🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#ياما_تجرعت_المرارة_عشـانك💙

🌱 #بدايـة_الجزء_الــ②②🌱
🍒ـــــــــــــــــــــــــــــــــــــ🍒



عند علي وطراد اللي كانوا منزلين شماغهم ومشمرين اكمامهم وداخلين في جو الشغل بكل حماس دق الجوال وقطع عليهم حماسهم طراد راح وحسبه جواله ورد : الو
ريم ما دققت بالصوت : علي حبيبي فيك شي ليش طلعت من البيت كذا
طراد انلخم ورفع جواله واستوعب انه جوال علي وصرخ وانتبهوا له الكل :الله يشلك يا علي
علي : وش بك وش صار
طراد رمى عليه الجوال وهبده هبده وهو يعض اصبعه :ياخي غير نغمة جوالك ولعنه
علي فهم انه رد على جواله بس مافهم ليش كذا منحرج اخذ الجوال ورد :الو
ريم : وش فيك ليش تصيح
علي : وش قلتي انتي
ريم : قلت علي حبيبي فيك شي ليش طلعت من البيت كذا
علي :هههههه الله يصلح طراد
ريم: وش دخل طراد
علي : طراد رد على باله جواله وهو اللي كلمك
صرخت ريم:لااااااا علي غير جوالك
علي :ههههههه سليمه حصل خير المهم كيفك
ريم : فشله
علي :وش عليك تراك متصله علي
ريم : يوه المهم وش فيك طلعت ماصحيتني ولا افطرت
علي : كان عندي شغل وطلعت بدري وماحبيت ازعجك
ريم :الله يسامحك كان خليتني اصلح لك فطور انت امس ما تعشيت
علي : معليش حصل خير
ريم : زين متى راجع
علي : مدري احتمال اتأخر
ريم : بعد يلا مو مشكله
علي :مع السلامه
ريم :مع السلامه
راح علي لطراد اللي كان متفشل وصار يكره جوال علي على كثر ما اخطى فيه صح ريم ماقالت شي كبير بس هو صار جوال علي يعور قلبه بعد صوت نجلا
علي :طراد وش فيك
طراد: شوف غير جوالك لبسه كڤر غير نغمة بس فكني والله جبت لي ازمه
علي : ههههه بسيطه روق هذا تحفيز لك عشان تتزوج
طراد :وانا ناقص
رجعو يكملون شغلهم وطراد اللي ينعاد صوت نجلا في اذنه اكثر من مره وهو يحاول يركز
٠٠٠

عند نجلا وشيخه
شيخه: وش رايكم ناخذ ريم بعد اكيد طفشانه
عبيد: ماودك نمر للبلاد كلها وناخذها
نجلا :عبيييد
شيخه:عبيدوه لا تخليني افرشك هنا
نجلا :استنوا ادق عليها ... دقت
ريم :هلا نجلا
نجلا : كيفك وش تسوين
ريم:تمام وانتي
نجلا :تمام وش تسوين
ريم :جالسه
نجلا :طيب اسمعي انا وشيخه نازلين نتسوق ونفطر مع عبيد تروحين معنا
ريم: هاه مدري ودي والله خليني اقول لعلي وارد لكم
نجلا :زين يلا استعجلي
شيخه:وش تقول
نجلا :بتقول لعلي وتشوف
٠٠٠

عند علي اللي حط جواله بجيبه عشان ما يغلط طراد بعد قطع عليه شغله اتصال ريم
علي :هلا حبيبي
ريم :معليش ازعجتك بس شيخه ونجلا طالعين يتسوقون ويفطرون عادي اروح معهم
علي :رايحين مع مين
ريم:عبيد
علي :زين اجل روحي وانتبهوا
ريم :زين باي
علي :باي
طراد : وش فيه
علي : ابد ريم بتطلع مع نجلا وشيخه يفطرون
طراد ضرب قلبه:لحالهم
علي :لا مع عبيد
طراد :اها
سكت طراد اللي كل ما انشغل عنها ترجع طلع في عقله وقلبه
٠٠

عند البنات اخذوا ريم وراحوا دخلوا وابتدوا يتسوقون ويضحكون واخذوا راحتهم واستانسوا وقفوا بتعب
ريم:انا خلاص انتهيت
نجلا :تعالوا نفطر
شيخه: يلا
دخلوا وطلبوا وجلسوا يفطرون
ريم: تدرون ان اليوم صارت لي نفس حركة نجلا
نجلا :ليييه
ريم: دقيت على علي ورد طراد
شيخه: خير لعبه هي
ريم :وربي قسم تفشلت
نجلا :اوف اذا كذا نبي نجلس نتأكد
شيخه : اسمعوا بس ترا رمضان قرب وش بنسوي
نجلا :وش بنسوي ننتظر
ريم:شيخه ما اتفقتي انتي وبدر على تاريخ زواجكم
شيخه: بعد العيد اكيد ما تكلمنا
نجلا :يلعن ام الوناسه ي شيخه
٠٠

عند ابو عمر دخلوا عليه فواز وابو ناصر
ابو عمر : هلا ادخلوا ادخلوا
ابو ناصر: اسفين ازعجناك
ابو عمر: افا والله ما من ازعاج تشرفون وشلونك ي فواز
فواز: الحمدلله انت كيفك
ابو عمر: تمام حي الله من جاني وش تشربون
ابو ناصر: ابد سلامتك حنا جايين نكلمك بموضوع
ابو عمر: امرو
فواز: عمي انا هالاسبوع راجع امريكا وحبيت اتمم واتزوج اريام ونبدا نسافر عشان يمدينا نأمن كل شي
ابو عمر:هالاسبوع
فواز: ايه ولا نبي طقطقه وعرس نتملك واسلمكم مهرها مابي احرجها نخليه سكيتي واذا اتم الله نعمته ورجع بصرها سوينا عرس كبير
ابو عمر: والله ي ابوي مدري لكن خلني اكلم اريام واشوف
فواز: ي ليت ي عمي نستعجل
ابو عمر : قوم معي نروح البيت وهناك نتفاهم
قاموا كلهم واتجهوا لبيت ابو عمر
٠٠

عند اريام اللي توها صحت وجالسه تفطر هي وامها دخل عليهم ابو عمر:السلام عليكم
ام عمر: عليكم السلام وش صار ابن عمي شو ياللي جابك
ابو عمر: خير لا تخافين اجلسي اريام يبه شلونك
اريام : الحمدلله
ابو عمر :جيت ابي اكلمكم في موضوع مايستحمل التأجيل
ام عمر :شو صاير ..



ابو عمر :يبه ي اريام انتي وافقتي على فواز وانتي تعرفين انه بيرجع لامريكا وحجز لك موعد مع اكبر الاطباء هناك خلاص الاسبوع الجاي وعشان كذا طلب مني فواز اني اكلمك في موضوع الزواج يبي يملك عليك ويسلمك مهرك ونطلع لامريكا عشان مافيه و

🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#ياما_تجرعت_المرارة_عشـانك💙

🌱 #بدايـة_الجزء_الــ③②🌱
🍒ـــــــــــــــــــــــــــــــــــــ🍒


علي حط يده على يدها وقال كل اللي صار بس ماقال لها سالفة شيخه وبدر
ريم :عبد العزيز وطراد
علي :ايه
ريم : مدري وش اقول كان رفضت عبد العزيز ولا رميت طراد كذا
علي : يعني انا غلطت
ريم : بس انت تقول ان طراد اصلا كان بيطلبها و وافقت كذبتك اللي هو يبي بس هو معترض على الاحراج
علي : ايه
ريم : مدري وش احدد بس الاكيد انك ما كذبت الا حب في نجلا ونجلا تكره عبد العزيز مستحيل توافق عليه
علي : خايف ابوي يضغط عليها
ريم : لا ما عليك مايسويها عمي قوم الحين ونام وارتاح عشان تصحى من بدري ونروح لاريام
علي : مابي ي ريم روحي نامي انتي
ريم :لا لا اصلا انا ما اعرف انام الا معك وبحضنك بتتركني اليوم
ابتسم علي : بس قلقان
ريم : لا تقلق ولا شي خذها مني نجلا بتختار طراد
تطمن علي وقام ينام بعد اصرار ريم
٠٠

عند فواز اللي رجع البيت وهو مرتاح وصار يجمع شناطه ويأكد حجوزاته وضبط كل اموره انتبه على شيخه اللي واقفه
فواز: تعالي وش فيك
شيخه : وش طرا لك بموضوع اريام
فواز : وش فيه موضوع اريام
شيخه : مدري زواجك منها غريب
فواز: لا غريب ولا شي ابيها وبتزوجها وبعالجها واعيش معها وش اللي غريب
شيخه: مدري بس كذا استغربت متى رحلتك بكره
فواز: الساعه ١١ الظهر
شيخه: زين عشان يمديني اقوم اودعك
فواز: هذا اذا نمتي بدري
شيخه :ايه ماعليه انام الحين
فواز :زين
طلعت شيخه وهي قلقانه على بدر ونفسها تدري وش يسوي الحين وش وضعه
٠
٠
من بكره الصباح في بيت ابو عمر اللي كانوا كلهم صاحين ويراقبون اريام اللي امها ونجلا مجهزين شناطها برا وجالسين ينتظرون فواز يجي
ام عمر ببكي : تعالوا ننزل نفطر سوا
نزلوا كلهم وقفهم صوت بدر : يمه علي على الطريق انتظروا
جلسوا كلهم بصمت اريام اللي كان باين على وجهها انها باكيه وباين انها تعبانه بس ساكته ونجلا اللي ماوقفت بكي وام عمر ونوره ورهام
اما العيال اللي كل واحد في قلبه غصه بس ساكت واخذوها من باب انها بتتعالج وتتشفى قطع علي الصمت ودخل هو وريم: السلام عليكم
الكل :وعليكم السلام
جلسوا يفطرون وهم ساكتين بغير العاده ( هم متضايقين عشان اريام بتسافر وماهو محدد وقت رجعتها واحتمال ترجع بنظرها او لا وخايفين تتعشم ومعاد تشوف وحاسين كلهم بالندم
٠٠

في بيت ابو ناصر كان نفس الحال كلهم صاحين يودعون فواز اللي تعودوا يودعونه من سنتين لكن هالمره كانت معه اريام افطروا وسلمو عليه ودعوه طلع فواز مع شناطه وناصر يدخلها له بالشنطه لان هو بيوديه المطار
ابو ناصر: فواز يبه لا وصيك على بنت عمك حطها بعيونك
فواز : ابشر يبه
ام ناصر : انتبه لنفسك وكل شوي طمني عليكم
فواز: ابشري
فوزيه :اذا وصلت بلغنا
فواز : ان شاء الله يلا استودعكم الله
مشى فواز وناصر وابو ناصر متجهين لبيت ابو عمر
٠٠٠

عند طراد اللي مابات ليله زي الناس وهو يفكر وش ممكن يكون رد نجلا صحى وهو مايدري وش يسوي ومرتبك ومعاد يستوعب اللي يصير حوله اتجه للمواقع المباني والشركات المتفقين معهم وهو يحاول يشتغل يحاول وعقله هناك في بيت ابو عمر
٠٠

في بيت ابو عمر قام ابو عمر وقف بنص الصاله
ابو عمر: نجلا يبه قبل اروح ابيك بموضوع
نجلا :سم يبه
ابو عمر : امس يبه تقدم عبد العزيز ولد عمتك يخطبك
نجلا قاطعته :وشو
ابوعمر: خليني اكمل يبه عبد العزيز طلبك وصادف ان طراد طلبك من علي الصبح ونسى علي يقول لي واحترت بينهم يبه عشان كذا بخلي الاختيار لك عبد العزيز وانتي تدرين وش عبد العزيز وتعرفين كل شي عنه وطراد بعد تعرفينه صلي واستخيري والخيره في ما اختاره الله
نجلا انصدمت طارت عيونها وهي مو مستوعبه طراد وعبد العزيز
ابو عمر كمل :ولا تسمعين لاي ضغط من اي احد اللي يختاره قلبك وعقلك اختاريه ... التفت لعياله :وانتم ابعدوا عن الموضوع تماما مالكم شغل بذات انت ..وهو يأشر على علي ..وكمل كلامه: انا بغيب اسبوع مع اريام او اسبوعين انتبهوا لامكم وخواتكم وانتي ي نجلا خذي الاسبوعين مهله واذا جيت ابي احصل قرار
سمعوا صوت الباب وقام عبيد وحصله عمه وفواز وناصر ودخلهم
عبيد :يبه عمي وفواز وناصر برا
قاموا كل الرجال وراحوا لهم واريام اللي تمسكت في امها وبكت: يمممه خايفه
ام عمر ببكي: ما تخافي يامو ابوكي معك يامو وحدي الله
اريام تبكي وهي ترجف : خايفه تكفين ضميني
ام عمر : وحدي الله يامو وحدي الله
نجلا اللي كانت مصدومه ودخلت في دوامه مالها نهايه
٠٠٠

عند الرجال اللي سلمو وجلسوا
فواز : عمي بنطلع الحين اذا جاهز يالله يمدينا نلحق الطياره
ابو عمر :جاهز يبه جاهز عبيد جيب الشناط يبه
عبيد :ابشر
دخل عبيد واخذ الشناط وطلع حطها بالسياره ورجع لابوه: يبه الشناط قضت
وقف ابو عمر :توكلنا على الله ..

وقفوا الباقين وجو عياله واحد واحد يسلمون عليه

🌺🎀🌼🎀🌼🎀🌼
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#ياما_تجرعت_المرارة_عشـانك💙

🌱 #بدايـة_الجزء_الــ④②🌱
🍒ـــــــــــــــــــــــــــــــــــــ🍒
الجزء الرابع والعشرون

طلع ولحقته ركبوا التاكسي اللي كان مغيم تماما ماينشاف شي منه وكان هذا ضمن تخطيط علي عشان ماتدري هم وين وقفوا نزل علي وقال:لا تنزلين
قفل الشبابيك وتأكد ان كل شي جاهز ونزلها بعد ما سكر عيونها وريم بس تبكي وهي تدعي انه يكذب ماهو متزوج واستغربت انه سكر عيونها بس توقعته شرط زوجته
مسكها علي وهو يطلعها الدرج وكانت ريم تسمع صوت مويه وقفها علي وسحب الغطاء اللي بعيونها وهو يضمها من ورا ويبوسها :انا اسف اضطريت اكذب عليك عشان ما تخرب المفاجأه
ريم اللي فتحت وهي مصدمه من كلام علي ومن المنظر اللي قبالها حطت يدها على فمها والتفتت لعلي وهي تبكي
علي سبقها وتكلم: كل شي كذب ماني متزوج ولا عندي عيال ولا شي طلبتي مني تطلعين لمكان هادي وانا جبتك هنا ماحبيتها تخرب المفاجأه واضطريت اكذب عليك واصيح واسوي حركات وربي اسف
ماردت ريم غير انها بكت وهي تضربه :ليش حرام عليك طيحت قلبي حرام علي
مسكها علي وضمها وهو يبوس راسها:والله اسف عشانك وربي بعدين ي خبله كيف صدقتي كيف اني ازعلك وازعل عليك واتزوج غيرك
دفته ريم وهي تبكي :ملامحك تقول صوتك يقول كل تصرفاتك تقول وخر عني لا تكلمني
قرب علي وضمها : خلاص ي حبيبي انسي المقلب والتفتي كذا وراك شوفي
ريم التفت وهي تحس بعلي يضمها كان المنظر جميل بشكل يبكي ما توقعتها ابد :وين حنا
علي ابتسم :حنا في جزر المالديف
التفتت ريم له وهي تبكي : حرام عليك جبتني لها بكي
علي :عشان تحسين كذا بطعم الفرحه
ريم : والله حرام عليك شوف قلبي كيف يدق عجزت استوعب
علي : بسم الله على قلبك معليش كذا نغير الدلع ونفجعك ولو مره
ريم : والله انك نحيس ما تعرف تمزح زي الناس
علي : عديها عاد وخلينا نروق
ريم صدت ضحك علي وسحبها وجلسها على الكرسي وجلس على الطاوله اللي مقابله الكرسي وقرب:خلاص صافي ي لبن
ريم ببتسامه :عشان المفاجاه الحلوه حليب ي قشطه
ضحك علي وشالها بين يدينه وهو يضحك وصار يدور بها
ضحك علي و دار بها في كل المنتجع ويوريها الاطلالات الحلوة وماكان احد قريب منهم وتقدر ريم تاخذ راحتها
٠٠٠

عند بدر اللي صحى وهو متحمس ليوم جديد مع مهره لبس واتصل على امه وتطمن عليها وسكر جواله بدخول متعب وابتدا يومه ومهره تحت انظاره افطر وطلع معاها ع اساس بيروح مكان سياحي وراح يتمشى مع مهره اللي تغرقه بشبر مويه من دلعها وثقافتها القريبه جدا من ثقافة بدر
٠٠٠

اما عند طراد اللي بدا يومه بعد ما حلم بحياه حلوه مع نجلا وطلع لشغله بحماس وفي قلبه احساس ان نجلا له
ابتسم على رسالة علي اللي يشرح له فيه كل شي صار معه ونصها حلطمه وقهر على دموع ريم ونصها ضحك واغلبها اخبار ابتسم وهو مرتاح لحياة علي الحلوه ورفع راسه لسما وهو يقول(ي رب تمم علي بنجلا واسعدني فيها ) سكر جواله بعد ما رد على علي ودخل لشغله بحماس
٠٠٠

عند اريام اللي طلعوا للمستشفى ودخلوا لدكاتره اللي بدا ابو عمر يشرح لهم حالتها واللي صار معها وابتدوا يشخصونها وابو عمر وفواز واقفين على راسها وكلهم يدعون ان فيه امل
تكلم احد الاطباء وقال انه بيصلحون لها بعض الاشعه والفحوصات والاجراءات اللي تاخذ وقت وخلال اسبوع يقررون
طلعوا كلهم وهم متأملين خير استاذن فواز من عمه انه بينزل يشتري بعض الاغراض وهم يرجعون اذا حبوا لشقه فضل ابو عمر انه يتمشى مع اريام شوي
٠٠٠

عند نجلا اللي كانت شوي وتشق ثيابها من الحيره ماتدري طراد والا عبدالعزيز دقت على شيخه اللي هي بعد اخلاقها ماش بسبب بدر : شيخه وش فيك
شيخه :ولا شي بس ما تلاحظين ريم من امس مختفيه
نجلا : امي تقول علي مسوي لها مفاجأه وبيسفرها بدون علمها وسافروا بس مدري لوين
شيخه: خير كأن مابقى غيري انا وانتي
نجلا : شكله ههههه اسمعي تعالي وربي بموت من الحيره
شيخه: اقول تعالي انتي ماله خلق وربي
نجلا :اصلا يمكن اجي انا وامي ونوره ورهام
شيخه :زين تعالوا نسلي بعض
نجلا :يلا جايين
شيخه: على كيف ابوك هي يمكن محد بيروح غيرك.
نجلا :ههههههه لا تخافين يموتون على طاري الطلعه جهزوا القهوه بس
شيخه : يلا
نزلت شيخه ركض وقالت لامها اللي بدت تحضر القهوه ونجلا كلمتهم وافقوا ونادوا السواق يجهز السياره
٠٠٠

عند علي وقف على المطل اللي يطل على البحر وضحك: ريم شوفي تحت
ريم ناظرت وهي تشوف البحر اللي يدوخ تمسكت في علي وهي تصرخ: علي لا لا ارجع ورا لا تطيحني
علي :ههههه ي خوافه مابتطيحين
ريم :ارجع ط

🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#ياما_تجرعت_المرارة_عشـانك💙

🌱 #بدايـة_الجزء_الــ⑤②🌱
🍒ـــــــــــــــــــــــــــــــــــــ🍒




اما علي اللي رجع هو وريم وضبطوا لهم جلسه حلوه عشان يتابعون فيلم قطع صوت جوال علي وكان نايف (اللي كان عند طراد)
علي : هلا
نايف :هلا فيك ي شريك وينك وش اخبارك
علي :تمام وانت
نايف :بخير وينك فيه
علي :والله مسافر
نايف :والله قالوا بس استغربت انك مسافر في مثل هاذي الظروف
علي :اي ظروف
نايف :انا اسف اذا ماعندك خبر
علي فقد صبره: خبر ايش تكلم زي الخلق
نايف :يعني طراد هاجمين عليه شله وضاربينه لين عض الارض ومكسر تكسير وملامحه متشوهه استغربت لما مالقيتك عنده
علي :متى ذا الكلام
نايف :اليوم الصباح
سكر علي اللي صار يرجف من الفجعه وركض لريم : ريم ريم جمعي الاغراض بنروح
ريم فزت: وش فيك
علي كان معرق وجهه اسود من الفجعه: قومي تكفين قومي
ركضت ريم تجمع الاغراض وهي خايفه اما علي اللي حجز ومن حظه في رحله بتطير بعد ساعه ركض وهو يجمع ريم الاغراض ونزل يسوي اجراءات الخروج وطلع ركض لريم وهو يدق على طراد اللي مايرد وانجلط علي وضاق نفسه ودق على ابو طراد اللي رد :هلا علي
علي :وش فيه طراد
ابو طراد: مافيه شي اذكر الله
علي بصراخ :وش فيه ي عمي وش فيه
ابو طراد دري ان علي عرف :هو بخير تهجموا عليه مجموعه وضربوه لكنه بخير وفي البيت
علي :وش صار له
ابو طراد : ماصار شي انكسرت رجله بس
علي :في ذمتك
ابو طراد :ايه لا تخاف
علي :عطيني اياه تكفى
ابو طراد :طيب
طراد وهو يحاول يعدل صوته:هلا علوش
علي بصوت مليان خوف : طراد أخوي وش فيك وش صار
طراد: علي انا بخير مافيني شي لا تخاف
علي :موجوع فيك شي
طراد: انا بخير لا تخاف
علي : احلف
طراد:والله بخير انت هدي
علي :اسمع انا بعد ساعه طيارتي بوصل بعد ٧ ساعات وبجي لك ع طول
طراد:لا لا لا تجي انا طيب
علي :مستحيل لا بجي انت سكر وارتاح لا تتعب نفسك
حاول طراد مايخليه يجي بس علي رفض وسكر اخذ الشنط وركب اول تاكسي وع المطار وكان ساكت
ريم :علي حبيبي شفيك
علي كان ساكت لفت ريم وجهه باتجاهها :علي كلمني
ناظرها علي وصد وهو يشر لها تسكت سكتت ريم لما حسته مو على بعضه اما علي اللي ماكان يدري وش وضع طراد ولا صدق انه طيب صوته بين تعبان ونايف قال مشوه ركبوا الطياره وطارت بهم .
٠
٠
عند طراد اللي عطى ابوه الجوال وهو ضايق
بدر : وش فيه
طراد: علي عرف وجاي ع اول طياره وباين انه معصب
عمر: من قاله
طراد: اكيد وصله الخبر انتشر والناس مستغربه عدم وجوده
عمر: الله يستر
طراد :امين
الكل عرفوا بجيت علي والكل خايف من ردة فعله
٠٠٠

عند عبد العزيز اللي سمع ان علي كان مسافر ورجع وخاف
راكان :وش فيك
عبد العزيز :علي جاي
راكان : ويجي وش عليك منه
عبد العزيز: اكيد بيفكر انه انا وبترفض نجلا
راكان :لا ماعليك نجلا لك مهما سوى علي وانا معك وعلي لازم ينسى الدلع اللي هو فيه لين متى وهو يسيرنا وياخذ منا اللي نحبهم مستحيل اسمح له ياخذ نجلا منك مثل ما اخذ اريام مستحيل
عبد العزيز: الله يستر بس
٠٠٠

بعد ٨ ساعات ع الساعه ١٢:٣٠ وصل علي اللي كان بدر بانتظاره اسرع علي وركب هو وريم وهو حتى ما سلم على بدر ركب بدر واتجه على طول لبيت ابو طراد
عند طراد اللي كان هو وعمر وسعود وعبيد وابوه وناصر موجودين وينتظرون جيت علي اللي بتحوس الدنيا وصل علي ونزل ركض واتجه للمجلس واول مادخل وقف في مكانه من الصدمه ناظر في طراد اللي راسه ملفوف ويده ورجله مجبره وجهه في كدمات تفجع وشكله كان يحزن حاول طراد يقوم بس سبقه علي اللي تحرك وراح له ركض جلس جنب طراد وهو يناظره وهمس : وتقول بخير
طراد حاول يتكلم ويطمن علي بس سبقه علي :من سوا كذا قول والله والله لدفنه حي والله والله ما اخليهم قول ي طراد قول
طراد اللي كان خايف من ردة فعل علي اللي وجهه يفجع من العصبيه ( طراد لما ضربوه تكلم واحد من الملثمين وقال ابعد عن نجلا ولا تلعب بالنار ..وتأكد انه عبد العزيز )
علي صرخ : طراد تكلم
طراد : علي تعوذ من ابليس
علي : قول لي والله مايروح دمك هدر والله قول
سكت علي شوي وبعدها همس وعيونه حمرا ويناظر طراد :عبدالعزيز صح
سكت طراد ولا رد علي مسك يده :هو صح هو
طراد هز راسه بمعنى (ايه ) وقف علي اللي صرخ بصوته : جنيت على نفسك ي ولد عمتي ( قالها عشان يوضح ان طراد اغلى من اهله كلهم)
انطلق علي ركض وهو مايشوف قدامه ركب سيارة بدر اللي كانت ريم فيها ركب وضرب الباب وجهه اسود وعيونه حمرا وشعره على وجهه ويرجف رجف من عصبيه شخط والعيال كلهم وراه الا عبيد جلس مع طراد وابو طراد وناصر واخوانه طلعو معه طار علي للمزرعه وهو يسب ويلعن ويتحلف في عبد العزيز اما ريم اللي كانت تصرخ من صراخ علي وسرعته الجنونيه اللي احتمال فأي لحظه يموتون صرخ علي عليها :اسسسسسسسسسكتي ..



ريم اللي كانت تبكي وهي تترجاه يوقف ويتعوذ من ابليس بس لا

🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#ياما_تجرعت_المرارة_عشـانك💙

🌱 #بدايـة_الجزء_الـ ⑥②🌱
🍒ـــــــــــــــــــــــــــــــــــــ🍒




قوى نبرته وقال : اللي انت حايفهم ومتحامل عشانهم ومقوم الدنيا عشانهم غدارين وخونه وش رايك باللي يواعد بنت عمه ويلعب عليها ويسرق فكرها ويجرها معه في تهالك ولما جد الجد اختفى وانكر ولما طاحت عمياء تبرى ولا جاء يشيل حتى ذنبه والا اختهم اللي تراقب وتفتري وانت تدري غير المصايب اللي بالخفاء تدعيني عليها وروحي اللي بغت تضيعها بافتراها غير سمعتي اللي تحكي عنها بكل مجلس وغير ريم اللي حاطه حيلها فيها والا اخوهم اللي عايش دور البطل ويهدد ويتوعد ويضرب ويتحلل وينكر جميل طراد اللي كان معه خطوه بخطوه لين وصله هالمواصيل كل اللي سوه وتقول انا ادور المشاكل والتفرقه لكن اسمعني والله اللي خلق النفس من النفس لتقوم القيامه بيني وبينهم ولو اشوف الكلاب تناهشهم قدام عيني ما حركت ساكن واعرف واعلم انها ما وقفت هنا وباقي لي معهم حساب ودامني افرقكم من الحين اقول انا مالي اهل وعيشوا بسلام واتركوا اللي يفرقكم ..
طلع علي وصفق الباب وراه وامتلى وجهه دموع قهر وغبن ....وقف الكل وتكلم الجد :وش قصده باللي قاله
بدر اللي ما تحمل هو بعد : اسال الكلاب اللي وراك
الجد : عبد الرحمن وش يقولون عيالك
قام ابو عمر وقال كل شي لابوه اللي مصدق والتفت على راكان : ص صدق اللي انقال
غمض راكان بقهر ورد بيشرح بس ماقدر مسكه جده وهو يصرخ: صدق اللي انقال
راكان بدموع :ايه بس....
سكته كف جده اللي سحبه ورماه : اطلع لا اشوفك اطلع من هنا ما اعرفك اطلع اطلع برا برا مابي اشوفك ولا اعرفك اطلع ي خاين العرض والشرف اطلع
قام راكان وهو يمسح دموعه :جدي اسم...
الجد :اطلع ماني جدك اطلع انا بري منك ياخساااااره ي خساااااااااره ي خسااااااااااره
جلس الجد وهو يبكي : ي خسااااره
تجمعوا عليه وهم يهدونه وقف وقال :وش سويت ي عبد العزيز
عبد العزيز : جدي انا والله كنت ابي ابعد طراد عن نجلا انا احبها وابيها
ابو عمر بقهر: كنت كلمه بأحسان كنت قلت له انك تبيها والله ما يردك والله طراد وقف معك كثير ولو قلت ابي نجلا بيعطيك نجلا وعليها حبت خشم بس ي خساره وي كسر ظهري فيكم ربيتكم سبركم من سبر عيالي لكن غدرتوا فيني وكسرتوا ظهري
الجد وهو يفك ازاريره: محلك يومين وتلحق اخوك مايشرفني تكونون عندي
ساره :لاااا يبه تكفى عيالي يبه لااا
الجد : عيالك مالهم محل عندي وانتي ما تطلعين اذا بغوك يجون يشوفونك او تروحين وترجعين لكن ينسوني ولا اشوفهم
ساره ببكى وهي تتعلق في راكان :تكفى يمه لا تروح تكفى يبببه الله يخليك عيالي تكفى
الجد : وقف خذ اختك معك
راكان اللي نادى الجوهره واخذها وامه تبكي الجد : اذا تبين عيالك روحي معهم بس ابوك لا تقطعينه
ساره طاحت بالنص وهي تبكي ابوها وعيالها
تكلم راكان وهو مخنوق :يممه خليك عند جدي محتاجك هو وعبدالعزيز وانا باخذ الجوهره ونروح وكل جمعه بنجي نزورك بعد محاولات راكان جلست ساره اللي تبكي وتوجهوا لها عمر وبدر وهم يرفعونها ويغسلون وجهها
التفت الجد على ابو عمر: عبد الرحمن
ابو عمر: سم يبه
الجد :انا اسف ي ابوك جرحتك وجرحت عيالك وحديتكم تظهرون سر بنتك اسف
ابو عمر : وانا اسف بعد يبه عن كل شي سووه عيالي من قهرهم والله
الجد :مالومهم والله ما لومهم
جلسوا الكل وناصر وابو ناصر مصدومين من كل اللي صار والحقايق اللي انكشفت
٠٠

اما علي اللي مات من قهره وطار لريم واخذها وطلع وجهه ما يتفسر
ريم :علي حبيبي وش صار
علي ما كان يرد عليها لانه مايبي يعصب عليها
ريم :علي
التفت علي وهو يهمس بأنفاسه اللي زي النار: تكفين اسكتي
سكتت ريم بخوف من شكله وصلوا البيت ونزلها وراح وهو يوصيها ما تفتح لاي كان وراح لطراد
٠
٠
في بيت ابو عمر الكل خاف من بعد ما اخذ علي ريم وهم مايدرون وش صار وخايفين والاغلب يبكون
٠٠
عند الجد حاكم طلع ابو عمر وعياله بعد ماتطمنوا انه بخير واتجهوا لبيت ابو عمر اما ابو ناصر وناصر اللي ماكانوا متوقعين كل ذا طلعوا هم بعد وراحوا لبيتهم اما ساره اللي كانت عنذ عبد العزيز وتبكي وهو يواسيها تركهم الجد وابتعد لاخر المزرعه وهو يبكي وندمان على اللي قاله بعلي وظلم علي به طول عمره يحب علي ومع ذلك دايم يجرحه جلس تحت الشجر وهو يبكي ما رحم شيبته وقل حيلته
٠٠٠

عند علي اللي راح لطراد وهو جاااامد ولا يتحرك فيه طرف دخل بهدوء غريب :سلام عليكم
طراد وابوه: وعليكم السلام
طراد: وش فيك ي علي
علي التفت لطراد بأبتسامه غريبه : مافيني شي انا بخير كيف رجلك توجعك جروحك توجعك
طراد : لا
علي : الحمدلله
وقام ابو طراد وطلع عشان ياخذون راحتهم
طراد:علي انت بخير فيك شي
علي :طراد ماعليك انا بخير لا تشيل هم
طراد: وش صار معك
علي رفع كتوفه : ماصار شي جيت بدون اهل
طراد : كيف يعني ؟



علي : يعني انا مالي اهل
انفجع طراد من

🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#ياما_تجرعت_المرارة_عشـانك💙

🌱 #بدايـة_الجزء_الـ ⑦②🌱
🍒ـــــــــــــــــــــــــــــــــــــ🍒


عند شيخه ونجلا جهزوا على اساس يلحقون علي قبل يطلع ويكلمونه اشتاقوا له حيل
نجلا : ادق على ريم ما ترد
شيخه: تتوقعين نايمين
نجلا: لا لا علي هذا وقت دوامه مستحيل ينامون
شيخه : زين ان شاء الله نحصله
٠٠٠

عند بدر اللي جهز شنطته وطلع وهو متحمس لزواجه من مهره
ابو عمر :وينك رايح
بدر : يبه انا ماقلت امس نسيت الله يهديك
ابو عمر: نسيت
بدر: عندنا بالشركه مشروع في دبي واختاروني انا وكم واحد عشان نشرف عليه
ابو عمر : وكم بتجلس
بدر: اسبوع بالكثير
ابو عمر: الله يوفقك طمنا عليك
بدر : ان شاء الله
طلع بدر بعد ما سلم على الكل واتجه للمطار وع دبي
٠٠٠

عند علي وريم كان علي منسدح في حضن ريم بعد الدش وهو مو قادر يتحرك وعيونه ذبلانه وجهه مصفر
ريم : علي ي روحي خلني ادق على السواق يوديك
علي : لا ي ريم انا بخير
قطع عليهم صوت الجرس قامت ريم وراحت تفتح حصلت نجلا وشيخه
ريم :بنات
سلموا عليها :وين علي لا تقولين طلع
ريم: علي جوا تعبان وطايح بفراشه
نجلا :ااايش وش فيه
ريم : سخونه مدري من ايش
ركضت نجلا وشيخه لعلي بالغرفه حصلوه منسدح وحاط يدينه على عيونه قربوا وجلسوا
نجلا وهي تبكي : علي
علي فز لما سمع صوتها اشتاق لها حيل : نجلا
نجلا ضمته وهي تبكي : ليش كذا ليش تركتنا علي تكفى لا
ضمها علي وهو ساكت سمع صوت شيخه تبكي وناداها: شيخه تعالي
شيخه جات وضمته وهي بعد تبكي : كيف تسوي كذا كيف طاوعك قلبك تبعد عنا
علي ضمهم وهو مشتاااق لهم ومايدري وش يرد عليهم ابتعدوا بعد فتره وهم يمسحون دموعهم
شيخه: من جدك تبريت
علي : انا ما تبريت انا ابتعدت ابي ارتاح ي شيخه
شيخه: بتجلس كذا يعني
علي .: اكيد لا انتم تعالوا والا باتوا عندي
نجلا : وامي ي علي
علي سكت وبعدين قال: مدري استنوا شوي بعد لين نهدا
جابت ريم القهوه: خلونا نروق خلاص
صبت القهوه وقربت من علي وحطت يدها على جبينه : احسن الحين
علي :ايه بخير
كملوا سوالف وعتاب وعلي فرحان بشوفتهم
سمعوا الجرس وقامت ريم :اجلس بشوف انا
ريم :مين
ابو عمر : انا
فتحت ريم :هلا عمي
دخل ابو عمر وسلم على ريم ودخل جوا لعلي وقف علي وشيخه ونجلا
ابو عمر: نجلا انتي هنا
نجلا :جيت اشوف علي يبه
التفت ابو عمر على علي اللي باين انه تعبان : علي ماتبي تسلم ي ابوي
علي خنقته عبرته ونزل راسه وهو يغض شفته بقوه قرب ابو عمر وهو يقول : زعلان مني
علي صد وهو ساكت ماقدر يتكلم من عبرته ما تعود يزعل على ابوه ضمه ابو عمر وهو مشتاق لعلي وريحته : سماحني يبه انا ضقت وانفجعت وفهمت غلط وانت تدري اني مالي غناه عنك صح تعذبني وتحرق قلبي وترفع ضغطي بس احبك ولا ارضى عليك شفت وشلون اشتقت بالايام اللي راحت
علي ضم ابوه وهو يداري دمعته ولا يبي يبكي : انا بعد اسف يبه بس لا تلومني اللي صار مو قليل
اما البنات كانوا يبكون بصمت
ابتعد ابو عمر وهو يمسح دموعه ودموع علي : الله يرضى عليك لا عاد تتهور وتزعل وتفقد اعصابك وتشتتنا تعال معي امك لها اسبوع وهي حالتها حاله والكل فاقدك وعمك ابو ناصر زعلان وناصر بعد مايبون يجون لين تجي
ابتسم علي اللي حس انه بخير : ابشر يبه
ابو عمر: البس الحين وتعال معي بنروح كلنا يلا ي بنات وبعدين وش فيك حار
علي ابتسم : مافيني شي سخونه جات وعدت
راح علي يلبس وريم والباقين طلعوا يستنون فالسياره
ابو عمر: شيخه تعالي معنا
شيخه: بروح ي عمي البيت اكيد امي الحين معصبه
ابو عمر: تعالي مافيه احد غريب حتى بدير سافر اليوم
نجلا :وين سافر
ابو عمر: يقول موكلينه الشركه على مشروع في دبي وبيروح اسبوع
شيخه انصدمت ماقالها بدر وسكتت وهي ماهي مرتاحه لروحان بدر المتكرره تعوذت من ابليس وطنشت
جاء علي وركب هو وريم وهو مبسوط والفرحه بوجهه كلم طراد وقاله انه راح وبيكلمه شوي
٠٠

عند الجد حاكم اللي جاء عشان يروح يعتذر من علي وصل بيت ابو عمر ودخل وسلم عليهم
ام عمر: شرفت
الجد:عبد الرحمن وينه
ام عمر :مابعرف
دخلوا ابو عمر وشيخه ونجلا وعلي وريم
ابو عمر: ام عمر تعالي شوفي من جاء
وقف الجد حاكم : عبد الرحمن
وقف علي وقطب حواجبه اول ماشاف جده وانصدم الجد وسكت ابو عمر وهو خايف يزيدون الطين بله
علي صد : اشوفك مره ثانيه يمه يلا ي ريم
الجد :افا ي علي ما تسلم علي
علي : مو انا اللي افرقكم مالي قعده ابد
ابو عمر مسك علي :تعوذ من ابليس واذكر الله
علي :الف من ذكره بس مالي محل
اخذ علي ريم وطلع بعد ما سلم على امه
الجد :وش السوات ي عبد الرحمن
ابو عمر: صعب تصلح اللي انكسر وانت تعرفه
جلس الجد بضيق وهو ندمان بس علي ماعطاه فرصه ..



عند علي كان ضايق من شوفة جده اتجه لاحد المطاعم يتغدا فيها وهو زعلان
ريم : ليش رفضت
علي : مابي ي ريم دايم وانا انسى واتجاهل هالمره ماني مسامح
ريم: بس باين ان

🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#ياما_تجرعت_المرارة_عشـانك💙

🌱 #بدايـة_الجزء_الـ ⑧②🌱
🍒ـــــــــــــــــــــــــــــــــــــ🍒




قبل ملكة نجلا وطراد بيومين ويوم عملية اريام
عند ام عمر اللي كانت جالسه تهدي بأريام
اريام : والله خايفه والله
ام عمر: معليش يامو لشو الخوف
ابو عمر: اريام ي ابوي لا تخافين كلنا معك وجنبك وبتشوفين ان شاء الله واخوانك معانا ع الخط
اريام :واذا ماشفت
فواز: اريام ليش الوساويس اتكلي على ربك وهو كفيل فيك
كانو يهدونها لين هديت وروقت وابتدوا يحضرون اريام للعمليه وهي ترجف خوف والكل متوتر
٠٠٠

عند نجلا وريم وشيخه اللي كانوا ببيت علي
نجلا :اخاف اريام ما ترجع تشوف
ريم :تفائلي خير بسم الله
شيخه: لا ان شاء الله
نجلا: يربي لا تكسر بخاطرها ي رب والله اذا سوتها وما رجعت تشوف لغير يموتون علي وبدر
شيخه : اعوذ بالله خلاااص
ريم : مادريتوا عن الجوهره
نجلا: شفيها
ريم : تزوجت واحد على الساكت والرجال محد يعرفه زواج يفشل
شيخه: خليها الله لا يقوم لها حظ تستاهل قليل اللي سوته
نجلا:استغفر الله الله لا يبلانا
ريم :مدري وش غيرها
شيخه:الغيره
نجلا:فكونا تكفون منها
سكتوا وهم قلقانين وخايفين
٠٠٠

اما عند الشباب اللي كلهم كانوا بمكتب علي ناصر وعمر وبدر وطراد وعبيد وراشد اللي بايت عند علي وسعود والكل ساكتين ينتظرون قرار شوف اريام
بدر وقف بتوتر : علي دق على ابوي
عمر: بدر اجلس ابوي يقول لا تدقون وتوتروني هو بيدق علينا
بدر : اخاف ما ترجع تشوف
علي طارت عيونه في بدر وهو خايف من هالهاجس
ناصر: قولوا خير والا اسكتوا
سعود : اذكروا الله ي شباب
راشد :علي ابغى مويه
قام طراد واخذ راشد اللي محد يمه : تعال انا اعطيك
عطاه مويه وجلسه الكل ينتظرون اللحظه الحاسمه
٠٠٠

بعد ٤ ساعات من التوتر طلعوا الاطباء من عند اريام
اقبلوا على الاطباء وهم خايفين سألهم ابو عمر وقالوا له ان العمليه نجحت وبأذن الله بتشوف
ام عمر ببكى: الحمدلله ي ربي دخيلي اسمك شو كريم ي رب
ابو عمر وهو يمسح دموعه وضم فواز: الحمدلله الحمدلله
فواز اللي ماكان احد بفرحته وهو وده لو يبلغ العالم ان اريام شافت
٠٠٠

عند الشباب اللي كانت عيونهم على جوال علي اللي دق وقفوا كلهم ورد علي : طمنا يبه
ابو عمر :العمليه انجحت وان شاء الله انها شافت
علي رمى الجوال وصد وحط يدينه على وجهه وهو يبكي فرح:الحمدلله الحمدلله
بدر: وش صار وش صار
علي: نجحت نجحت ي بدر نجحت
ضم بدر علي وهو مو مصدق اخيرا اخيرا قتله تأنيب الضمير على اخته
٠٠

عند نجلا اللي اتصل بدر وبلغهم ورمت الجوال وهي تصرخ : الحمدلله الحمدلله
ريم : نجحت
نجلا :ايييييه
ضموا بعض وهم مستانسين رفعت شيخه جوال نجلا وردت :بدر
بدر : شيخه
شيخه: الف مبروك والحمدلله
بدر : اه ي شيخه ليتني اقدر اوصف فرحتي الحمدلله
شيخه: الحمدلله
بدر: شيخه شكرا على وقفتك معي
شيخه: لا تقول كذا ازعل منك هذا واجبي
بدر : والله مافي مثلك والله و
شيخه سكتت واستاذن بدر وسكر والكل فرح وانتشر خبر نجاح عملية اريام
٠٠٠

عند اريام طلعوها من العمليات وهم لافين عيونها بالشاش ولا صحت
ام عمر: ايمتى بدا تصحى
فواز: باقي ي عمه تصحى اخر الليل
ام عمر: لشو
فواز: عشان ترتاح عيونها بعد العمليه
ابو عمر: روحي ارتاحي بالشقه وانا انتظر
ام عمر: لا والله بدي اقعد هون لحد ما تصحى بنتي
ابو عمر : براحتك
فواز اللي طلع دق عليه ابوه
فواز: هلا يبه
ابو ناصر: هلا ي فخر ابوك الله يجزاك خير على اللي سويته وفرحت اهلك وبنت عمك وجبرت خاطرها
فواز: ماسويت شي يبه هذا واجبي مالي فضل
ابو ناصر: والله اني فخور فيك ومحد يزاهي فخري
فواز: كل شي تعلمته منك يالغالي
ابو ناصر :سلم على اريام وعمك وبارك لهم واذا صحت قولي
فواز ابشر وانت سلم على الكل
سكروا وهم كل واحد فخور بالثاني والعايله كلها ممتنه لفواز ومقدره موقفه البطولي بالنسبه لهم
٠٠٠

عند علي اللي رجع البيت وهو فرحان فرحه محد يتخيلها فتحت ريم الباب واول ماشافها ضمها وهو يدور فيها
ريم :ههههه الحمدلله على سلامة اريام
علي :ااااه ي ريم الله يسلمك وربي كنت شوي واموت من التوتر والخوف
ريم : الحمدلله اللي رجع لها بصرها
نجلا جات تركض من بعيد : علي
ضمها علي وهو يضحك على فرحتها ونجلا بكت من الفرحه
علي : يوه ي نجلا على طول دموع
جات شيخه من ورا وهي تسحب نجلا :ماعليك منها باقي خزانها ما فضى
سلمت عليه وهي تتحمد له بسلامة اريام
ريم : وين راشد ي علي
علي وهو يغمز لنجلا : والله في واحد نشب بلعومي الا بياخذ راشد ويوديه البقاله يقاله يقردنه عشان ياخذ اخبار البكايه
شيخه:عشتوا والله دنيا نجيل صار احد يهتم لاخبارها
نجلا : احسن منك ي دبا ي نفسيه
شيخه: اصه بس اسمعوا اليوم لازم نحتفل بنجاح العمليه ..


علي رفع يدينه: انا خارج المهمه معليش ابي انام والله بكره وراي اشغال متأجله وتجلط الحما

🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#ياما_تجرعت_المرارة_عشـانك💙

🌱 #بدايـة_الجزء_الـ⑨②🌱
🍒ـــــــــــــــــــــــــــــــــــــ🍒




دخلت ريم :سلااااام
نجلا :تعالي ليش تاخرتوا
ريم: وش اسوي في اخوك مايخلي أحد يجهز على راحته
نجلا : تعالي شوفي شيخه
شيخه: مافيني شي خلااص
ريم: شيخه وش فيك تبكين
شيخه : مافيني شي
ريم : اقول تكلمي
تعبت شيخه وقالت لهم عن كل شي وانا شاكه ببدر
ريم: وش يخليك تشكين
شيخه: مدري موضوع روحاته لدبي والغطات وتغير تصرفاته
نجلا : مدري حتى انا احسه متغير وصاير بس في غرفته
ريم : لا لا مايسويها بدر
شيخه: اتمنى يعني
قطع عليهم دخول علي اللي جايب القدر معه ويطبل ويغني
رمى القدر وقال :
آويها ... ياصحن مجدرة
آويها ... ومكللل بالكزبرة
آويها ... عروستنا حلوة
آويها ...ما بدها غندرة
ريم وشيخه: كلوووووووووش
علي :هههههه ايوه ي نجيل من قدك
نجلا ضحكت وراحت تضم علي : احلى زغروطه والله
علي :يلا عشان اوديكم امي تستنى
البنات :يلا
وراحوا يجهزون ونزل علي وراح ومر من الحوش وسمع بدر يتكلم
بدر: كم مره عدت الكلام انا هاااه
مهره: اووووووووه خلااااااص ذبحتنا
بدر: صوتك ما يعلا علي
علي : بدر وش فيك تصيح
ارتبك بدر ولف بسرعه: هاه ولا شي اكلم واحد من العيال
علي: وش بك معصب لذا الدرجه
بدر: معليك مافيه شي
راح علي وهو مستغرب وجلس بدر وهو خايف :اووووف والله لو مسكني علي ليدفني حي اوف
قام وراح وهو يحاول يهدا لانه خاااف من علي وقابلهم طالعين ومر وهو ساكت وكل البنات يناظرون فيه
٠
٠
عن طراد كان متورط مع عيال خالاته اللي قمة الاذاء والقرف
طراد: عيال اجلسوا اذا بتحلقون
مصعب :مابي انا
يوسف :وانا
رامي : وانا بعد
جلس طراد وهو يحتري علي اللي وصل البنات ورجع: سلاام
طراد: اخيرا جيت
علي :رحت اوصل البنات للمشغل
طراد: زين يلا عشان نبدا
جلسوا وابتدوا يحلقون وهم منغثين من عيال خالة طراد اللي بين قوسين(درباويه)
٠٠٠

العشاء الكل جهز وتوجهوا للاستراحه وطراد بيموت من الفرحه ونجلا متوتره وعلي محد في فرحته
عند نجلا اللي خلصوا وراحوا للاستراحه دخلوا الغرفه وجلست وهي متوتره :بنات كيف شكلي
نوره :نجلا والله تهبلين
شيخه: لحووول والله تهبلين كم مره سالتي
ريماس : بسم للله عليك
ريم: والله لو تشوفون ام طراد وخالاته كيف فرحوا ما تصدقون
نجلا : كيف تحت زحمه
ريم : اييه حيييل
سكتت نجلا وراحوا البنات تحت وابتدت مراسم الملكه
٠٠٠

عند الرجال كان طراد واقف جنبه علي وابوه
علي : اما عيال خالاتك غثى
طراد :تعلمني فيهم ادري بهم مغثه وربي بس مالي خلقهم
قطعوا عليهم الناس اللي تبارك وابتدوا يتوافدون وابتد الحفل اللي كان متكلف جدا بحكم انه ولدهم الوحيد تكلفوا
٠٠

بعد كل هالمراسيم والروتين المعروف جاء وقت عقد القران وكالعاده تجهزوا علي وناصر كشهود وابتدوا يكتبون العقد وابتدا الشيخ وقع طراد وقام ابو عمر عشان يودي لنجلا الدفتر
عند نجلا كانت جالسه وهي متوتره وريم وشيخه معها دخل ابو عمر :سلام عليكم ماشاء الله تبارك الله
اخذت نجلا الدفتر وقعت وابتدا صراخ البنات وتهييصهم
اخذ ابو عمر الدفتر بعد ما سلم على نجلا وبارك لها
تجمعوا البنات يضمون نجلا ويسلمون عليها واتصلت ريم على علي وقالت يجهزون عشان الزفه
علي راح لطراد: ي نسيب اجهز الزفه الحين
طراد: يييمه صادق انت
علي :هههههههههه ايه اجهز يلا
٠٠٠

عند نجلا وقفت وهي تجهز والبنات يجهزون لزفه تحت وصلت ام طراد : بسم الله عليك ي بعد قلبي الله يتمم عليكم
نجلا خجلت وسكت ولا قالت شي جات ام عمر: نجلا يامو جاهزه
نجلا : ايه يمه
ريم : بنات علي يقول انهم عند الباب هو وطراد
لبسوا البنات ونزلوا وابتدوا يحضرون المصوره والزفه
راحت ام عمر تفتح الباب لعلي وطراد اللي كانوا واقفين
طراد :علي كيف شخصيتي مرزامي ضابطه
علي : ي لييييل طراد خست من المغرب تسألني والله تهبل
طراد : بالله عليك
علي وهو يقرص خدوده يقلد نجلا : اصلا اللي يشوف غمازاتك الحلوه ينسى كل شي
طراد: يوه فكني من الدلع الحين
علي: انصحك تعود من الحين الان نجلا بتمصع خدودك
طراد: جعلني فدا
فتحت ام عمر: اهلين يامو فوتوا فوتوا
علي دخل ودخل طراد اللي سلم على راسها بارتباك وطلعوا فوق
ام عمر: علي تعا لوين رايح
علي :بشوف نجلا وش بك
ام عمر: ام طراد هون مابتقدر تفوت
علي :والله لفوت يمه والله ما فوت اللحظه
ام عمر: علي مابتسمع الحكي عم قلك ام طراد هون
علي :ايه ماعليه ... ي خاله ام طراد لو سمحتي روحي كذا والا كذا بسلم على نجلا
ضحكت ام طراد : زين يمه ...
راحت جوا
علي دخل :الله الله شهالزين شهالزين طارد لا تدخل و دق على الاسعاف قبل
طراد: جد والله
علي :هههههه يضرب الحب شو بيزل
طراد: الله يكسر رجولك ي شيخ ..



علي قرب وهو يسلم على نجلا : صراحه يعني ي نجلا ترا طراد صابغ دقنه عشان يجي حلو
طراد

🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#ياما_تجرعت_المرارة_عشـانك💙

🌱 #بدايـة_الجزء_الـ⓪③🌱
🍒ـــــــــــــــــــــــــــــــــــــ🍒




اريام : والله كل ما اتذكر ازعل من نفسي
شيخه: لا معليك انسي وعيشي مهما حصل حنا خوات
اريام : الله يوفقك محتاجه شي اساعدك بشي
شيخه: لا خلاص قضيت
اريام : زين انا بروح اشوف فواز
قامت اريام وراحت لفواز وهي مبسوطه من حياتها
٠٠٠

ومن بكره ابتدا جو العيد والحماس والفرحه الا شعوريه
كان ابو عمر جاهز وجالس في الصالون هو وراشد والجد يكبر :الله اكبر الله اكبر الله اكبر لا الله الا الله الله اكبر الله اكبر لا شريك
بدر اللي كان واقف يبلس مره عبيد وقف جنبه وهو يلبس
ونجلا اللي كانت تلبس وتصلح نفسها وهي مبسوطه ومتحمسه لاول عيد بوجود طراد وريحة العود والقهوه في كل البيت
٠٠٠

في بيت ابو ناصر شيخه اللي كانت مروقه وضحكها معبي البيت وهي تتمشى باقي ببيجامتها ولا بدلت مرت فواز اللي يلبس واريام جنبه بالعود : شعليك شعليك بعد الخدم جاتك عين السيح ارياموه
فواز: ههههههه اول مره تقولين كلمة حق لكن عزتي لك لو مقدمين زواجكم كان الحين تبخرين بدر
شيخه: ماعندك مشكله ادق عليه يجي الحين وابخره ليه لا
فواز: ههههه تسوينها والله
تركتهم شيخه وراحت لابوها: الله الله معرس معرس معرس ابد يبه ماللك الا اللي يزوجك
ام ناصر: شيخوه وجع
شيخه: وانا صادقه صرتي قديمه انتي
حذفتها امها بالجزمه وضحكت شيخه ورجعت تبوس امها: امزح امزح يمه انتي بعد ملح وقبله وباقي شباب خلي ابوي ذا الشايب ودوري لك عريس جديد
ابو ناصر محطها بالعقال وانحاشت وهي تضحك
وراحت تلبس وتجهز
٠٠٠

اما علي اللي كان لابس وجاهز وخالص اقبلت ريم عليه وهي ماسكه بيدها العود وصارت تبخره وهي تسمي عليه وعلى هيبته وطلته اللي تجذب
ابعد علي وهو يتعطر ويشخص شماغه
التفت لريم اللي واقفه: ريم شفيك
ريم : ولا شي ابي احصنك
علي ابتسم : المفروض احصنك انتي
ضحكت ريم وبدأت تحصن علي وبعدها بعدت وراحت تكمل وتلبس وعلي جالس يكبر جابت ريم الكاميرا وابتدت توثق الاحداث وبعدها طلعوا يصلون العيد وبيروحون بيت ابو عمر
٠
٠
في بيت ابو طراد كانت ام طراد جالسه تبخر طراد وابوه
ام طراد: عقبال ما ابخرك عريس
طراد: انا والا ابوي
ام طراد: اكيد انت
طراد : لا بس يعني قلت يمكن لان ابوي ناوي الزواج
ابو طراد ضربه: يكذب عليك ي بنت الحلال
طراد:ههههههههههههههه افا يبه طلعت من جنبها
ابو طراد: عاد امك محد يحصل مثلها
طراد: رقع جزاك الله خير رقع هههههه
ابو طراد: اصبر لين تجي نجلا اصبر
ضحك طراد وطلعوا يصلون وبيتجمعون في بيت ابو عمر
٠٠٠

بعد الصلاة اجتمع الكل في بيت ابو عمر والبزران يراكضون يبون عيديات وصافين طابور ويدورون على الشياب وصف معهم علي وطراد
الجد : وش تبون انتم
علي : عيديه
بدر:يمممممه مالقى يطلب عيديه الا انتم حبايبي انتم المفروض توزعون عيديات
طراد تخصر: ليه ان شاء الله
عمر: عندكم شركه والفلوس ماشاء الله عندكم خير وبركه
علي :عمى بعينك اذكر الله وبعدين حنا يالله يالله بشغلنا
ابو عمر: وهم صادقين انتم تصرفون رواتب ناس كثير عجزانين عن العيديه
طراد : لحووول حنا ورانا مسؤوليات ماحنا فاضين للحركات هاذي
الجد : خذوا واخر مره ..عطاهم ١٠٠
علي:بس
الجد :وش تبي بعد هاذي نعمة كريم
طراد: الحمدلله بس يعني قليله
ابو عمر: تعالوا ازيدكم
وراحوا له ولفوا المجلس كله وبعدها جلسوا يعدون
طراد: علي كم معك
علي : ١٣٠٠ وانت
طراد: ١٤٠٠
علي :خير من اللي غاش
طراد: ابوي عطاني ميتين
التفت علي لابوه : يبه افا معطيني ميه وابوه عطاه ميتين
ابو عمر : هو ولده الوحيد وانت غيرك كثير
علي : انا احتج ترا بتبرا منكم
الكل: يوووووووووه
علي :بسم الله الرحمن الرحيم خلاص مابي شي طراد اقسم الميتين بينا
طراد: اقول اقلب وجهك
علي : اوريك ي نجلاااا
طراد عطاه الميه كامله : خذ وجع
علي : ايووووه كذا هههههههههههه
وقف علي على الطاوله : اسمعوا طراد بدر وفواز ومشاري (زوج نوره) مافيكم ولا واحد ياخذ زوجته الا لين يعطيني ٢٠٠ ولا حتى يشوفها
طراد: على كيفك
بدر: اقول اقلب وجهك
فواز: مشاء الله باقي يتكسب من ورانا
مشاري :عاد انا ماعلي منك باخذها باخذها
علي : هيا والله والله والله ما تخذونهم اليوم ولا تشوفونهم الا ب ٢٠٠
ابو عمر: انت وش دخلك الحين هم بناتي انا ترا
علي تفشل :وخواتي
ابو عمر: اقول انزل وانت ساكت وروح كفر عن يمينك
الجد: ابدا مايشوفون الا ب ٢٠٠
العيال: يوووووه
علي : ايوه يلا يلا طلعوا المني طلعوا
حلف الجد واضطروا العيال يعطون علي ٢٠٠
علي جلس ويعد :٨٠٠خير وبركه حسافه لو الباقين جايين
ناصر: من الباقين
علي : ريماس وفوزيه
طراد: جعلها ي رب تضيع تراها يعتبر مال غصيبه ولا يجوز لك
علي :طيب اوريكم ..




دخل علي عند الحريم بما ان اغلبهم محارمه وابتدا يعيد عليهم ويسلم عليهم بعد ما خلص سحب ا

🌺🌼🎀🌼🎀:🎀
🌼🎀🌼🎀🌼
🎀🌼🎀
🌼 @ahgeel 👌🌺
🍀روايــــ 📖 ــــــة.... 🍀

#ياما_تجرعت_المرارة_عشـانك💙

🌱 #بدايـة_الجزء_الـ⓵③🌱
🍒ـــــــــــــــــــــــــــــــــــــ🍒




جاء وقت الزفه وشيخه خايفه والبنات عندها ويساعدونها تستعد عشان يجي بدر وينزفون
شيخه: نجلا
نجلا : هلا
شيخه: خلاص مابي
ريم : وش ماتبين
شيخه: مابي اتزوج خلاااص
ريم ونجلا : ايش
شيخه بدموع :والله خلاص والله
ريم : شيخه حبيبتي وش فيك هدي الموضوع مو كذا انتي بس خايفه عشان كذا
شيخه: خلاص مابي بدر ولا ابي اتزوج ابي ارجع زي قبل
نجلا : شيخه انتي نجنيتي وش ذا الكلام تعوذي من ابليس
جلسوا البنات يهدون فيها الين هدت وراحو يرتبون مع البنات لزفه
وشيخه سكتت وهي فيها غصه ما تبي بس بتعديها دقت نجلا على بدر وقالت له يجي عشان الزفه
بدر: زين
علي : تبي اجي معك
بدر: اقلب وجهك بس مالي خلق ثقالة دمك
طراد: خير اصلا خير وبركه ان علي يدخل معك
بدر: اترك الخير لك انت وياه ...راح وتركهم
علي : الله يوفقهم ي رب
طراد: ي ربي متى اتزوج انا بعد
علي: بدرييي مره عليك
طراد: الله يسامح ابوك هو وعقابه والله صعبه سته شهور
علي : الحمدلله ما تعاقبت ولا وشي
طراد: ي رب ي علي يعاقبونك عقاب تبكي منه
علي : اقول اسكت تراي زعلان عليك
طراد: ليش ان شاء الله
علي : تتذكرون انتقامكم مني يوم العيد حسبي الله وبس وانا ما توقعتها منك
طراد: تتذكر وش سويت فيني
علي : وخر بس والله لاردها ي طراد واقوى
طراد: اطول مافي خيلك اركبه
علي : على طاري الخير نفسي اروح بكره للجامحه
طراد: ايييييه الجامحه خير ان شاء الله
قاطعهم عبيد اللي سحبهم عشان يدخلون معهم فالرقص وماقصروا هم بعد
٠٠٠

عند بدر دخل على شيخه اللي كانت واقفه بهداوتها وفستانها الابيض وشكلها الناعم الجميل تقدم بدر وباس راسها: مبروك
شيخه ماردت ولا نطقت ما حاول بدر يكلمها لانه شايف انها متوتره سمعوا صوت الزفه اللي بدت ومسك بدر يد نجلا واتجهو للممشى انزفوا على احلى اغنيه بأساميهم وبدر طول الوقت يبتسم وشيخه جامده وترجف لدرجة انها ماعادت تركز وبدت تسود الدنيا عندها تمسكت ببدر بقوه ومسكها بدر اللي حس انها مو تماما وصلوا الكوشه وجلسوا وابتدأت الاهداءات والتوزيعات وجابوا القاتوه وقطعوها وبدلوا الدبل وصوروا وكل هذا صار وشيخه عينها بالارض ولا نطقت بحرف خلصوا وطلعوا فوق وابتدو يصورون وكانت فيه اكثر من حركه جريئه ومع ذلك ما تكلمت شيخه طلبت شيخه يوقفون التصوير شوي
بدر: شيخه شفيك
شيخه ما ردت وجلست وهي تحاول تاخذ نفس طول الاسبوع اللي فات وشيخه نفسيتها زفت وما تنام وطول الوقت تبكي وقلق من حياتها مع بدر وماهي مرتاحه حاسه فيه شي كانت بتكنسل الزواج لاخر لحظه لكن منعها حبها لبدر واليوم زاد عليها الضغط وعجزت تحمل كل شي فوق طاقتها جلست تبي تهدى وتستعيد نفسها لكن صوت بدر والتعب وكل شي حولها بدا يختفي شوي شوووي وطاحت شيخه بين يدين بدر مغمى عليها
بدر خاف : شيخه شيييخه شييييخه وش فيك شششيخه
شيخه ما كانت ترد انخبص بدر ولا عرف وش يسوي راحت المصوره تنادي ام عمر اللي جت ركض وحاولو يصحون شيخه اللي صحت بعد فتره وهي تعباااانه
بدر: شيخه انتي بخير فيك شي اوديك المستشفى
نجلا : شيخه حبيبي انتي كويسه
شيخه هزت راسها بأيه وجابوا لها عصير وبدت تصحصح والكل خايف
ريم اللي كانت لابسه عبايتها وواقفه: شيخه فيك شي
شيخه: لا
ابتعدوا كلهم وجلسوا براحه وبدر اللي طاح عقاله وشماغه من الفجعه رجع يلبس ويتعدل وهو خايف وكل شوي يناظر لها ( بدر الفتره الاخيره ابتدا يبعد عن مهره ومشاكلها وانتبه لتغيير شيخه لذلك كان متحمس وخايف )
بعد شوي وقف بدر : شيخه انتي احسن
شيخه : احسن
نجلا : تقدرين تكملين تصوير
شيخه : ايه
رجعت المصوره وكملوا تصوير ونادوا ابوها واخوانها يصورون معها تقدموا يسلمون عليها
علي : شيوخ مالك حس
شيخه : وش اسوي
ابتدا علي ياخذ معها ويعطي وهو مايدري عن اللي صار وارتاح بدر ان علي جاء وغير جوها شوي
طلعوا وعلي كان السواق وماقصر فيهم فحط فيهم وهو يضحك
علي : شيخه عززي وينك اليوم
بدر: علي فكنا منك ي شيخ
علي : اذا عززت شيخه بوقف
تركته شيخه ماردت عليه وكمل علي تفحيط لين وصل الفندق ونزل اغراضهم ورجع للقاعه بعد ما نكد عليهم واذاهم
٠٠٠

انتهى الزواج على خير ورجعوا كل واحد لبيته وكلهم يدعون بالتوفيق للبدر وشيخه
عند علي اللي كان توه طالع من الحمام واخذ احلى دش شاف ريم قدامه تجفف شعرها
علي :لييييه
ريم: شفيك
علي : كان تركتينا نستانس على الكشخه شوي
ريم: ههههههههه والله فاضي
علي : حسااافه
ريم: ليه انا مو كشخه بدون مكياج
علي : الا انتي ام الكشخه
ريم: اه ي ربي تعب
علي : تعالي تعالي احكي لي كيف كان الزواج عندكم
ريم قربت وانسدحت وهي تحكي وتحكي وش صار وعلي ماكان معها ابد ولا كان يبي يسمع اخبار الزواج وكان يراقب كلامها وهو منشد لها ..



عند شيخه اللي كانت جالسه ولا تحركت