...

...

صاحب الشعر والموقف والوطن والحبيبه
وكل الاشياء الي ترفع الرأس

مظفر النواب مايموت

مو حزن لچن عراقي
مثل
ما جفلت اوراقي
بخبر طينك
مثل ما حارت احداقي
بشوف عينك
مو حزن لچن مظفر
والظفر حزنه
مثل شوگ القصيدة
والسير بريل وحمد
تين المدينة
والعوسچ البر
صعب
عالگصه العزيزة
تگولك بفشلة وهظيمة
وانت ابو اهلالين يشگر
هم عراقي وحزنك اسمر
انت يامولاي
خمره امچبسه بحلو السكاره
انت
چاره الماله چاره
وكل صلاة المؤمنين
انت عين الماله عين
عيش
وعيون البنفسج
والفراگين الحزينة
تنوش ضيك
طيح
واهداب الاغاني
الريحان
والقداح
وكل الرازقي
يتوسم البردي
ويلم كل الگصب
ويصير فيك
انا احنلك
وكل عراقيينك يغنون بسمك
يا تعب كل التراب
ردت اشمك
ردت اگلك ماتموت
انت قوت
الكل حلگ ماعنده صوت
انت كل ليله تجينة
وتعتنينة
بعز نضالك
بتوت
ليدين الحبيبات الحنينة
ثورة
للدنيا العراقك
اجه اليوم
وجابك الدجلة فراتك
ماگدرت ارثيك مااگدر غلاتك
گلت لإحميمة اغصانك
بكل مشتهاتك
متت بس عشت اشحلاتك
البقية الكل وتر كتبت لهاتك
... علي نغيمش

يركض عمرنه واحنه نمشي

...

مبارك لمدريد وشعبها العظيم
14🏆

...

...

...

هذا ليل
وصوتچ
المطشر
امراد بغرفتچ
يسوى ليلي
هذا ليل وشوفچ
المحد
يقدرة اعدال حيلي
يا احبيبتي
افگ شوگي ودليلي
والقصيدة
اتگلي
هم شعرك وطير
وانه احير
خاف
ماحطلچ وتيه
والحزن يچوي الحرير
كلشي متوفر لناسچ
اشتري بعيوني
هذا ليل
ولوني ينطر لوني
يا احبيبه
وداعتچ لساع اغني
هلبت ويأسمچ سلامي
ونورچ يسكت ظلامي
اخ لو گدامي
ليش بس بحلامي
وكل ليله يعز منامي
كون اشوفچ
وافرش اشعاري واكتبچ
ادري من گد ما احبچ
عشت حزنچ
ضامتني بگلبچ
وبالحقيقة انه اموت
وانت تبچين بسكوت
چبح حس الصوت
واليحچي بدونچ
هذا ليل
وليلي فاهي بلا عيونچ
... علي نغيمش

هذا ليل

" اقوم بتكرار اسمك
كنوع من انواع تعقيم اللغة "
... باسم الخاقاني