Алматыдағы базарлардың бірінде сатушы болып жүрген мектеп оқушысы филиппиндік блогердің парақшасында хитке айналды.😍👏👏👏

Серджио есімді блогер TikTok желісінде әлемді аз шығынмен аралаудың тиімді жолдарын үйретеді. Бұл жолы ол Қазақстанға саяхаттап келген.

Алматыдағы "Көк базарды" аралап жүріп, ол қазақы стильде безендірілген кәдесыйлар сататын сөрелерге барған. Сауда жасап отырған бала туристің сұрақтарына ағылшынша емін-еркін әрі сенімді жауап берді.

Белгілі журналист, Қазақстан Журналистер одағы сыйлығының лауреаты, «Қазақстан» газетінің бұрынғы бас редакторы Серғазы Мұхтарбеков 65 жасында өмірден өтті. Бұл қайғылы хабарды Мәжіліс депутаты Ермұрат Бапи жеткізді.

https://adyrna.kz/post/235345

Бүгін - Қазақстан Республикасының экс-басшысы, елді 30 жылға жуық басқарған Нұрсұлтан Назарбаевтың советтік Қазақстан президенті болған күні.

1990 жылы 24 сәуір күні Қазақ ССР Жоғары Кеңесі «Қазақ ССР президенті қызметін тағайындау және Конституцияға өзгерістер мен толықтырулар енгізу туралы» заң қабылдады. Сол күні Жоғары Кеңес жаңадан тағайындалған ең биік лауазымды қызметке 49 жастағы Нұрсұлтан Назарбаевты сайлады.

https://adyrna.kz/post/235405

2025 жылдың көктемінде музыка әлемі күтпеген жаңалыққа куә болды — Башқұрттың Ay Yola тобы шығарған Homay әні әлемге танылды. Бұл оқиға тек музыкалық жетістік қана емес, сонымен қатар башқұрт мәдениетінің халықаралық деңгейде мойындалуының нышанына айналды.
Сарапшылар хитті "башқұрт мәдениетінің әлемге үлкен серпілісі" деп бағаласа, сыншылар Ay Yola тобының бір мүшесі Украинамен соғысты қолдайтынын еске салып, Башқұртстан билігі тарапынан құрметке ие болған бұл топтың болашақ шығармашылығына күмәнмен қарайтындарын жасырмады.

БАШҚҰРТ ӘНІНДЕ ҰМАЙ МА, ҚҰМАЙ МА? 

Homay әні— Ay Yola тобының “Орал батыр” эпосына негізделген музыкалық цикліндегі екінші ән. Бірінші шығарылым — Batyr әні 2025 жылдың ақпанында шыққанымен, кең танымалдыққа ие болмаған еді. Ал Homay бірден тыңдармандардың жүрегін жаулап алды. Жұртшылық ерекше ықылас аударып, қазақ, өзбек, қырғыз, татар секілді түркі халықтары арасында тез тарап, талқыланып жатты.

📌Толығырақ adyrna.kz сайтынан оқи аласыз

Мәскеу түбіндегі Балашихада қолдан жасалған жарылғыш заттың көмегімен көлік жарылған. Салдарынан Ресей Қарулы күштері Бас штабы бас жедел басқармасы бастығының орынбасары генерал-майор Ярослав Москалик қаза тапты, деп хабарлайды “Адырна” ұлттық порталы.

Ресейлік Telegram арналарының хабарлауынша, көлік газ баллонының жабдығының қасына орнатылған қолдан жасалған жарылғыш заттың көмегімен жарылған және генерал подъезден шыққан кезде қашықтан іске қосылған. Жарылыс сәті видеоға түсіп қалған.

Мәжіліс депутаты Бақытжан Базарбек әріптесі Руслан Берденов туралы пікір білдірді.

25 сәуірде Эквадорда 6,3 баллдық жер сілкінісі болды, деп хабарлайды «Адырна» тілшісі.

Жергілікті геофизика институтының мәліметінше, жер сілкінісінің эпицентрі Эсмеральдас провинциясынан солтүстік-батысқа қарай 20 шақырым жерде орналасқан.

https://adyrna.kz/post/235532

АҚШ президенті Дональд Трамп әйелі Меланиямен бірге Рим Папасы Францисктің жерлеу рәсіміне қатысу үшін Римге барды, деп хабарлайды «Адырна» тілшісі.

Бұл — Трамптың АҚШ президенті қызметіне қайта кіріскеннен кейінгі шетелге жасаған алғашқы ресми сапары.

https://adyrna.kz/post/235536

Алматы әкімі Ерболат Досаевтың қызметінің тиімділігіне президент әкімшілігі сараптама жүргізеді. Бұл туралы президенттің баспасөз хатшысы Руслан Желдібай айтты, деп хабарлайды «Адырна» тілшісі.

Ол мемлекет басшысы Қасым-Жомарт Тоқаевтың 28-29 наурызда Алматыға жасаған жұмыс сапары барысында әкімге қаланы жан-жақты дамытуға қатысты тапсырма бергенін атап өтті.

https://adyrna.kz/post/235554

Бокстан 3 дүркін әлем чемпионы Назым Қызайбайдан жақсы футболшы шыға ма? Сіз не дейсіз? 😃👇

«Шыңғыс хан» ұлттық музейінің директоры, академик Сампилдондовын Чулуун Мәскеу Кремлі мұражайларының бас директоры Елена Гагаринамен кездесіп, екі мекеме арасындағы ынтымақтастық мәселесін талқылады.

https://adyrna.kz/post/235578

Мемлекет басшысы Қасым-Жомарт Тоқаев Иран президентіне көңіл айту жеделхатын жолдады. Бұл туралы бүгін, 26 сәуірде Ақорданың баспасөз қызметі айтты, деп хабарлайды «Адырна» тілшісі.

Еске салайық, бұған дейін Ирандағы порттардың бірінде жойқын жарылыс болғанын жазған едік. Оның салдарынан 500-ден астам адам зардап шеккен.

https://adyrna.kz/post/235625