اینم هدیه من به شما رفقون به مناسبت هفته مازندران


"اَتا مَردی بییه"، "هَلی تِتی، ماجان نِنی" و "سه خواخر"


#اتا_مردی_بییه

اتّا مردی بییه بِز داشته
كِلای قِرمِز داشته*
اتّا کَچه راغون داشته
همیشک مِهمون داشته 
وگ ره بِشته لاقِلی
وگ بَيّه بِرمه گَلی
بُورده شِه مارِ پلی 
مار دَیّه نِماز کِرده 
چَگ چَگ رِه دراز کِرده 
مار بَوته: جانِ خواخر!
کَل مَم رضا اِربابه
بِرمه نكن صِوابه
وچونِ دل كبابه 
وچون بُوردنه گدایی
نَيتنه پول شاهی
بَیتنه قند و چایی 
مِرِه بَزِنی شونگ کِمِّه 
گِلدَسه افشون کِمِّه 
گِلدَسه ی نازِ گِرِه!
گِلدسّه سازِ گِره!


#هلی_تتی_ماجان_ننی

هلی تِتی بَکرده
ماجان نِنی بَکرده
ماجانِ جِفتِ سینه
دس بَزِنی وِسینه**
ها سگ سگ و ها کیش کیش!
گل با علیخانِ ریش***
علیخانِ دوشِ فیهِ 
لِک لِک كِرده دَشیه
همه گِتنه: وِ كيه؟
ماجان گِته: مِه شيه 
مه پلای خِرشیه
مِه چک ره بکشیه...


#سه_خواخر

اما بیمی سه خواخر
سر بِدامی سه چادر
اَنِّه بونّی تا آمِل
آملِ او بَن داشته
زیوَر گلوبَن داشته
زیورِ کنگِ شِلوار
پایین بالا قلِمکار...







https://t.me/aghouzboneiha