واحد عشرة

انا مع المظاهر في اغلب الأحيان لا أؤمن بالأرواح الفاسدة
.. علي نغيمش

ايام بلا ملح

زمن اغبر يازمنه
عار وشوية محنه
چنت اچذب لو اكو بهل وكت جنه
لچن ماكو
يضحك على روحه الشاعر
من يشوف حزنه
شاعر الناس يتمنى
فاتن الحلوات غنه
ماكو حنه
تعبت من اچفوفها امنه
وراح املنه
والله حيرة شلون بيك
وانت ناطر
منتظر شارع حنين
ايگلك بهل فرع ظنه
ماكو ظنه
والله وسفه
وانت دايخ
شيصير باچر
بالسياسة
وبالحبيبة
وتجي تمر يم التقاطع
تلگه كل دمنه ولحمنه
ماكو هدنه
يالله لا توگف وكافح
الجنه الصدگ
بوجوه اهلنه
كل جهنم موش منه
كل جنهم من اهلنه
... علي نغيمش

صورة بروح فان خوخ

مطر طيف البلا وجهچ

مطر مطر
هذا شوگ احبيبي طر
تهندمت فرحي
وزينت وجهي ضحك
يا مر امر
مطر مطر
هذا كلشي بعمري مر
بس لا عرف لا يا مطر
ما بللت طيني عدل
حزني بعيوني مايزل
مطر مطر
هذا دمع احبيبي حر
خليني بمكانه وشرني شر
خر المطر
خر المطر
خر گلبي مايسمع بشر
... علي نغيمش

توگف بعيني قصيدة اشما اذكرچ
تسجد ابالي شياطين البشر
واستغفر اذنوبچ واحبچ
تسكر الوادم بظلچ
وانا سكران بغيابچ
ياحبيبه العمر ركضه
وانا شيب شعز شبابچ
اشگد اضملچ شجر
وتعافه وي صبحچ
اشگد واربحچ
ياجمال يجيب قبحچ
تصحى روحي
وافتح الباب وجروحي
هلبت انت
ثاري سكته
ثاري اني
بدون وجهچ
بس اغانيي وحنيني
ملح ثاريها الاغاني
تواسي اكثر من رداني
اه يا اني
محد متنانيك تاني
وانسى لو ودك نساني
لا تردلي تريد ثاني
لا ترد بيك الاماني
وانت انت
ماتغيرتي على شفتي
وين صرتي
هاي بس انت على حطتي
بلايه شفتچ
شفتي طين
بلاية عينچ
شوفي دين
اذني مرضها الحچي الماصخ بدونچ
وجهي شاحب فگد لونچ
ياحبيبه شوية وديلي عيونچ
شوية من صوتچ بنفسج
شوية اريد بشوگچ الهج
معتكف زاهد حياتي
ومانسيت شلون اريدچ
شلون خليت القصد كله قصيدچ
شلونه چيدچ
يخجل من النسمه
ويشاقيها يتخيلني انه
يحطني شانه
ومغنجه وكهرب زمانه
لو نسانه
مانسانه
ادري يذكرني حبيبي
حاطني شامه بحنانه
ماخذتني وماخذچ
چا يمته نتبارة الفشل ونولنه
رايدتني ورايدچ
چايمته نعگد سولنه
اسمچ بگلبي حرز من كلشي يمي
انت مسؤولة بنقل كل الهواء بجسمي
لا تعوفيني يخلص دمي
وابدي اضيع ويبدي يكثر همي
ماتشوفيني على شوفچ مرهق
ومن تجيني بكيفي اشهگ
خايف ازهگ
والحگ
وايدچ ما تلحگ
... علي نغيمش

ملح الاغاني

...

لسان حال الحبيبه متعيني

"بين حلوات المحله بيك تتباه الحبيبه"

يسخر المرء
او يحاول مط اعصابه للحفاظ على ما تبقى
... علي نغيمش

...