اهنا يالاحباب      راح اموت امن الهجر
طال الغياب      وانه كل ساعه انتضر
الياوكت اصبر وتاني // وين وداكم زماني
*
عيوني من يوم المشيتو عافت النوم
امكابله الباب ودمعتي تجري كل يوم
عادت المهموم تلجم جرحه الهموم
وانه من كد ضيمي راحت حته الرسوم

يهلي ضليت    وحدي وبعازت اهل
عنكم البيت      من مشيتو اشكد سأل
كامت اتمر الثواني // وين وداكم زماني
***
كبل لا تتركني ريض بويه اليه
هاك اخذ ترجيتي ونطيها الرقيه
كلها اختج بويه ودتلج هديه
اتكول خل تحتفظ بيها للمنيه

من تسافر     ما يضل لختي متن
بويه باجر     عالتراجي اتضل تون
اتكلك السلاب اجاني // وين وداكم زماني
*

كمت اعاين عالنجوم وكلبي ذايب
وعرضت اكبالي صوركم يالحبايب
جني اشوف اطفال مهظومه وتعاتب
وزينب اتكطع كلبها امن النوايب

شفت العيال     بكربله بحاله ذعر
واعله الاطفال     يفتر بصوطه الشمر
امذبحه اطيور الاماني // وين وداكم زماني
****
يا حبيبي اليل عثره وجسمي خاوي
ليش ماشوفن كمر دنياي ضاوي
وحدي بذراع المصايب كمت الاوي
الدنيه ربع امن البجيته ما تساوي

يالتحملون      وين ناوين السفر
من تشيلون      بويه يكتلني القهر
والحزن ما فاركاني  // وين وداكم زماني
****

كلبي يابويه اشكثر فرفح وراكم
من مشيتو العبره خنكتني بجفاكم
عني يالوليان شنهو العطلاكم
اركض اعله الباب من اشتم هواكم

بويه يحسين      شحجي واهواي الحجي
ياضوه العين     عمري خلص بس بجي
فاض هليله حناني // وين وداكم زماني
*
انه لو اندل دربكم جا مشيته
كافي مو دمع النواضر وشليته
بويه وينك توه جرحي نوميته
من زمان الفرح اذكر فاركيته

مرلي لحضات     خل اشوفك مبتسم
بالسلامات     يمن نسيانك حلم
تدري بفراكك عماني // وين وداكم زماني
تمت
تحسين الخفاجي
http://t.me/aeshieg

(صباح الخير مولانا)

صباح الخير مولانا.   
يبوصالح يرجوانه
يبوصالح يرجوانه
★★★★★
صباحك نور يتجدد.  
بنور المصطفى أحمد
سعيد بكل وكت وأسعد
ندعي الباري سبحانه
           يبوصالح يرجوانه
★★★★★
صباحك نرجس وعنبر. 
بعطر المرتضى حيدر
مصباحك فرح وأكثر.  
وجمال وسحر الوانه
           يبوصالح يرجوانه
★★★★★
صبح ساعاته مزدهره.  
بصفاء الطاهره الزهره
مصباحك. يمر عطره.  
بنسايم طيب نشوانه
            يبوصالح يرجوانه
★★★★★
صباحك بالكرم زاهر.
بسخاء المجتبى الطاهر
ومثل سحره الزكي العاطر 
وعزمه وجوده واحسانه
              يبوصالح يرجوانه
★★★★★
يمر صبحك بالف نسمه.
يشبه طيب ابواليمه
يعطره وهيبته ورسمه.
وثباته وفكره وايمانه
           يبو صالح يرجوانه
★★★★★
صبح وردي يمر سحره. 
بجمال وصفوة العتره
الفرج مولاي ننتظره.    
وتزيح الظلم واعوانه
        يبو صالح يرجوانه

الشاعر حسن لعيبي الحريشاوي
http://t.me/aeshieg

اشكثر بيه ابمتنها شالت امي..
واذا معلول اشتم شيلت امي.
يهل تنشد عليه شالت امي ..
المسه وياريتهم يسرون بيه.

😭😭😭😭http://t.me/aeshieg

نعي كرناوي حول ام البنين



سمعنه الوالده لو ربت اولاد
تريد اولادهه ابوكت المنيه
يحضرون وعليهه ادموع بالعين
ويا محله الولد عينه جريه
يم الوالده حلوه يحضرون
وتكللهم ييمه لزمو اديه
ربيت وعليكم اعتب اهواي
ابوكت الموت ماجيتو عليه
اشكد تانيت واتنطر ترجعون
واريد اجنازتي اتشيلوهه اليه
ماريد الغريب ايصير دفان
اريد اوليدي يالبيه الحميه
يجيني وللكبر ياخذني بيديه
وطلب كل والده للولد هيه
تتمني الاحباب ابوكت الوداع
بس انه انطكع يا ناس بيه
كلهم ما اجوني ولا يسئلون
وعله افراكهم روحي باذيه
عليكم ذاك لابن الي رضعتو
تعالو بالعجل هاي المسيه
لحكو الروح راحت تطلع اليوم
وانتم شو تاخرتو بل جيه
يمه كل ونيني ودمع بالعين
عليكم بالكلب ناري سريه
تدرون الفكد شبان مانام
ويضل للموت عينه الهم ربيه


*لخادمة الزهراء   العلويه ام جعفر*
غير مبري الذمه من يحذف
http://t.me/aeshieg

لسان حال مولاتي رمله ام القاسم عليهما السلام.
😭😭😭

تروح تروح تروح خايف مني تروح
راح أبقى اترجاك
ياخويه ابلياك   .   بيه هواي اجروح
.
.
تكتل فركتك ياخوي  وانته بلسم الخوه
اعرفك بالفزع متهاب تنزل عالخصم بلوه
مثل طعم العسل وياي لكن للعده كهوه
يحزام الضهر لتروح غيرك ما الي تجوه
.
وياي وياي وياي رايد تبقى وياي
يحزامي و تجواي
رايح صوب الماي
ما اكدر انساك
ياخويه ابلياك    .  بيه هواي اجروح
.
.
تمنيتك تضل وياي يخويه الدنيا ما ترحم
انه بعازت الخوان يبو الغيره وشريج الدم
يحزام الضهر عباس و انه بسمك  اتحزم
اذا ترحل يبعد الروح بدونك راح ما نرهم
.
شلون شلون شلون كلي بهاي شلون
يا روحي ودنياني
يا ضي العيناي
روح بروح وياك
ياخويه ابلياك   .   بيه هواي اجروح
.
.
عمود البيت ياغالي نبض كلبي وهوه الريه
وحك عيناك يا عباس عله هجران مـا بيه
عله فراكك يبو الغيره والله العين معميه
ياهو مثلك بهل الناس ينومس ذكر طاريه
.
الخيل الخيل الخيل باجر خويه الخيل
تسحك صدر حسين
تقبل نور العين
عباس ابممشاك
ياخويه ابلياك    .  بيه هواي اجروح
.
.
تعال اسمع عتاب الروح زايد والحزن كثران
باجر اخ من  باجر اخوك  بوليت الغمان
ريتك تنظر الحالي وانه بساحة الميدان
ياكسرت دليلي اعليك يبو فاضل يعلي الشان
.
الماي الماي الماي زينب تطلب ماي
و عيالك يردون
بس ماي يشربون
يل راحت عيناك
ياخويه ابلياك    .   بيه هواي اجروح
.
.
الك لو حن دليلي وراد شوفك وانته مو يمي
شركه بالنفس وياي وحسك تسري وي دمي
ياهو كلي احشمنه  و شكيله على همي
كلي راح اعوضك بيش وانته اعله الثره مرمي
.
النار النار النار رايح خويه النار
تحرك دار ام عون
وبعزنه يسلبون
مو هيج اتمناك
ياخويه ابلياك    ،    بيه هواي اجروح
. http://t.me/aeshieg
.
حسن صالح العيساوي

الحزن من فارگوني سكن يالعيد……. روحي وابقه أعد للموت بالعيد……… الآگيك بسواد الثوب يالعيد……… برض النجف يم اعزاز اليه…….. الشاعر ابو صالح المياحي ..
أداء الرادود أبو محمد الدراجي
😭😭😭😭😭