يا وجيهُ اللهِ للعاشقينْ...
انت مُنجي الجاني من جوف النار
انت نور  النور ( النورُ المبينْ) ...
منهجُ الابرارِ ذكرُ  الكرار


مولاي اعشك رايتك... يامولاي
مولاي انه بصايتك... يامولاي
انا السائل ونت حاشى اتردني
مولاي اطلب نضرتك... يامولاي


علي.. باب الرجى.... علي
علي.. حامي الورى....علي
علي.. مبكي العدى....علي...    علي مولا
علي... اول نبي... علي
علي... واحد علي .... علي
علي ... روح الوصي... علي... علي مولا

ياحيدر... علي مولا



___




انا جيتك خادم ونته السلطان...
ابعد امن اعيونك لا ما اريد
الله خله ابعينك (دار الامان) ...
اسمَك بدلالي يجري الوريد



بس خليني بخيمتك... يامولاي
تارك روحي  بحضرتك... يامولاي
انه العابد ونته عالي ومعبود
بس راويني اعمامتك... يامولاي


علي.. دين العفو.. علي
علي.. رمز العلو... علي
علي.. انت الابو.. علي.. علي مولا
علي... نور السماء .. علي
علي... دين البكاء... علي
علي .. رمز العطاء ... علي ....  علي مولا



___




عروة الوثقى والحبلُ المتين
انت وجهُ اللهِ الحي لا يموت....
ذكره رحمه ونور اعلى العالمين
سورة التوراة والعنكبوت....



عطشانين لشوفتك... يامولاي
لهفانين لحضرتك... يامولاي
عاشك قنبر ونت تهوى الخدام...
وحنه نعيش لخدمتك... يامولاي



علي.. شمس الضحى... علي
علي.. ليل الدجى... علي
علي... اول فتى.... علي.... علي مولا
علي.. شمس الشموس... علي
علي.. محيي النفوس.... علي
علي.. مدمي الرؤوس ... علي.... علي مولا



___



انت باب اللهِ للتائبين
لاتهاب الكفرِ والنائبات...
راعب الشجعان ( الحرُ البطين)
فيهِ يجري الكونِ والذاريات...


ياحي يادر ياعلي... يامولاي
ياحق ياهو ياعلي... يامولاي
انجيل ايسبحلك اويالتورات...
يافي ياحر ياعلي.... يامولاي


علي... مبني السمى.. علي
علي... اول فدى... علي
علي.... رمز الوفى... علي.... علي مولا
علي...عالي علي.. علي
علي.. اخر ولي.. علي
علي... روحي وهلي.. علي  .... علي مولا



___
السيد احمد الاعرجي

مامال والدنيه اصبحت من ثكله مياله

خيال ويدور زلم بس ماكو.خياله

ريالهم ماينلجح من طب اخو اسكينه...

ماعاش والماعنده حض بالحومه يدناله

((للحرايب قائد... َهذا علي الماخايف))
((طبهم بريشاته... مثله كمر ماشايف))
((الله خط رسومه.... ورسومه ماتنوصف))
((مايدنك راسه ومن سيفه دمهم طايف))



شايل صفاته.... من علي ياحلاته... لن ذاته ويذاته... ((قرانٌ مبين))
والشط يجبيه... علي كبش الكتيبه... والشارد يصيبه.... ((صمصامه اليمين))

_________

سبعين والسبعين الف ماضن يلاكونه

صياد ويصيد العده بصطراته وعيونه

من طبهم الاكبر صفه حته النهر شارد...

كاع الله هزها ابن الفحل من لولح امتونه



((طك مهرته وعاين... ماكو زلم كدامه))

((طاحو امن عيونه ...وبلحومه طب بلثامه))

((انا عمي الكافل ...والكافل ايكول الي))

((لاتعوف اخيامك.... والحر يحب اخيامه))



صمصام القبايل ...علي شيخ المراجل ...من عمه ابوفاضل
((ماخذها الصفات))

سلطان الاكبر...علي موت الله الاحمر...والشافه ايتعثر
((بطراف العبات))



_____


حاولو يا ما حاولو رادو يكدروله

شافو الريشه وهيبته بطول النخل طوله

مشحار سواها الحرب والمحترك سالم....

فقاره بي سولت ركب ويه الذبح سوله


.((غارت الملزومه ...ودخانه طب للحرب))

((جنها لهيب اهدومه.. الكون بيمنته انكلب))

((كاتب عليها اخيامه.. فنه الكرب لو دنه))

((والكرب لخيامه ...عالخيمه يعني انصلب))




من يرفع ايده ...علي صوت الرعيده
موت الله بوريده
((قديس الخيام))

دينه وجماله...علي كامل كماله
علي اعضم رساله
((علي رب السلام))


________



من دكت اطبول الحرب طب وبتسم ليها

الخيل بل خياله طك وتريس اعليها

الاكبر يموت اعلئ الحرب وحسين كلاله...

حي الله ابن المارجف والعيله يرويها



((عل نهر مد روحه ...صاح انا اخو العلويه))

((جفي ياهو يلوحه... بدمهم احني ايديه))

((والشرد كدامي.. عفته يكل لشمر))

((هاذه نهر الساده ....والعطوه ما كضيه))



يا سر الاسرار.....علي ماوصفته اشعار...علي نور امن الانوار
((علي شمس الشموس))


سركال الحسين....علي نور الميامين
علي سيف الله للدين
((علي ممحي الرؤوس))

________

السيد احمد الاعرجي

يا مدرك الثاراتِ في الحروبي
علي يا ... مونع الثمر
ياراغم الشجعانِ للهروبي
علي يا .... مونع الثمر

علي يا.... آمر النفس الاماره
علي يا.... عالم العشق وأسراره
علي يا.... ماثنا في الحق فقاره
مولاي حيدر ...

موش بسيفه يذبح تذبح....خزرته
والمن سيفه شارد لاحا.... برايته
من طب للمعسكر ما راكب مهر
لاركبله مهره ولاشي....بيمنته



_




ياكافل الايتام والحياره
علي يا ....باسط النعمي

ياملجئ العاصين والغياره
علي يا باسط النعمي

علي يا... صاحب الهدم الصفرائي
علي يا...قامع اصوات الهيجاء
علي يا... هادم اصنام الاعداء
مولاي حيدر...

ماخاف وتكتر لا والقارعه
باب الما تهزهز حيدر قالعه
عزريل ايتلفت لو نادوو علي
جان اعيونه تهوى اسيوف اللامعه



_



يا حاضر الشدات والرزايا
علي يا ...حاضر الشددي

يا منزل الارزاق للبرايا
علي يا..حاضر الشددي

علي يا ...واهب الحق المتعالي
علي يا ... قاطع ارقاب الانذالي
علي يا ... عالي بالحق ياعالي
مولاي حيدر...

تصيح ابسمه تنجه تعوفه تنهلك
جان ايخدمه حيدر مو خادم ملك
والله ابئسمه جان اينادي ياعلي
لبيك انا حيدر لبيك انا الك


_



يا حامل التوراة والكتابي
علي يا ...منزل الكتبي
يا مخلص الباكين في العذابي
علي يا ..منزل الكتبي

علي يا....اية الله الجباري
علي يا....منتهى اشواق الابراري
علي يا...زينت انوار الاقماري
مولاي حيدر...

سبحانه وجماله محلي البسمله
انطا كل صفاته والله امدلله
الجان ايعلم ابنه الكافل للحرب
حته ابنه الكفيل يزلزل كربله



_

السيد احمد الاعرجي

جماله ... تارس عيني وماشايف
جماله ... عايف روحي وماعايف
وصاله ... ايه وحرز اعلى الخايف
جماله


دخيله ... نور الكون من اعيونه
دخيله... شيخ الحومه يسمونه
قليله ... بسمه اخيام المامونه
دخيله


لله عنوان ... قايد اعلى الكتايب
أعظم انسان... ماتهمه المصايب
مرعب الليل... والبرز مايشوفه
وجه قرأن... نازل اعلى الحرايب


من طب للمعسكر لولح رايته
داس اعلى العساكر زينب شافته
ودخيله ابو فاضل صاحو بالحرب
طبنه وسيفه يلمع لمعت كصته






______


كفيلي.... خاضع جيش وماخاضع
كفيلي.... حامي الدنيه ومتواضع
حبيبي...باب الرحمه المترافع
كفيلي


صفاته ... بس يم حيدر ماعبرن
صفاته ... يروي ابجفه اشما عطشن
خواته.. رب الغيره الما خلصن
صفاته

جلمته اعكال ...هذا شيخ القبيله
امر الكون... خادم اخته العقيله
يالتسألون... ياهو اشجع مقاتل
يعني عباس... شما اسولف قليله


سركال المعسر شيخ الموزمه
واليوصل خيامه ايكضه ويردمه
قديس المواقف روح ابن النبي
تشهدله العساكر صولة صارمه



______



اشحلاته = صايه وأيه اعله اچتافه
اشحلاته = اعشك رؤحه الشفافه
وصفاته = يفرح حيدر لو شافه
اشحلاته

خيامه .... نور الله المتكامل
خيامه ....شايل نور الله وشايل
وسامه ...يمحي ابجفينه الواصل
خيامه


يعبر الليل .... هذا كبش الكتيبه
امخوف الخيل .... والشرد هم يصيبه
اشجع الناس .... غيرة الله بعيونه
كافل الروح .... كافل اخته الحبيبه

قاموس المراجل صيته من السمه
يطگ ضي عينه بيده ويلمع خاتمه
يباوع للسحاب الضايع بالـشـمـس
اتّمطر غيمه غيمه احرورت صارمه


=========================


شهامه ... بيده الرايه ومن رفت
شهامه ... ذب اجفوفه وما مالت
خيامه... غيّم والدنيه انترست
شهامه


حبيبي ... روحي بروحه و مجتوفه
حبيبي ... فوك افعاله المعروفه
طبيبي... داوى اجروحي من احروفه
حبيبي


سيد الآل .. بسمه تحجي الفواطم
مهبط الرؤح .. والمدد والصوارم
يالتوصفون .. يا وصف يكفي طوله
اية النور .. اية الله ابو هاشم


مفتــاح البطوله الحق الفاطـمــي
سـداد المعابـر شيــخ الــعـلگمي
رايــات الــهـواشــم رفـت للنصـر
چي قائد جمعهه الهيبه الهاشمي




################



((السيد احمد الاعرجي ))
(( علي مهدي المالكي ))