غدا المحاضرة الختامية لمركز الليث ♥️🥹

وهكي كان اليوم ختامنا لدفعة 2006 بمركز الليث ♥️
انشاء الله انكونو ماقصرناش وربي يوفقكم جميعاً ♥️🤍

عقبال باقي الفروع يارب 😊♥️

غدا المحاضرة الختامية❤️‍🔥 لكل من قروب فرع جنزور وقروب فرع غرغور و بعدها انقولو تم تهكير دفعة 2006 في مادة الرياضيات 🔥🔥🔥🔥🔥🔥♥️

غذا العودة لمدينة صرمان المحاضرة الختامية ♥️🔥💙

مسئلة فيها فكرة مليحة حلوها واكتبو الناتج في التعليقات

سؤال مليح مليح

اللهم يــــارب وفق كل طالب مقبل على إمتحاناته❤️

ربي يفتحها عليكم ويشرح صدركم و يسهل عليكم كل شي صعب
اللهم لا سهلا إلا إذا جعلته سهلا

اللهمّ إنّي توكلت عليك وسلمت أمري إليك، لا ملجأ ولا منجا منك إلا إليك. رب أدخلني مدخل صدق وأخرجني مخرج صدق، واجعل لي من لدنك سلطانًا نصيرًا بسم الله الفتاح، اللهمّ لا سهل إلا ما جعلته سهلًا، وأنت تجعل الحزن متى شئت سهلًا،

صرمان اجمعو في الصفر 🔥

مكتف جديد 🔥 ألة حاسبة في مادة الرياضيات 6ساعات 😍. في مركز تسلا

يوم الخميس ♥️

الـمُـحاضرة الـمنتظرة ✨💯💙
الـرياضيات كـامل بالألة الـحاسبة (Casio) 💙
🔹قريت وكملت وتبي تقرا المنهج بالحاسبة
🔹مقريتش بكل وتبي تجاوب في الإمتحان 🥲
🔹قريت لكن مش كله عرفته بالحاسبة

كـل الأسئلة هاذي غدوا تاخد اجابتها في قاعة الأستاذ
(أحمد قوص ) ✨🔥
مـوعد المحاضرة ( غذاً الخميس )💙
الـمحاضرة مـدتها 5 ساعات كاملات ⏰
مـن 1:00-6:00 مساءً

قيمة الـمحاضرة 50 دينار 💸

لأي استفسار :
0944941751
0942193643

الـعنوان |
مركز تسلا للتدريب ، صرمان ، جزيرة العسكري وكأنك متجه للساحلي بجانب مصور البوسيفي 💙

إعـلان هـام 🆘❗️🔥
مـكثف الأستاذ أحـمد قوص غداً الإثنين في مادة الإحصاء 💙
سـيتم شرح الباب ( الثاني - الثالث - الرابع - الخامس )✨
مـوعد الـمحاضرة مـن 1:30-5:00 مساءً

الـطلبة الي جو لـ محاضرة اليوم غذوا المحاضرة مجاناً ✨
أي طالب يبي يلتحق بالمكثف غذاً الـسعر 30 دينار 💸

بالتوفيق للجميع طلابنا 💙

قعدين تقرو ولا رقدتو 👀


يلي واقف في حاجة يبعتها نشرحهاله♥️

الحمد الله اسئلة الاحصاء ساهلة ومافيش حاجة صعبة تبي واحد قاري كويس يجيب 56/56. انت قاري نص نص تصفي بالمرتاح

ركزو على الباب الاول والحمد الله عاطيهم نسخ لصق في المكتف
انشاء الله تكون باقي المواد زي الاحصاء يارب ♥️♥️

اخوكم واستادكم _ احمد قوص ✏️

السبب يلي خلاني منديرش مكتف رياضيات لطلبت الشهادة الثانوية. أنه عندي إمتحانات الأسبوع هدا 💔. ومتراكم عليا المنهج ومنهج دسم هلبا ونحاول إنلم المنهج في يوم ويومين
كيف الله يعلم صراع تفكير في طلبتي نبي نتهنى عليهم وفي نفس الوقت قرايتي وحلمي المستقبلي 😮‍💨بس ربي معاي ومعاكم وبإدن الله فترة صعبة حتفوت وربي يوفقكم جميعا ويسهل إمتحانكم ♥️🤲🏻.

ادعولي ♥️

هـذا منشور الوزارة بخصوص الألة الحاسبة المخزنة للمعلومات ، لـكن الكلام هذا لا يشمل الحاسبة الي تستعملوا فيها انتم الي هيا Casio fx991 , غير مخزنة للمعلومات ، لكن المشكلة مش هني المشكلة ان المراقبين مش عارفين مفرقين ما بينهم وحيشبحوهم كلهم ز بعض وهذا الشي الي حيضر الطالب ، يجب على الوزارة تنزيل منشور بالخصوص باش المراقبين ميتصرفوش غلط مع الطلبة ❗️

#تاقاتكم وشيراتكم للبوست باش يوصل للكل ومتنظلموش غدوا في الإمتحان ❗️

الحمد الله طلعت من إمتحان اليوم وأنا مستريح ♥️ومجاوب وكانت فيه راحة نفسية وأنا إنحل في ورقتي 🤍فقلت الحمد لله أكيد الأسئلة مش مركزة هلبا وطلبتي جاوبو ويدعولي🥹 فكملت الساعة 12 وطلعت من الأمتحان وشفت الأسئلة وشفت رسائل طلبتي كيف فرحانين أنه جاوبو كانت فرحتي فرحتين ♥️💪🏻

أمتحان الرياضيات اليوم 🫵🏼
مش ساهلة ومش صاعبة تقدر تصفي
طالب قاري وفاهم من بداية السنة يقدر يجيب فل مارك 💯
طالب قاري في المكتف بس يقدر يصفي وبالمرتاح لأنها 80‎%‎ منها أسئلة سنوات ف يلي قاري أسئلة السنوات يقدر يصفي 📉

وحقه نسيت 🤓
وفيه يلي مقراش لا بداية السنة ولا المكتفات وصفى المادة
( بالغش ). 😅

كنتم قد التقة والحمد لله مشت على خير ركزو في باقي المواد
مسيرة 12 العام تقترب من الأنتهاء 🤲🏻♥️

خوي شهادة اعدادية مش قادر يرقد وهوا يفكر في نتيجته غدوا ادعوله كلكم ربي يجبر بخاطره ♥️🥹

ربي يفرحني بيه يارب 🤍🔋

أعلم أنَـك مُنهك
لكن لا أحد يستريح وسط المَعركة
قـاوم لأن النهايات سعيـدة جدًا🧡

في حد 2006 قدر يرقد ؟

انشاء الله نفرحو بيكم يارب وانديرو جو في حفلة الختام ♥️