Хөрмәтле милләттәшләр, диндәшләр!
ТАГЫН СЕЗНЕҢ ЯРДӘМЕГЕЗ КИРӘК!

Булат Кәримов авыр ДЦП белән җиденче елын көрәшә. Булатны тернәкләндерү өчен, 2021 елдан башлап, халыкның уртак көче белән социаль челтәрләр аша акча җыела. Реабилитация бик яхшы уза. Нәтиҗәләр таң калдыра! Ул йөри башлады.
ЧЫН МОГҖИЗА!
Видеоны карагыз әле.

Бу тырыш балага сезнең ярдәм бик кирәк!
БЕЗ БУЛАТКА ЫШАНАБЫЗ!
УЛ ҖИҢӘЧӘК!

Рамазан аенда кылган игелекле гамәлләр аеруча саваплы.

#АГЛИУЛИН63

Бу кичәдә әҗер-саваплар бергә-мең бәрабәрендә языла. Бу кичәнең тулы кадерен һәм кыйммәтен бары ачлыктан нечкәрә-нечкәрә сизгерләнгән күңелләр генә аңлый һәм тоя ала.

Мөхәммәд пәйгамбәр әйткән: «Рамазан аенда бер кичә бар — ул Кадер кичәсе, бу кичә мең кичәдән дә өстен. Кем дә кем ошбу кичәдә Аллаһы Тәгаләгә зикерләр әйтеп, төннең уртасында торып, тәһәҗҗүд намазларын укып, сәхәр вакытында, дога кылып Аллаһыдан сораса, ул кешенең догалары кабул ителер. Чөнки бу төнне рәхмәт фәрештәләре таң күренә башлауга кадәр бәндәләрнең догаларын кабул итеп, Аллаһка ирештереп торачаклар», – дигән.

Бу кичәдә изге гамәлләрнең сәвабы башка кичәләргә караганда бик күпкә артыграк.

Тулысынча текстны ссылка буенча укырга мөмкин
https://vk.ru/wall710231362_742

#АГЛИУЛИН63

Ураза гаете мөбарәк булсын, хөрмәтле дин кардәшләр!
Аллаһы Тәгалә тоткан уразаларыбызны, укыган намазларыбызны, кылган изге гамәлләребезне һәм биргән сәдакаларыбызны кабул итсен!

Дөньяларыбыз тынычлансын🤲
Һәрберебезгә дә бәхетле ышанычлы киләчәк язсын.

Аллаһы Тәгалә һәммәбезгә дә киләсе гаетләрне исән-имин каршыларга насыйп итсен! Амин!

#АГЛИУЛИН63

Әлхәмдүлилләһ шөкер, быел да берләшеп, чын могҗиза ясадык!
Җиде көн дәвамында Булат Кәримовка ярдәм йөзеннән акча җыюны яптык.
Булышкан һәркемгә Аллаһының рәхмәте яусын🤲
Булатыбызга алга таба да җиңүләр телибез.
Без сиңа ышанабыз! Һәрчак алга!

#АГЛИУЛИН63

Искиткеч кич👏👏👏
Афәрин, Камаллылар!
Сагындыргансыз❣️❣️❣️

Афәрин, Самара тамашачысы!

Видео https://t.me/kamalteatr

#АГЛИУЛИН63

Наилә Майер блогында #ситсатуй спектакле турында фикерләр

#АГЛИУЛИН63

26 май - Гарәфә көне.
Әлеге көн Аллаһы Тәгаләнең иң изге көннәреннән санала.
Гарәфә көнендә Аллаһ ислам дине кануннарын иңдерүне тәмамлады, бездән шушы дин белән риза булды. Гарәфә – гөнаһлар кичерелә, җәһәннәм утыннан котыла торган көн.
Хаҗ кылучылар бу көнне Мәккә янындагы Гарәфә тавына барып, тау итәгендә намаз укыячак.
Ни өчен бу көн Гарәфә көне дип атала, дигәндә, бу көнне хаҗда булган кешеләр Гарәфә тавы үзәнендә өйләдән алып кояш батканчыга тикле догалар укып, теләкләр теләп торалар. Шуңа күрә, Гарәфә көне - хаҗның иң әһәмиятле ноктасы, дип тә әйтергә була. Чөнки пәйгамбәребез Мөхәммәд (с.г.в.): "Хаҗ ул - Гарәфә" дигән.
“Гарәфә көнендә кылган догалар һәм изге гамәлләр өчен әҗер-саваплар күп тапкырларга арттырылып бирелә. Шулай ук бу көндә гөнаһлар да берничә тапкырга арттырып языла. Гарәфә көнен файдасыз, бушка уздырудан сакланырга кирәк. Ураза тоту, күбрәк дога кылу һәм гөнаһларның ярлыкануын сорау мөһим”, — дип киңәш итә дин белгечләре.

Гарәфә көне мөбарәк булсын, дин кардәшләр!

#АГЛИУЛИН63

Кадерле динкәрдәшләр,
Корбан бәйрәме мөбарәк булсын!
Аллаһ Тәгалә догаларыбызны кабул итсен, дөньяларны тынычландырсын,
күңелләребезне нур белән тутырсын.
Аминь 🤲

#АГЛИУЛИН63

Самараның тарихи мәчете. Диндәшләр белән яңа танышулар.
Бүген балалар өчен җәйге курсларның беренче көне узды.
Программада: Ислам нигезләре, Коръән өйрәнү, намаз укуда беренче адымнар.

#АГЛИУЛИН63

Зәйнәп апа Әһлиуллина истәлегенә...

2016 елның 5 июнендә, 78 нче яшендә "Бердәмлек" татар газетасының җаваплы сәркатибе Зәйнәп Нәбиулла кызы Әһлиуллина кинәт кенә вафат булган иде.
Ул бик ихлас, ваемсыз кала белми торган киң күңелле шәхес иде. Самараның күп кенә татар журналистлары һөнәрдәге һәм тормыштагы тиңсез олы нәсихәтләре өчен Зәйнәп апага рәхмәтле булырга тиеш, дип уйлыйбыз. Искә алуыбыз аның рухына изге дога булып барып ирешсен иде.

Тулысынча текстны ссылка буенча укырга мөмкин
https://vk.ru/wall710231362_751

#АГЛИУЛИН63

Зәйнәп апа Әһлиуллина күптән укытучы булып эшләмәсә дә, балалар һәм аларның киләчәге өчен җаны-тәне белән борчыла иде.
2015 елда ТНВ телеканалы хәбәрчесе Рәмис Сафин белән сөйләшүдә Зәйнәп апа хәзерге буынны тәрбияләү турында үз фикерен белдергән иде.
Нинди зирәк фикер бит бу. Хәзер бигрәк тә аның һәр сүзен китап дип саныйбыз!

#АГЛИУЛИН63
#ЗәйнәпӘһлиуллина

Самара тарихи мәчетенең җәйге лагеренда 50дән артык малай белем алды. Төрле милләт балалары ике атна дәвамында ислам нигезләрен өйрәнде. Күпләр биредә язарга өйрәнү дәфтәренә үзләренең беренче гарәп хәрефләрен язды, беренче намазын укыды, рухи яктан якын булган яңа дуслар тапты. Яңа балалар белән беррәттән биредә лагерьга инде беренче генә тапкыр килмәгән һәм шактый белем алырга өлгергәннәре дә бар иде. Алар аерым төркемдә шөгыльләнделәр. Шунысы куанычлы: быел укучылар арасында милләттәшләребез бик күп иде.
Игътибарыгызга лагерьны оештыручылар белән әңгәмә тәкъдим итәбез. Биредә алар кичерешләрен уртаклаша.
Интервьюны ссылка буенча карарга мөмкин https://vk.ru/wall710231362_758

Игътибар! Дүшәмбе көнне Самара тарихи мәчетендә кызлар өчен ике атналык лагерь эшли башлаячак. Барлык җавапларны Самара тарихи мәчетенең рәсми төркемнәрендә алырга мөмкин.

Лагерь оештыруга катнашы булган барлык кешеләргә Аллаһының рәхмәте яусын. Иң изге теләкләрегез кабул булсын.

#АГЛИУЛИН63

7 сентябрьдә, “Бердәмлек” газетасының беренче мөхәррире Рәфгать Әһлиуллинга 83 яшь тулган булыр иде.
Ни өчен без бу турыда бүген генә язабыз, материалны ахырга кадәр укыганнан соң аңларсыз.

Тулысынча текстны ссылка буенча укырга мөмкин
https://vk.ru/wall710231362_763

#АГЛИУЛИН63

Кайгылы хәбәр. Самара тарихи мәчете мәзине Наил хәзрәт Сәгыйтов вафат.
Аңа нибары 47 яшь булган.
Хушлашу бүген, 16 сентябрьдә, 9-10 сәгатьләрдә Тарихи мәчеттә узачак. Мәчетнең адресы: Алексей Толстой урамы, 61

#АГЛИУЛИН63