#рәўият

Әбиў Ҳанифа раҳимаҳуллаҳ бир күни бир достының гөне кийимде жүргенин көрип қалды. Адамлар тарқалып, екеўинен басқа ҳеш ким қалмағаннан кейин, оған:
– Анаў жайнамазды көтерип астындағыны ал, – деди.
Ол киси жайнамазды көтерип қараса, оның астында мың динар турған екен.
Әбиў Ҳанифа раҳимаҳуллаҳ оған:
– Соны алып ислериңди ямаса үсти-басыңды жаңалап ал, – деди.
Сонда ол киси:
– Мени ким деп ойлап турсаң? Мен де өзиме тоқ байман. Аллаҳ маған Өз ғәзийнесин инам еткен, сениң пулыңа күним қарап қалмаған.
Сонда Әбиў Ҳанифа раҳимаҳуллаҳ оған:
– Егер Аллаҳ сеннен Өз неъматларын аямаған болса, оның белгиси қәне? Саған Расулуллаҳ саллаллаҳу алайҳи ўа салламның: "Әлбетте, Аллаҳ азза ўә жәллә Өзи берген неъматларының белгисин бендесинен көриўди қәлейди", деген сөзи жетип келмеген бе? Сен достыңды уўайымлатпаў ушын үсти-басыңа қарап жүриўиң керек, – деди.

Бизди социаллық тармақларда бақлап барың!
telegram| youtube| facebook| instagram

Интернет сайтымыз: alberuniy.uz

#рәўият #тәрбия

Тәрбияның қәншелли керек екенлиги

      Өткен дәўирлерде уламаның алдына бир дийқан келип баласынан шикәят етип: "Ҳәзирет балам ҳәр күни азанда мени урады", деди.
- Субҳаналлаҳ, бала да әкесин урама екен?!
- Аўа, мени балам урып, бет-аўзымды көгертеди.
- Сен оған тәлим-тәрбия, әдеп-икрамлықты үйретиппедиң өзи?
- Яқ, бала-шаға деп жуғыр-жуғыр менен ўақыт болған жоқ.
- Сен оған үлкенге иззет, кишиге ҳүрмет, Қуран аятлары, ҳәдиси шәрийфлерди үйретпедиң бе?
- Яқ.
- Балаң өзи не ис қылады?
- Егин егеди.
- Онда балаң азанда үйден шыққан ўақытта ешегине минип баратырып дуўа оқып, күниниң берекетин сорап үйден шығыўдың орнына, қосық айтып шығып баратырғанда алдынан шығып қалған шығарсыз, сол ўақытта ол сени де мал деп ойлап бир теўип өткен шығар. Шүкир етиң, басыңызды жармағаны ушын, деген екен.

Бизди социаллық тармақларда бақлап барың!
telegram| youtube| facebook| instagram

Интернет сайтымыз: alberuniy.uz

#рәўият #тәрбия

   Өмирдиң алтын қағыйдасы

     Патшаның жүдә ақыллы ҳәм гөззал қызы тосаттан қәстеленип қалыпты: аяқ-қолы ислемей, еситиў ҳәм көриў қәбилети әззилесипти.  Шыпакерлер ҳәм тәўиплердиң даўалаўға урыныўларынан нәтийже болмапты.
     Бир күни сарайға нүраний кексе келип, мәликаның дәртин даўалаў сырын билиўин айтыпты. Сарай әҳли оннан жәрдем бериўин, мәликаны дүзетиўин сорапты. Сонда кексе бийтаптың қолына тал шақаларынан тоқылған, үсти таўар менен жаўылған себет берип:   «Себетти ал, ондағы нәрсеге ғамхорлық қыл, Аллаҳ қәлесе, саламат боласаң», – деди.
     Мәлика асығып таўарды көтерипти, себет ишиндеги нәрсени көрип ҳайран қалыпты: онда кеселликтен жүдә әззилеген, зорға нәпес алып атырған гөдек бар екен. Мәликаның қәлбинде мийрим-шәпәәт ояныпты, денесиндеги аўырыўды жеңип гөдекти қолына алыпты да, әсте-ақырын тебирете баслапты.
     Айлар өтеберипти, мәлика балаға пәрўана болыпты: оны аўқатландырыпты, еркелетипти ҳәм сүйипти, ойнатыпты. Балаға меҳири түскеннен кейин, дәртлерин умытып, түнлери уйқыламай оны тәрбиялапты.
     Күн, айлар өтипти. Бала күлипти, бир күни жүрип кетипти. Қуўанғанынан оны көтерип алған мәлика жүдә жеңил ҳәрекет қылар, оған ҳеш қандай аўырыў азап бермес екен.  Бала менен өткен жыллар даўамында мәлика әсте-ақырын дүзелип барған екен.

      Өмирдиң қағыйдасы негизинде сол – биреўге меҳир берип, меҳир таўасаң, бахыт үлесип, бахытқа ерисесең.
      Әзизлер, меҳир үлесип бахтияр жасаң! 

Бизди социаллық тармақларда бақлап барың!
alberuniy.uz| youtube| facebook|instagram

Каналға ағза болыўды умытпаң !!!
✅@alberuniyuz

#рәўият

Пайда бермеген ҳийле

Уламалардан Жунайд ҳәзиреттиң алдына шаш-сақалы ағарған бир ғарры келип:
– Ҳәй Жунайд, мени шәкиртликке қабыл ет, шәкиртиң болғым келип атыр, – деди.

Жунайд ҳәзирет:
– Егер растан да шәкиртим болғың келип атырған болса, бир шәрт пенен қабыл етемен, – деди.

Ғарры оннан:
– Қандай шәрт екен? – деп сорады.

Жунайд:
– Мениң ҳәмме айтқанларымды қыласаң, – деди.

Ғарры:
– Болады, – деп разы болды.

Арадан жигирма жыл өтти. Бир күни ҳәзирет Жунайд ғаррыға:
– Ҳәй ғарры, шыраға май қуйып таярла, бүгин түнде бир жерге барамыз, – деди.

Ғарры шыраны таярлап қойды. Геўгим түскенде ҳәзирети Жунайд ғарры менен жолға шықты. Жол ылай еди. Сонда алдынан бир адам шығып:
– Ҳәзирет усында ылайлы жолда бир ғаррыға шыраны көтертип жолға шығыўыңыз туўры бола ма? – деди.

Жунайд оған:
–  Аллаҳға бойсынбаған шайтанды усындай қыйнаў керек – деди.

Қолындағы шыраны зорға көтерип жүрген ғарры шыраны жерге ылақтырып жиберип:

– Ҳәй Жунайд! Сен мениң шайтан екенимди билер ме едиң? – деп сорады.

Жунайд:
– Сениң шайтан екениңди келген күниң ақ билген едим, – деди.

Шайтан жигирма жылдан берли күткен ўақты келгенин сезип:
– Ҳәй Жунайд! Сен ҳақыйқатта зор адам екенсең, сени бир мәрте ўасўаса қылыў ушын есигиңде жигирма жыл қулдай болып жүрдим. Бирақ буны қыла алмадым, – деп оның қәлбиндеги тәкаббырлықты оятпақшы болды.

Аллаҳтың жәрдеми менен шайтанның бул ҳийлесин сезген Жунайд:
– Болды, енди бул жерден кет! Қәлбиме тәкаббырлықты салып, жигирма жыл даўамында қыла алмаған исиңди бир майданда қылып кетежақсаң ба?, – деп шайтанның ҳийлесинен Аллаҳтан пана сорады.

Жунайд ҳәзиреттиң уллылығына итибар бериң, ол ҳәттеки шайтанды да жигирма жыл ибадат етиўге мәжбүр еткен екен.
Аллаҳ таала бизлерге де усындай беккем ийманды несип етсин!


Бизди социаллық тармақларда бақлап барың!
alberuniy.uz| youtube| facebook| instagram

Каналға ағза болыўды умытпаң !!!
✅@alberuniyuz

#рәўият

Бес нәрсе

Шақиқ ибн Ибраҳим айтады: Жети жүз алымнан бес нәрсе ҳаққында сорадым. Олардың жуўаплары бирдей болды.
«Ақыллы инсан қандай болады?» деп сорадым
«Ақыллы инсан дүньяны жақсы кѳрмеген инсан» деп айтты.

«Зийрек инсан қандай болады?» деп сорадым.
"Дүняға алданып қалмаған инсан» деп айтты.

"Бай ким" деп сорадым
"Алланың бѳлистирип берип қойған нәрсесине разы болған инсан" деп айтты.

"Кәмбағал ким" деп сорадым.
«Қәлби тоймайтуғын инсан" деп айтты.

"Сықмар ким" деп сорадым?
«Мал-дүньясынан Аллаҳтың ҳаққын (яғный зәкатын) бермейтуғын адам» деп айтты.

Бизди социаллық тармақларда бақлап барың!
alberuniy.uz| youtube| facebook| instagram

Каналға ағза болыўды умытпаң !!!
✅@alberuniyuz