صارت المغربيه         متنطره الزجية
والحره تستجير       عدها الجرح جبير
تنادي يايمه....تنادي يايمه....يمه حاجيني
.....
مو فقط مغرب معتلي.... جايب تصاوير الهلي وآنه
عود الخظار  ابلاترب .... ولا للنهر واصل درب عانه
للزهره شوك ابلايه حد...والمغرب شكد بيه شد شآنه
شيب  صار     بجفوني وبدا الظل
هاذ   الشوك  ل امي  اهواي يكتل
موت  لفراك  بس  بالنفس   يمهل
كل ذني   وآنه  اهنانه  ادموعي
كلما احن  الها  الزمها   اظلوعي
امي وموسهله البي   موضوعي
امي طاحت امي راحت امي مو بالبيت
دورتها   وماشفتها   ابلايه   ام ظليت.
ياهظيمه انه  اليتيمه زينب اتسميت 
ومبينه عندي غايب  كلبي بحسرته شايب
بعده الحجي غزير   عدها الجرح جبير

◇◇◇◇◇◇◇◇◇◇◇◇◇◇◇
اكبال بابي المن خشب  كل مغربية ابدي العتب جلمه
مسحات ادين امي العصر مو مره مرات شكثر  نعمه
مادام ما عرضن الك  ياباب  ثق   مستقبلك    فحمه
ليش   ياباب    موجنه  سمه  الصيف
حيل صافين    حل بينه الكسر ضيف
وين  ممشاي    من عكب امي ياحيف
ياخذ كل  حيلي ليلي  يعاند
يتكسر  كلبه  تربه  اتشاهد
ما يخلص دربة ايتعبه الفاكد
ضنكه ليلي وماكو حيلي فاركيت امي
هذا ريحي  يكلي طيحي   ياكبر  همي
جني شمعه تكظني دمعه وامي مو يمي
فركتها جنها حافر  تكسر حجي الخواطر
هذا الوظع خطير      عدها الجرح جبير
◇◇◇◇◇◇◇◇◇◇◇◇◇◇
عتبة الدار ام الوجع بيها اليصيح  والدفع فاطم
اخ الوجه ماعنده حد يامغرب شعندك بعد وادم
ساكته وهور اعيوني طك والله يدري وبالعِشَك عالم
وين ل ايام   ذيج البيها فاطم
تنعاد ياريت   وترد   الخواتِم
بهداي وياي  يالمغرب  يظالم
كل ثلمه بكلبي وتعبي اجبيره
مو مالت فركه وانه ازغيره
حظن امي الدافي عابر ديره
كلبي فحمه اشلون افهمه لايناطرها
الزجيه     للمنية    ياخواطرها
منها محسن لسه محزن ليُناصرها
اخر كلامي دمعي..ريت التأذه ظلعي
كالتلي هذا خير   عدها الجرح جبير
◇◇◇◇◇◇◇◇◇◇◇◇◇◇◇
جانون كلبي المشتعل مايطفى بفراك الاهل يكبر
انه البهندس غمضت صح ماشفت لكن شفت مَخطَر
مو فقط روحة فاطمه باجر هلي كلهم دمه واكثر
راس  واجفوف واسهام البالعيون
جاي الموت  خطار اعله الضعون
وين  ماشين   كلت  و مايردون
باجر  وحيده  ابعيده  ابروحي
ظلع امي شاره افكاره جروحي
مامش قصيدة جديده بنوحي
بفركة امي يبدي همي بيها كطع الريح
يعني بالطف يفرغ الرف والظلع تلميح
ذني كلهن راح اصدهن وانظر الي ايطيح
خل تكبر المصايب    بس فركة الحبايب
تحفر ابروحي بير     عدها الجرح جبير
احمد رحيم
اللحن👇

لمن يود القراءة❤

الى مولاي الامام
موسى ابن جعفر الكاظم 💔

بالسجن كلشي يتعبك
ضلمه بس الصور تنشاف التجيك
شما تحاول تشبگ البالصور تذكر
گيّد لافْ اجفوف اديك
الگيّد واحبال السباية
ثنينهن جلاد واحد
وأبو اوجوه العشره يگرب
صاغ روحه بماي بارد
وانت تدري الجوه يخبط
مايغشك ماي راكد
مامخلي ابخاطر اي كائن بكلمة
حتى جلادك يحبك
يضرب ومايسمع اتگله اعله كيفك
يسمع شما بيك اضرب ظهري بارد
وجه جف ايدك كراب!
مامش امصلاية عدهم
وانت تسجد عالتراب
الگيد صاحب موعد من يلاگي عينك
جان يتنطر صلاتك من تكبر
بوقت طبع التربه اكبر
من طبع گيّد الجفوف
الوجع يخجل يدنه يمك
انته راسك بيه طفوف
لمعة سنونك خفية
محد اليذكرلي ضاحك
المهر لسّه ابخيالك
مو اتراب اظلوع رايك
والسجن سويته جامع
جم ملك ينطر اذانك؟
يا ابو طلبه الطلبه احبك
حتى ما اتيّه مكانك
الجسر مو گد نعشك الدنيا اعله گده
عيب من اذكر مصابك
والذنوب اوياي عدّه
جيّة السم داخِلك جيّة دخيل
وانت ماتطرد دخيلك
آآآخ ياجلمة دخيلك
آآآآخ ياجلمة دخيلك
اني خايف لا اكولنها واكتلك

احمد رحيم

٢٠٢١/٣/٨ الاثنين
@aklrh

راح اختلف وبجرحك احجي قسم
هو اليــــــــــناطر طبرته ينهزم؟
لزموك گالو وآنه ما صــــــــــدگت
من يمته اصدگ بالشمس تـــــنلزم
وقت الفطور وبلغــــــــيت الحسن
وانطيتة اسماء الفقــــــــــر واليتم
واعشاش الطيور وبيــــــوت النمل
والي بعدهم في ظهــــــــــور الزلم
يشبعهم ويحميهم بـــــــــكل وقت
ويشبع الي يجــــــــوع حتى بحلم
وهنانه معناها تناطــــــــــر جرح
يستنتج الحاصل الما يفتــــــــــهم
غطى النـــــــجم فرحان غيم الشته
مايدري بالضل كبر صيت النــــــجم
موفقط جرحـــــك آنه في كل وقت
اندب بكلــــــــــمة (ياعلي) طلّسم
وچي لله أنته الكلمه منــــــــك الك
مســــــــيرتني اكثر هيه من الجدم
گد ما اشواي المــــــــدح يمك علي
عيـــــــب آنه لو اكولن علي والنعم
احمد رحيم

#قصيدة_بعد_انتهاء_الخدمة_والمشاية
حسين
طيحنه المواكب
چن طيحة مصايب  وتوادعنه اويه دربك
حسين
والمشاية   خلصت
كل دمعاتي  صبت   بعد خدمه آنه اطلبك
مامش   مشاي   بعد
وانه اخدم جاي مدد
ب اسمك ه الچاي بُرد
چي مامش ناس
اهلا    زوار   صحت
كلشي تحبون  جبت
بس لا ترحون گلت
من الاحساس
......................
حسين
رجعنا امن الزياره
وصل كلمن دياره     وتلكونه اهلنه
حسين
لجن   زينب  تعاود
الى الشام  وتشاهد  ابد مامش محنه

شتريد تكول و  اهي
اخت المكتول سبي
وبكاع الجول عبي
بس هنه افياي
كل درب الشام تره
مابي   خدام  مره
بس الظلاّم  سره
يكطعون الماي
...........................
...........................
حسين
انشاط احنه بخدمتك
بثواني   نمد  سفرتك .والعالم  نعجبة
حسين
بس حيل الخدم راح
اذا   موكبهم  الطاح.. رايح  ما نحسبه
ينزاح   الحيل   تره
لو مامش ناس سره
والخادم صوت طره
اهلا زوار
كل الحسرات  اجت
وقواري الجاي بجت
كل   الزوار   مشت
كل الاخبار
............................
حسين
نريد العودة كل عام
رزق ترزقنه  خدام ...ونواسي العقيلة
حسين
صوتي ورافع ايدين
هلا بزوار  الحسين..سفرتكم طويله
وادموعي وياي شرط
مابيهن   كون   فرط
من غير الروح شحط
حتى اوفي الدين
راح آنه اشتاگ سنه
الملگه الزوار وانه
يكتلني الشوگ ضنه
ويكسر الطين

✍احمد رحيم
اللحن👇

قريبا ان شاء الله ملزمة رياضيات ثالث متوسط
بكل مكاتب ميسان
طبعت بثواب المرحومة اختي ندى رحيم
نسألكم الفاتحة

بسمة تعالى
على بركة الله سيتم نشر كل مايخص طلبة السادس العلمي والادبي لمادة الرياضيات
مجانا بثواب اختي المرحومة ندى رحيم
#ترقبوا

صارت المغربيه         متنطره الزجية
والحره تستجير       عدها الجرح جبير
تنادي يايمه....تنادي يايمه....يمه حاجيني
.....
مو فقط مغرب معتلي.... جايب تصاوير الهلي وآنه
عود الخظار  ابلاترب .... ولا للنهر واصل درب عانه
للزهره شوك ابلايه حد...والمغرب شكد بيه شد شآنه
شيب  صار     بجفوني وبدا الظل
هاذ   الشوك  ل امي  اهواي يكتل
موت  لفراك  بس  بالنفس   يمهل
كل ذني   وآنه  اهنانه  ادموعي
كلما احن  الها  الزمها   اظلوعي
امي وموسهله البي   موضوعي
امي طاحت امي راحت امي مو بالبيت
دورتها   وماشفتها   ابلايه   ام ظليت.
ياهظيمه انه  اليتيمه زينب اتسميت 
ومبينه عندي غايب  كلبي بحسرته شايب
بعده الحجي غزير   عدها الجرح جبير

◇◇◇◇◇◇◇◇◇◇◇◇◇◇◇
اكبال بابي المن خشب  كل مغربية ابدي العتب جلمه
مسحات ادين امي العصر مو مره مرات شكثر  نعمه
مادام ما عرضن الك  ياباب  ثق   مستقبلك    فحمه
ليش   ياباب    موجنه  سمه  الصيف
حيل صافين    حل بينه الكسر ضيف
وين  ممشاي    من عكب امي ياحيف
ياخذ كل  حيلي ليلي  يعاند
يتكسر  كلبه  تربه  اتشاهد
ما يخلص دربة ايتعبه الفاكد
ضنكه ليلي وماكو حيلي فاركيت امي
هذا ريحي  يكلي طيحي   ياكبر  همي
جني شمعه تكظني دمعه وامي مو يمي
فركتها جنها حافر  تكسر حجي الخواطر
هذا الوظع خطير      عدها الجرح جبير
◇◇◇◇◇◇◇◇◇◇◇◇◇◇
عتبة الدار ام الوجع بيها اليصيح  والدفع فاطم
اخ الوجه ماعنده حد يامغرب شعندك بعد وادم
ساكته وهور اعيوني طك والله يدري وبالعِشَك عالم
وين ل ايام   ذيج البيها فاطم
تنعاد ياريت   وترد   الخواتِم
بهداي وياي  يالمغرب  يظالم
كل ثلمه بكلبي وتعبي اجبيره
مو مالت فركه وانه ازغيره
حظن امي الدافي عابر ديره
كلبي فحمه اشلون افهمه لايناطرها
الزجيه     للمنية    ياخواطرها
منها محسن لسه محزن ليُناصرها
اخر كلامي دمعي..ريت التأذه ظلعي
كالتلي هذا خير   عدها الجرح جبير
◇◇◇◇◇◇◇◇◇◇◇◇◇◇◇
جانون كلبي المشتعل مايطفى بفراك الاهل يكبر
انه البهندس غمضت صح ماشفت لكن شفت مَخطَر
مو فقط روحة فاطمه باجر هلي كلهم دمه واكثر
راس  واجفوف واسهام البالعيون
جاي الموت  خطار اعله الضعون
وين  ماشين   كلت  و مايردون
باجر  وحيده  ابعيده  ابروحي
ظلع امي شاره افكاره جروحي
مامش قصيدة جديده بنوحي
بفركة امي يبدي همي بيها كطع الريح
يعني بالطف يفرغ الرف والظلع تلميح
ذني كلهن راح اصدهن وانظر الي ايطيح
خل تكبر المصايب    بس فركة الحبايب
تحفر ابروحي بير     عدها الجرح جبير
احمد رحيم
اللحن👇

على قصة الباب وكسر الظلوع
وعلى كل محتواهن والحياطين
تأملنه بخلقنه وشفنه برهان
لكينه الله خلقنه انعزي الحسين
من كد ما بجينه اتأمل وشوف
تكفي ادموعنه تنكع البساتين
على فطرتها امي تنكع اي باب
وتجاوبني المشاكل بالعناوين
وبنت تنور طين بعرض العكال
والحنه  شرتها  امن  الدكاكين
ولأن ماتكتب اتناديلي وتكول
يا زهراء  اكتب  يمه  عالطين
كتبتها وشعلت بداخلة شموع
من عدها وعفت ضي الروازين
ويافضة بفجر موتتها تدرين؟
عاشت فاطمة بس آحنه ميتين
✍

حديث بين جنديان يحرسان سجن مولاي الكاظم (صلوات الله عليه )

هذا مو مثل المساجين الجونه
عليه سامة الصالحين
نور وجهه من الطوامير لمضلمه
يبان گمره
وشكله ما يوحي السجين
ليله كاضيه ابعباده
يرتل القران بلصوت شجي
وعايش بنص السجن حالة سعاده
جان وي سجانه طيب
شنهي الاخلاق الحميده
هذا مو مجرم حقيقي
هذا زيف الناس خلاهه سناسل فوگ ايده
وين عنه الي تحبه
وليش لساعه فلا حضروه گرايب
صارله ايام بسجنه
وهاي دره وياوكت ضل بدرر محد يطالب

هيبته تسوه الخليفه

وجاوباه الجندي گله هذا ..... (موسى)
وكله لشگ البحر !!
شلون رد اعله الحياه
گله لا
هذا لمعلم لكليم شلون يحجي ويلـ الاه
هذا هو لگاله طگ بلعصاه
واهله كلهم بلمدينه هذا من ولد لحسين
بس كريم عله الحسن
هذا من اعظم سلاله لكلها مضلومه وغريبه
والقتل باسلافهم باني وطن
هذا راهب ال طه
وفادي الأشياع التحبه بغربته
وشبل من بيت الرسول وايد جعفر ربته
هو من الله خليفه بلا قصور ولا إماره
لا حرس لا اكل فاخر مگعد المگرود داره
وبابه مفتوح لشكو واحد فقير
وبكثر ما يگضي الشدايد
الناس كلها تصيحله باب الحوائج
وتالي متگيد بحديد يجرح ايده
وراضي بهذا النصيب
وهيه تهضم
من جبير اخوانه بلضلمه غريب

هذا موسى الكاظم ان جانك تضيع
سأل اسيادك عليه
ذل طواغيت ابسكوته وحاربهم
بلسجود
الله يستر لو محاربهم بديه

اللهم عجل لوليك الفرج

للشاعر قاسم العبادي

بالسجن كلشي يتعبك
ضلمه بس الصور تنشاف التجيك
شما تحاول تشبگ البالصور تذكر
گيّد لافْ اجفوف اديك
الگيّد واحبال السباية
ثنينهن جلاد واحد
وأبو اوجوه العشره يگرب
صاغ روحه بماي بارد
وانت تدري الجوه يخبط
مايغشك ماي راكد
مامخلي ابخاطر اي كائن بكلمة
حتى جلادك يحبك
يضرب ومايسمع اتگله اعله كيفك
يسمع شما بيك اضرب ظهري بارد
وجه جف ايدك كراب!
مامش امصلاية عدهم
وانت تسجد عالتراب
الگيد صاحب موعد من يلاگي عينك
جان يتنطر صلاتك من تكبر
بوقت طبع التربه اكبر
من طبع گيّد الجفوف
الوجع يخجل يدنه يمك
انته راسك بيه طفوف
لمعة سنونك خفية
محد اليذكرلي ضاحك
المهر لسّه ابخيالك
مو اتراب اظلوع رايك
والسجن سويته جامع
جم ملك ينطر اذانك؟
يا ابو طلبه الطلبه احبك
حتى ما اتيّه مكانك
الجسر مو گد نعشك الدنيا اعله گده
عيب من اذكر مصابك
والذنوب اوياي عدّه
جيّة السم داخِلك جيّة دخيل
وانت ماتطرد دخيلك
آآآخ ياجلمة دخيلك
آآآآخ ياجلمة دخيلك
اني خايف لا اكولنها واكتلك

احمد رحيم

٢٠٢١/٣/٨ الاثنين

ازلي علي
لا ارى في وجهِكَ الضوءَ ولكن
قد رأيتُ الضوءَ وجهَك
لمْ اعُد اقوى فخذني حتى ترضى
ف فتيلُ النارِ وسطَ القلبِ ينهَك
انَّ عِشقَ السومَريينَ عِباده
يا أميري وأنا اعشقُ جرحَك
دمُكَ الصافي الى اليومِ فُراتٌ
واحمررت شَمسُ صُبحَك
لم تُنزل ذرةَ دمعٍ لجرحِك
وعلى الايتامِ ك الشلالُ دمعَك
واتى في فقدك الايتامُ جمعاً
جوعُهُم في رأسِهمْ ف احتاجو مسحَك
مُنذُ ان صِرتُ إلى الدنيا سمِعتُ
يا علياً كرروها في اذاني
وانا لا انطقُ قولاً ولكن
واصِلاً نغوايَ سمعَك
فمُعاديكَ مضى في طوفِ نوحٍ
وبكى من كان يضحك

#شور_لمولى_الموحدين

ياضوه الله المانشوف بغيرك ظلمة اهواي
نعطش ويكثر شحيح الوادم وانته الماي
كل دعاوينه نباوع طولك عوز افياي

من عندك المني ويردلك
دليني يمته انشوف شكلك
صيدة حياتي امن التفتلك

گبل امي حنانك واضلوعي مجانك
ياحيدر علي اهواي اتمنه زمانك

سفره..
سفرة وكل محطاتي....بيهن حيدر الآتي
يفرغ بالدرب ذنبي حيدر يدري نياتي
#######################
انه احبك رغم مني اونينك تدري بهاي
كل تعابيري تكلك وينك وانته احذاي
من اشوفنك اشوف حسينك يامولاي

من التراب الكوناني
يابو تراب وهالمعاني
معناها هذي اوليدك اني

يالمن صدرك الريح.....ماترضالي لو اطيح
تلزم جفي وتكول......اسمع مني لو اصيح

جلمه
جلمه وساكنه ابالي.......يعرفها الي يدنالي
من مات انولد حيدر.....نفسه البالهوى العالي
#########################
والدي كلما يكوم ويكع بسمك صاح
(ياعلي ) والكلمة ل امي گلاده شكد ترتاح
مايعرفونك هلي ويردونك دوم اسلاح

سلاح الدعاء الاكبر انته
ياهو الي مثلك منطي مرته
بس عالفقارة يطش ضحكته

كل اشباهك (انته) ............ياحيدر عرفته
مامش حيدر اثنين........وحده اتضل محبته

لاحت
لاحت هامته الطبرة وحس بقرب للزهره
يفرح عنده موته الفوز لكن همه عالفقره
#########################
موضع التربة انشطر واليجري تحبه الكاع
ومنهدها المسك لاف انگابه والنعناع
يا اميري والضوه بساعتها انزاح بساع

لَن انخلق ينباس راسك
السيف اجاك وماتماسك
شاف العجيب بيوم شافك

هاي العادة تعريف......من طب يعتبر ضيف
وانته تعزب بهام.......فشلة اترجع السيف

انته
انته السيف من شفته.....رأساً كلشي ضيفته
هو استعجل وباساك.....بس كملها سالفته
########################
خادمك لمن يجوع عيونك تشبه حيل
وگفة الجندي اعله مگفه الساتر نص الليل
ابلا علي ابلا عافية ولا صحة وكلشي يعيل

حُبك اريده بگلبي شضّى
صومي وصلاتي حتى ترضى
وادمنا دونك كلها مُرضى

تعبنا احنه گلبك......عود احنه النحبك
لو زلينا مرات........گوه يجرنا يدربك

حبنه
حبنه وعركة الشهوى....النطلع منها بالگوه
نرجع يمك ونرجع ....كل كاع المشي رخوه


احمد رحيم الكعبي

اللحن خاص
@Hdeuti

علي .... أنه المامضيعني
علي بس حبك يكبرني
علي حتى بصيرتي واذكر
علي بس كلمه علي باذني

يسمعي وشوفي
بجلمة(ياعلي) تشربني عافيتك
انه ما عندي بيت وساكن ابيتك
تكلي ب(ياعلي)مقبوله جنسيتك

سفينه عنده عكلي   وتوّه رسه
نسيتك   ولكيتك   وقت النسه
جروحك اشكبرها وي كل مسه

تبتدي بالمغرب........والجروح تعزب
ماكو هين بالصور ماكو هين
جنه زينب نوحك..مختفي بكل روحك
ماتبين أي أثر ماتبين
●●●●●●●●●●●●●
علي .. معصوم اولي اوقائد
علي.....منك نوصل الواحد
علي..... هدمت شكثر باطل
علي.... حتى بنومك تجاهد

دلالة فوزك 
ميت   لكن  انته تباوع عيونك
الف شَهرُ وعلى المنبر يسبونك
اصعب جلمه اكلك سيدي شلونك

جروحك الي عندك   كد الوطن
سعادتك   طبرتك    ماكو حزن
ولادتك     تعاود    وقت الدفن

ما صدك بيهم           اني المحاجيهم
عندي عنك مختصر عندي عنك
ترجع انته بموتك   لسه حاظر صوتك
عدل بعدك   يانهر  عدل بعدك
●●●●●●●●●●●●●●
علي ....ياظهر وكفه الآيه
علي....يا مصباح  الولايه
علي....ولدك والحجي العدنه
علي ...منك ناخذ احجايه

قبل لنعرفك
مشينه احنه بدروب ومن نويناها
يحيدر واستحي احجيلك بمعناها
ب اطغاث الاحلام  وما مشيناها

مشينه وانجوينه   بدرب السلب
حلاوة   مالكينه    بعد   الذنب
ورغمهن انته جيتك جيّت محب

من ابار ذنوبي     مدت ايدك صوبي
مامثلها      بالدهر   مامثلها
وهسه بين الوادم مو مخربط خادم
كد حملها بَي فخر كد حملها
●●●●●●●●●●●●●
علي.... اسمك ساند ظلوعي
علي....منك اني   مجموعي
علي...كد متحبني من ابجي
علي... تكره طيحة ادموعي

عجيب احسانك
يالموديني  لله ايلا ذنب وآنه
شمااشيلن العده الكاها ثكلانه
(صح)واحد حملته ب(حبك)اهنانه

لكيته  حبك انه فيّ بشمس
ترخُص اعلمودي كل النفس
امامي والمصيبه متانيني احس

يمته اسوي شرايد    حتى اصيرن عابد
منتظرها يا علي  منتظرها
من تطيح ذنوبي    ياحلاتي بثوبي
هذي نعمه يالولي ومنتظرها
●●●●●●●●●●●●●
علي ... موصعبه السمهالسبعه
علي.... الصعبه السائل ترجعه
علي.....من كد الكرم عندك
علي.....كلشي العندك توزعه

غطاك و وثوبك
توزعهن   على   المايملك   فراشه
وعلى الينظر حقوقه كباله تتلاشه
ثوبك من (كواني) الشلب دشداشه

هذني  واليتهمك  كالو بكت
الكراسي كثرتهن كالو خذت
هذني لو حقيقه جا مافزت

وانته اول فايز      للحكم ما عايز
عازتك موت الفقر كل فرحتك
كل صورها ايتامك    بالطبر كدام
بيهم توصي شكثر كل جلمتك

احمد رحيم
اللحن👇

اللحن

في ليلة القدر
اتمنى منكم القراءة والدعاء لي ولكم

#رسالة_الى_الله

ربي عفوك
جاي امد كلبي اعله گد غطوة رحمتك
جاي بس شكبان ذنبي مني اكبر
اجي طمعان ب رأفتك
وانه متعلم اجي چي ماتردني
اباب كل مغرب نطرتك
ذنبي ياكلني گبل يوم القيامة
ويكبر اشمكثر عرفتك
ربي بس ارحمني من الليل عفوك
الليل يعرضلي فلم رحلة ذنوبي
فلم ما يطفه وسألتك
فلم چفين ايدي واجدامي تشوفه
وكل عضو بيه يشوفة عدا عيوني
وهالامر طالب حكمتك
يالمخجلني برحمتك
يانعيم.....رايد التوبة نعمتك
آنه المقصر ب اقل واجب اجيتك
السان عندي!!
وگاعد اطلب!! واشتكي وادعي حضرتك !
بمصلحة وياك داخل
ما اسبح ب اسمك بوكت النفاهه
وبوقت عوزي ذكرتك!
هذا آنه..
الشاني بين الناس عالي ...والي اسمي
وهذا مو مني الحملته..
كله منك ياعظمتك
شوفلي للذنب چارة يالآهي
ولون مامش فايده اخذ الآمانه
موش حلوه تكثر ذنوبه زلمتك
آنه رايد توبة مطبوعة بختمهم
ختم بيت اهل النبوه
واعرف تگلي ختمتك
يا الآهي
مستحيل اكدر ارد ذرة ب افضالك
لكن الاكبر اگولنه احبك
ربي ثبتلي محبتك...

2025/3/24 الاثنين
احمد رحيم