لأول مرة في حياتي ننشر هك تسجيل طويل، نتمنى من كل طالب من دفعة 2006 عنده 3 او 4 مواد يسمعه ويفهمه.

ربي يوفقكم.

مهم ‼️

تجمع غداً الأحد امام مبنى رئاسة الجامعة الساعة 10:00 صباحا لمطالبة بتكميلي للطلبة الراسبين في مادتين او اكثر.

ما تقولش غيري بيمشي هي ساعة مش ح تاخد من وقتك شي برا كل ما يكون العدد اكبر كل ما يكون لمصلحلتكم

قروب التجمع
https://t.me/+GsnsHKt0X4g4YzVk

السلام عليكم ورحمة الله وبركاته

نداء لكل دفعة 2006 الكريمة:
سيكون هناك اجتماع يوم الأحد الساعة 10 صباحًا أمام رئاسة الجامعة، للمطالبة بفتح سيم تكميلي جديد يشمل طلاب الـ3 والـ4 مواد.

نرجو من كل من يعنيه هذا الأمر الالتزام بالحضور، ونتمنى من زملائنا الناجحين الوقوف معنا ودعمنا، فمساندتكم لنا اليوم هي وقفة لن ننساها أبدًا، وسيأتي يوم نرد فيه هذا المعروف الكبير بإذن الله.

بارك الله في كل من سيمد لنا يد العون، ووفقنا الله وإياكم جميعًا لما فيه الخير.💙

المرة هذي المبلغ يبي جهد زيادة..

زميلتنا بحاجة وقفة خوت كلنا معاها، بمبلغ وقدره 300 دينار، وصدقوني كان بنعبوا على بعضنا راهو مش حيصير منها..

كل حد يقدر يساعد ولو بدينار ميبخلش ويغتنم الفرصة بهالأيام الفضيلة، هي نقدروها بعون الله..
للتواصل: @Medo_Zn2

طلبة 2005 تصفير و 2006 الراسبين يهمكم

https://t.me/PaRJa8m0PTU3NDZk/5579

#علوم_طبية_2006
#قسم_المرحلة_التمهيدية
#هام_هام_هام

السلام عليكم ورحمة الله وبركاته
بوست هام لجميع الطلبة الذين لديهم ثلاثة مقررات أو أربع مقررات..

رئيس الجامعة الدكتور خالد عون، بعد الإجتماع معه كان الكلام أنه يبي إحصائية بعدد الطلبة، ومنه سيتم الإقرار لو حيدير تكميلي ولا لأ بناء على نسبة الطلبة..

المطلوب منكم جميعًا أي طالب عندك 3 أو 4 مواد، يخش على اليوزر يلي في نهاية البوست، يبعث اسمه يلي موجود في المنظومة بالضبط بدون تغيير، مع رقم القيد بحيث نديرولكم قوائم باسمائكم ونقدموها لرئاسة الجامعة، مع العلم أننا مش مسؤولين على أي يوزر غير اليوزر هذا، هذا اليوزر فقط لزميلتكم من دفعة 2006.

من هني لبعد غدوة أو غدوة في الليل لازم نكونوا خذينا أسماء جميع الطلبة يلي عندهم 3 و 4 مواد.

ولطفًا بلا ضغط على زميلتكم، خش ابعت الاسم ورقم القيد فقط لا غير، الاسئلة والاستفسارات مش عندها.

الرجاء نشر البوست على أوسع نطاق لكي يصل لأكبر عدد من الطلبة.

اليوزر: @bl_7li

#المسؤولين عن هذه القوائم { ليث مندوب المرحلة التمهيدية لدفعات 2003 2004 2005 وعضو مكتب الشؤون الطلابية في الاتحاد العام / محمد زهر الدين طالب في كلية الطب البشري}، وشكرًا لجنود الخفاء.💙

اليوزر تبعتوا عليه رقم القيد و اسمكم بس لا اكثر ولا اقل باش ما تلخبطوهمش بكثرة الرسائل، اكيد الي ح يبعتوا عددهم كبير الي ف ما تزيدوهمش وما تبعتوش اكثر من المطلوب وموفقين و ما تنسوش تدعوا

‼️‼️تتذكير باش تبعتوا ارقام قيدكم و اسمائكم الموضوع مهم ولصالحكم ابعتوه لأي حد عنده ثلاثة مواد ولا اربعة ‼️‼️

#هام_جدا
#دفعة_2006
#قسم_المرحلة_التمهيدية

توا احني لغينا موضوع التجمعات، وجرينا على موضوع الحصر بحيث نعرفوا كل الطلبة يلي عندهم 3 و 4 مواد قداش عددهم، وعددهم مستحيل يكون أقل من 700 أو 800 طالب، به معقولة مش واصلين 350 طالب/ة لتوا؟

تجمعات وقلتوا صيام وتعب قلنا باهي، درنا تجمعات زوز ومجاش حد قلنا باهي، مشينا لرئيس الجامعة خالد عون وقاللنا نبي عدد الطلبة يلي عندهم 3/4 مواد وبناء على عددهم نقرروا، درنالكم إحصائية كل يلي عليكم تبعتولي اسمكم ورقم قيدكم، وفوق هذا كله مكسلين تخشوا؟ ان شاء الله خير يا دفعة 2006؟

زميلتكم مضحية ب نومها وراحتها عخاطر تستقبل رسائلكم واسمائكم وأرقام قيدكم وتنظمهم في قوائهم، وأني وليث وغيرنا من الطلبة يلي نجروا على قضيتكم رغم العناء يلي احني فيه، وهذا مش بجميل والمفروض معش نذكروكم بهالشيء لكن حسوا فينا زي ما حاسين فيكم!

راهو حطوها في راسكم استحاااااااالة يفتحوا تكميلي على 350 طالب را
لو كان العدد تحت 500 بنفجروه موضوع القوائم وبنكنسلوا كل شيء لان مش لقطة الحق

أصحاب صفحات الفيس ميبوش يقبلوا مناشير وميبوش يوقفوا مع غيرهم إلا من رحم ربي، وأصحاب قنوات كبيرة كذلك منشرتش ورغم انهم 2006، مع احترامي للي نشر ويلي وقف معانا.

لأمتى؟ راهو بسبب كسل بعض الناس حتمشي دفعة كاملة بجرتهم

سادكم نوضوا فيقوا على روحكم هذا يوزر زميتلنا ابعتوا اسمكم ورقم قيدكم يلي مبعتش @bl_7li
وهذا حسابي الفيس كان بتنشروا عالفيس ويلي معنداش تيلي محمد زهر الدين

وهذا آخر بوست حينزل بهالخصوص، احني طلبة طب بشري وجانا تهديدات من كليتنا لان واقفين معاكم ومع ذلك مرخيناش فيكم معقولة تقبلوا ب ضررنا؟ متخلوش تعبنا يمشي خسارة وخلونا ماشيين صح.