توقف عن التلويح يا قلبي فلا تلك
العيون تنظر ولا تلك القلوب تنبض
الصوت لا يكفي
انت الان بين سندانة الوقت
وصمت الماء
تدفق بهدوء
لا احد يسمع انفاسك
لا تلحق بي العار بهذا العمر
عبرة معك كل الخيبات
ومشيت معك كل الاغنيات
احببنا سوية
خَذلنا وخُذلنا سوية
يقولون ان مصائب غيرك تهون عليك
مصائبهم تزيد مصائبك بله
لاتكتفي خذ ومضي
هذه الانتصارات تحسب
الثاني والثلاثون ليس هين
انت في منتصف التمغنط
وريع الشباب
تجذب الاشياء السيئة بكل سهولة
وكأنك اخر الحزن
تأخذ الشعر بكل رحابة اغنية
وكأنك اخر الفرح
لك سماحي على كل خطيئة
ولك عاطفتي على كل خذلان
لا الوم احد على ما اصابك
ولا اولام على مايحدث
وربما انا مشكلة
لكني احاول حلِ
هيا نحاول من جديد
انا ومن يحاول
انا أومن بالارقام الزوجية
لكني لا أومن بالحياة الزوجية
لهذا كنت اقول لمن يريدني كن انا او لا تكن شيئاً
انا وحيد وحدتي من تستحق المحاولة
انا مستعد لحصد الفراغ
انا لا اريد الامتلاء
لا اعدني بشيء
ولكني احاول للاشيء
... علي نغيمش

عيد ميلادي غريب
وغربة ايامي سعيدة
كل عام وانا الحر وحيد
وعبد سلطان بعبيدة
كل سنة اتشيم حزن
كل سنة اتنومس اغاني
كل سنة وكل الليالي
ابقى غالي اني اني
والتغير يبقى تالي
يبقى خالي بلا حبيبه
بلا ازلوف اتناغي خشمه
الجرح شماته طبيبه
... علي نغيمش

...

عيدكم مبارك

كل ايامي عيد وحزن وشواگ
ما انطر اهلال الناس سباگ
اغانيي نذر واشعاري ترياگ
تلگاني على طول السنه مشتاگ
... علي نغيمش

تميم البرغوثي

تاريخ الخوة

قبل اربع ايام كتبته ليش يبقى مضموم

يسألوني على اخباري
واگلهم مادري شلوني
خلص لوني بغياب
العاشگه عيوني
چانو شايفيني وعايفيني
چانو حاسيني وماليني
چا هسه شعجب
مو چانو مغلسين
لو يدرون ذاب التين
عرفو يمكن
اگليبي كلاه الطين
عرفو هسه يا بعدين
وانا تعبان
يا كلشي من اذكرچ
حتى اردن ازين
تعدل من حياتي اسنين
اه ياحسرتي ماصرت احچيها
حتى الصاحبي الچنت من اجي
يغتاظ
يجيني اركاظ
ما رد فارغ من الطاگ
يمليني حزن واشواگ
چان يوهس ايامي شعر يقضة الأمانيي
چنت بكل مسه ومصباح اتنگع بأغانيي
وانا اتنومس واحچيلكم بسكوت
چاهلبت سمعتوني
انعم الله عليه
من گلتلكم وجيتو سألتوني
... علي نغيمش

...

عندچ علم
جاي انثلم
وكل يوم
افز من نومي
محرب بالسلم
اصحى وانامن عالهظم
عشت العدم
عشت الوجود بكل ألم
عشت المهم والمو مهم
مرة اعابي بظرفچ
واقسى واسم
ومرة ولاچني احترم
يحاچوني اشگد بلسم
اشگد رازقي
اشكد انصدم
بس بيچ صفناتي تهم
بالي عليچ من الهوى
خايف تضايگ حسنچ اخيوط الهدم
كل الليالي بدون وجهچ موحشه
كلهن عشتهن منهدم
انا العلى راسه شعر
وتحلف بشوگه احبيبه
صرت انهزم
كلمن يجابلني
اكض عمري واهم
اركض مع دگات گلبي
بلا اسم
وين الگه واحد يفتهم
يجيبچ الي
لو ياخذ انفاسي الچ
وكل ساعة كسرها الوكت
من غيبتچ
برموشها عيوني تلم
وتبتسم
تجبر تجرح احساسها
تذم
تشم
تحتدم
احسن ولا ابقى انعدم
وكل ليلة
انز مرعوب ومعطب الحلم
... علي نغيمش

انه وركنچ

اجه الليل
وبدت تتشاور الوادم
كلمن بركنه حبيبه
وياخذ وينطي لهيبه
اجه الشوگ
وبزغ حزني
وانه وركنچ انغني
يا عزيزة العمر سفره
وانه من دونچ غريب بدنيا گفره
يا خضارچ ردته حضره
الگحط تعب اجروحي السمره
يا انه شبعد لليل ويخلص
وكف صبحي
يا انت
محنه وطيب ماتنگص
خساراتچ شغف ربحي
تجي وتمر لياليي
وانت انت
اغاني من الحزن للطين
تنام وتگعد العشاگ
وانت انت
حنين وتين
انه الخاطرچ مرتاح
اسير يومي وتخيرچ
وانت الخاطري ارتاحي
وحشميني اجي الشرچ
اجيچ من الهوى مخنوگ واشتمچ
اجيلچ شارد من اسمي واگول أسمچ
... علي نغيمش

الذكرى 16 على رحيل محمود درويش
"ويبقى مكانك فارغاً وفراغك اجمل الحاضرين"
بهذه المناسبة أليكم جزء من لاعب النرد

قواد مشاعر

بداية موسم سوبر اوربي هلا مدريد ولاشي اكثر