📣📣សេចក្តីជូនដំណឹងស្តីពី📣📣
«លទ្ធផលទិវាជួបជុំអតីតនិស្សិតប្រចាំឆ្នាំ ២០២៦»

អគ្គហិរញ្ញវត្ថុ នៃសមាគមអតីតនិស្សិតកម្ពុជាពីសូវៀត និងរុស្ស៊ី (ស.ន.ក.ស.រ.) សូមគោរពជម្រាបជូន ទីប្រឹក្សា ក្រុមប្រឹក្សាភិបាល គណៈកម្មការប្រតិបត្តិ សមាជិក និងអតីតនិស្សិតទាំងអស់ អំពីរបាយការណ៍សង្ខេបនៃ ទិវាជួបជុំអតីតនិស្សិតប្រចាំឆ្នាំ២០២៦ ដែលប្រព្រឹត្តទៅនាថ្ងៃទី២៩ ខែមីនា ឆ្នាំ២០២៦ ដូចខាងក្រោម៖

-ចំនួនអ្នកចូលរួមសរុប៖ ១៦៥ នាក់
-ថវិកាទ្រទ្រង់កម្មវិធីទទួលបាន ៖ ៩,៣៣៤.៥០ ដុល្លារអាមេរិក
-ចំណាយសម្រាប់រៀបចំកម្មវិធី ៖ ៨,៧៦៤.៨៤ ដុល្លារអាមេរិក
-ថវិកានៅសល់ពីកម្មវិធី ៖ ៥៦៩.៦៦ ដុល្លារអាមេរិក (ថវិកានេះនឹងត្រូវរក្សាទុកក្នុងគណនីធនាគាររបស់សមាគម)

សមាគមសូមគោរពថ្លែងអរគុណយ៉ាងជ្រាលជ្រៅចំពោះការចូលរួម និងការគាំទ្ររបស់ ឯកឧត្ដម លោកជំទាវ លោក-លោកស្រី អ្នកនាង កញ្ញា ព្រមទាំងបងប្អូនអតីតនិស្សិតទាំងអស់ ដែលបានចូលរួមចំណែកធ្វើឱ្យកម្មវិធីនេះប្រព្រឹត្តទៅដោយសមិទ្ធផល និងបង្ហាញនូវភាពស្និទ្ធស្នាលបំផុត។

ជាងនេះទៅទៀត សូមគោរពថ្លែងអំណរគុណយ៉ាងជ្រាលជ្រៅបំផុតចំពោះ ឯកឧត្ដម Anatoly Borovik និងជំទាវ ដែលបានផ្តល់កិត្តិយសចូលរួម និងគាំទ្រសមាគមជានិច្ចកាល ដែលជាសក្ខីភាពនៃមិត្តភាពដែកថែបកម្ពុជា-រុស្ស៊ី ព្រមទាំងឥស្សរជនជាន់ខ្ពស់សប្បុរសជន រួមមាន៖
- សម្តេចមហាមន្ត្រី គុយ សុផល
- ឯកឧត្ដម ឧបនាយករដ្ឋមន្ត្រី វង្សី វិសុទ្ធ
- ឯកឧត្ដម អភិបាលរាជធានីភ្នំពេញ ឃួង ស្រេង
- ឯកឧត្ដម ប្រធានកិត្តិយស អ៊ុន សាវន
ទោះបីជាមានភារកិច្ចរដ្ឋការមមាញឹកក៏ដោយ ក៏លោកបានផ្តល់ការឧបត្ថម្ភយ៉ាងធំធេងដើម្បីគាំទ្រដល់កម្មវិធីនេះ។

ដោយក្ដីគោរពដ៏ខ្ពង់ខ្ពស់! 🙏