المجاراة عن (عظمة الشهداء وفضل الشهادة)!!

البداية الشاعر #عابد_المدم

دماكم علينا عهد دوما نجدده
ونوفي على صدق التولي عهودنا

وفي واقع الامة شواهد مؤكده
وتبقوا لنا يوم القيامة شهودنا..

فتحتوا على الطاغوت نيران موقدة
مسيّر وبالستي يوصّل ردودنا..

ضيف الله سلمان

مبادئ كتاب الله فيكم مجسّدة
ولولا عطاكم ما حفظنا حدودنا..!!

على عهدكم نبقى جنوداً مُجَندة
بساح الجهاد بصدق نبذل جهودنا..!!

ومن فاز منا مقعد الصدق مقعده
وحب الشهادة سرّ قوة صمودنا..!!

ابويوسف القاري

على دربكم نمضي بخطوه موحدة
وفي خطكم تبقى دماكم وقودنا

ولا با نعيش امه ذليله مُهدّدة
وبدر الهداية للكرامه يقودنا..

مع قايدالشعب اليماني وسيّده
نربي على حب الشهاده مهودنا

#صقر_اللاحجي

لكم في عيون الدهر صوره مُخلدة
تعبّر وتحكي عن كرمنا وجودنا..

سقط حلفهم واحنا على كل الأصعدة
على سُلّم العزة نواصل صعودنا..

دماكم على الامه حراسه مُشددة
حمتنا وصانتنا وفكت قيودنا..

بسام شانع

على دربهم سارت خطانا المسددة
ومنا حصاد النصر حين ارتقوا دنى..

حياة الشرف والا الحياة المخلّدة
مع الله في الثنتين نثبت وجودنا..

والاهداف والغايات كامل محددة
وماغير دين الله وحده يسودنا..

الشاعر #احمد_درهم

مضينا على دربه ونهجه وموعده
إلى الله سبحانه تسافر وفودنا

ونعمة ننال الأمن من نار مؤصدة
ويستقبلونا صف ساعة وُرُودنا

بدار المُقامة والقصور المشيَّدة
وفي جنة الفردوس تهنى كبودنا..

#محمد_مفلح

لكم يا شموس المجد ذكرى مخلده
مداها يسايرنا ويحفظ وجودنا

وكنتوا ولا زلتوا الحصون المشيّده
وبوابة العزه لجبهة صمودنا

على العهد نمضي والمواقف معمده
ولا احنا من اللي نختلف عن عهودنا

فتحنا المقابر للكلاب المشرده
وبالدم قبل المال نحمي حدودنا

#الشاعر_أبو_عساف

سلوا حلف بن سلمان من ذي قطع يده
يـجـبكم (رجـال الله) يـعني (جـنودنا)

بـعـضهم قـضى نـحبه وروحـه مـخلدة
مــع الآل فـي الـجنات يـرقب صـعودنا

ومـنـهـم مـــن يـقـهـقر كـتـيبة بـمـفرده
يـجـسد فـي الـجبهات مـعنى صـمودنا

#فتى_همدان

وذكراك باتبقى نشيدا نردده
على صوت عيسى الليث عزمه وقودنا

في الحرب والا سلم اسمك نخلده
على صفحة التاريخ نرسم خلودنا

والنصر حققناه في كل الاصعده
ولا عاد لامري كا وصايه تسودنا

#فارس_المعزبي

طريق الهدى خلف إبن (طه) معبّده
وفيها وجدنا كل هيبة وجودنا..!!

نجاهد ونستشهد وَلَــ يِْدي مُوَحّدَه
ونصدُق مع الخالق مواثق عهودنا..!!

ونحيا حيات الخالدين المؤبَدَه
بــ جنات عند الله فيها خلودنا..!!

#زيد_الخراشي

طريق الشهاده للمعالي معبّده
مع الله للعليا تضافر جهودنا

قطعنا على انفسنا العهود المؤبده
نوفي كمن وفى بعهده عهودنا !!

بصدق التولي وفق وجهه محدده
نسير بخطى من هم نموذج صمودنا!!

#الحمزة_المغربي

اذا الله هدى عبدِه الى الجنّة ارشدهـ
ومعنى الهداية جـسـّـدتهـا وفـودنا ..!!

وفــود الكرامـة في الـحـيـاة الـمؤبـّدة!!
رضـى الـلـّه غايتهــم وغاايـة وجودنــا

على دربهم نمـضـي بـكلـمـّة موحـّدة
بدرب المـسـ يرة وابن طه يـقـودنـا ..!!

#ابوالمازن_الشريف

وشاهد علينا الله والكون يشهده
على عهدنا لا يوم نلقى خلودنا

ومنا الوفا نمضي الطريق المعبده
على منهج الاطهار صادق وعودنا

سلامي عليهم عد بارق رواعده
وما اسقى قنيف الخير طارف حدودنا

#الشاعر_صالح_حسين

رجال بهم شفنا فعايل ممجده
وايات فاقت ما اتى به جدودنا

هم الي قوى الطاغوت منهم مبدده
اولو الباس فيهم عزم يشعل وقودنا

عليهم من الرحمن لا يوم موعده
صلاة مدى مالروح تبقي وجودنا

#احمد_عبدالقوي_الغبسي

مع الله كم ياارواح كانت مجنده
فهم قلب أمتنا وعظمة عمودنا

ومن عاهد الباري وجا حسب موعده
قضى الله أمره واصطفى من جنودنا

ودله كتاب الله للحق وارشده
نزل جذرنا واشتد باالبذل عودنا

#عماد_العملسي

هوينا حياة " مطمئنه مؤبده
الئ جنت الرضوان سارت وفودنا

دماء الاوفياء لنصر سلم واعمده
لملقئ عدو الله عطشئ كبودنا

وسنة ايلاه الكون سنه مؤكـده
تجلت بقايدنا العلم ذي يقـودنا

#الياس_المقدشي

لكم جنة الفردوس دار(ن)مؤكده
هنيئا لكم انتم لها من يقودنا

وكمن مناضل للولاء صدق عمده
بدمه وضحئ لاجل عزة حدودنا

عليكم سلام الله دايم نردده
فأنتم اساس النصر وقوة صمودنا

#عبدالسلام_بن_محمد

نقدم تحايا من دمانا معمده
لكمِّن أسد طهّر أراضي جدودنا

بذكرى الشهيد العهد منا نردده
مع راية ابن البدر نبذل جهودنا

و دم الشهيد فينا عزايم موقدة
ثبتنا ثبات الراسيه في حيودنا

#أبوحسن_صالح

رجال اصطفاها الله منا محدده
وهم مننا الاخيار كانو اسُودنا

هنياً لهم يهنا البروج المشيده
وفي جنه الفردوس صارو وفودنا

وعهد الوفاء بدم جينا نعمده
وما نختلف كلا لهم في وعودنا

#أبوشرف_الدين_الحمزي

رفعنا شعار الحق وبتنا نردده
ومن مُحكم التنزيل قوة صمودنا

قضوا مننا ابرار دماهم تعمده
فنالوا الشهادة للنعيم هم وفو

المجاراة بعنوان رسالة الشعب اليمني الى #سلاتيح_البيت_الابيض_واحذيتهم..!!

لكل شاعر بيتين فقط

البداية للشاعر #أمين_الجوفي

خرج شعب اليمن يرفض قرارك
وما لك عندنا الا نار في نار..

بعون الله نوصل عقر دارك
وبا تندم على تصنيف الانصار..

الشاعر محمد الهلالي

على هشتاقهم قم شبّ نارك
وقم لبن اليمن اجلال واكبار

وقل للي يمينك او يسارك
خسيتوا يالدنق ياشلة العار

#ابويوسف_القاري

ضروري تعلن اليوم اعتذارك
وتتراجع وتسمع صوت الاحرار

ويخسأ كل من بارك وشارك
بتغريده مع حلاب الابقار

#زيد_الخراشي

قرارك خطوه أُولى لانتحارك
وآخر لوح في نعشك ومسمار!!

ودورات الدواير فوق دارك
ومأواك الدرك الاسفل من النار..

ضيف الله سلمان

وتصنيفك بداية لإنهيارك
ومن قبلك طغى (فرعون) وانهار..

وبا يصبح قرارك في دمارك..
وصبرك عاد با تأتيك الاخبار..!!

#الشاعر_احمد_درهم

من الالفين واحنا بانتظارك
ذنوبك ساقتك ياحلف الاشرار

وبا تلقف مسيرتنا مسارك
بدرب (حسين والأشتر وعمار)!!

#عبد_الحميد_الهلالي

على شعب اليمن تفرض حصارك
مع ذي قط #خاشقجي بمنشار

في الجبهات جيش الحلف بارك
كتيبه يسحقوها خمسه انفار

#أبوالعباس_مفلح

قرارك ما يخوفنا قرارك
وتبقى يا مريكي عنز لو طار

وتخطيطك علينا في دمارك
وجند الله ضدك برق واعصار

#عاقل_بن_صبر

قرارك يااليهودي واعـــــتبارك
قليل القدر تحت اقدام الاحرار

ومن جاراك جُرمك واستجارك
من الله من يجيره خاين الجار

#صالح_الوايلي

تـصـنـفـنـا تـقـدم اعـتـذارك
تحاربنا تحرض ضدنا الجار

غداً شعب اليمن يكسر حصارك
ونقطع للـيـهـودي كل زنار ..

#عماد_العملسي

علئ شعب الابا۽ تفرض حصارك
وماكفاك مافي شعبنا صار

دلا ياابن العين اربط حمـار
قسم لانقسمك اخماس واعشار

#فارس_المعزبي

قرارك ياعــدو مغرب نهارك
(وعزرائيل) جايا ليل وإنهار..!!

وصلى الله على شعبي وبارك
شديدين القوى وأخيار الاخيار..!!

#الحمزة_المغربي

كسرنــا في مواقفـنـا حصـارك
وكيدك منتهي في كلّ مضمار

برب الكون با تعكـس مسارك
عزايــم مـالــك الاشتر وعمـّار

#نشوان_الغولي

ألا يا كونقرس غيّر قرارك.
و عدّل منطقك في شعب الانصار.

برَك فيلك و با ينبَع حمارك .
و جفت من لبنها شر الابقار.

#بلال_الصوفي

شعب اليمن أعلن وقاوم وشارك
والعالم المذهول قد صار محتار

يا معتدي بكره يكون انهيارك
وبالحديد بانكوي الخصم والنار

#الياس_علي_المقدشي

تشتت مجلسك واظلم نهارك
نهاية مخزيه يا قوم فجّار

قرارك ياغبي قرّح ضمارك
وتصنيفك لنا حطك على النار

#قاسم_السقاف

لزم تضرب براسك في جدارك
وتعلن بالهريمة عبر الاقمار

جنود الله باتعبر بحارك
وتتلقاء الجزاء والاخذ بالثأر

#أبوخالد_العفيف

شعبنا بعون الله غير مسارك
يامدعي دعم شرعية الفار

اذا لم توقـف وترفع حصارك
بانغلق جميع الممرات ولنهار

#الشاعر_صالح_حسين

وربي اليوم شعب المجد بارك
عطاه الصبر والحكمه وانوار

ويامريكي انا بالعن لعارك
قرارك مايقيك الشر والنار

#ابوابراهيم_الحرملي

وحيا الله من التفاعل وشارك
من ابنا اليمن واحرار الاقطار

وربي ذي نصرنا في المعارك
نصرنا اليوم نسقط كيد الاشرار

#محمد_المنصور

مع الله شعب الايمان المبارك..
كسر عدوان امريكا والاخطار.!!

فكم ياابليس باقي من ضمارك؟!!
وقد بدد عددها شعب الانصار..

#حاتم_الاسدي

الارهاب ياعـدو الله شعــارك
واحنا الموت لك غايه ومضمار

وتسمع صـرختي لاعقـر دارك
ووعد النصر للاسلام بالانصـار

#الشريف_ابوالمازن

ايا شعب اليمن زف انتصارك
رساله عاجله لا كل الاقطار

بكل اصرار قل واهتف شعارك
يموت ارهاب واشنطن والاحبار

#سيف_حسن_العامري

تعبنا ياجحا أدّب حمااارك
واحلب ناقتك في كل مضمار

وقلنا لك بلادي ليس دااارك
وفيها لن يكن لك يوم مسمار

#عبدالعزيز_الغرباني

اقل لترمب واوباما مبارك
وبيدن واليهود ابكل الاقطار

علينا العار لاندعس قرارك
لانه دفع مسبق بتردولار

#أبوالعز_المنيعي

علينا العار لا نهدم مطارك
وتعرف وايش معنا مد الاظهار

عرفنا الحق في صورة تبارك
وطعفرنا جيوش الخصم طعفار

اقوى مجاراة عن ((تطهير ماتبقى من محافظة مأرب من الاحتلال والغزو الاجنبي))
لكل شاعر بيتين فقط..

البداية للشاعر #نشوان_الغولي
Nashwan maher

سم بالرحمان يا عرش بلقيس المصان.
من نبا هدهد سليمان و العلم اليقين.

يا جبل هيلان ما عاد للخاين مكان.
في يمن الايمان و العاقبة للمتقين.

=======

بسام شانع

عانقت (رغوان) (شبرين) (وادي حلحلان)
والتحم فيها تلاقي مسار الجبهتين..

عرش مارب بان والجيش يهتف واللجان
(جنة الرضوان) والا (بلاد الجنتين)..

========

ضيف الله سلمان

ياقوى العدوان والهيمنة هذا البيان
موجز العنوان في مقتضى الست السنين؟!

ماتروه الآن قلنا لكم به من زمان
لكن الطغيان يعمي عيون المجرمين..!!

=========

الشاعر #احمد_درهم

بيننا الميدان ،والكل قد صدره ملآن
ثار للنسوان، با ندحر المستكبرين..

بلغوا بعران سلمان واخوان اردغان
بعد ذا العدوان بانفتح(أولى القبلتين)..

=========

#مهدي_احمد_مفلح

لا غزينا لانت الصخر والباطل يهان
والعداء نسفك دماها بقوة ما تلين

معنوية حيدرية وبالله الرهان
اصطفانا نقهر الكفر والمستكبرين

#محمد_أحمد_مفلح

من هدى القرآن نزداد عزم وعنفوان
والعدو خسران والله خير الناصرين

خاطف النسوان لا بد بامر الله يهان
فتح مارب حان والعاقبه للمتقين

#عاقل_بن_صبر

امتلى الميدان بالجيش وابطال اللجان
في لواء القرآن والمؤمنين الصادقين

والتلاقي حان ياحلف صهيون الجبان
ملتقى الجمعان يثبت وجود الفيلقين

#أبويوسف_القاري

من وراء خطف الثمان النساء باقي ثمان
أقبل الطوفان يجرف أخس ا منافقين

فيلق القرآن جاء ياقصيرين الزنان
قوة الإيمان بايثبتوها الصادقين

#الشاعر_حسن_السعيدي

ياقوى الشيطان حان الجلا والفتح حان
والمدد رميان ماعندها في الحرب لين

نصرنا قد بان والمعركه شاهد عيان
ويل من خان اليمن وأستباح المسلمين

#الشاعر_حمزة_المغربي

من هدى القرآن نطلق فيَ الحرب العنان
والـّذي ما بان له فجـرنـا ذاق الانيـن ..!!

يا قـوى سلمان في مطلع السبع السمـان
حلفكم يهتـان (والله خيـر النـاصرين)!!

#زيد_الخراشي

مامع إخوان الشياطين في مارب مكان
قل لسلطان العراده يغادرها بحين

عار من بعد الثمان ان قعد فيها ثمان
بايع النسوان من حلف سلمان اللعين

#عماد_العملسي

النقاء قدحان ماعاد للغازي مكان
رحبت نخلا وطلعة ميه بالمؤمنين

خاطري ولهان للجيش وافراد الجان
داعش الاخوان فارض الحضاره مفسدين

#الشاعر_أبواحمد_العسولي

في رضئ الرحمن هبت رجاجيل الطعان
للنقاء شجعان بالله ونصره واثقين

خبرو جيش المريكان والحلف الجبان
في يمن الإيمان موت الغزاه الطامعين

#سلطان_خضران

والذي لاقال للشيئ كن فالكون كان
مانخلي دم محسن سبيعيان دين

النقا له حان من قاتله والثار حان
وين بن شعلان جا خاطف النسوان وين

#فارس_المعزبي

ياجبل مران سجّــِــل من الليله ثمــان
وإحفظ العنوان والله خير الحافظين

من هدى القرآن يافخر جيشك واللجان
قالت الفرسان بُشراك بالفتح المبين

#شاعر_بيحان_ابوليث

دم سبيعيان وسجون سريه ملان
وخطفه النسوان وحصاره لحد المنين

كالحمم بركان باتبلع الحلف الجبان
بجيشنا ولجان والله والفتح المبين

#عبدالعزيز_الغرباني

يايمن ليمان امضي بقوة عنفوان
واقهر العدوان باذنابه المتحالفين

وازهم الشجعان تثأر ورى خطف الثمان
وعد ربي حان بالنصر والفتح المبين

#الشاعر_يحيى_حسن_الرازحي

ياقوى العدوان جيش اليمن هو واللجان
بايحرر كل أرضه من المستعمرين

مارضيتوا تسمعوا للنصيحة من زمان
إنكم باتهزموا ثم تولوا مدبرين

#جبريل_الرازحي

بأسنا الايمان. والحق والدين الامان
من هدى القرآن. ننهي عروش الظالمين

وقت مارب حان. بالله والجيش ولجان
بلغوا سلطان. ينقل فراشة والبنين

#ابوامير_الفهدي

ساعة الفرقان دقت وبالله الرهان
ياعظيم الشان جندك بوعدك واثقين

رجح الميزان والحق واضح للعيان
وافلس الشيطان بجحافله والفاسقين

#امين_التركي

في سبيل الله ماضين في كسب الرهان
تحت راية سبط من هاجروا في الهجرتين

دام والمهفـــــوف قد هو مرشح للجنان
نقلع السيفين ونحـــط رمز (الكلبتين)

#أبوخالد_الطويل_الجهمي

اغنموها الان عودوا لكم وجه الامان.
حسمها قد حان وعدة ويفهمها الفطين

بعتوا الاوطان وهدرتوا العرض المصان
كان يا ماكان في رحلة الست السنين

#يحيى_علي_الحضوري

قال ابومران للنصر انا ضامن ضمان
ماتبقا هان وضعه قريب بايستكين

صك فالوجدان واضح عل حلف الثمان
هم كما الجرذان والله خير الناصرين

#سفيان_محمد_الدباء

فزعة الشجعان حانت على كمن جبان
بايع النسوان نسقيه من ابو قارحين

مابقى للعذر قُـبلان من بعد الثمان
انفرو ياجيش والجان للنصر المُبين

#ابوكيان_الهبل

ياجبل هيلان شامخ على مرالزمان
بلغ العدوان منارساله كلمتين

من يريدالحل يرجع وله مناالامان
ومن يريد الموت لايوقف الا ساعتين

#أبوناجي_الشريف

بيعت النسوان عور القبل طول الزمان
من قبل لاخوان وأعوانت ابليس اللعين

ندعي الرميان وبتال زينات ال

مجاراة عن موضوع (تراجع امريكا عن قرار التصنيف )!!
لكل شاعر ثلاثة ابيات..فقط

البدايةالشاعر #ابويوسف_القاري

الامركه قد عدلت منطقها
بمثل ماقال الشهيد القايد

اعلن قراره ضدنا ناعقها
واليوم صرح بالتراجع #بايد..

واحنا لها الاعداء وبانقلقها
تراجعت..او صنفت..شيء واحد..!!

ضيف الله سلمان

با نرفع الصرخة وبا نِطْلِقها
في وجه امريكا النظام الفاسد..!!

وشعارنا طوفان با يغرقها
كما غرق فرعون نجد المارد..

با نرفع الصرخات ونطبّقها
بالبدر نقصفها وهدهد راصد..!!

الشاعر #احمد_درهم

الأمركة قشَّة وبانحرقها
(وحسين بدر الدين قدم شاهد)

قال (اصرخوا) في وجهها نزهقها
بالخير مستقبل يمنَّا واعد

ارفع شعارك والثقة وثِّقها
بالله سبحانه ونصرك وآرد..

الشاعر #محمد_الحربي

قلو لـــ (زعتر )دقنته يحلقـــــها
الجاحد ابن الجاحد ابن الجاحد

لايئمـن امـــريكا ولامـــوثقهــا
ولايـصدق هنــجمة بـن زايــد

الله يلعن.كل مــن صـــــدّقها.
ويلعن ال سعود واحد واحد

الشاعر حمزة المغربي

طبع المـسـيرة كلّ من صدّقها
يسري الى درب الفلاح الواعد

با نضغط امريكــا لما نخنقها
بــقـوّة الـلـّه والمــسـار الراشـد

و الصهينة تسقط ومن رافقهــا
والشعب الانصاريّ صاعد صاعد

#شاعر_نهم_الحمراء

من مغرب الارض لا مشرقها
ما شفت مثل الشعب هذا صامد

رجال صادق بالولاء موثقها
والحق ما يضويه غير الساعد

باتحرق امركيا و بابردقها
بدعم رباني و حكمة قايد

#زيد_الخراشي

زلزل عروش الفرعنه واصعقها
ياشعب بشعار الشهيد القايد

شواهد الصرخه لمع بارقها
ومن صداها حن صوت الراعد

الموت لمريكا ومن صادقها
والنصر للاسلام رغم الحاقد..

#محمود_الجنيد

مهما تحوج ضدنا منطقها
مابا نهادنها ولا بنحايد

في المنطقه لابد مانحرقها
ونزيلها ونزيل كمن فاسد

عاد السماء لابد ما نطبقها
ع البيت الابيض والذي بيساند

#حسن_السعيدي

ذي ما يدسمها فما مرقها
والواقع المشهود اكبر شاهد

وآيات ربي كلمن يلحقها
يشوف تأييد المهيمن واجد

بانقلق امريكا وبانصعقها
وندوسها بإذن الإله الواحد

#مقبل_حسن_جرام

دام الشهاده فوز بانعشقها
ماذل مؤمن منطلق ومجاهد

هذه هي العزه وذا منطقها
وذا سبب نكسة قرار الحاقد

وسياسية الأمريك با نخفقها
ونذلها في حرّها والبارد

#عماد_العملسي

والله وربي ماعذر نشـنقـها
بفضـل ربي الـقـوي الواحد

لوهـو بيده كـان بايطبقـهـا
لاكن درا ذا الامر ماهو وارد

صرخة شعاري غيرت منطقها
واضحت تهم الوارده والشارد

#أبوكنن_محمد_منصر

هذا المسيرة عزها خالقها
كم قوته سلمان ولازايد

بقوة الله القوي نحرقها
والشاهد الله والمجنح شاهد

مالك من امريكاء ومن صدقها
مادام ابوجبريل فينا قايد

#فـارس_المعـزبي

إن نفّذَة قولــوا لها تِطْبِقْهَــا
وإن راجعت فيها التراجع سايد

قريب يــ الانصار بانسحقهــا
بجيش للرحمان راكع ساجــد

ينهــي مكانتهــا معَ مُلْحَقْهَــا
من عند آل إسعود وأبنا زايد

#الشاعر_أحمد_الديلمي

الامركه تشتي منو يخنقها
واحنا لها والله بنصري واعد

دام الشهاده ياخبير اعشقها
خل التصانيف حقها للقاعد

اقسم برب القاف لا نشنقها
وازيل اخوها وامها والوالد

#الشاعر_أبوشاكر_المضماري

تلعب علينا الامركه بسرقها
فردة حذا صادر وفرده وارد

عاهره تغطي عيبها بطرقها
كانت تغالط بالجمال الزايد

ماليوم قشه والعلم يحرقها
ولعن ابوها الشعب واحد واحد

#يحيى_علي_الحضوري

لعبه خبيثه واليمن مزقها
بسياسة المشاط واحمد حامد

كل القوى بسلاحنا نسحقها
مادام ابوجبريل فينا القائد

وطقومنا كذاب من يسبقها
حتا النساء ضد اليهود بتجاهد

#محمد_المنصور

عدونا امريكا ومن صادقها
ما ننحني والله علينا شاهد

واحنا لها باسلاحنا نحرقها
ونسوقها نحو الزوال البايد

وصرخة التكبير با نطلقها
والنصر للشعب الأبي الصامد

#أحمد_الغبسي

يانهج من أهدى الكتب واصدقها
واالم وت لمريكا الشعار الرايد

هذه ملازم حق من طبقها
يجني ثمار الإنتصار الواجد

بوجهها نصرخ وبانرهقها
لاماترى الحق المبين السايد

#الشاعر_أبواحمد_العسولي

احنا الشهاده قلهم نعشقها
في طاعة الله القوي الواحد

ماهمنا امريكأ ولاناعقها
قرارها تحت القدم متواجد

وبقوة المعبود بانسحقها
والشعب كله في فناها صامد

#بدر_الكهالي

بالله وابن البدر بانحرقها
داخل لضى جمر النكال الواقد

باطل بصوت الحق بانزهقها
ويخيب مشروع الظلال الكايد

في وثق حبل الله بانشنقها
والحق فوق الارض يبقى سايد

#الشاعر_رايد_الخمري

اليوم شب المـوت من خــارقــها
في وجه امـــريكا تــشب الـعايد

وبــاللــه والـقــران بانــطـلــقــهـا
فوق المريكي والعميل بن زايد

والقدس والبركان با يــحــسمها
وصماد والقاصـف عليــم جايد

#أسد_بني_العوام

يا للغبا في الأمركه ما احمقها
لعبة سخيفه ضد شعبً صامد

با نحكم المغرب مع مشرقها
دام العلم فينا الولي والقايد

با نرهب الأعداء وبانزهقها
بالله والقرآن وشد الساعد

#الشاعر_طارق_الحسني

شمس المسيرة قد لمع بارقها

المجاراة مستمرة عن العملية الهجومية لتطهير بقية محافظة مارب من الغزاة..

لكل شاعر بيتين فقط..

البداية من الشاعر عكام القصاد

ياالله النصر والفتح العظيم
سدّد الجيش في خط الأمام!!

يا سباء من ورى خطف الحريم
لاسكتنا على الدنيا السلام..!!

#ابويوسف_القاري

اقبل الموت والريح العقيم
بالمسار المظلل بالغمام..

يرسل اهل الخيانه للجحيم
ارض مارب على الخاين حرام..

الشاعر #احمد_درهم

فتية الكهف واصحاب الرقيم
من غزاها يذوق الموت خااام

تضرب الحلف الاعمى في الصميم
قوم في الله ماتخشى الملام..

#الشاعر_براق_المنبهي

المعابر لها صوتٍ زهيم
تلطم المرتزق تكسر عظام

نصر مارب على ايدينا مقيم
والمنافق هرب فك الحزام

ضيف الله سلمان

بالهدى والصراط المستقيم
يارجال المُهمات الجسام..!!

ذرّوا المعتدي مثل الهشيم
زحف تنكيل تطهير إقتحام..!!

#عباد_ابوحاتم

علموا حلف الاصلاح الرجيم
في اللقاء درس فن الاقتحام

كلما قايد الشعب الكريم
صاح فينا تنادينا الهمام

الشاعر حمزة المغربي

يا قوى الكفر وابليس الرجيم
اطعموا بأس يــوم الانتـقـام !!

يوم للظالــم الغــازي عــظيـم
بطش يطحن قرونه والعظام!!

مهدي احمد صالح مفلح

بالعزيمة وقايدنا الحكيم
با نخوض المهمات الجسام

يصبح الخصم جيشه كالصريم
والمواقع تسلم باحترام

ثائر في زمان الصمت

اشرقت شمس اصحاب الرقيم
واعتلت صرح بلقيس والمقام

فتح تحرير جنات النعيم
طرد ابليس واولاد الحرام

الشاعر بلال الشجني

قل لسلمان هنا باب الحجيم
في سبأ يأكل الغسلين خام

سيدي يا الصراط المستقيم
حفظك الله وعليك السلام

#زيد_علي_ابو_علي

طمّت العاصف الريح العقيم
واشرق البدر وانزاح الظلام

بشري حلف فرعون اللئيم
ياطوال المدى باسوء ختام

#ابو_الهادي_موسى

الـيمن موطـن العز الكـريم
وأهلها لا دعى الداعي كرام

بـا نـقـاتـل عليـها بالـشريم
لا انتهت كل طلقات الحزام

ابوشرف الدين فايزالحمزي

الله أكبر على الحلف اللئيم
الحثالات ابناء الحرام

من تجروا على خطف الحريم
بالطقوم اقتحامات للخيام

#أسامة_الجنداري

مأرب العز والمجد القديم
رحّبت وإلتقتنا بالسلام

واندحر عنها كمن لئيم
واغربوا عنها ابناء الحرام

#ابوابراهيم_الحرملي

المجمع .. عليه القوم ميم
جيش عبدالملك زاح الضلام

انتها حلف سلمان الرجيم
وانتها المرتزق .. والنصر قام

#أسد_بني_العوام

ادبر الخصم وابليس الرجيم
واقبل الفتح من بين الركام

اضربوا الخصم ضربه في الصميم
صد واسناد هجمه واقتحام

#الياس_علي_المقدشي

تضحيه كهف مران والرقيم
اثمرت نصر في كل المهام

تصبح اجناد سلمان كالصريم
وسط مارب نجرعه انهزام

ابو حافظ قاسم السقاف

ياقوي مقتدر والي كريم
عجل النصر وانجاز المهمام

لاجل يتعاقبوا كمن لئيم
خاطفين النساء ذي فالخيام

#محمد_المنصور

ريح هجمات الانصار العقيم
ساقها الله في لد الخصام

خلّت اذناب الاعداء كالرميم
والمسلّم لها يلقى السلام

أبوكيان الهبل الهبل

بلغوا قرن شيطان الرجيم
مامعه حل غير الانهزام

جيش ثابت مع قايد عظيم
ماعرف فالحروب الا الامام

الشاعر بشير بطحان

بعـد مارب نصل وسط القصيم
نفتح القدس والبيت الحرام

تحت رايه علم شعبي العظيم
ابن طه المظلل بالغمام

الشاعر ابو احمد العسولي

في فناء حلف شيطان الرجيم
كل شاجع شلي سل الحسام

من هدئ الله والنهج القويم
قوة الكون نذريها حطام

الشاعر #عماد_العملسي

من سكت عن مجازرهم لئيم
والمنايا علئ شعبه حيام

من رضي بل عدو يحسب غريم
بانفاصل ضلوعه والعظام

شاعر بلاد الروس

من يبا العز وجنات النعيم
فاالجهاد ذروته واكبر سنام

بعد خطف المسافر والحريم
فوقهم فوق ياالناس الكرام

أحمد عبدالقوي الغبسي

مارب المجد والنهج القويم
صار تحريرها رهن اقتحام

بعد ماكان في علم العليم
اصبح اليوم واقعها تمام

#صنعاني_شحطة

نجد ودبي وأمـ.ـريكا الرجيم
في يمنا أنتهوا وبشكل عـــام

نصلي الحلف لا قعر الجحيم
لاتفاوض معاهم لاكـــــــــلام

شاعر اليمانيه

قل لجيش المنامه والقصيم
والملوووك الرديه والئام

بعد ذا العيب والفعل الوخيم
لا سكتنا فلحنا احفاد سام

#عبدالسلام_بن_محمد

بعد خطف المكالف والحريم
لا تفاوض لتحقيق الوئام

بإذن جبار متعلّي عظيم
فتح مارب (محطات السلام)

تابع المجاراة اليوم عن الشهيد العظيم #الشاعر_همدان_السباء رحمة الله تغشاه الذي كرمة الله بالشهادة في ميادين الشرف والعزة )

#علي_المؤيد

بابن السباء همدان يضرب مثال
بالسيف والكلمه بالاعــــداء نزل

قد كــــان ابو حـدين كله وبال
سيــف ولســان بنــار ينزل كتل

باع النفـس للـه وحــط الرحال
في جنـة الفـردوس ذاك البطل

#ابووايل_عنبل

الجنه اشتاقت لهذا الوصال
بالفارس الشهم الشجاع البطل

ارخص دمه في سبيل الحق يوم القتال
ولا العواصف تهزك ياصميم الجبل

ان كان للعز موطن والاراده رجال
فوجه همدان ما ترضى بغيرك بدل

#شاعر_الصمود_محمد_الحربي

حيا بمن كرس دروب النضال
حتا ضرب في العزه اروع مثل

نكل بهم همدان. شر النكال
ونعم بشاعر مااعتراه الكسل

الحرف قوسه والقوافي نبال
ارعب بها المؤمن تحالف هبل

#شاعر_بيحان_ابوليث

اصبح لشعار المسيره مثال
واصبح لكل احرار نهجه مثل

شاعر يماني من رجال الرجال
افعال قبل اقوال فعله جمل

حي على خير الجهاد القتال
وصاغ من دمه لشعبي امل

#أبورازح_القعود

نال الشهاده في دروب النضال
ولاجنان الخلد همدان وصل

يهناكم الفوز العظيم يارجال
نيل الشهاده مثل طعم العسل

جاهد جيوش الغزو والاحتلال
ثبت في الميدان مثل الجبل

#سيف_حسن_العامري

يهناه بالسيد حسين الوصال
رام اللقاء به واشهد انه وصل

صال المعارك فوق الاعدا وجال
كا الليث سبب للتحالف شلل

#الشاعرجبهان_حواش

اليل يالهاجوس هات الجزال
فالشاعر المقدام ذاك البطل

مؤمن مع الرحمن شد الرحال
يوم الشدايد نارها مشتعل

نال الشهاده في ميادين القتال
يهناه في درب الكرامه قد رحل

#ابوفيصل_المهذري

همــدان نعـــم الناس نعـــم الرجال
اختارة الله فـي جــنانــه وصل..!!

قــــــال المــذله طالـــقة قال قال
وتوجــة الجــبهـة بهــامــة رجل..!!

من وحي(زدناهــم هـدى) له مقال
ومن وحي اجيــبوا داعي الله رحل..!!

#أخت_الشهداء_البكالي

مؤمن مع الرحمن شد الرحال
واختاره الباري وللجنه وصل

سطر ملاحم حط حلف البغال
وداس انف الغازي المبتذل

ايمانه اللي هد عرش الظلال
همدان قوة ثابته كالجبل

#ابوغبري_الغبري
 
مابين مايمكن وبين المحال
قول الرجال افعال ماهي زلل

 (همدان) بالكلمه وبالفعل صال
 وادى مواجيبه بخير العمل،،،،،

المؤمن الصادق يحب النضال،،
في كل موقف مثل كوكب زحل

#صدام_شايف

سجل بحبره حروفا جزال..
وخلد اسمه بدمه وروحه جعل

لتاريخ همدان اعظم مثال...
نال الشهاده حلم البطل ..

واحنا بدربه صامدين كالجبال
بالصبر والايمان. وصدق العمل

#ابوشاكر_المضماري

كانه لها في شعر ولا قتال
يحي السبا ذي في سبيله قتل

حبا الشهاده ماعلى الدرب مال
غايت مراده بذن ربي وصل

واحنا على دربه نواصل رجال
لوما بيي يا ضيف منا رجل

#زيد_الخراشي

شعري يجاري في رثاه الجزال
وهو يجاري في الجنان الهبل

عظم لنا به الاجر رب الجلال
واحسن عزانا في المصاب الجلل

ولاخسارة مع الرحمن في كل حال
والحزن ماله في جنوده محل

#تهاني_الحمادي

حر عند المواقف شامخً كالجبال
يادموع المآقي ودعي من رحل

فـ الميادين يسري في دروب القتال
مثل همدان شاجع لافعلها فعل

تشهد الحرب تشهد فزعتة للنزال
والمواقع تترجم فعل كمن بطل

#ابوحيدر_الحمزي

سـلام ربي يا رجال الرجال
امثال ( همدان السباء) مــن رجل

اثبت لصدق القول باصــدق فعال
واصدق رجل مـن قال قوله فعل

يا اللَّـه تجملنا نشـد الرحال
على خطى اللي في المسيرة رحل

#كمال_الذيباني

ونعــــم بذاك الجيــد ذي شــد الرحـال
ولاجنـــان الخــلد عـــنـد الـــله رحــل

انشهــد انه شخــص يُضــرب به مـثال
شاعر مجاهـــــد حيدري مـــاله مثـــل

اي والله انــه كــان من خيــر الرجــال
من الرجــال اللـي اذا قـــاله فعـــل

#ابوحيدر_الراشدي

ابو اسد شامخ شموخ الجبال
انا اشهد انه كان مثل الجبل

نكل بالاعداء فالجنوب والشمال
وداس الاعداء والغزاة الهمَل

يا كم تمنى للشهادة ينال
ونالها كنّه بيشرب عسل

#الشاعر_حسن_المهدي

يا صاعد العليا هنيت المنال
تغرف من انهار اللبن والعسل
..
واتترجمت بافعالك اروع جزال
جاريتها من قلب شاعر بطل
..
حمزه وعمار انت نسخة بلال
يا حيدري في درب حيدر وصل

#ابوحسين-العصري

صدق التولي جسدته الرجال
بصدق المشاعر والتقى والعمل

بعزم وتفاني وارتقاء واعتدال
ناااال الشهادة للسعادة رحل

كان المجاهد للغزاة النكال
جسد مواقف خالدة للأزل

#عماد_العملسي

ياالله تقبل مننا خير الرجال
قوم الشهاده ذي بهم تزها الجـُمل

قدبعت لك نفسي ومالي والعيال
ياالله تقبل مننا خير العمل

علئ خطاء الاطهار جددنا الوصال
في درب همدان الكفو خذني وصل

#الشاعر_عبدالسلام_الطالبي

انا اشهد إن همدان قوة وعال
وشهم ومجاهد عظيم النبل

وإلا لما انهال الرثاء والسجال
من الرفاقة وامعنوا في الجمل

ذي عرفتنا بالقمر والهلال
والشاعر المقدام ذي ما أفل


#إتحاد_الشعراء_والمنشدين

https://t.me/aboyahyaalshami

• جودة متوسطة
🎞 #كليب (( نداء الأقصى ))
ـhttps://t.me/MuhammadAlMahfadi/87

• أداء | #محمد_المحفدي
• كلمات | #عماد_العملسي
• ألحان | #تراث_يمني
• إنتاج | #مؤسسة_الإمام_الهادي
• #طوفان_الأقصى | لستم وحدكم

‏؛؛ـــــــــــــــــــــــــــــــــــــ؛؛
القناة الرسمية للمنشد | محمد المحفدي
؛ https://t.me/MuhammadAlMahfadi

• جودة منخفضة
🎞 #كليب_قصيدة (( أجيال الإيمان ))
ـ https://www.aparat.com/v/MXD63

• الشاعر | #عماد_العملسي
• إنتاج | #اتحاد_الشعراء_والمنشدين
•• #علم_وجهاد 1445هـ

؛•••••••••••••••••••
#زوامل_أنصارالله_القناة_الرسمية 
#تنفيذ_إتحاد_الشعراء_والمنشدين
🔰 https://T.me/zawamlAnsarAlllah

• جودة منخفضة
🎞 #كليب_قصيدة (( لستم وحدكم ))
ـ https://www.aparat.com/v/xpf3g39

• الشاعر | #عماد_العملسي
• إنتاج | #اتحاد_الشعراء_والمنشدين
معركة الفتح الموعود والجهاد المقدس

‏؛؛ـــــــــــــــــــــــــــــــــــــ؛؛
    >< #القناة_الرسمية ><
#زوامل_وأناشيد_أنصار_الله
#تابعونا_لكي_يوصلكم_كل_جديد
🇾🇪  @Zwaml100
🇾🇪 T.me/Zwaml100
http://T.me/Zwaml100