لبیک یاحسین ع
#نعـي

أربعين السيدة العقيلة عليها السلام

مر أربعين من الليالي
و محد أجاني و شاف حالي
يهلي يهل عزي و دلالي
بس الهظم آنه بقالي

مهظومه من مر أربعيني
ومشبوحه علبيبان عيني
لابيكم الهييد ونيني
و لا بيرغ المنكم يجيني

مر أربعيني و أنتوا غياب
مشگوگ گلبي شگت كتاب
يحباب يلمچفين يحباب
طَر بدليلي هذا الصواب

يهلي يهل زود الفواطم
ملچومه يحيود الهواشم
فوگ الدليل النوح نايم
و لا بيكم الفازعلي صارم

مر أربعيني و شاغ گلبي
و صوب الغوالي العين تربي
من دونكم وازاني تعبي
و ضل الدمع لجدامي يحبي

علي حسين الخفاجي

#اللهم_عجل_لوليك_الفرج
http://t.me/aeshieg

اشلون الحال زينب بت الطياب
لمن شال حيدر  داحي  الباب
.
شال العز يزينب حك  تونين
راحت خيمتج بيمن تلوذين
بهيج حساب لاما جنتي تدرين
دولاب الوكت لـو دار دولاب
.
عفيه اعليج زينب ما تموتين
من كثر الونين ودمعة العين
تدرين بيسر  رايح  تروحين
انتي الما يجي لمصابج مصاب
.
كون تموت كلمن مات ابوها
احسن مـا تضل و يعلعلوها
باجر بالسبي مـن  يا خذوها
بخرابه تبات زينب فوك التراب
.
تذل بنيته لـــو جانت  اميره
ضلمه بعينها الدنيا  الجبيره
يحيرها الوكت يا ناس  حيره
تضل تنوح زينب طول الغياب
.
ياكسر الابو يل ما اضن يجبر
كلبها ابفركته يـا ناس  يتفطر
دم احمر تصب العين دم احمر
من يجري الدمع لازم عله اسباب
.
الله يكون في عونج يمضلومه
لمن راح ابوج وراحت ارسومه
معلوم الحزن والفركه معلومه
الهجر صووب دليلج زينب اصواب
.
.
حسن صالح العيساويhttp://t.me/aeshieg

اللهُمَّ إنَّا نَشكو إلَيكَ فَقدَ نبينّا صَلَواتُكَ عَلَيهِ وَآلِهِ وَغَيبَةَ وَليِّنا وَكَثرَةَ عَدوِّنا وَقِلَّةَ عَدَدِنا وَشِدَّةَ الفِتَنِ بِنا وَتَظاهُرَ الزَّمانِ عَلَينا، فَصَلِّ عَلى مُحَمَّدٍ وَآلِهِ وَأعِنّا عَلى ذلِكَ بِفَتحٍ مِنكَ تُعَجِّلُهُ وَبِضُرٍّ تَكشِفُهُ وَنَصرٍ تُعِزُّهُ وَسُلطانِ حَقٍّ تُظهِرُهُ وَرَحمَةٍ مِنكَ تُجَلِّلُناها وَعافيَةٍ مِنكَ تُلبِسُناها بِرَحمَتِكَ يا أرحَمَ الرَّاحِمينَ.
((إنا لله وإنا إليه راجعون))
هكذا يرحل العظماء، والذل والخزي والعار لأمريكا وإسرائيل وأذنابهم

اريد ابچي اعله زينب لا تلوموني
وخلي من البواچي يطيحن عيوني
**
هاي الي گضت دنيتها هم بهم
بشل أحوالها حيل الزمان اهتم
نار الدار تشبه نار المخيم
وگالت شاهدت چم نار تدروني
**
اريد ابچي عليها واعله حالتها
اشگد شافت مأسي بهاي دنيتها
ما يمها اخو وگربت منيتها
المن تلتفت ياناس خبروني
**
كفت وانتهت راح العمر وشل
وآيات الحزن هليله تترتل
كون اليوم اشگن زيجي فوگ التل
وكون بسوط اضرب وجهي ومتوني
**
زينب ياغريبه بيها من اسمع
وحگ عباس ماسيطر على المدمع
دوم من البواچي اعليها مااشبع
مجنون العقيله اتباهه بجنوني
**
اه يلشام يكسر گلبي طاريها
لأن مدفونه غاد ام الخدر بيها
چا دمعات عيني المن مخليها
كون ويه الدموع يطيحن اجفوني
**
يوم اخمسطعش من رجب بيه ماتت
غير الضيم زينب كلشي ماشافت
ماادري أخير انفاسها اشگالت
اضن نادت يخوتي ما تحضروني

سعد العبوديhttp://t.me/aeshieg

قصيده مقدمة مجلس في رثاء عبدالله الرضيع عليه السلام


يعبدالله دللّول
يعبدالله دللّول
***

دللّول الولد سيف ويحز نحري
رضيع ومنذبح شايلتك بحجري
بعد لا گولها ولا ضل عسن عمري
ولا شوف السهم ودمومك التجري
يعبدالله دللّول
يعبدالله دللّول
***

يبسن من ضماك اشفافك الحلوه
وگمت منّ العطش يوليدي تتلوّه
خذاك حسين يبني وگلبه يتچوّه
خذاك لناس لا رحمه ولمّروّه
يعبدالله دللّول
يعبدالله دللّول
***

بين چفوف ابوك حسين من شافوك
بسهم من حرمله يبني بحقد ذبحوك
رضيع بلا ذنب يوليدي ما رحموك
لان جدك علي تنزف دمه خلّوك
يعبدالله دللّول
يعبدالله دللّول
***

عساها انشلّت يمينه السفك دمك
رضيع وخضّب بدم رگبتك جسمك
امك آنه فجعوني يبعد امّك
مذهوله بمصابك ابچي وشتمّك
يعبدالله دللّول
يعبدالله دللّول
***

عجيبه شلون روحي ضلّت بجسمي
يعبدالله واشوفك منذبح يمّي
عسه السهم السفك دمك سفك دمي
متت يوليدي مات وياك كل حلمي
يعبدالله دللّول
يعبدالله دللّول
***

عفت امّك يعبدالله ومتت عنها
ضلّت للمناحه ورافگت ونها
چنت انت الحياة وهالرحت منها
تتمنّه الممات وخاب كل ظنها
يعبدالله دللّول
يعبدالله دللّول

سيد زيد الفحام
____http://t.me/aeshieg

‏اهنا يالاحباب      راح اموت امن الهجر
طال الغياب      وانه كل ساعه انتضر
الياوكت اصبر وتاني // وين وداكم زماني
*
كلمات الشاعر .
تحسين الخفاجي
اداء ابو محمد الدراجي
🎤🏴😭http://t.me/aeshieg

اهنا يالاحباب      راح اموت امن الهجر
طال الغياب      وانه كل ساعه انتضر
الياوكت اصبر وتاني // وين وداكم زماني
*
عيوني من يوم المشيتو عافت النوم
امكابله الباب ودمعتي تجري كل يوم
عادت المهموم تلجم جرحه الهموم
وانه من كد ضيمي راحت حته الرسوم

يهلي ضليت    وحدي وبعازت اهل
عنكم البيت      من مشيتو اشكد سأل
كامت اتمر الثواني // وين وداكم زماني
***
كبل لا تتركني ريض بويه اليه
هاك اخذ ترجيتي ونطيها الرقيه
كلها اختج بويه ودتلج هديه
اتكول خل تحتفظ بيها للمنيه

من تسافر     ما يضل لختي متن
بويه باجر     عالتراجي اتضل تون
اتكلك السلاب اجاني // وين وداكم زماني
*

كمت اعاين عالنجوم وكلبي ذايب
وعرضت اكبالي صوركم يالحبايب
جني اشوف اطفال مهظومه وتعاتب
وزينب اتكطع كلبها امن النوايب

شفت العيال     بكربله بحاله ذعر
واعله الاطفال     يفتر بصوطه الشمر
امذبحه اطيور الاماني // وين وداكم زماني
****
يا حبيبي اليل عثره وجسمي خاوي
ليش ماشوفن كمر دنياي ضاوي
وحدي بذراع المصايب كمت الاوي
الدنيه ربع امن البجيته ما تساوي

يالتحملون      وين ناوين السفر
من تشيلون      بويه يكتلني القهر
والحزن ما فاركاني  // وين وداكم زماني
****

كلبي يابويه اشكثر فرفح وراكم
من مشيتو العبره خنكتني بجفاكم
عني يالوليان شنهو العطلاكم
اركض اعله الباب من اشتم هواكم

بويه يحسين      شحجي واهواي الحجي
ياضوه العين     عمري خلص بس بجي
فاض هليله حناني // وين وداكم زماني
*
انه لو اندل دربكم جا مشيته
كافي مو دمع النواضر وشليته
بويه وينك توه جرحي نوميته
من زمان الفرح اذكر فاركيته

مرلي لحضات     خل اشوفك مبتسم
بالسلامات     يمن نسيانك حلم
تدري بفراكك عماني // وين وداكم زماني
تمت
تحسين الخفاجي
http://t.me/aeshieg

(صباح الخير مولانا)

صباح الخير مولانا.   
يبوصالح يرجوانه
يبوصالح يرجوانه
★★★★★
صباحك نور يتجدد.  
بنور المصطفى أحمد
سعيد بكل وكت وأسعد
ندعي الباري سبحانه
           يبوصالح يرجوانه
★★★★★
صباحك نرجس وعنبر. 
بعطر المرتضى حيدر
مصباحك فرح وأكثر.  
وجمال وسحر الوانه
           يبوصالح يرجوانه
★★★★★
صبح ساعاته مزدهره.  
بصفاء الطاهره الزهره
مصباحك. يمر عطره.  
بنسايم طيب نشوانه
            يبوصالح يرجوانه
★★★★★
صباحك بالكرم زاهر.
بسخاء المجتبى الطاهر
ومثل سحره الزكي العاطر 
وعزمه وجوده واحسانه
              يبوصالح يرجوانه
★★★★★
يمر صبحك بالف نسمه.
يشبه طيب ابواليمه
يعطره وهيبته ورسمه.
وثباته وفكره وايمانه
           يبو صالح يرجوانه
★★★★★
صبح وردي يمر سحره. 
بجمال وصفوة العتره
الفرج مولاي ننتظره.    
وتزيح الظلم واعوانه
        يبو صالح يرجوانه

الشاعر حسن لعيبي الحريشاوي
http://t.me/aeshieg