ليش تخسر مثلي واحد
هامل الدنيا ويجيك
انسان من توكع بشدة
يعينك اكثر من اديك
انسان جان يبيع روحه
ويشتري الترهم عليك

گلب دفان ما همني البشر لو راح
وإذا يابس غصن ماتفرغ سلالي
هنه گلاص چاي وچم نفس دخان
أنساك وبعد تحلم تجي ببالي

انا المبيوگ
ضحكه وتاهمينه بحگ
انه الطفيت
نار الناس وادري بنارهم تحرگ

جبتلك گلب ، اصفَى من البيَاض البيك

وامسح رسايلنة الگبل
لو ضجت امشي اقراهن
وضحكاتك الما ينّسَن
مادام صارن للغرُب انساك أنتَ وياهن

الما يسوه العتب
مااسمعه كلمه " ليش"
مااحطله اهتمام ومنتهي امره
ولا اكله شعجب
شو مختلف وياي
الما غزر ملح شتغزر العشرة

لو بيك لزمت عتب چَا مادرت وجهِي

شلّك بروحك تعال برُوحي عِيش

ضحـك و الرصـعات
طشهن الله ليل و بنار خده
وسحب ورور
ماي رشني وبـلچـذب
موتت روحي

سـهيت وتيهت آلرآي بــسهاي
آنوليت وحشـميـت الصبر بــسـهاي
شـمـا تجبـل مصـيبـه وكلت بــس هاي

آلتفت ولگاهن مـسربات أليه

ثقل هالأيام يحتاج .. حنيّه

الاخرس
والعثر
والطاح
والماشاف
ودموع المفارك
واليحب سكته
واحساس المذله وحسرة المسجون
هذن كلهن شفتهن من غبت انته

يابعّد رُوحي وبَعد كُل الـ يمرون

غربلت والغربيل ظل صافن وصاح
هذا التعزه الروح اول بشر طاح

الچانو عون وكت الضيج يدعون
طحت ماشفت منهم دوم يدعون
بـعـدني بـخـير والشـمّـات يدعون
اعـلـه مـوتي وحـضّرو جنّاز إلـيـه

مو مدحن بروحي ولاني مغرور
لاكن شاهد الله احجي الحقيقه
خسران اليعيش وماحجه وياي
وربحان الكعد يمي دقيقه
اليعاشرني يحبني بلا نقاشات
وهنياله الصرت خله ورفيقه

وارضى تمرنِي بطيف بَس كون أشوفك