تـصـد بـ؏ـيني وتـغـلس #مجانك
اتـ؏ـرفنـي ومنتجن بيه #مجانك
بگـلبي مـا وصـل واحـد #مچانك
طوئ ومسموحلڪ لودست بيـــه

لـ #علي_ابراهيم_طلب

_

بدت تكبر بروحي الــ كون الاگيك
وفقره گلوبنه وحبها عله گدها
عليه بالعافيه النايم بلا آخ
والما بيت الدمعه اعله خدها
من يوم الرحت لليوم هل عين
لاهي الناشفه ولا اعرف اسدها

#علي_حسن_علوان

قصيدة : القارورة


يقارورة دمه الغالي ....

على احبابي انشغل بالي ...

اراقب واني حذره &&&& الرسايل كلة خطرة

*****************************************

اول مراسيل الحزن

نسمة هوه جايبته #الي

مخنوك اجه بصدري النفس

شميته بي ريحه #هلي

من والدي جايب عطر

مو ذاك عطرة #الاولي

بيه ريحة الفاكد ولد

يمكن مشه الاكبر #علي

يقارورة واخاف اني ...

تجرحيني بخبر ثاني....

واموتن قطرة قطرة &&&&الرسايل كله خطرة
*****************************************
يقارورة دمه الغالي ....

على احبابي انشغل بالي ...

اراقب واني حذره &&&& الرسايل كلة خطرة
*****************************************
ثاني رساله من السفر

مكتوبه الي بكطرة #دمه

كالتلي عطشان الورد

مات الندة ويشرب #ضمه

عبد الله موذاك الطفل

جن والدج شايل #سمه

اترف قرابين العشك

راد الحبيبه #يقدمه

ررسمتيلي يقارورة ......

مهدخالي بحظن صورة

اثر دم على صدره &&&& الرسايل كلهه خطرة
*****************************************
يقارورة دمه الغالي ....

على احبابي انشغل بالي ...

اراقب واني حذره &&&& الرسايل كلة خطرة
*****************************************
ثالث مكاتيب البعد

هذا اصعب واكثر #خطر

يحجيلي سالوفة سمه

مثلومه ويطيح #الكمر

من يحظن بروحه الجرف

يشبه نهر حاظن #نهر

مو ظهر ابوي المنحني

ظهر الزمن كله #انكسر

لكاه كاتب على جروحه ......

غلاتك اختك مثل روحك ......

طلب زينب تعذرة &&&& الرسايل كله خطره
*****************************************
يقارورة دمه الغالي ....

على احبابي انشغل بالي ...

اراقب واني حذره &&&& الرسايل كلة خطرة
*****************************************

اما الرساله الرابعة

لونج يقارورة #اختلف

لون الدمة تحول الى

حنه عريس بلاي #جف

والدته ينزف رادتهه

زفوه على جروحه #نزف

صورة بدر ينزف ضوه

صورتي لحساسي #ورجف

وانا وروحي وخناجرهه ....

مثل رمله ومشاعرهه.....

الحجر بلنوح افطرة &&&& الرسايل كله خطرة
*****************************************
يقارورة دمه الغالي ....

على احبابي انشغل بالي ...

اراقب واني حذره &&&& الرسايل كلة خطرة
*****************************************

لحظة ووصل من الهجر

اصعب مراسيل #الالم

شكلج يقارورة اختلف

صار اسود وكلبي #انصدم

مستغربه وفكري انذهل

حزنج على رمشي #انرسم

ليل الله بحظانج نزل

لو هذا دخان #الخيم

الجمرة غربه وحرك خيمة .......

واني بعيني الدمع غيمة .....

مطر وخدودي صحرة &&&& الرسايل كلهه خطرة
*****************************************
يقارورة دمه الغالي ....

على احبابي انشغل بالي ...

اراقب واني حذره &&&& الرسايل كلة خطرة
*****************************************

واخر رسالة من النحر

كلبت موازين #الزمن

قارورة الدم امتلت

وتبدت وفاض #الوطن

صدرك علي حافر فرس

والخد بلرمال #اندفن

وصفولي بجروحك شمس

وجروحي ما #توصفن

على جروحك كمر غافي .......

وانه بروحي نجم طافي ......

طفه العالم باسرة &&&& الرسايل كلهه خطرة
*****************************************
يقارورة دمه الغالي ....

على احبابي انشغل بالي ...

اراقب واني حذره &&&& الرسايل كلة خطرة
*****************************************

للشاعر : احمد الذهبي

نـزر وڪحيـل ومـرهـدن #على_اطـراد
الـجوامح. ضيف ماسامع #علي_اطـراد
وعلـي فـرحـان يـا ؏ـالم #على_اطـراد
بمـڪاتـيـب وضــحـك مـرتـاح بـيـه!

لـ #عقيل_الـعامري

دارت ومـاي النـيـل رايـب لكـيتـه
وانـتـه اعـلـه طبعـك ذاك ماغيريته

لـ #علي_محمد_الملاح

خليـلي ثـوب وروح مـن تبـ؏ـد انخاڪ
حـته ارد بـيه الشـوف لو طوول اجفاڪ

لـ #علي_محمد_الملاح

حـد هـسه لا مر ضيج لاحـس تفـگ ثار
وي ٲلزغـيرة ٲجـفيت شنـطر للكـبـار.❜


لـ #علي_محمد_الملاح...

ردلي وكمتله زحوف وي ما كمت ضاع
ثاريــهه غــيمة صــيف مالاحـت الكاع

لـ #علي_محمد_الملاح

غنّه خوفة المَبتلي بروحه
بَعْد ماخضر الخنجر وسَط گلبة
ولمَع وجْهَه بسگوت
من يغني الكاولي كلكم سَكَوت
لو درة البلبل بواچيه غنّه
يبلع لِسَانه ويموت
بس يظْل مفضوح گلبه
شاور حروف الدفاتر
مالگة لِحَزنه دوه ، شاور الشگره وبچّه
گافي حزنك ، جُرح گلبك ، والوگت خنجر عدو
يشتري الشوگ بعطش روحَه ويهيم
رافگ الشوچ ويظْل چِدمه يتيم

والعُمر چِذبة أعلّه باچر

#علي_الشباني

الحزن يمشي ويالهوه





#علي_الشباني

‏⁧#تساؤلات_شعبية⁩
————————————————
‏ليش فاركت السفينة
‏وانه جايبلك بحر ؟
‏⁧#مظفر_النواب⁩

‏ليش تنام ؟
‏وإنت بروحي كل لحظه صبح
‏⁧#علي_الشباني⁩

‏ليش الهجر وكت الوصل يحله ؟
‏⁧#عزيز_السماوي⁩

‏ليش من كتلك
‏بساتين البروحي تريد فيك عاندتني
‏⁧#غانم_الفياض⁩

‏ليش خلينه الدمع ينزل رخيص؟
‏وليش كل لحظة جرح نكتب شعر؟
‏⁧#جبار_الشدود

غنّه خوفة المَبتلي بروحه
بَعْد ماخضر الخنجر وسَط گلبة
ولمَع وجْهَه بسگوت
من يغني الكاولي كلكم سَكَوت
لو درة البلبل بواچيه غنّه
يبلع لِسَانه ويموت
بس يظْل مفضوح گلبه
شاور حروف الدفاتر
مالگة لِحَزنه دوه ، شاور الشگره وبچّه
گافي حزنك ، جُرح گلبك ، والوگت خنجر عدو
يشتري الشوگ بعطش روحَه ويهيم
رافگ الشوچ ويظْل چِدمه يتيم

والعُمر چِذبة أعلّه باچر

#علي_الشباني

.
جرحوني وگلت ممنون
اذا موبيه بيمن ربعي يتونسون
عافوني وگلت يوسف نبي وعافوا
غدروني وذكرت الباب والبسمار
ضحگتلهم ضحك جاهل
رغم گالوا عليه الوادم تجامل
بچيت الهم بجي امايه اعلى خلفتها
العصر باعوا ذهبها وباب غرفتها
وأنذليت
مو قصه صداقة وياي من گد ماخذوا مني عمري وأنطيت
من گد ما نسوني وانى تانيت
هاي الناس تكرهني
باجر لو متت يحجون هذا الميت نحبه
دنيا وماكو صاحب زين بس عباس والجربه

#علي_البديري

زيـنـب يـا خـواتـي تـصـيح #خنصر
انــه ويـاجـن حوايه حسين #خنصر
لجـن يـاجـيـش الـيـه بـعــد #خنصر
اخـذو مـحـبـســـه وردوه الـــــــيه

لـ #علي_عويز_الشويلي

الهـوه يلتـم علـيه منـين مـاذكـروك
وادگ رجــلي واظـل بـعـازة الـخـنگه

وأغــص بــريحتــك ماگمت اغص بالزاد
المــفارك النــسمة العــابرة تــغرگه

مـوبـس الصـواب النــفس هم كــتالـ
سـهم يـمشي الخــريف برية الورگه

نـيتك صـافيه وتـــعرف شلـون تـــروح
وتــندل ياحــلم من لــيلك تشــگه

صـحـره بـعـين بــدوي اتـمنى روحي تصير
على حــرورة رملــهه يطــگ عشب خلگه

مـن اشـوفك حسـبت حضـنك يصير گماط
وتـدك روحـك صليــب بضلعي بالـشبگه

واشـد من غيـبتـك ماصـخ طلع ملـگاك
اجيـت وثكـل جـدمي ودمـعتي تسبگه

انـه مـالح واغــزر من ادوس الگاع
شنـي ماغـزرت ويـاك بـالمـلگه

#علي_رشم 💔

في يوم الغدير يعبقُ الورد بالولاء لتكتمل لوحة الوفاء
#علي_صراط_حق