عجب ما يحضر حسينه
عينه
مرد ذاك السهم عينه
وبگت مگطوعة جفينه
ولا شغلوني ولدي .. المهم حسين عندي
فده عين الوفي تروح .. لأبو اليمة وبنينه
--
علي هب الغبار وعشت حسبات
وصحت عينك يارب عالفاطميات
بناتك يارسول الله سبيات
مشن والدرب عالصوبين شمات
راحن
بناتك عالهزل راحن
ومن سوط الشمر ناحن
طاحن
من الناگة شكثر طاحن
دخيلك ياعلي صاحن
عليهن دمعي جاري .. وحدهن بالصحاري
ببجيهن بجن النوگ .. لأبو اليمة وبنينه
--
أريد استأذنك ياخير العباد
لگبر الزهرة أروح وحزني يزداد
أگلها شويه دم الأربع أولاذ
انا المفروض أموتن لأبو السجاد
حسرة
ترى بگلبي بقت حسرة
وأحس گدامج مقصرة
نحره
حبيبج افتدي نحره
واحط عمري على عمره
اخذوا عيوني مني .. المهم راضين عني
يفاطم ترخص الروح .. لأبو اليمة وبنينه
--
-----

قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : فارس نزار
الشاعر : محمد الصياحي
إصدار : ليلة الخامس من محرم الحرام ١٤٤٧
رابط القصيدة :
https://youtu.be/O8m_c2QyOj4?si=4JSprh7F0y0ej35Y
------------------------------
فارس نزار
بيده القرار
بالكوفة صار
وحده يحطم جيش أمية
أعلن إمارة هاشمية
--
مسلم سفير ابن النبي .. أعلن جهاده الطالبي
زاد العزم لا ما نقص من بقى وحده
كلما يزيدون العدد .. مسلم هتف حيدر مدد
لو أبرهة وجيشه الهجم عزمه يرده
تنخى بحيدر وزوده أسد ويكشر أنيابه
إذا يغضب فلا يهتم مهما تكثر ذيابه
طلع فقاره بيمينه شال الباب بيساره
طوعة تكبر ويحصد روس الجيش فقاره
كلما يصيح
القادة تطيح
مايستريح
صوته يعادل جم سرية
أعلن إمارة هاشمية
--
بالحومة حين اللي دخل .. بيّن على أعداءه الخلل
من عمه حيدر يمتلك هيبة صفاته
ما يلحگ اللي ينهزم .. واللي يگرب ينعدم
رحى الحرب بيده وطحن تطحن رحاته
سيفه يلمع وبيرگ ورگاب العده ايحده
رمحه مثله هم صايود يفرح من تجي الصيدة
يخاف الخوف من مسلم ولا يرجف أبد جفنه
تقدم والجدم ثابت وجيوش رجفت منه
يبدي النزال
بالكوفة صال
وين الرجال
ما ظل زلم فوگ الوطية
أعلن إمارة هاشمية
--
حربه على الكوفة فرض .. شبعت دمه هاي الأرض
من هجمته حتى النفس بالحسرة صاير
ما حايط الجيش واهو .. يسطو على العسكر سطو
والقائد المضرب مثل من عنده حاير
صاحوا راجع الحمزة شنهو اليطفي نيرانه
رايح للقصر رايد يسطر ابن مرجانة
لو يمكن علي حيدر يساوي الكوفة وي خيبر
يشطر بينا كل هامة هذا اللي هجم يگدر
مسلم مثال
لهاي الرجال
والحق يُقال
بإسم السلالة الطالبية
أعلن إمارة هاشمية
--
مسلم أمير على الحرب .. يوزنها يگلبها گلب
ماتصعب الكوفة أبد هيه وقصرها
أصبح مناية ونازلة .. هذي بداية كربله
فكرة اصبحت عدهم ترا أصعب أمرها
مسلم وحده وأرض الطف بيها شگد مثل مسلم
لو شافوا علي الأكبر مثله وأشد من يهجم
هذا اليشبه العباس جا عباس شيلزمه
يمكن تطلع الأرواح لو بس ينذكر اسمه
وادي الطفوف
لازم ألوف
خيل وسيوف
تواجه شجاعة حيدرية
أعلن إمارة هاشمية
--
لا مو سهل كل الجرى .. ونار بدليله موجرة
يتمنى عباس وعلي وجاسم ينصره
وادم طبع بيها الغدر .. ما باقي عدهم كل عذر
لو يمه أهله ما گدر واحد يغدره
واجه مسلم بوحده جيش الكوفة وأرجاسه
راواهم سعير النار شافوا قوته وباسه
تالي بالغدر عملت وادم بالغدر تگدر
مسلم والنعم مسلم أدى الواجب وأكثر
أصبح شهيد
بيد العبيد
وأرسل نشيد
نفدي بدمانا ابن الزجية
أعلن إمارة هاشمية
--
-----


قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : حوار بكربله
الشاعر : عبداللطيف خالدي
إصدار : ليلة الخامس من محرم الحرام ١٤٤٧
رابط القصيدة :
https://youtu.be/rSZOxFj2DDQ?si=i4XdHagfkXVfQn1b
------------------------------

حوار بكربله .. ما صار مثله
شلون الطفلة من تحجي ويه طفلة
سوالفهم رزية .. حميدة وي رقية
يا جرحهم .. ياجرحهم
--
جمعت كربله كل شي
رجال وخيل وسيوف وعساكر
بس أغرب حدث شفنا
حوار أطفال ليل اهدعش صاير
حميدة وي رقية بفكر حاير
كل وحدة تسولف جرح عاشر
وحدة تگول شفت انا المناحر
ترد الثانية سمعت الحوافر
هده صوت الحرب بس تبقى ناره
توج بگلوب الأطفال الحيارى
همس هاي المسية .. حميدة وي رقية
يا جرحهم .. ياجرحهم
--
حميدة تسولف بهمها
مسلم لو يجي وتصدلي عينه
من الكوفة يمر عدنا
وأسولفله شجرى بالطف علينا
رقية گالت بونّة دفينة
عمي مسلم أتمنى يجينا
يشوف حسين ابويه مگطعينه
وبخيل أعوجية ساحگينه
كل طفلة تصيح وتهمل العين
وحدة تنادي مسلم وحدة الحسين
تنوح الغاضرية .. حميدة وي رقية
يا جرحهم .. ياجرحهم
--
تسولف حسرتي عليها
رقية وتقبض من الحزن جمرة
گالوا والدج مسلم
انذبح والخيل بالكوفة تجره
ماشفناه بس عليه حسرة
شسولفلج حميدة وانتي أدرى
انا وياج شفنا بساعة گشرة
من حسين الشمر ثنّى على صدره
لون ميتة ولا بذني سمعته
يصيح ابن الخنا بفرحة ذبحته
تشوفه على الوطية .. حميدة وي رقية
يا جرحهم .. ياجرحهم
--
من طر الصبح هالجيش
رجع حول الحرم كله تعسكر
وهمس صار الحجي لمن
اجه خولي على خيمة وگام يفتر
اللعين على النسا صار يتبختر
ولنوگ السبي يجيبوها أمر
وگتها كسر گلب الدنيا منظر
حميدة وي رقية بحبل تنجر
لون موجودة هالساعة زلمهم
ولا واحد تجرأ يجي يمهم
بنات أهل الحمية .. حميدة وي رقية
يا جرحهم .. ياجرحهم
--
على نوگ السبي تالي
حريم آل النبي راحن حيارى
ومن طبوا أرض كوفان
محتاجين جانوا للغيارى
يحسرة وماتصيح بالكوفة چارة
مشوا بالسوگ آيات الطهارة
مابين الشماتة والسكارى
يدفع هذا ، ذاكَ يذب حجارة
حميدة تعاين بحسرة رقية
تگلها صدگ صار اسمي سبية
بالدموع الجرية .. حميدة وي رقية
يا جرحهم .. ياجرحهم
--

-----

قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : مسلم بن عوسجة
الشاعر : كرار حيدر الخفاجي
إصدار : ليلة السادس من محرم الحرام ١٤٤٧
رابط القصيدة :
https://youtu.be/nIAhYSCYJPo?si=FHWPYuhsHAbLTHdG
------------------------------

في كربلاء .. ربه قد توجه
فإنه .. مسلم بن عوسجة
ما عُميت والله عين
قد أبصرت وجه الحسين
في حبه .. نال أعلى درجة
فإنه .. مسلم بن عوسجة
--
يملي كون المؤرخ سيرته بماي الذهب
هذا بن عوسجة وواحد من أبطال العرب
آمن برب محمد وگت جان الحجر رب
وبالفتوح العظيمة سيفه بتار الرگب
عگب ما مات النبي ومات الضمير
صاح مسلم ماكو بس حيدر أمير
مانكر زاد وملح يوم الغدير
وعينه شافت حب علي أجمل مصير
لا لم يمل .. عن صراطه السوي
في صدره .. أي قلب علوي
ما خان أولاد الرسول
ذا طبع أولاد الأصول
كم عاذل .. كان يلغي حججه
فإنه .. مسلم بن عوسجة
--
فتح بالكوفة داره من سفير حسين اجه
وفدى يابن عقيل يروح إلك بن عوسجة
مسلم ووفى مسلم تبع خطه ومنهجه
ويدري بالكوفة ضد حسين أضحت خارجة
بيده ياخذ بيعة من كل مستطيع
بيعة بإسم حسين والمخلص يطيع
رابح البايَع وخسران اليبيع
الكوفة فدوة تروح لگماط الرضيع
يعرفهم .. قل من فيهم صدق
وكتبهم .. نسخ حبر وورق
من أين للناس رشاد
إذ ركعوا لإبن زياد
ومسلم .. ما تخطى منهجه
فإنه .. مسلم بن عوسجة
--
عگب قتل السفير ابتدى يشد الراحلة
ماكو خير بحياته الما يموت بكربله
همه طاعة إمامة يدري دنيا وزائلة
صلى خلف الحسين شكبر هاي المنزلة
صاير يوم العاشر گباله إمتحان
لو شجاع يموت لو يحيا جبان
صاح باقي ومايغيرني الزمان
وغير اسم حسين شيگول اللسان
لم يأخذ .. ليله مثل الجمل
وعنده .. الموت أحلى من عسل
نادى خذيني يانصول
واسأل الله القبول
جواده .. للمنايا أسرجه
فإنه .. مسلم بن عوسجة
--
للمعارك تهيأ بدت ساعات الحسم
ومستعد للشهادة ينكتب أول اسم
نادى وين الرماح بصدري خلها تزدحم
مو مهم دمي يجري حسين قابلني المهم
وگع وحسين اعتنى بحاله الرهيب
وابن ظاهر قبل النحر الخضيب
يگله وصي قبل لا روحك تغيب
گله لا تعوف أبو الأكبر ياحبيب
ما همه .. ظمأ لما هوى
حين رأى .. وجه مولاه ارتوى
بالموت يبدي الإبتسام
إذ مات في حجر الإمام
هذا دم .. أم عبير ضرجه
فإنه .. مسلم بن عوسجة
--
بروحه مسلم تفانى للمبادىء والقيم
الدمه ما يجري بالطف باجر يگتله الندم
يزعل الزهرة كلمن ما وگف دون الخيم
واحنا مثله نعيش نموت للزهرة خدم
ألف واربعمية عام بهالمسير
خادم يموت وألف خادم يصير
ربع ابو اليمة ونظل حتى الأخير
واحنا غير حسين ماعدنا جبير
ماضرنا .. لوم من غالبنا
حار بنا .. كل من حاربنا
من مسلم شيخ الغرام
ذا عشقنا فهل نلام
فؤاده .. لحسين أخرجه
فإنه .. مسلم بن عوسجة
--
-----

قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : سبعون حام
الشاعر : حسين العندليب
إصدار : ليلة السادس من محرم الحرام ١٤٤٧
رابط القصيدة :
https://youtu.be/kWXAeYK3ojA?si=ssiu9YEiFrrpB7DN
------------------------------

سبعون حامِ .. يوم الحِمامِ
ضحوا بأرواحٍ .. دون الإمامِ
--
من كل صوب جاؤوا .. والوعد عاشوراءُ
مامثلهم أحرارُ .. مختارة أسماءُ
أنصار دين الباري .. عنهم حكت أنباءُ
ظمأى حسين فيهم .. ماء أيظمى الماء
لبّوه قصدا .. يوفون عهدا
من عالم الروح .. والعهد سامي
--
لله من أطواد .. حلوا بذاك الوادي
أسرى بهم محتومٌ .. في نصر سبط الهادي
معراجهم تخليد .. والموت فيهم حادي
بالذكر هم أحياء .. ما قيمةُ الأجسادِ
من قال ماتوا .. تلك الحياةُ
واستطنوا فيها .. دار السلامِ
--
هم للإبا أركانُ .. الشيب والشبانُ
نفدي حسين قالوا .. هذا هو العنوان
أبطال حربٍ صيدٌ .. ما طأطأوا أو لانوا
للسبط هم أنصار .. عهد المعالي صانوا
أبطال شوسُ .. هانت نفوسُ
منهم فباعوها .. قصد المرامِ
--
قاموا ولما قاموا .. بالنوح ضجت شامُ
عن كل ليث فيهم .. قد فرقت أغنامُ
أهووا على الغبراء .. كأنهم أجرامُ
لو لم يحن مقدوم .. فوق الثرى ماناموا
شالوا سيوفا .. ساقوا صفوفا
رووا من الأعدا .. ظامي الحسامِ
--
فازوا بعقبى الدار .. في رفقة الأبرارِ
في صرعة شاؤوها .. مالوا رضى الجبارِ
منهم حسين وافى .. من خر منهم عارِ
حلى لهم مرآه .. سيل الدماء الجاري
للكل جاءَ .. يهدي الجزاءَ
في نصره حازوا .. أسمى وسامِ
--
-----

قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : رجع ويلي حسين
الشاعر : عبداللطيف خالدي
إصدار : ليلة السابع من محرم الحرام ١٤٤٧
رابط القصيدة :
https://youtu.be/ixgM_PxYABo?si=SxcocHNYK9msGc5O
------------------------------

رجع ويلي حسين .. لخيامه بظهر مايل
نادى يازينب .. كسر ظهري بوفاضل
ينادي ودموعه جرية .. عفته عالشاطي رمية
راح ابو فاضل
--
رجع ويلي كسير حسين .. حسرته تسولف بعينه
من الشاطي للمخيم .. وصلت بحة ونينه
النسا نادت دخيل الله شجرى ياربي سترك
اجت له بالعجل زينب .. وتشوف حسين محني الراس
صاحت ها يبو الأكبر .. اجيت وما جبت عباس
انا متعودة اشوفه وياك اخوك حزام ظهرك
رفع راسه حسين .. يويلي وتجري عينه
أيسي يازينب .. اخونا ما يجينا
بحجري يختي انطفى ضيه .. عفته عالشاطي رمية
راح ابو فاضل
--
يجر أنفاسه بالگوة .. حسين ولازم أضلاعه
يگلتها يختي العباس .. اجاني من قبل ساعة
اجه ياخذ إذن مني وحمل جوده على متنه
طلع وعيوني تنظر له .. وگلبي عليه لاجمني
ساعة ولن علت غبرة .. سمعت ياخويه ادركني
رحت للمشرعة أركض دفعت الجيش عنه
مدري شحجيلج .. ردت ألزم يمينه
بس كسر گلبي .. شفت مگطوعة ايدينه
قبل لا تجيني المنية .. عفته عالشاطي رمية
راح ابو فاضل
--
إذا تسأليني عن عينه .. تراهي بسهم صابوها
وإذا عن هامته تنشدين .. يحسرة بعمد طبروها
لاجن شي كسر گلبي وأظن أكثر يألمج
انا الـ أذاني يا زينب .. لمن گربت منه
سمعته يگلي خويه حسين .. لا تزعل علي سكنة
گلها على الوعد لاجن يسكنة انغدر عمج
شگد وفي العباس .. يزينب ماكو مثله
منطبر راسه .. ويألمه زعل طفلة
الباله يم سكنة ورقية .. عفته عالشاطي رمية
راح ابو فاضل
--
يزينب جهزي نفسج .. ترا القادم أشد وأصعب
أطفال ونسا خدر .. بحميتج كلها يازينب
اهي ساعة وأودعكم انا المنج اريده
إذا شفتي الأرض رجفت .. وصارت بالسما حمرة
معناها الشمر يختي .. كسر گلب أمي الزهرة
الله يعينج تشوفين راسي يرفعه بإيده
الشمر يازينب .. خسيس ودمه يغلي
ايريد تنظر لي .. وانا بهالحالة أهلي
يعينج الله على الرزية .. عفته عالشاطي رمية
راح ابو فاضل
--
انا وعباس من طحنا .. وعيني تناظر بعينه
نگوم ونوگع على الگاع .. إذا يختي تنخينا
لجن أمر الله يازينب فرض واجب نقبله
احنا على الأرض نومة .. وانتي وحيدة فوگ التل
ومن بعد الهواشم حيف .. عليج تجرأ الأنذل
حالج هذا يازينب صعب واحد يعقله
جمعي أيتامج .. يروح حسين كترج
من بعد عاشر .. حزن ثاني ينطرج
اسمج يصير السبية .. عفته عالشاطي رمية
راح ابو فاضل
--
-----

قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : من وسده بالخيمة
الشاعر : عبداللطيف خالدي
إصدار : ليلة التاسع من محرم الحرام ١٤٤٧
رابط القصيدة :
https://youtu.be/ohhCQjhMjYQ?si=h1l2ledv6X0H9j6v
------------------------------

من وسده بالخيمة الأكبر .. نادى الحسين
خل تحضر تقيم العزا .. كل النساوين
رايد نعي يفت الگلب
لهذا الشباب الـ عالترب
آه يبني .. آه يبني
--
سكنت گلب حسين العلة
حين الراح الإبنه يحمله
عاين منظر ما صح مثله
شاله وبالگاع تخط رجله
لمن للمخيم سدر
شاله لجن محني الظهر
نادى على اخوانه تحضر .. وتشيل وياه
يمشي ولزم گوة الصبر
وشافه بخيامه تنتظر
متلهفة ربان الخدر .. مختنگة بالآه
يذبح ترا إحساس الأبو .. لو شال بإيده
بهذا الوضع ياحسرتي .. جثة وليده
بين على النسوة الرعب
لهذا الشباب الـ عالترب
آه يبني .. آه يبني
--
من شال حسين ابنه بجتفه
وفوگ متونه الأكبر نزفه
رد لخيامه وبين ضعفه
يصبر نفسه وعينه تكشفه
لمن وصل وسط الخيم
تركض إجت كل الحرم
شافن ثيابه كلها دم .. ودموعه بالعين
ليلى اجت له بالعجل
تعاين يحسرة بكل وجل
يابوعلي گلي شحصل .. وين الولد وين
گلها على جتفي هذا الأكبر .. ما تشوفيه
يمكن من جروحه يليلى .. ماعرفتيه
علة بوسط گلبج تطب
لهذا الشباب الـ عالترب
آه يبني .. آه يبني
--
بگلب الوالد الله اليلطف
شاف بعينه أصعب موقف
رقية تنادي بجفها اليرجف
ياروح اختك بعدك تنزف
من ساعة ياخوية اذكرك
حسن الله كله بمنظرك
منهو اللي جارح منحرك .. يا بعد أهلي
كل وصلة بيك مطبرة
مفجوعة خويه وحايرة
يالأكبر شصار وجرى .. ياخوية گلي
التفتت على حسين وتنادي .. بكل رزية
يمكن اخويه من الألم .. ناسي رقية
حسرة رقية بالحرب
لهذا الشباب الـ عالترب
آه يبني .. آه يبني
--
بدهشة عمه وحسرات الأب
عين بعين حسين وزينب
ساكت هو وهيه التنحب
شافت موته بعينه گرب
يبن امي لو بيدي افتديك
وبروحي كل حزني اللي بيك
يحسين كل خوفي عليك .. لا تموت بالبين
التفتت على الأكبر تون
ماعرفته من الطعن
صاحت على النسوة بحزن .. خنساعد حسين
عند الولد خل نگعد .. ونخمش وجهنا
يمكن أبو الأكبر دليله .. يهدا ونه
نبجي له والمدمع يصب
لهذا الشباب الـ عالترب
آه يبني .. آه يبني
--
حسين ينادي ويجري العبرة
يهمس بإذن الأكبر سره
يگله حسينك گرب أمره
ساعة وشمر يگص بنحره
يوليدي گول لفاطمة
ابنج يموت من الظما
ساعة ويجي مخضب دمه .. والگلب مقهور
هذا الذبيح على الثرى
وعشرة خيول تكسره
رايد تضمينه ترا .. بس صدره مكسور
گلها وحيد ابنج ولا .. ظل عنده چارة
بين اليضربه بالعصا .. ورمي الحجارة
يصبغ دما وجه السحب
لهذا الشباب الـ عالترب
آه يبني .. آه يبني
--
-----

قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : آه عليك يا عبدالله
الشاعر : عبداللطيف خالدي
إصدار : ليلة العاشر من محرم الحرام ١٤٤٦
رابط القصيدة :
https://youtu.be/1CeQxrtxu80?si=l7CxaQ5AqujTkx2J
------------------------------
تلهب بالگلب جمرة .. لمصيبة كربله الكبرى
رضيع وما شرب گطرة .. آه عليك ياعبدالله
--
شال حسين ابنه وللحرب عزم
على جتفه غفى بس روحه تتألم
العطش ذبل جماله بس يشوف حسين
فتح عينه الرضيع ووجهه يتبسم
رغم هذا العطش شافه .. الطفل تتبسم شفافه
ويعاين والده بنظرة .. آه عليك ياعبدالله
--
نادى على العده ونار اشتعل گلبه
إذا ذنب الكبار ابني شنو ذنبه
طفل ستة شهور من العذب محروم
ما بيكم شريف وينقذه بشربة
رضيع وصعبة يتحمل .. شفافه من العطش تذبل
وردة ومن تشم عطره .. آه عليك ياعبدالله
--
رق گلب البعض من حسرته وهمه
ونادوا بن سعد ابنه شنو جرمه
گطع هذا النزاع وحرملة الملعون
بنحر عبدالله ياويلي اجه سهمه
يفرفر ابنه بجروحه .. وعلى ايده طلعت روحه
وسهم غافي وسط نحره .. آه عليك ياعبدالله
--
انكسر گلب الحسين وزادت همومه
وبعينه سواد نگلبت الحومة
مسح بايده على ابنه وحسرتي على حسين
امتلت ياحسرتي من نازف دمومه
بدم ابنه امتلت ايده .. ينوح ويبجي لوليده
حسرة هالطفل حسرة .. آه عليك ياعبدالله
--
رجع للخيمة ويلي الدمعة بعيونه
وعلى حاله النسا گاموا يسألونه
يبو الأكبر رضيعك ما تروى بماي
كشف عن رگبته وگاموا ينوحونه
الأصعب والله حالتها .. أمه التجري دمعتها
الرباب عليه منكسرة .. آه عليك ياعبدالله
--
هذا المنكسر لوليده بإحساسه
ومن كثر إنتحابه ضاگت أنفاسه
بعد ساعة الشمر من يعتني ويلاه
يذبحه ويرتفع فوگ الرمح راسه
يطبره بثنعش طبرة .. يويلي وشيبته حمرة
وحوافر تلعب بصدره .. آه عليك ياعبدالله
--

-----

قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : ركز على جرف النهر
الشاعر : محمد الصياحي
إصدار : ليلة السابع من محرم الحرام ١٤٤٧
رابط القصيدة :
https://youtu.be/WwO0YC-a14Y?si=BZ6yx5qyLrwOldTh
------------------------------
ركز على جرف النهر راية راية
هذا الفرات ومو صعب مايه مايه
من حيدر الوصية
يحضر الغاضرية
ويفني جيوش أمية
--
الطف سكت هواها
هاشم برز لواها
حادي الأجل لفاها
تترادم خيول وزلم بس شافته تقدم
يتسائل المعسكر
تحت اللواء الأخضر
هذا ألف لو أكثر
لو قرر يهد الجبل من خزرته يتهدم
اي بو فاضل هذا أقبل حير جيوش العده
شايل الجود على جتفه وعزم أبوه يساعده
يحمل الموت بيمينه ماهو سيف مجرده
لمن خياله من الخيم بين بين
يوم الحساب على الكفر أعلن أعلن
جابلهم المنية
خيل وزلم سوية
ويفني جيوش أمية
--
بجفه العلم يديره
الدنيا أصبحت خطيرة
ليل أمست الظهيرة
والسامع بنجم الظهر هاي الظهيرة شافه
ما شد بعد عليهم
خدرت وجل اديهم
الخيل عبرت عليهم
من شافوا المهر اقبلت ظنهم إجتهم آفة
حافز المهرة اليدگ على الأرض يجدح شرر
زوبعة وهاجت عليهم شلعت حتى الحجر
صاعقة بجف ابو فاضل نار يقذف مو مطر
نار ودخان وصاعقة صارت صارت
والعسكر بنص عاصفة حارت حارت
كلها اسمعت دويه
سرية تطگ سرية
ويفني جيوش أمية
--
حين البده بهجومه
شافوا علي بقدومه
ما تختلف رسومه
وذو الفقار بيمنته نفس الطبع طبعه
ضرباته كالعادة وتر
الصابه ينزل للگبر
لو ينذبح لو ينشطر
لو خيبر ومية حصن جدامه يقتلعها
مقصده يريد الشريعة وأبد مو گاصد حرب
وأصبح بگلب العساكر يسري بالدم الرعب
لو حرب جانت مراده الأرض بيهم تنگلب
لأجل النهر هذا الحصل بيهم بيهم
شايل جربته ومعتني ليهم ليهم
لا ما ترد خلية
سيل الدما جرية
ويفني جيوش أمية
--
بيها فتك بوفاضل
صگر وعليها نازل
وين الحجت مراجل
كلها أصبحت ماهي زلم لبست عبي الفوارس
سيطر على الشريعة
وسدهم الوسيعة
صرعى وجثث گطيعة
أسس قواعد للحرب محد درس مثلها
دارس فنون القتال من الطفولة من الأبو
مدرسه يدوس الجماجم حارس أصبح للأخو
هذا عباس وقتاله والله ونعمين وكفو
لأجل الحسين وكربله صاير صاير
شحده الوصل وبوالفضل حاضر حاضر
يفدي النفس لأخيه
هذا ابن البدوية
ويفني جيوش أمية
--
على عناد الكتايب
وصل شاطي النوايب
كلها وگفت تراقب
شال الفرات بجربته وعين العده تنظره
رجع ناوي المخيم
رعيد وغيم غيّم
الفرات يسيل بالدم
من المعارة للنهر سوه دماهم مجرى
رجعته لصوب المخيم فعلته نفس الفعل
طارت رگاب وأيادي من لفاها بوالفضل
ذبح جيوش آل أمية وانگطع حتى النسل
هذا البطل لمن رجع غالب غالب
من الشريعة للخيم غاضب غاضب
وبجربته الندية
بس يوصل الثنية
ويفني جيوش أمية
--
-----

قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : رايح للجنان
الشاعر : كرار حيدر الخفاجي
إصدار : أربعينية الإمام الحسين عليه السلام ١٤٤٧
رابط القصيدة :
https://youtu.be/nRdyFrOvMvI?si=pQUymNCu6REI83hT
------------------------------
مشي مشي انا رايح للجنان
مشي مشي ويه صاحب الزمان
البداية .. حسين والنهاية .. حسين
أحلى كلمة على اللسان
--
عندي هالزيارة واجب ومو مستحبة
أتعب واليحب يتعب على گد المحبة
هذا حسين الـ للمشاية فاتح باب گلبه
حجة وعمرة يحسبلي بعدد خطوات دربه
ورايه
مشيت بأمر ابو اليمه ورايه
وتركت الدنيا والبيها وراية
أشوف بهالدرب آية وراية
وأحس الجنة فتحت باب إليه
أنا أنا بالحسين إذا أهيم
أنا أنا عالصراط المستقيم
هالحكاية .. حسين والنهاية .. حسين
أحلى كلمة على اللسان
--
ماشي وما أضيع الدرب والبوصلة گلبي
أسمع بإذني ألا من ناصر وأركض وألبي
جدمي يگصر بخطواته حتى يطول دربي
لأجل حسين أحس بالراحة كلما زاد تعبي
ترابه
حبيبي حسين وعيوني ترا به
انا المن زغري يم بابه ترابه
تسوى الدنيا بس شمة ترابه
ردت يوم أربعينه يمن عليه
ترى ترى لو ما زرت الأربعين
ترى ترى روحي يگتله الحنين
كل مناية .. حسين والنهاية .. حسين
أحلى كلمة على اللسان
--
مدري إحساسي شنهو حزن ممزوج ببشارة
أحزن للسبايا وأفرح برزق الزيارة
أنسى همومي كلها من أوگف گبال المنارة
والله الما طلع مشاية كل عمره خسارة
تجارة
دمع عيني من أشواگي تجارى
ولا همني الذي عليه تجارى
ترا ويه حسين هالخدمة تجارة
فلا أخسر وإيد ابو اليمة بإيديه
سنة سنة أحيي موعد العزاء
سنة سنة وانا أمشي لكربلاء
بيدي راية .. حسين والنهاية .. حسين
أحلى كلمة على اللسان
--
رايد توبة جيت بدمعة الحر الرياحي
صوب حسين شما تعاكسني رياحي
گتله سيدي بيدك ردت تمسح جراحي
فطرس ادخل لگبرك وأرد طايب جناحي
شبيهه
جمر الحب وسط روحي شبيهه
حسين الما شفت واحد شبيهه
هيه الدنيا من دونه شبيهه
ضعت لو ما يحط عينه عليه
إله إله انا كلي ملك إيديه
إله إله خادم أنحسب عليه
أحلى غاية .. حسين والنهاية .. حسين
أحلى كلمة على اللسان
--

-----

قناة التلگرام لقصائد الملا علي بوحمد مكتوبة :
https://t.me/alibouhamad_write

القصيدة : ابجي ياعين
الشاعر : كرار حيدر الخفاجي
إصدار : الأربعين ١٤٤٧
رابط القصيدة :
https://youtu.be/l9bOXw_LvmY?si=SO95tKOSKn9p4QAO
------------------------------
ابجي ياعين لحسين يوم أربعينه
من اليسر جيت رديت هاي الظعينة
نبجي بإحساس عالراس نلطم بايدينه
من وصلنا گبور أهلنا
--
من طريق بعيد جاية أمشي خطواتي وأطيح
أرد أزور گبور أخوتي وألطم عليهم وأصيح
أرد أخلص ماي عيني بلكي يتروى الذبيح
مبين عليه التعب .. ويه اخوتي عندي عتب
جاية إلهم من سفر .. ما تلگوني شعجب
عيلة وياي وهواي شافوا مصايب
عگب الخيام بالشام طبوا خرايب
جينا بنياح نرتاح يم الحبايب
زرنا كلنا گبور أهلنا
--
لا تدلوني على گبره عطره اليدليني وين
من الهزل لو طحت يعني ها هنا قبر الحسين
تسعة وثلاثين ليلة ما غفت بالغربة عين
رايدة أشتم تربته .. وأرد راسه لرگبته
وأمسح الدم والرمل .. عن عيونه وشيبته
ذكرته من راح من طاح عينه لخيامه
أنظر عليه بإيديه يشلع سهامه
گلبي شيگول وخيول تسحگ عظامه
والذهلنا گبور أهلنا
--
صحت ياعباس انهض وانفض تراب الطفوف
ما أگلك مدلي ايدك أدري ما عندك جفوف
اشلع من العين نبلة خاطر عيونك تشوف
گوم جيتك حايرة .. متوني توجعني ترى
ركز بوجهي لأن .. من اليسر متغيرة
تبدل الحال وحبال بيد الأرامل
بالسبي هناك ردناك ها يا بوفاضل
ما أراويك يآذيك دمعي يكافل
تلم شملنا گبور أهلنا
--
هاي رملة تصيح جاسم روح ماعندي بعد
وليلى شبگت گبر الأكبر صاحت اگعد يالولد
والرباب تهز گبر عبدالله تتخيل مهد
گعدن وشبعن هضم .. صعبة عالأم تنحرم
بين الگبور انعقد .. بكربله مجلس لطم
صاحن آباه ويلاه يالغاضرية
والدهر خان شبان تحت الوطية
مايرجعون متهون هاي الرزية
شگد سألنا گبور أهلنا
--
وجهت للنجف وجهي صحت يابويه وبجيت
بعيد سلمان ورحت له واحنا يمك ما إجيت
قبل لا تنشتم يمي ميتة ياحيدر ياريت
والحجي يدمي الگلب .. ترضى زينب تنضرب
انا بت عرش السما .. وجالسة فوگ الترب
بس غريبات آهات خلصت سبية
ياحرامات شمات تجسر عليه
شفت ويلات مأساة واليوم إجينا
ناحت إلنا گبور أهلنا
--

-----

قناة التلگرام لقصائد الملا علي بوحمد مكتوبة :
https://t.me/alibouhamad_write