የሕዳሴ ግድብ የሶስትዮች ድርድር ነገ ይቀጥላል

የታላቁ ሕዳሴ ግድብ ድርድር ነገ እንደሚቀጥል የሱዳን የመስኖ ሚኒስቴር አስታወቀ፡፡
ሚኒስቴሩ በሰጠው ጋዜጣዊ መግለጫ በሦስቱ ሀገራት የውሃ ጉዳዮች ሚኒስትሮች ደረጃ ድርድር እንደገና እንደሚጀመር ገልጿል፡፡ በኢትዮጵያ፣ሱዳንና ግብጽ መካከል ከሰሞኑ የተደረገው የሶስትዮሽ ድርድር ነገ ዳግም እንደሚጀመር ነው ካርቱም ያስታወቀችው፡፡

የታላቁ ሕዳሴ ግድብ ድርድር ከቀናት በፊት በወቅቱ የአፍሪካ ሕብረት ሊቀመንበር እና የደቡብ አፍሪካ ፕሬዝዳንት ሲርል ራማፎዛ አነሳሽነት ከሰባት ሳምንታት በኋላ መጀመሩ ይታወሳል፡፡
በድርድሩ ሕብረቱ ድጋፍ እንደሚያደርግ ለተደራዳሪዎች ያረጋገጡት ራማፎዛ ቴክኒካዊ እና ህጋዊ ጉዳዮችን ጨምሮ ስምምነት ባልተደረሰባቸው ጉዳዮች ዙሪያ ሀገራቱ እንደሚስማሙ ያላቸውን እምነት ገልጸው ነበር፡፡

በቱርክና በግሪክ ደሴት በተከሰተ የመሬት መንቀጥቀጥ 19 ሰዎች ሞቱ

በኤጊያን ባህር በተከሰተው 7.6 መጠን ባለው የመሬት መንቀጥቀጥ 19 ሰዎች ሕይወታቸውን አጥተዋል፤ መንቀጥቀጡ ብዙ ህንጻዎች እንዲደረመሱና ንዝረቱ ወደ ወደብ ከተሞች መስፋፋቱን ሮይተርስ ዘግቧል፡፡
የመሬት መንቀጥቀጥ በተከሰተበት ወቅት በቱርኳ የወደብ ከተማ እዝመር ሰዎች በድንጋጤ ወደ መንገድ መውጣታቸውን ነዋሪዎች ገልጸው ነበር፤ አካባቢውም በፍርስራሽና በውሃ ተጥለቅልቆ ነበር በማለት የአይን እማኞች ለሮይተርስ ዘግቧል፡፡
ህይወት የማዳን ስራው በተደረመሱ 17 ህንጻዎች ላይ መቀጠሉ ታውቋል፡፡

በቱርክ እና ግሪክ የመሬት መንቀጥቀጥ የሟቾች ቁጥር እየጨመረ ነው

መነሻውን በኤጂያን ባህር የቱርክ እና የግሪክ አዋሳኝ አካባቢ በማድረግ በተለይ በቱርክ ኢዝሚር ከተማ አርብ ዕለት በተከሰተው የመሬት መንቀጥቀጥ እስከ ትናንት ምሽት የሟቾች ቁጥር 39 መድረሱን ሲኤንኤን ዘግቧል፡፡ ከሟቾቹ 37ቱ በቱርክ ሁለቱ ደግሞ በግሪክ የተከሰተ መሆኑን የአካባቢው ባለስልጣናት ገልጸዋል፡፡
ቢያንስ በቱርክ 885 ሰዎች በአደጋው ጉዳት የደረሰባቸው ሲሆን የነፍስ አድን ሰራተኞች ከ 100 በላይ ሰዎችን ከፍርስራሽ ውስጥ በህይወት ማውጣታቸውን ዘገባው ያመለክታል፡፡
በኢዝሚር ከተማ 20 ህንጻዎች መፈራረሳቸውንም ነው ሲኤንኤን በዘገባው ያመለከተው፡፡
#አል_ዐይን_ዜና #AlAinAmharic
#ዐይንዎት_በዓለም_ላይ_ነው

የሱዳኑ አልቡርሃን አዲስ አበባ ገቡ

ከሰሞኑ በካይሮ ጉብንት አድርገው የነበሩት የሱዳን የሉዓላዊ የሽግግር ምክር ቤት ሊቀመንበር አብዱልፈታህ አል ቡርሃን ዛሬ ኢትዮጵያ ገብተዋል፡፡ አል ቡርሃን ቦሌ ዓለም አቀፍ አውሮፕላን ማረፊያ ሲደርሱ ጠቅላይ ሚኒስትር ዐቢይ አሕመድ አቀባበል አድርገውላቸዋል፡፡
አል ቡርሃን በኢትዮጵያ ለሁለት ቀናት በሚኖራቸው ቆይታ ከጠቅላይ ሚኒስትር ዐቢይ አሕመድ እና ሌሎች ከፍተኛ ባለስልጣናት ጋር በሁለትዮሽና በተለያዩ ቀጣናዊ ጉዳዮች ላይ እንደሚወያዩ ይጠበቃል፡፡
ፎቶ ፋይል
#አል_ዐይን_ዜና #AlAinAmharic
#ዐይንዎት_በዓለም_ላይ_ነው

የሕዳሴ ግድብ ድርድር በሚቀጥልበት በዛሬው ቀን አል-ቡርሃን ኢትዮጵያ ገብተዋል
የሱዳን የሉዓላዊ የሽግግር ምክር ቤት ሊቀመንበር አል-ቡርሃን በኢትዮጵያ የተለያዩ ስፍራዎችን የሚጎበኙ ሲሆን በሕዳሴው ግድብ ዙሪያ የሚያደርጉት ውይይት ይጠበቃል፡፡
ፕሬዚዳንት ትራምፕ በሕዳሴው ግድብ ላይ ኢትዮጵያን ያስቆጣ አስተያየት ከሰጡ በኋላ አል-ቡርሃን ቀድመው ግብፅን ጎብኝተዋል፡፡ https://am.al-ain.com/article/lt-gen-abdel-fattah-al-burhan-arrives-in-ethiopia-for-2-day-visit

ኮሮና እንግሊዝን ዳግም እገዳ እንድትጥል አስገደደ

ሰዎች ለተፈቀደላቸው ጉዳይ ካልሆነ በስተቀር ከቤታቸው እንዳይወጡ የ 4 ሳምንታት እገዳው ይከለክላል፡፡
ለሁለተኛ ጊዜ ያገረሸውን የቫይረሱን ስርጭት ለመግታት ሌሎች የተለያዩ የአውሮፓ ሀገራትም እገዳዎችን እየጣሉ ነው፡፡
https://am.al-ain.com/article/england-to-start-new-four-week-lockdown

በቱርክ የ 70 ዓመት አዛውንት ከ34 ሰዓታት በኋላ ከፍርስራሽ ውስጥ ወጡ

አርብ ዕለት የተከሰተውን የመሬት መንቀጥቀጥ ተከትሎ በቱርክ ኢዝሚር ከተማ እየተካሔደ ባለው የነፍስ አድን ስራ የ 70 ዓመት አዛውንት ከ34 ሰዓታት በኋላ ከፍርስራሽው ውስጥ መውጣታቸውን ዘ ናሺናል ዘግቧል፡፡
ቱርክን እና ግሪክን በመታው የመሬት መንቀጥቀጥ እስካሁን በትንሹ 60 ሰዎች መሞታቸው ሲረጋገጥ ከ900 በላይ ሰዎች ጉዳት ደርሶባቸዋል፡፡ ከሟቾቹ 58ቱ ቱርካውያን ናቸው፡፡ የነፍስ አድን ስራው አሁንም የቀጠለ ሲሆን ከ100 በላይ ሰዎችን ከህንጻ ፍርስራሽ ውስጥ በህይወት ማውጣት ተችሏል፡፡
#አል_ዐይን_ዜና #AlAinAmharic
#ዐይንዎት_በዓለም_ላይ_ነው

በኢትዮጵያ ተጨማሪ 414 ሰዎች በኮሮና ሲያዙ 935 ሰዎች አገገሙ

ባለፉት 24 ሰዓታት በተደረገ 5,901 የላቦራቶሪ ምርመራ ተጨማሪ 414 ሰዎች በቫይረሱ መያዛቸውን የጤና ሚኒስቴር አስታውቋል፡፡ በዛሬው እለት 935 ሰዎች ሲያገግሙ 9 ሰዎች ህይወታቸው አልፏል። 336 ሰዎች በጽኑ ታመዋል።
እስካሁን በአጠቃላይ 96,583 ሰዎች በቫይረሱ ሲያዙ ከነዚህም 53,452 ሰዎች ያገገሙ ሲሆን የ 1,478 ሰዎች ህይወት ማለፉን የሚኒስቴሩ መረጃ ያመለክታል።

የሕዳሴ ግድብን በተመለከተ የሦስትዮሽ ስብሰባ ዛሬ በበይነ መረብ ተካሂዷል

የኢትዮጵያ፣ የግብጽ እና የሱዳን የውሃ ጉዳይ ሚኒስትሮች ዛሬ ባደረጉት ስብሰባ በድርድሩ ቀጣይ አካሄድና የጊዜ ሰሌዳ ዙሪያ ሰፊ ውይይት ማድረጋቸውን የኢትዮጵያ የውሃ፣ መስኖና ኢነርጂ ሚኒስቴር ገልጿል።

ሶስቱ ሀገራት ሁለት ሁለት ባለሞያዎችን በመሰየም በድርድሩ አካሄድ እና በቀጣይ የአፍሪካ ህብረት የሰየማቸው ባለሞያዎች ተጨማሪ ሚና ዙሪያ ውይይት በማድረግ ለውሃ ጉዳይ ሚኒስትሮች ሪፖርት እንዲያቀርቡ መግባባት ላይ ተደርሷል።

የባለሙያዎች ስብሰባ ሰኞ ጥቅምት 23 ቀን 2013 ዓ/ም የሚካሄድ ሲሆን የደረሰበትን ጉዳይም በጥቅምት 24 ለሚካሄደው የውሃ ጉዳይ ሚኒስትሮች የሦስትዮሽ ድርድር ያቀርባል እንደ ሚኒስቴሩ መግለጫ።
#አል_ዐይን_ዜና #AlAinAmharic
#ዐይንዎት_በዓለም_ላይ_ነው

በምእራብ ወለጋ ዞን ኦነግ ሸኔ የሽብር ጥቃት መፈጸሙን ክልሉ አስታወቀ

ትናንት በምእራብ ወለጋ ዞን ጉሊሶ ወረዳ ኦነግ ሸኔ በፈፀመው የሽብር ጥቃት ሰላማዊ ዜጎችን በጭካኔ ህይወታቸውን ማጥፋቱን የኦሮሚያ መንግስት ኮሙኒኬሽን ገልጿል፡፡
የክልሉ መንግስት በኦነግ ሸኔ ላይ የሚወስደውን እርምጃ እንደሚቀጥልም አስታውቋል፡፡
https://am.al-ain.com/article/the-oromiya-regional-state-announced-that-a-terrorist-attack-had-taken-place-in-the-west-welega-zone

በምዕራብ ወለጋ ዞን ጉሊሶ ወረዳ ዘርን መሠረት ያደረገ ጥቃት መፈጸሙን የአማራ ብልጽግና ፓርቲ ገለጸ

ፓርቲው ትላንት ምሽት በወረዳው በአማራው ላይ የቡድን ጥቃት መፈጸሙን አረጋግጫለሁ ብሏል፡፡
በዘለቄታዊ መፍትሄው ላይ እንደ አማራ ለመምከር በቅርቡ ሁሉን አሳታፊ የሆነ የሕዝብ መድረክ እንደሚዘጋጅም ገልጿል፡፡
https://am.al-ain.com/article/amhara-prosperity-party-says-racially-motivated-attack-took-place-in-guliso-woreda-west-welega-zone

የዓለም ጤና ድርጅት ኃላፊ ዶ/ር ቴድሮስ ራሳቸውን ለይተዋል

የዓለም ጤና ድርጅት ኃላፊ ዶ/ር ቴድሮስ አድሃኖም በኮሮና ቫይረስ ከተያዘ ሰው ጋር ንክክ እንዳላቸው ከተለዩ በኋላ ራሳቸውን መለየታቸውን በትዊተር ገጻቸው ጽፈዋል፡፡

ዶ/ር ቴድሮስ ምንምእንኳን የቫይረሱ ምልክት ባይታይባቸውም በዓለም ጤና ድርጅት ፕሮቶኮል መሰረት ራሳቸውን ለይተው እንደሚቆዩና ከቤታቸው ሆነው እንደሚሰሩ ገልጸዋል፡፡
ቴሌግራም https://web.telegram.org/#/im?p=@alainamharic

ታንዛኒያ ምርጫን ተከትሎ የዋና ተቃዋሚ ፓርቲ መሪን አሰረች

ተቃዋሚዎች ምርጫው መጠነ ሰፊ ማጭበርበር ታይቶበታል በማለት ምርጫው እንዲደገም፤ ፕሬዘዳንት ማጉፉሊ 84 በመቶ በማግኘት በድጋሚ ወደ ስልጣን ያመጣውን የምርጫ ውጤት ለመቃወም ጥሪ አቅርበዋል፡፡https://am.al-ain.com/article/tanzania-arrested-leader-of-main-opposition-leader

“የጸጥታ አካላት ጥቃቱ ወደተፈጸመበት አካባቢ ተሠማርተው እርምጃ እየወሰዱ ነው”-ጠ/ሚ ዐቢይ

ጠ/ሚ ዐቢይ አህመድ በምእራብ ወለጋ ዞን ጉሊሶ ወረዳ በተፈጸመው ጥቃት የተሰማቸውን ሀዘን ገለጹ፡፡
“ሁኔታው እንደ መሪም እንደ ዜጋም ልብ ይሰብራል” ብለዋል ጠቅላይ ሚኒስትር ዐቢይ፡፡
https://am.al-ain.com/article/pm-abiy-ahmed-says-security-forces-are-deployed-in-the-area-where-the-attack-took-place