تمت اضافة الترجمة لفويزات البارحة ✅
وهيج صار عندك شرحين
للي ماافتهم من الفويزات يكدر يفهم من الترجمة❤️

"قِيمَةُ كُلِّ امْرِئٍ ما يُحْسِنُهُ." (الإمام علي)

بتوفيق الله وبفخر يليق بالشغف والرسالة، أُعلن عن حصولي على شهادة إعداد المدربين (T.O.T)، ومنحي صفة المدرب المعتمد بشكل رسمي في العراق.

أشعر بالفخر العميق لتتويج شغفي في تدريب اللغة الإنجليزية بطرق مبتكرة بهذا الاعتماد الرسمي من نقابة التدريب والتطوير.

هذه الشهادة هي تأكيد على أن الطرق التي أقدها لطلابي هي طرق مبتكرة ومعتمدة.

سأجعل من هذه الشهادة إرثًا حيًّا، يُلهم ويُثمر، ويترك أثرًا لا يُنسى داخل الناس.

شكراً على رسائلكم مقدماً ❤️
وان شاء الله تشوفون اشياء افضل

طلاب الجامعة المستنصرية
سوّوا ثورة ضد معاون العميد
وغيّروا الواقع بإصرارهم

في رسالة إلى كل الدكاترة والكوادر التعليمية :
اترك أثر طيّب بين طلابك، حتى
يذكروك بالخير
ويدعون الك بدل ما يهاجموك

القيمة الحقيقية مو بالمنصب،
لكن بالأثر اللي تتركه وراك،
لأن أسوأ خسارة هي إنك تتعب كل عمرك
وما يبقالك غير ذكر سيّئ ولعنة مظلومين ترافقك بكل مكان وزمان.

غداً بداية انطلاق سلسلة امتحانات لا تنتهي إلا في الشهر الخامس 💔💀

نكمل شرح Grammar Translation Method

ركز وياي …
طريقة السؤال احتمال كبير جداً تجيك هيج
(عددهن واشرح وحدة من عدهن )
ف انت اول شي تسوي احفظ اسمائهن والباقيات مو معناها ما تقراهن
لا، اقراهن كلهن ورتبهن بعقلك وضبط اكثر من وحدة حتى في حالة نسيت الحافظها ب الامتحان تكدر تكتب الاخرى .

والمطلوب منك فهم فهم فهم مو بس حفظ
حاول تعرف كل تقنية شلون تستخدم؟ وليش تستخدم؟ وشنو فائدتها؟
اني دمجت الك كل تقنيتين ب منشور حتى تربط بيناتهن
لان هنة كلهن مترابطات ووحدة تكمل الاخرى
وخليت إلك ايضاً كل وحدة والهدف التربوي مالتها بداخل الترجمة حتى تفهم اكثر.

الى هنا انتهت اول طريقة من طرائق التدريس

سلام عليكم أحبّتي

حبيت اوضح الكم كم شغلة حتى تكون الصورة واضحة وما يبقى عندكم سؤال معلّق.

صار فترة أحاول أكون متواجد مثل قبل، بس الوضع تغيّر شوي وياي.
الفترة الأخيرة اكتشفت عندي قصر نظر، والدكتور نصحني أقلل استخدام الموبايل حتى ما يزيد التعب على العيون.
وباختصار، استخدام الموبايل صار يتعبني أكثر من قبل، ولهذا قررت آخذ استراحة مؤقتة -غصباً عني- من كل القنوات،وأنتو تعرفون… صحتك مرات توقفك غصب حتى تنتبه لنفسك.

وبسبب هذا القرار، كل شروحات يلي جنت ناوي اسويها للمرحلة الثالثة توقفت.
جنت محضّر تقريبًا نص الشرح لكم مادة ، ومرتب الأفكار، وجاهز أكمل الباقي… بس ما أحب أنزل شي ناقص، ولا أحب تكون الشروحات أقل من اللي أنتو متعودين عليه. أحبها تطلع واضحة، كاملة، ومرتبة مثل ما تستحقون.

أعرف يمكن غيابي يأثر على البعض يلي معتمدين على هاي القناة ، مثل ما أنتم تركتولي أثر كبير بكل يوم جنت أتفاعل بيه وانشر وياكم من المرحلة الاولى لحد الان.
القنوات جزء مني، وأنتم أكثر من مجرد متابعين…

اذا مكتوب إلي الرجوع مرة ثانية ف إن شاء الله ارجع بفترة وافيدكم اكثر من قبل ….
وإلى ذاك الوقت…دعواتكم تكفيني، ومحبتكم توصَل حتى وأنا بعيد.

ابقوا بخير ❤️