...

عندچ علم
جاي انثلم
وكل يوم
افز من نومي
محرب بالسلم
اصحى وانامن عالهظم
عشت العدم
عشت الوجود بكل ألم
عشت المهم والمو مهم
مرة اعابي بظرفچ
واقسى واسم
ومرة ولاچني احترم
يحاچوني اشگد بلسم
اشگد رازقي
اشكد انصدم
بس بيچ صفناتي تهم
بالي عليچ من الهوى
خايف تضايگ حسنچ اخيوط الهدم
كل الليالي بدون وجهچ موحشه
كلهن عشتهن منهدم
انا العلى راسه شعر
وتحلف بشوگه احبيبه
صرت انهزم
كلمن يجابلني
اكض عمري واهم
اركض مع دگات گلبي
بلا اسم
وين الگه واحد يفتهم
يجيبچ الي
لو ياخذ انفاسي الچ
وكل ساعة كسرها الوكت
من غيبتچ
برموشها عيوني تلم
وتبتسم
تجبر تجرح احساسها
تذم
تشم
تحتدم
احسن ولا ابقى انعدم
وكل ليلة
انز مرعوب ومعطب الحلم
... علي نغيمش

انه وركنچ

اجه الليل
وبدت تتشاور الوادم
كلمن بركنه حبيبه
وياخذ وينطي لهيبه
اجه الشوگ
وبزغ حزني
وانه وركنچ انغني
يا عزيزة العمر سفره
وانه من دونچ غريب بدنيا گفره
يا خضارچ ردته حضره
الگحط تعب اجروحي السمره
يا انه شبعد لليل ويخلص
وكف صبحي
يا انت
محنه وطيب ماتنگص
خساراتچ شغف ربحي
تجي وتمر لياليي
وانت انت
اغاني من الحزن للطين
تنام وتگعد العشاگ
وانت انت
حنين وتين
انه الخاطرچ مرتاح
اسير يومي وتخيرچ
وانت الخاطري ارتاحي
وحشميني اجي الشرچ
اجيچ من الهوى مخنوگ واشتمچ
اجيلچ شارد من اسمي واگول أسمچ
... علي نغيمش

الذكرى 16 على رحيل محمود درويش
"ويبقى مكانك فارغاً وفراغك اجمل الحاضرين"
بهذه المناسبة أليكم جزء من لاعب النرد

قواد مشاعر

بداية موسم سوبر اوربي هلا مدريد ولاشي اكثر

منتظرهم
خل يجون
وانا
اجي بكل الشعر
وانطش غنه الهم
گلبي دلاعة وكت مايستحي
يدگ ويحبهم
ماوگف چذاب گلبي
صار چم ليلة يعيش
وعذرة اقبح من ظرفهم
عيني تبچي الضلمة نور
وجهي مگبرت السهر مابي سرور
وانا يا انا ولا ابطل حضور
انا يومية اوهسني لباچر
ويجي باچر
والعمر حسبات شاعر
حفنة مشاعر
يخلص بضحكت قصيدة
يفكر بوحده جديدة
ياعرگ سكران جيدة
يا زلف
خدران بس
محد يريدة
وانا شمدريني عذري
حتى اريد الناس تدري
دمي هذا اليجري يجري
وانا ماعندي علم
لچن عندي اعظم حلم
كون افز من السلم
واعلن اجروحي عليهم
ولو كل الصار مني
بس اگولن من اديهم
وارجع انطر
هلبت يرجعون
كلش مشتهيهم
منتظرهم
لو يجوني لو اجيهم
بعد ماضل صبر بيه ولا بعد بيه شباب
الكبر سير عليه اتكسر الشباچ وتلولح الباب
مالي حيل احمل عتاب
ولالي گوه على الغياب
صرت احاول احچي طيناتي بسكوت
حتى من ابچي على كيفي بلايه توت
محد يرحمك ينفسي
من اجرك صوت
لو اخنگك موت
منتظرهم
وانت كل ظنك وياك احلى العيون
كلشي بيك ايگلولك
بهواك
عد عيناك
ابالك ينطرون
جاي تتخيل وجهم
جاي تشعر دگ گلبهم
اتلومن لو صوچك بصوچك يخون
خايف احساسك حنون
منتظرهم
دوم عندك امل بيهم
خاف طيفك اخراهم
وجاسك وماجاسهم
خافك وماخافهم
منتظرهم
تبقى مثل الماحظه بحزنه وحبيبه
ولافرح بصخام ضيمه
صحره هيمه
بس اغاني الناس يمك ياحريمه
تكتل السكته هظيمه
منتظرهم
انت واسمك واغانيك
هلبت
باسمك باغانيك يجون
خل يجون
بواقعي
بحلامي
بكلشي اريدنهم يجون
انا اجي بكلي جنون
وينهم عباد شمسي
وينهم گمري ونجم ليلي الطويل
دونهم دوني ودون
مالي حيل اكمل قصيدة
صرت اخافن مايجون
... علي نغيمش

ليلة امس

كانت مليئة الألم
فارغة الامعاء
ربما تناولة كمية كبيرة من الأشياء
... علي نغيمش

الحزن والشام فيّ نثية
شتكتب بالقصيد اشكال
القصايد للغريب اميال
ومواسا تريح البال
اصير من الحسن شاعر
اصير من الفگد رجال
اصير من المحنه اهلال
الشيب الطاير بعمري يترس اسلال
حصاد الليل گمرية
تجاعيد الوجه تمثال
وريدك فضح ماهيتك طلع مرسال
حلال اليسكر بضيمة
وحرام اليشكي بأحسن حال
وانا ما گول
بطلت الحچي
ولا منتظرني انگال
بس صدفة
شفت
سمرة
تهد اجبال
امطرزه بالشام
خذاها السيل
خذاها الليل
تغزل حال
وتفتگ حال
ضميت كل صبحي
ورحت ابچي وي هندس جال
... علي نغيمش

كنت احاول مجاراتهم...

مدينة موحشة

محاولات

واحد عشرة