លោកបណ្ឌិត ញិល រដ្ឋា ប្រធានសមាគមអតីតនិស្សិតកម្ពុជាពីសូវៀត និងរុស្ស៊ី អញ្ជើញចូលរួមក្នុងសិក្ខាសាលាកម្រិតជំនាញជាន់ខ្ពស់ ស្តីពីការរៀបចំក្រមរដ្ឋបាល ឬនីតិក្រមរដ្ឋបាល

(ទីស្តីការគណៈរដ្ឋមន្ត្រី)៖ កាលពីថ្ងៃទី១៩ ខែឧសភា ឆ្នាំ២០២៦ លោកបណ្ឌិត ញិល រដ្ឋា ប្រធានសមាគមអតីតនិស្សិតកម្ពុជាពីសូវៀត និងរុស្ស៊ី បានអញ្ជើញចូលរួមក្នុង «សិក្ខាសាលាកម្រិតជំនាញជាន់ខ្ពស់ លើការរៀបចំក្រមរដ្ឋបាល ឬនីតិក្រមរដ្ឋបាល» ដែលប្រារព្ធឡើងនៅសាល D អគារមិត្តភាព នៃទីស្តីការគណៈរដ្ឋមន្ត្រី

សិក្ខាសាលានេះ បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានគណៈកម្មាធិការដឹកនាំការកែទម្រង់ច្បាប់

គោលបំណងសំខាន់នៃសិក្ខាសាលានេះ គឺដើម្បីពិភាក្សា និងប្រមូលធាតុចូលលើ «សេចក្តីព្រាងទស្សនាទានបឋម ស្តីពីការរៀបចំនីតិក្រមរដ្ឋបាល» ដែលជាផ្នែកមួយនៃកម្មវិធីកែទម្រង់ច្បាប់របស់រាជរដ្ឋាភិបាលកម្ពុជា ក្នុងនីតិកាលទី៧

ការរៀបចំនីតិក្រមរដ្ឋបាលនេះ មានគោលដៅយុទ្ធសាស្ត្រសំខាន់ៗ ដូចជា៖
- សាមញ្ញកម្ម និងសុខដុមនីយកម្ម ៖ ប្រមូលផ្តុំបទប្បញ្ញត្តិក្នុងវិស័យរដ្ឋបាលដែលនៅរាយប៉ាយ ឱ្យមកស្ថិតក្នុងឯកសារតែមួយ ដើម្បីងាយស្រួលយល់ និងអនុវត្ត។
- ពង្រឹងនីតិរដ្ឋ និងតម្លាភាព ៖ បង្កើនគណនេយ្យភាពរបស់អាជ្ញាធរសាធារណៈ និងការពារសិទ្ធិសេរីភាពជាមូលដ្ឋានរបស់ប្រជាពលរដ្ឋ។
- ទំនើបកម្មអភិបាលកិច្ច ៖ លើកកម្ពស់ប្រសិទ្ធភាពនៃការផ្តល់សេវាសាធារណៈ និងជំរុញបរិយាកាសវិនិយោគនៅកម្ពុជា។

ក្នុងឱកាសនោះ អង្គសិក្ខាសាលាក៏បានស្តាប់នូវបទឧទ្ទេសនាមស្តីពីបទពិសោធន៍ និងឧត្តមានុវត្តន៍អន្តរជាតិ (ដូចជាប្រទេសបារាំង និងអាល្លឺម៉ង់) ក្នុងការធ្វើក្រមនីយកម្ម ដើម្បីជាមូលដ្ឋានក្នុងការកសាងនីតិក្រមរដ្ឋបាលកម្ពុជាឱ្យកាន់តែរឹងមាំ និងមានលក្ខណៈវិទ្យាសាស្ត្រ។

ហ្វេសប៊ុក ៖ ហ្វេសប៊ុកសមាគមអតីតនិស្សិតកម្ពុជាពីសូវៀតនិងរុស្ស៊ី

សកម្មភាពសមាគមក្នុងការចូលរួមផ្សព្វផ្សាយអាហាររូបករណ៍ទៅសិក្សានៅសហព័ន្ធរុស្ស៊ី ។

​🌟 សកម្មភាពថ្ងៃដំបូង៖ សមាគមអតីតនិស្សិតកម្ពុជាពីសូវៀតនិងរុស្ស៊ី ក្នុងវេទិកាឧត្តមសិក្សាកម្ពុជា និងការសិក្សានៅបរទេស ឆ្នាំ២០២៦ 🌟