الماله اخوان ولیه الوکت یولی
الاحبهم من طحت ماشفت یولی
مدری الحگ علیهم لهم یولی
وبیهم عیب مدری العیب بیه

مهدی الفهد الخنفری

عله الیجفون ماصرنه ملحنه
وخطه الگلک هدف بطگ ملحنه
نعرفه الکله وماقدر ملحنه
ونعرفه الیسد ولما یسد فیه

مهدی الفهد الخنفری

امصوفر ما خطانی اشیب وانه اب اول یامی
وماقبل ورای ایصیر البخت کل وکته جدامی
اگل اروح ماشی ازین ونصحچ دوم یجدامی

درب اذل لاتدنینه

مهدی الفهد الخنفری

شل حالی الما شال حاله
اعله بالی المانی اعله باله
آنته الخطیت وانه للیوم
زعلان ومتانی رساله

یومیه اونن عل جفونی
ذاکرهم وچنهم نسونی
نومت الیل ترید مرتاح
دمعاتی خطار ابعیونی

لا هسه صابر وحمل افراگ
والهم دلیلی هوای مشتاگ
یومیه اغنی آب آخر الیل
باگو دلیل الولفه منباگ

عوف الدموع الجفن ذابل
طلگت اعیونی ابدمع حامل
شایل دلیلی زعل شایل
وسائل عله الماچان سائل

تخنگنی چم عبرا امنشوفک
عایفنی بس مابیه اعوفک
باوع ابعینی اتشوف مشتاگ
وبظهری نیشان اسیوفک

مهدی الفهد الخنفری

اشلون بلا اترید تنسه ونته بعدک مختنگ
وهاذ حال الیحب واحد منه راید یفترگ
ضیمک وظیم اسهر
جدم گلبک لو عثر
بی تجارب حیل مرا وهاذ من طبع العشگ


ینکسر گلبک وتنحب من یجی ابالک ولف
وهاذ طبع اطعنه تکتل من تجیک امنل عرف
الجفن ماظم ادمع
وسوالف تنسمع
انه اخیط جرح گلبی وسهمک اظالم یشگ

مهدی الفهد الخنفری

.

ابهواکم عشنه غیره یاهونه
اونین احنه انونه یاهو ونه
ابعسر طحنه وعرفنه یاهو انه
غیر الله ولا واحد تچیه

مهدی الفهد الخنفری

لو غیب حسبت انفگد ماظنی تنسانی ابساع
وظعت ابدرب بیت اسمه وماندل ارجع للگاع

شیفید من تالی الفرح وعیون حمرا امنشوگ
وهاذ اهوا طبع المنجرح لو محترچ لو مخنوگ
الخان ولفه ومابقه طعم الغدر بیهه اضوگ
ودفنه اچفین ابحزن چف ملگه یم چف اوداع

ومسامر ایام العشگ هدمن گلبی وحیله
ومن انکسر سد اچفن کارون مایه ایشیله
البصبح یبچی ویون شتظن یغنی ابلیله
وغنینه یم کاس اسهر ظاع تعب بیهم ضاع

ومطشره ایام العمر لمیتهن ظیم ابضیم
ومچلچله ادنیه ابحزن مایوم دگ بابی الغیم
اناس من زرعت سگت بس حضی چن زرع ادیم
ورایدلی کارا امنصبر اخذهه لیامی امتاع

ماینحسب هم الگلب ماینعد ماینشاف
وما اعتب اعله المادرا بس عتبی عشاف وعاف
ثاری شدد تکشف الک یاهو الوفی من الخواف
ویاهو اضرا ویوگف عمد یتحمل اویاک الواع

طبع الهجر مابی فرح ودموع تسچب عل خد
ولعایش ابجزر البحر خل ینتظر یوم المد
دولاب یفتر الوکت ونزل باچر یصعد
زورتنه تنهش بظهر ماترحم وبیهه اضباع

مهدی الفهد الخنفری

تتعب روحک وتخسر ابدربک تجد چم عثرا
ویگرن اطین متگلی اشایبک تنطح اصخرا
انخل لوما تلگح زین بی ماتنوجد ثمرا
وماتلگه الغیره ابراس افه

تقرگ ماتگاوش بی اذا راید تطب بحری
ونفس ایوب وی یعگوب تعبو من کثر صبری
جدر ممزوگ مال الغیر ترا الممزوگ مو جدری
انه اکل بس المطبوخه

مهدی الفهد الخنفری

المهو منی ویلوم الگلب شله
قرض لن اجرح مایوم شله
الگلت میشیل حملی فزع شاله
وعرف گطعو درب رزقی علیه

مهدی الفهد الخنفری

ابحزن وبظیم یخلص گام یمنه
عسمتی احترگت وذوبت یمنه
یریت اخوانی موجودین یمنه
اشحد اشمر یزمخ علیه


مهدی الفهد الخنفری

مو بت بس دلیلی جربت المای
اسهم یلی تصدلی جربت المای
اترستهه ومنی طاحت جربت المای
عمه البعیونی ضیعکم علیه

مهدی الفهد الخنفری

الشجاعه ادور العباس لاگتله ویلوگلهه
کفوهه اهدیب ماخیب اظن لمن اتخیلهه
الرایه البید ابو نوماس بس سبع یحملهه
وعباس ابصبعه ایفر بیهه

مهدی الفهد الخنفری

ظلمه وحشمت بلیل وانه ابعازت الکافل
یریت احسین یسمعنی ویرد اردود ابو فاضل
اشحد الخیم یحرگهه وعلی یزمخ العایل

لو چان العباس ابزوده

مهدی الفهد الخنفری

حیدر للئمانه اهناک گلهم قبل لیقاتل
نشدو زینب اشتردین یاهو یصبح الکافل
بین الحسن ویه حسین لو تردین ابو فاظل
زینب گالت عباس مامش غیره

مهدی الفهد الخنفری

نترخص من العباس اذا نحچی ابشجاعتهم
ولو دورنه کل الکون مامن مثل خوتهم
منذاک الوکت للیوم تکتل کتل شارتهم
ولکض بیهم ماینسونه

مهدی الفهد الخنفری

العمر خلصن ایامه ایامه معدوده
وعله ابن زهرا حلوا اهدومنه سوده
وحگ الی انذبح ولگطعو ازنوده

هه اطف خایف من اساده

مهدی الفهد الخنفری

صفو اصفوف ال امیه وکلفه عدهه المسئله
لو برز عباس یاهو گلب عده ایجابله
کلمن ایکضه یگطفه برا من طف کربله

ومایرحم خیل وخیاله

مهدی الفهد الخنفری

ظمیت الحچی شفت صدگ مکروهه
عاچل سوگهم بل فتن ماینطر
ابو نفس الابیه ابهزمن مظلوم
برض صبخه الورد مانبع وخضر

علیه اتنادسو وعرف شنو الیردون
رادونی اطیح وانکسر وعثر
لچن مثل اجبل ماهزنی یوم اریح
ومثل اذیب اعیشن وحدی وسط البر

ابرض صبخه الزرعته مایحمل خیر
الئدور خیر الهم دورولی اشر
مثل خوان یوسف لعبو الدورین
البرد ظمو علی من گلت طگنی الحر

الشلت حمله امس من طاح فوگ الگاع
فرح من شاف حملی اگباله یطشر
بظلام ازور تلگه مچمن اشجعان
ابو ذیل العوی ماینحسب هزبر
ارخاص ولو احرج بیهم ایظلون
الیدری ادنان طبعه یکرهه العنبر

مهدی الفهد الخنفری

مشه اشیخ الی چانت بی هبتنه
وبعده اشام واید بی هبتنه
خرابه الماتعجبک بیهه بتنه
کثر ماناشقت ماتت رقیه

مهدی الفهد الخنفری