🇺🇿🤝🇮🇹Қишлоқ хўжалиги суғуртаси ҳамда аграр соҳада давлат томонидан субсидиялаш йўналишларида халқаро ҳамкорликни ривожлантириш бўйича муҳим учрашув

Қишлоқ хўжалиги суғуртаси жамғармаси директори М.Ачилов бошчилигида Италиялик экспертлар — Андреа Стоппа ва Симоне Северини иштирокида Zoom платформаси орқали онлайн учрашув бўлиб ўтди.

🌱 Учрашувда аввал имзоланган консультант шартномаси доирасида хорижий экспертларни Қишлоқ хўжалиги суғуртаси жамғармаси ҳамда Аграр соҳада тўловлар агентлиги учун қуйидаги икки йўналиш бўйича консультант сифатида жалб этиш ва йил якунига қадар амалга ошириладиган ишлар режасини келишиб олиш масалалари муҳокама қилинди:

🔹 Ўзбекистонда қишлоқ хўжалиги суғуртаси тизимини такомиллаштириш;
🔹 аграр соҳада давлат томонидан субсидиялаш (тўловлар) тизимини халқаро тажриба асосида ривожлантириш.

📌 Музокаралар давомида:

✅ онлайн учрашувлар режаси ва тақвими;
✅ муҳокама қилинадиган мавзулар;
✅ Жамғарма ва Тўловлар агентлиги ходимларини мавзулар бўйича танлаб олиш ҳамда ўқув гуруҳларини шакллантириш;
✅ экспертларнинг Ўзбекистонга ташрифини ташкил этиш ва амалий ўқув дастурини ишлаб чиқиш;
✅ ўқув натижаларини таҳлил қилиш ҳамда тавсиялар тайёрлаш масалалари бўйича келишувларга эришилди.
🌍 Шунингдек, қишлоқ хўжалигида рискларни баҳолашнинг халқаро тажрибаси, аграр соҳани давлат томонидан қўллаб-қувватлаш механизмлари ҳамда илғор халқаро тажрибани Ўзбекистон шароитига мослаштириш юзасидан фикр алмашилди.

🤝 Мазкур ҳамкорлик мамлакатимизда қишлоқ хўжалиги суғуртаси ва аграр соҳани давлат томонидан қўллаб-қувватлаш тизимларини халқаро тажриба асосида янада такомиллаштиришга хизмат қилади.

👍 ҚИШЛОҚ ХЎЖАЛИГИ СУҒУРТАСИ ЖАМҒАРМАСИ
🌐Website |💬Telegram |💬Facebook

📌 Qishloq xo‘jaligi sug‘urtasi jamg‘armasida Boshqaruv kengashi yig‘ilishi bo‘lib o‘tdi

Qishloq xo‘jaligi vaziri o‘rinbosari, Boshqaruv kengashi raisi Akmaljon Qosimov boshchiligida Qishloq xo‘jaligi sug‘urtasi jamg‘armasi Boshqaruv kengashi yig‘ilishi bo‘lib o‘tdi.

Yig‘ilish davomida Qishloq xo‘jaligi sug‘urtasi jamg‘armasi direktori Murodjon Achilov jamg‘armaning 2026-yilning birinchi yarim yilligida amalga oshirilgan faoliyati yuzasidan hisobot berdi. Hisobotda erishilgan natijalar, mavjud muammolar hamda ularni bartaraf etish bo‘yicha amalga oshirilayotgan chora-tadbirlar atroflicha yoritildi.

Shuningdek, 2026-yilning ikkinchi yarim yilligida amalga oshirilishi rejalashtirilgan ustuvor vazifalar, qishloq xo‘jaligi sug‘urtasi tizimini yanada rivojlantirish, xizmatlar sifatini oshirish, sug‘urta qamrovini kengaytirish hamda jamg‘arma faoliyati samaradorligini yuksaltirishga qaratilgan istiqboldagi rejalar ko‘rib chiqildi.

🗣 Yig‘ilish yakunida kun tartibidagi masalalar yuzasidan tegishli qarorlar qabul qilinib, mas'ul ijrochilarga belgilangan vazifalarni o‘z vaqtida va sifatli amalga oshirish bo‘yicha aniq topshiriqlar berildi.

👍 QISHLOQ XO‘JALIGI SUG‘URTASI JAMGʻARMASI
🌐Website |💬Telegram |💬Facebook

📌 Qishloq xo‘jaligi sug‘urtasi jamg‘armasida xorijiy ekspertlar ishtirokida onlayn yig‘ilish o‘tkazildi

Qishloq xo‘jaligi sug‘urtasi jamg‘armasi Sug‘urtalash boshqarmasi boshlig‘i Umid Rahimov boshchiligida Italiyalik ekspertlar Andrea Stoppa va Simone Severini ishtirokida "Zoom" platformasi orqali online ishchi yig‘ilish bo‘lib o‘tdi.

🗣Yig‘ilish davomida joriy yilning 21-iyul sanasidan boshlanadigan salohiyatni oshirish o‘quv dasturlariga tayyorgarlik masalalari muhokama qilindi.

🗣Xususan, o‘quv jarayonida foydalaniladigan fermer xo‘jaliklari to‘g‘risidagi ma'lumotlarni shakllantirish bo‘yicha quyidagi yo‘nalishlar ko‘rib chiqildi:

🔹 fermer xo‘jaliklarining geografik joylashuvi;
🔹 asosiy ishlab chiqarish yo‘nalishi;
🔹 yer maydoni;
🔹 mehnat resurslari hajmi (FTE ko‘rsatkichi).

🗣Shuningdek, o‘quv guruhlarini shakllantirish, guruhlar tarkibini tegishli bo‘limlar kesimida belgilash hamda fermer xo‘jaliklarini guruhlar o‘rtasida samarali taqsimlash masalalari yuzasidan fikr almashildi.

🗣Yig‘ilishda salohiyatni oshirish dasturlariga mustaqil ekspertlarni jalb etishning ahamiyati alohida ta'kidlandi. Ularning ishtiroki qishloq xo‘jaligi sug‘urtasi sohasida zamonaviy yondashuvlarni joriy etish, xalqaro tajribani o‘rganish va mutaxassislarning kasbiy salohiyatini yanada oshirishga xizmat qilishi qayd etildi.

Mazkur o‘quv dasturlari Jamg‘arma xodimlarining bilim va ko‘nikmalarini rivojlantirish, shuningdek, Qishloq xo‘jaligi sug‘urtasi tizimini yanada takomillashtirishga qaratilgan.

👍 QISHLOQ XO‘JALIGI SUG‘URTASI JAMGʻARMASI
🌐Website |💬Telegram |💬Facebook

🛡 Korrupsiyaga qarshi kurashish — ochiqlik va halollik sari muhim qadam 

🇺🇿Qishloq xo‘jaligi sug‘urtasi jamg‘armasi hamda Agrar sohada to‘lovlar agentligi ishtirokida Qishloq xo‘jaligi vazirligi Komplaens nazorat va korrupsiyaga qarshi kurashish bo‘limi xodimlari bilan korrupsiyaga qarshi kurashish, uning oldini olish hamda bu borada kelgusida amalga oshiriladigan vazifalarga bag‘ishlangan yig‘ilish bo‘lib o‘tdi.

Yig‘ilishda korrupsiyaga qarshi kurashish sohasida qabul qilingan ichki idoraviy hujjatlar ijrosi, korrupsiyaviy xavf-xatarlarni aniqlash va bartaraf etish, manfaatlar to‘qnashuvining oldini olish, xodimlarning huquqiy ongi va korrupsiyaga nisbatan murosasiz munosabatini mustahkamlash masalalari muhokama qilindi.

Shuningdek, tizimda shaffoflik va hisobdorlikni yanada kuchaytirish, murojaatlarni tezkor qabul qilish hamda korrupsiyaviy holatlar haqida xabar berish imkoniyatlarini kengaytirish bo‘yicha ustuvor vazifalar belgilab olindi.

👍 Qishloq xo‘jaligi sug‘urtasi jamg‘armasi o‘z faoliyatida qonuniylik, ochiqlik, halollik va shaffoflik tamoyillariga qat’iy amal qilish, korrupsiyaning har qanday ko‘rinishiga nisbatan murosasiz munosabatda bo‘lish hamda tizimda korrupsiyaning oldini olishga qaratilgan chora-tadbirlarni izchil davom ettiradi.

👍 QISHLOQ XO‘JALIGI SUG‘URTASI JAMGʻARMASI
🌐Website |💬Telegram |💬Facebook