يباب الله اعلى كل حاير
تجلى اويالفلك داير
علي مو اول نشوفه
علي قبل القبل صاير


يوسف يكض بيده....ويم زليخه يريده ...تشوف الاعيون

ياعيون الساده ... البيها ينطي امراده ... امر الكون



يفارس مهرته ... امه حيدر سمته .... عالكناطر صولته
مولا علي مولا

يرهبان الزلم....بالمواقف والعلم... للعساكر مايهم
مولا علي مولا


<><><><><><><><><><><><><><><>

يسبحان الحوى اسراره
على امتونه النجم داره
الشرد من خزرت اعيونه
بسطرته ايصيده فقاره

الشارد ايذب راسه...علتراب وداسه..مالك الموت

والبقه الهم جاسه ..احرورت الله انفاسه.وعزمه والصوت



يقديس العشك...غيرك الحب مو صدك ...كلبي دونك مايدك
مولا علي مولا

يزاتوت اللوى.... بسمك الحب والدوى.... مرجع لكل الضوى
مولا علي مولا

<><><><><><><><><><><><><><><>

سلام الله على قرانه
اليرتل احروفه بلسانه
دخيلك ياعلي مولا
ودخيل اسمك يمولانه


بسم قالع خيبر...والتسمه بحيدر ...ليث الاحروب

يبقى حيدر مولا...ايه الله الكبرى ...اغلا محبوب



يصمصام الغضب...هاا يناموس الحرب...بجفك الكون انكلب
مولا علي مولا


يقربان النجف ...الله بحروفك هتف ...مرحب الشافك رجف
مولا علي مولا

<><><><><><><><><><><><><><><>

تهت وانا ابوسط داري
عقل ماخله بفكاري
كلبي يسواف بقنمبر
شجاله وعقلي تماري


تايه ابنص ديره ...ونته حيدر حيره...اتيه الراي


انته ياهوو كلي ...خذ سؤالي وحلي...امروتك هاي




يقاموس الصعب...ذره منك مانطب ..احلا من ماي الشرب
مولا علي مولا

يمحله اسمك علي...يبقه الاول واخري ...بلشدايد ياهو الي
مولا علي مولا

<><><><><><><><><><><><><><><>
السيد احمد الاعرجي

تركتُ الخلق طراً لك ياعلي .. بحب علي
وايتمتُ عيال والي الولي .... بحب علي

سبحانه ..حده الوانه
نجم والسمه عنوانه
يمدري اشلون ياحيدر
روحي عليك ولهانه


هالله هالله ماشاء الله
الكمر وجها والنجوم اعيونه
هالله هالله ماشاء الله
الكلب ينبض من جماله ولونه


__

فلو قطعتني في الحب ياعلي ... بحب علي
لما مال الفؤادُ بك ياعلي ... بحب علي


سر ذاته .. يمحلاته
تكحل الليل نضراته
حيدر ساكت اكبالي
وانه ابراسي جلماته


هالله هالله ماشاء الله
جبريل يمه والملاك ايطوفه
هالله هالله ماشاء الله
يل عاشك الله الله بيك انشوفه


__


سلكت الكرب والنيران ياعلي .... بحب علي
فصار العشق في رجواك ياعلي ... بحب علي


افديله .. وانه ادعيله
يضل رجواي والعيله
ياخيعونه الي ايوالي
والعاداه ايا ويله
هالله هالله ماشاء الله


سبحان نوره ويا عظيم اسراره
هالله هالله ماشاء الله
بيت الله بيته والعرش خطاره
__


يساق العبدُ كالمكتوف للجنان ... بحب علي
ويلقاه يمين صاحب الزمان ... بحب علي


من ادم الى طه
حيدر ايه نقراها
حيدر اية التوحيد
وياهو العرف معناها


هالله هالله ماشاء الله
عنوان للحب والسلام اياته
هالله هالله ماشاء الله
لن ذات الله ياخلك من ذاته

__
السيد احمد الاعرجي

الغربلتهم ... كلها طاحت من اديك

فدوه اروح الايدك وغربيلك


الاعرجي

ماغاب ذكرُك في فمي
تسري حروفك في دمي
اذكر مقامُك ونحني
...امير الحب علي


من كفك العشق انجلى
ياصاحب الحق والهوى
ااجمل صلاة الله على
...امير الحب علي

من كفك الليل انجلى والكون اذ يسري
ياصاحب الايه التي في سورةُ القدري
ماخاب بل فاز الذي في العشقِ اذ صلا
فيك الجمالُ السرمدي يا صاحب الامري


...حبيبي ياعلي


*******

ذابت بعشقك فاطمه
انت الازل والخاتمه
دنيا بسيفك لاطمه
...حبيبي يا حسن

ياسيد الحب والاجل
في الحرب اول من نزل
كالموت سيفك في الجمل
...حبيبي يا حسن

سلمت يمينكَ في الجمل يا صاحب الثاري
قد كنت رعباً هاشميُ في عينك الناري
تبقى ويبقى ذكرك الباقي بانفسنا
مهما كتبت بوصفك ماصنت اشعاري


.... حبيبي ياحسن

*******

قلبي بعشقك مُبتلا
قد كنت رحمة للملا
نور الولايةِ كربلا
...حبيبي ياحسين

في ثغرك الضامي هوى
قلبي يراهب نينوى
ماغاب ذكرك ونطوى
... حبيبي ياحسين

في ثغرك الضامي هوى قلبي واحساسي
اني حسيني الهوى والعشق عباسي
الارض ملكك والسمى ياحضرة المولا
مادمت احمل حبك الغالي بانفاسي


حبيبي ياحسين


*******

ماء الحياة وما ضمي
ابكيت ماء العلقمي
اقبض بكفك معصمي
ابو فاظل مدد

رايات في الطف اقبلت
من قرب هامك ونحنت
تروي وزينب اذ روت
ابو فاظل مدد

رايات في الطف اقبلت والنصر للباقي
اسحق جماجم ونتفظ ياحضرت الساقي
ماهمه ذاك في العدد في الطف منتصرا
يقتل ويذبح في الوغى من سيفه الواقي

ابو فاظل مدد

*******


السيد احمد الاعرجي

رابط القناة في الواتساب

علي الاكبر بل نزال ....قديس ...عريس ....
ماهاب العاديات ضبحا ولا هم لهل النزال

علي الاكبر بالنزال... صيوان ... عنوان ...
امه اتحط خضرمه بيمينه وتقرا ايات الجمال


عِلا شانك ونت عالي شانك
صدى سيفك واكف ابمكانك
زغير الطف ماوصل ردانك
قمر الحب علي



قمر الحب ساكن ابعيونك
ندئ رسمك خضر ابجفونك
صفه لون الهاجره اعلى لونك
قمر الحب علي



><><><><><><><><><><><><><><>

علي الاكبر مثل أبو ...مامال ...زلزال
علا عينه العاشقين صلو فرض الحب و الكمال

علي الاكبر مثل أبو ....لو غار ....كرار....
ايات الزلزله العرندس يهوئ سيوف النزال


غزه كلبي الاكبر وجماله
وزير الحب سيد الجلاله
بي صفات الانزع وكماله
قمر الحب علي


يبدايه الما الك نهايه
حروف اسمك تبتدي الحكايه
يصفات الهاشمي انت رايه
قمر الحب علي

><><><><><><><><><><><><><><>

علي الاكبر يا غلاه ... سجيل ... عزريل
موت احمر لليضد نشوفه وللحب طير السلام

علي الاكبر يا غلاه ... ماخاف .... هفهاف
سبحان القائد الغضنفر لو شد وجهه ابلثام

علي الاكبر وسمه جان الاكبر
دخيل اسمك يارفيج الابهر
على جيش الحاقدين كبّر

قمر الحب علي

صفك ايده وطاحت العمايم
محه دمهم سيد العوالم
علهْ نوره وصاحو الهواشم


قمر الحب علي

><><><><><><><><><><><><><><>

علي الاكبر وجها نور ...والنور .... على نور
كاتب على خيمت العقيل رد ممنوع العبور


علي الاكبر وجها نور... والعين ... كونين
من عمه وارث الشجاعه ويعشك قطع النحور


علي الاكبر نوره بي مناره
اذان الحب جانت العباره
ملا نور الكوكب وخضاره

قمر الحب علي ....

علي الاكبر وال يظده دم دم
سل سيفه الفارس الملثم
كض رايه وخط حروفه من دم

قمر الحب علي ....


><><><><><><><><><><><><><><>
السيد احمد الاعرجي

لحن القصيدة في قناة الواتساب

هزيت كاع العادتك وهتزت الكاع الكاع
ياهيل  يمعتبر يضي ياضوية الكمرية
محشوم وانت ابني وعرفك تعبي بيك وماضاع
عباس ير ذاك النهر يم خيمت العلويه


الزلم هاي الزلم ... شيخ الزلم.... عباس
ونعم ببني الشهم ... طب مبتسم ...عباس

ما مال والكابل مال ... خيال بالحك خيال ... يترايف الشافه وكال ... ابو فاضل كمر

سبعين ذب السبعين...ميتين كلهم ميتيمن .. يتفاخر ابزوده حسين ... ابو فاضل كمر

()()()()()()()()()()()()()()


عالماي .... لفلف رايتك يلشوفتك ماي الماي
ياحيد .. يوليدي الكلف يمرجف العياله
ثلثين .. دم الخوله صح بس انت رديت بهاي
ثلثين .. دمك للحسين وجفك اليبراله

النهر راد النهر .. جابه وعبر ... عباس
كلف .. ماينوصف .. غيره وعطف ... عباس

ماطاح . والعايل طاح .. ذباح بالحومه ارواح ... واليشرد امن ايده ارتاح ... ابو فاظل كمر
عباس وسمك عباس.. تنقاس .. بيمن تنقاس ... ماعرفتك هاي الناس .... ابو فاظل كمر

()()()()()()()()()()()()()()


يانار .. توصل خيمتك وبعينك النار النار
ذليت ... ذاك البالحرب يتسمى بن مرجانه
مهيوب ..يوليدي الشجاع ورايتك ماتندار
عباس .. لو صارت حرب يم خيمتك تلكانه


الكرم ... راعي الكرم ... ساقي الحرم ... عباس
ورد .. عطر الورد ... للحك يهد ...عباس


مامات ..صوتك مامات ...هيهات للذل هيهات ...طباها راعي الريشات ... ابو فاضل كمر

عزريل ...جنك عزريل ... ويعيل... عالعيله يعيل ...من حيله كاع الله تميل ... ابو فاضل كمر


)()()()()()()()()()()()()()(
اليوم ...دك بوق الحرب شيبردك اليوم اليوم
عباس .... عرجك لو يطك يتراجفون القادة
ينداس ... جيش الكابلك والكابلك ماملزوم
عزريل .. يسطر بالحرب جفك يشيخ الساده


مدد راعي المدد .. يابو الشدد .. عباس
كفو بسمك كفو ... يفدي الاخو ... عباس


صمصام.. بالطك صمصام ... ضرغام... وبن الضرغام .. يلتارس الحومه اعضام ...
ابو فاظل كمر
صيوان ... بالطف صيوان .. عنوان للحب عنوان ... مو رايه شايل قران ... ابو فاظل كمر


)()()()()()()()()()()()()()(


السيد احمد الاعرجي

شايبنه شايل حيل بزرة
والحومه تجاها اعلى ظهره
يم اولاد حيدر نار كبرى


دكو ثايات للنبيه ... تربات حسين
نصطي اعلى الماي ونجيبه .. واليشرد وين


حي الله الانصار

--------------------------------------------

وين اليرجف الطايفه التم
صحبانك اليفدوك بالدم
يم ذوله بس الشرد يسلم

والشارد ماا يجهبونه ... مصدومه الناس
يم ربع حسين يلكونه... مايملك راس

حي الله الانصار

------------------------------------------


بيده الحرب والموت بيده
عابس نزل مثل الرعيده
مودم سره حسين بوريده


طبهم مختاض وعيونه....تتجادح نار
وخيام حسين اليدناها....لاحه البتار


حي الله الانصار

------------------------------------------


رفعو بيارق راية الله
بلمتهم العباس صلى
هالله اعلى ربع حسين هالله

هوسو عالماي وجروفه ... هوسات ازماط
ربع الوكفاات المعروفه .... ذبو رباط


(( اهوووو ... الشط برقية اتوسل .. من طبو صحبان حسين ))



------------------------------------------

السيد احمد الاعرجي