“Bir kishiga “Allohdan qo’rq”, deyilganda achchiqlanishi uning gunohkor bo’lishiga kifoyadir”.

Abdulloh ibn Mas’ud roziyallohu anhu

Çünkü Allahu taala bu dünyada tatmamıza izin veriyor doymaya izin yok

Shu ma’ruza doim juda boshqacha ta’sir qilgan, har eshitganimda ich-ichimdan insonlarni ahvolini tasavvur qilib yig’lagim kelardi. (Eshitganlarimni jonli ravishda hayolimdan o’tkizaman)

Bu hayot insonga bir sinov o’laroq berilgan, ba’zi insonlarga ularning toqatiga qarab ancha kuchli va ketma-ket sinovlar beriladi, balki sizga yoki bizga o’z toqatimizga yarasha, ko’rinishidan boshqalarga berilgandan bir muncha farqli va yengilroq tuyilgan sinov berilar lekin ishoning sinovlar doim ham kulfat yoki kasallik yoki bo’lmasam judolik ko’rinishida bo’lavermaydi. Qalb holati, mol-mulk, ilm, salomatlik, farzand, eng og’riqlisi iymon va davom etilishi mumkin bo’lgan qator ne’matlar ham aslida sinovdir.

Bu maruzani eshitganimda “haa odamlar nimalarga ko’nib yashashyapti, imkonsizlikdan”, “shunday insonlar borki bir dona nonga qornini kimdir to’ydirsa butun umr duo qilib o’tishga tayyor holatda”degan o’ydan yig’i kelardi.

Rahmatli onajonimdan ko’rib o’rganganman to’qlikda ham ochlikda ham boshqalarga yordam bera oladigan darajada bo’la olishlik qalbning boyligiga kirar ekan.
Men ko’rib o’rganganman, muhtoj insonlarni menga kelib yordam bera olasanmi demaslaridan chetdan kuzatib ularning holatlaridan kelib chiqib ularning ko’ngillarini og’ritib qo’ymaydigan qilib ming bir hijolat bilan yordam berishga doim harakat qilish kerakligini.
Shu maruzani doim eshitganimda judayam boyib ketishga, shunchaki hech kimga nafi tegmaydigan emas, insonlarni biror bir moddiy tomonlama hal qila olmayotgan muammolariga shu har kimdan qolgan va bizdan ham qolib ketadigan Alloh tomonidan vaqtinchali sinov uchun omonatga beriladigan moddiy mablag’ orqali yordam bera oladigan darajaga yetishga judayam ishtiyoqim oshib ketadi.

Alloh qalbdagilarni O’zi biladi, agar shunaqa boylikni menga nasib qilganda o’sha o’zim xohlagan sahiylardan bo’la olishimni bilsa va bunda menga va boshqa musulmonlarga hayriyat/manfaat bo’lsa albatta men bu mas’uliyatni eplay oladigan vaqtim kelganida bu orzu amalga oshadi inshaalloh, biiznillah.

Albatta eshiting💯