هوا د اجل

هوا د اجل راشي نړوي د ژوندون بام
آرمان تر خاورو لاندې شي او هیلې شي لیلام

خاموښه ښار خوړلي دي ځوانۍ ګلاب ګلاب
هیر نه کړی هدیره کې له دعا نه زلمي پام

ژوندون لکه ازمون حل یې یو څو لحظې نیستي کړي
معلوم به شي آخرت کې د آزمون کامران ناکام

مغرور خلګ دي یاد کړي شپه او ورځ کې مرګ څو ځله
یو رنګ دي عزرایل ته جسدونه زمونږ تمام

خوله شم په لړزه شم د قبرونو تر منځ ولي ؟
ډاریږم عزرایل راوړي دې وار دی زما نام

خالد تسله مرګ حق دی مرګی زمونږ میلمه دی
راضي د رب په پریکړو یو په صبر احترام

خالد تسل

غزل

بـــــــرکت  دې   په   ځوانۍ شه  کليواله
رب دې  ســــــاته  له  خـطره  پګړۍ واله

دســــيـاست  مـيـدان دې   و ګټل  په نره
کـــــــړي  سلام  درته  نن  ټوله  نړۍ واله

دې  وطن  ته  دې  دســــر په بيعه راوړو
زمـــوږ ارمان چې وو سپيڅلۍ استقلاله

عشـــــق او مـينه  دې  دنيا ته   و ښودله
چـې  دې  مات کړلو  مغروره سياستواله

ټول جهان دې دعظمت شملې ته خم شو
افــــــــرين  شــــه  اې  فاتحه  اې  برياله

زما  وحـدت الله ابــوحمزه   در جار جار
دا  غــــــــزل  مې  قربان  تا  لره  ميډاله

وحدت الله ابوحمزه

له ســــترګو وتې پر باڼه تکیه ده
یو مــــهاجره اوښکه ده تکیه ده

پروا چــــــــې نه ساتي د چا د فریاد
دا دنیاګۍ اوس پر څپل زړه تکیه ده

ازار به واخــــــــــــلې د مؤمنو زړونو
د خدای په در کې یې سجده تکیه ده

د خاکسارۍ په ګردو خړ ښه یمه
زمــــــا د ایمان پر دیواله تکیه ده

عدل انصاف چې څوک له ذهنه باسي
د هغه چــــــــــــا پر ژوندانه تکیه ده

داچي به سخته کي مو صبر کړی
زمــــوږ د اللّٰه پر فیصله تکیه ده

الیاسه هرڅه له خالقه غواړو
دغه سپیڅلۍ او خوږه تکیه ده

الیاس

نعت شریف
پــــــه ټــــولو انــبیــاوو کې بهتر یی مدني
امام مــو یی پیشوا مو یی رهبر یې مدني

وصال ته دی زه ډیر ډیر ناقراره یم جانانه
زمـــــا د زړه ټــکور د زړګي سر یې مدني

سپیڅلی پاکه مینه دی له شاتو نه خوږه ده
دا ځـــکـــه زمـــا زړه زمــا ځیګر یې مدني

ته زړه وی د صدیق او د عمر خوږه حبیبه
جانان ده ګران عثمان علي خیدار یې مدني

ستا حسن نه میثال لري نه سیال لري زړګیه
حسین یې لــه سپوږمې او له قمر یې مدني

منهاج الله زهیر دی درنه ځار درنه قربان شي
زړګی مې یی جانان مې یی دلبر یې مدني

             منهاج الله زهیر

خپل عمل دلاري مل دی
شاعر
#محمدنسیم
عرفاني


چا چي کړی دغرور پرآس مزل دی
پاتي سوی یې له هرکمزوري پل دی

اخلاصـمند تر خپل هدفه پوري رسې
دامتل دی خپل عمل دلاري مل دی

کم ګڼونکی دځان ځې  ترکامیابــیـــــه
غټ ګڼونکی وروسته پاتې له منزل دی

چي ځان خاوري بولې هغه به سره زرسي
چـي ځان زر بولې هغه همیش  خِجَل دی

چي بل چاته دتحـقیــر په نظر ګوري
دا وخپلو امیــــــدونو ته اجـــــل دی

چي لاهوو سي درِیا په لوی دریاب کي
ناخبره خپل دښــــــوو اعمـالو غل دی

چي دبل مسلمان عــیب ته خوشالیــږي
نورڅه نسته نفس شیطان ورکړی چل دی

ددنیـــا بازار دڅــو ورزو په شمار وي
ها دانا دی چي اسلام کې مکــمـل دی

بي باوره ژوند په ښواعمالو خوند کړي
فناکیږي عرفاني  که یــــې غزل دی

غــزل !!!

زړه مې سينه کې
چاودلى پروت دى
له وجود وينې
څک څک بهيږي!

ګرېوان شلېدلى
تڼۍ مې ماتې
سر په ځنګون يم
څوک مې ياديږي!

شپه ده، باران او
ستومان مزل دى
بې سر پناه يم
ساړه مې کيږي!

ظالم بېلتون دى
وينه مې زبېښي
رنګ مې تک ژړ سو
چې څه پېښېږي!؟

بې تا لاليه !
په نشت حساب يم
حال مې خراب دى
زړه ته دي لويږي!؟

ستا تصويران مې
زړه کې پراته دي
نبيل شبابه!
لمونځ صحي کيږي!؟

مولوي نبيل شباب

خدای موپخپل کور کې هوسا کړه په موږ ګرانو
په خیر راشئ مهاجرو افغانانو

نظر د لـــوی پروردګار دی
هیواد کي امن برقــرار دی
مېنې سپېرې سوې د پردیو ظالمانو

تاسي راځئ اوس وخپل کور ته
لکه بچیان غېږې د مـــــــور ته
خاوره خوشحاله په لیدلو د خپلوانو

ستاسو څېرو کي څه رازونه
د یوه ستړی ژوند نقلـــــــونه
مینه را اوري له لـــېمو د ماشومانو

پر موږ یې حق او احترام دی
دايې وطن دایې نظــــــام دی
حبیبه ډېر ښه دی راتګ د قــــریبانو

مفتي حبیب اللّٰه حبیب

را شئ په خیر راشئ مهاجر وروڼو
قدم را اخلئ ورو شیندو درته ګلونه
را شئ په خیر راشئ مهاجر وروڼو

زما مهـاجـر سـکـني وروڼو
د یـوه بــاغ د بــڼ ګلـــونو
په خیر راشئ زموږ تر زړونو
د خپل وطن غـیږې ته راوړئ تشریفونه
را شئ په خیر راشئ مهاجر وروڼو

راځئ په ګډه یې یو کور کړو
دا وران وطن به ښه سمسور کړو
زخمونه ټول به یې ټکور کړو
په مینه ورکړئ یو او بل لره لاسونه
را شئ په خیر راشئ مهاجر وروڼو

د بل وطــــن څـه زنـدګي وه
غربت کې ورکه مو ځواني وه
درد کـــــړاونــه د مـــرګي وه
ښکل کړی د خپل خواږه هیواد خاورې ډاګونه
را شئ په خیر راشئ مهاجر وروڼو

الـهام مي واخلئ له خبرو
په بـل وطن کي مســافرو
شئ راستانه نور شملورو
موږ غوړولي دي لیمې او درته زړونه
را شئ په خیر راشئ مهاجر وروڼو

وطن په مثل د جنت دی
زړه ته سکون د ژوند راحت دی
په بل وطن کې څه عزت دی
نن ایوبي الهام کوم درته سوالونه
را شئ په خیر راشئ مهاجر وروڼو

ایوبي الهام

نعت شریف

که ښائست ته دیوسف ګوتـــې قلم وي
بیا به هم دګران حبیب ښکلا ته کم وي

وجمال ته به یي خــود بــــــدر ماتیږي
چي درب له نـــوره جوړ مخ دصنم وي

لکه څاڅـــکــــي دباران، زرې رېګــــونه
دومـــره درود دي پــر آقا نبي اکرم وي

که قربان دي کــړم دیار له توروسترګو
خدایه دا به دي پر ما لطف او کرم وي

مرتبه به یــې درب په نــزد وي څومره
دحــــوا مهر چـــي درود پر محترم وي

هغه ورځ به یم سعید احمد الیاس ډیر
چـــي دیار دروضې خواته مي قدم وي

احمد الیاس

د پلار نیکه وطنه
ــــــــــــــــــــــــــ

پوره مو کړه کنه تاسره کړې هره ژمنه
د پلار نیکه وطنه
موږ څومره په عزت خلاص کړې له هر مکار دښمنه
د پلار نیکه وطنه

موږ ستا په پت او نوم باندې قربان کړل خپل ځانونه
پرې ورمو کړل سرونه
ساتلي مو ژوندي دي ستا د برم تاریخونه
پرې ورمو کړل سرونه
یو تیر ده ستا دفاع ته له خپل ماله او له تنه
د پلار نیکه وطنه

ټاټوبی د ابدال یې د محمود او میرویس کور یې
زموږ د سترګو تور یې
د دین په مقابل کې دښمنانو ته سور اور یې
زموږ د سترګو تور یې
تا کړې ده مدام ده دې امت له حق ساتنه
د پلار نیکه وطنه

په هر میدان کې هر وخت ګړندی پر مخ روان یې
برلاسی په جهان یې
له ظلم له زیاتي او ظالمانو سره وران یې
برلاسی په جهان یې
خپلواک یې خپل پلوی یې ویاړمنه قدرمنه
د پلار نیکه وطنه

ستا خاوره ده شهیده ده ستا کاڼي اتلان دي
او غرونه د غازیان دي
روزلي د په غیږ کې جهادونو ته ځوانان دي
او غرونه د غازیان دي
ستا حق ده په مخبت وردګ د خپل تاریخ ستاینه
د پلار نیکه وطنه

مخبت وردګ

کږه پګړۍ وهلې!

تا د مغرور جهان غړۍ وهلې
د رب ج په مرسته دي نړۍ وهلې

ښکلوم ځکه دي په ټنډه باندي
تا د سر مستو ککرۍ وهلې

هغو نن راوسته دَ تن په وینو
چا چې نعرې د خپلواکۍ وهلې

طالبه تاته باید درکړو مډال
ځکه خو تا سپینه ماڼۍ وهلې

ای دَ هیواد په ننګ شهیده یاره
ځواني مي ستا د غم سیلۍ وهلې

څومره ښه ښکاري نن ارشَد تکله
یار چې پر سر ګږه پګړۍ وهلې

ارشد تکل

روان دی مخ په وړاندی ټول کارونه د وطن
کــــرار کـــرار جوړیگـــی کــانالونـــه د وطن

تولیــد مـــو د هـــیواد اینجینران مــــو د هیواد
اړتــــیا نــه لـــرو چــاته استـــاذان مــو د هیواد
یــو مــوټـــی یو قـــوت مــو اولسونــه د وطن

کــانال د قوشتیـــپې زریـــن مثال د پرمختگ
همدا دی د طالــب زلمـــی کــــمال د پرمختگ
له شـــر فســــاد په امـــــن کی ښـــارونه د وطن

ساتی یی له هر شره جوړیدو ته یی دﻱ ژمن
هیـــواد بــه کــړې اباد طالب ملا پکـــی واکمن
الله دې دې راته ساتــــی دا ځواکونه د وطن

د امن فرښـــتی راغلی گــران افغانستان ته
حیرانه اوس نړۍ شوله جانان افغانستان ته
پــــه امـــن او امــــان مو ســـرحدونه د وطن

واخان حیثــــیت لــرﻱ زمــونږ لپاره لکه سر
وینا د مــلا یعقــوب ده کلک ولاړ د ی په ډگر
الله دې راتـــــه ساتـــی دا ســــرونـــه د وطــــن

دا خـــــاوره غیرتـــی د نومیـــالیو زلمو کـــــور
عبدالجــلیل جهادیــاره پـــردیـــو ته دی گــــور
غـــیرت کـــی ســـاری نـــه لرﻱ قومونه د وطن

عبدالجلیل جهادیار

ښایستي سترګي🥰

ستا خوږې خوږي سترګي
ښڪلي ښایستې سترګي

سم پر زړه وشتـــل کوې
خاص لکه نېزې سترګي

ستا غزل غزل ځواني
تورې قافــــــیې سترګي

زه طالب طالـــب یمه
ستا دګل بشرې سترګې

زه دي راتلو څار ڪړم
راوړه مېلمنې سترګي

دنګ یوسفــــي ځواني
ستا د زلیخې سترګي

ستا یم یې نصرت آغا
خپل په ترانې سترګي

*نصرت آغا طالب*

عمل په دین

څوګ چې کړﻱ عمل په دین په نیغه لار سیده به شی
ژوند کې به کامیابه شی او ښه یې خاتِمه به شی

دومــره کـمـالات دې د الله او رســول میـنه کـې
ستر نعمـت عامِـل ته ددې مینې په حِصه به شی

ای انسانه زړه که دې د خدای په ذکر کړې عادت
ورکـه بـه گنـاه دې شـی صـفا دې عقیـده به شی

ټول عرب عجم که یې ملاتړ وکړﻱ خبر شی ترې
خـلاصـه د یهـودو لـه جنـجال پـاکه غـزه به شی

څوګ چې لګوﻱ خپلې منګوَلې حبـلُ الله بانـدې
ورکه یې له زړه نه د شیطان ها وسوسه به شی

عبــدالجـلیل جِـهادیـاره څوګ چـې یـادوﻱ الله
زړه به یې سکون شی او په ذکر یې اخته به شی

عبدالجلیل جهادیار

غزل/سهیل

1 پیدا کیږي نه په مفته لکه دُرْ
قرباني غواړي په مثل دمنصور

2 دجنت اغزنه لاره د مؤ مینه
ښه عمل وکړه چې تیرشي په سرور

3 نه رسیږي تر منزله ورته ګوره
څوک چې و لري یوه زره غرور

4 نکړي چاته هم یوه خبره بده
دنیکانو خلګو دغه دی منشور

درود سلام چې همیشه وایې سهیله
شفاعت به ورنصیب شي دحضور

سهیل

په لار دتصــؤف کي یو ښهْ پـــیر ځان تهْ پیـــدا کهْ
خالي لاس ترې رانسې سپین ضمـیر ځان ته پیداکهْ

د کلکې عقـیدې خـاوند له ځانه څـــخه جـــوړ کـهْ
په تورو ترږمو کې روڼ مـسـیر ځان ته پیـــدا کـهْ

د زړه زنـــګ په ډبـــرو او چــــــړو نه لرې کیــــــږي
له حمد او ذکره جوړ یو پاک نظیر ځان ته پیــدا کــهْ

لمبې د زړو پري مړې که له انګارکړه واوره جـــوړه
په خپل تقوأ اخلاص باندې تاثیر ځان ته پیـدا کهْ

چـې سترګي د جانان درته په ښه تفصیل بیان کـړي
سـهـیل ملا یو داسې خوږ تفسیر ځان ته پیدا کــهْ

سهیل درمل

غزل/سهیل درمل

سوی کاغذ یم تش اِیــرې پاتـې یم
ما ته ښیښه یو څو ټو ټې پاتې یم

کډه یې کړې نیمه شـــپه کې تللــي
زه د جانان له قافیــــــلې پاتې یم

له رب مې جارکړِڅنګه حسن یې دی
ورته حیران یم پر سجدې پاتې یم

د محبــت اظـــهار یې نــه دی کـړی
خو یم په تمه څو شیـــبې پاتې یم

که ښکلۍ نه یم سهیل بد هم نه یم
نو و لې دا سې له هـــغې پا تې یم

سهیل درمل

زمونږ : اتحاد/يووالى

په ننګ غيرت مو د تاريخ زرين بابونه ډېر دي
زموږ د اتحاد او د يووالي مثالونه ډېر دي

دلته پر ټول اولس د شيخ صاحب رڼا خپره ده
ولاړ په څنګ کې يې تيارو ته مشالونه ډېر دي

که خليفه سراج الدين که متقي صاحب دى
و هيواد والو ته يې کړي خدمتونه ډېر دي

د لوى ملا صاحب بچي دفاع ته ملا تړلې
رب دې يې نه اخلي د ده مسٶليتونه ډېر دي

په ابادۍ باندې مين حاجي ملا ورور دې نه مري
په هره برخه کې يې پيل پرمختګونه ډېر دي

که وزيران، که رٸيسان دي، که واليان صاحبان
په ترحم او همدردۍ يې وړي زړونه ډېر دي

په مال او سر به يې ملاتړ کوو نبيل شبابه!
پر مونږه ټولو د دې پاک نظام پورونه ډېر دي

مولوي نبيل شباب