25 шілде күні Алматы облысында жоғалып кеткен EC-145 әскери тікұшағы экипажы мүшелерінің туыстары президенттен, төтенше жағдай және қорғаныс министрлерінен іздеу операциясын жеке бақылауларына алуды сұрады, деп хабарлайды “Адырна” ұлттық порталы Syrmedia сайтына сілтеме жасап.

“Жағдайға назар аударуыңызды сұраймыз. Экипаж мүшелерін туыстары күтіп отыр. Оларды тезірек құтқарады деп үміттенеміз” дейді туыстары.

Олардың сөзінше, бірінші күн Отар ауданында іздеу жұмыстары жүргізіліп, “бостан-босқа уақыт” жұмсалған. Нағыз іздеу бір күннен кейін ғана – Сорбұлақ қоймасы маңында басталған.

“Бәлкім, олар жарақаттанып, әлі күнге дейін көмекті күтіп жатқан болар. Қазір біз достары, туыстары мен еріктілер өз күшімізбен іздеп жатырмыз. Іздеу жұмысын күшейтіп, түнде техниканы қосуды сұраймыз. Әрбір минут қымбат” - дейді туыстары.

Ақпратқа сүйенсек, экипаж мүшелерінің аты-жөндері мынандай: Аман Амангелді, Бақтияр Ержігітов және Нұржігіт Үйсінбаев.

https://adyrna.kz/kk/post/1235947

Бүгін — Қазақстанның екі бірдей ғарышкері, ел мақтаныштары Тоқтар Әубәкіров пен Айдын Айымбетовтің туған күні. 

Совет Одағының Батыры, КСРО ұшқыш-ғарышкері, әлемдегі 259-шы астронавт, Қазақстанның Халық қаһарманы Тоқтар Әубәкіров биыл 79 жасқа толып отыр.

Ол 1946 жылы 27 шілдеде Қарағанды облысының Қарқаралы ауданында дүниеге келген. Тоқтар Оңғарбайұлы 1991 жылы 2 қазанда Байқоңыр ғарыш айлағынан «Союз ТМ-13» кемесімен көкке көтеріліп, 7 күн 22 сағат 12 минут ғарышта болып, ғылыми зерттеу жұмыстарын сәтті орындады.

Ал әлемдегі 545-інші астронавт, Қазақстанның тұңғыш ғарышкері, Халық қаһарманы Айдын Айымбетов бүгін 53 жасқа толды.
Ол 1972 жылы 27 шілдеде Алматы облысы Талдықорған қаласына қарасты Өтенай ауылында дүниеге келген. Айдын Ақанұлы 2015 жылдың қыркүйегінде «Союз ТМА-18М» кемесінің бортинженері ретінде ғарышқа сапар шекті. Ол Халықаралық ғарыш станциясында 10 күн бойы болып, Қазақстанның 5-ші ұлттық ғылыми бағдарламасын орындады.

Алматы облысындағы Сорбұлақ су қоймасы маңында 25 шілдеде жоғалған EC-145 әскери тікұшағын іздеу жұмыстары тәулік бойы тоқтаусыз жалғасуда, деп хабарлайды "Адырна" ұлттық порталы Қорғаныс министрлігіне сілтеме жасап.

Іздеу-құтқару операциясына 400-ге жуық адам, оның ішінде құтқарушылар, әскери қызметкерлер, полиция қызметкерлері, сүңгуірлер және кинологтар жұмылдырылған.

Сондай-ақ 70-тен астам жерүсті техникасы, 21 жүзу құралы, 10 дрон, эхолоттар, су асты сканерлеу құрылғылары мен иттермен жұмыс істейтін топтар жұмыс істеуде.

«Операцияға 400-ге жуық адам, 70-тен астам техника, 21 қайық, 10 ұшқышсыз аппарат, эхолот және су астын сканерлейтін құрылғылар тартылды. Жергілікті жерде операцияны ҚР Қарулы күштері Әуе күштерінің қолбасшысы, авиация генерал-майоры Асқар Ызбасов басқарып отыр. Ол барлық бөлімшелердің жұмысын үйлестіріп отыр», - делінген Қорғаныс министрлігінің ресми хабарламасында

27 шілдеде Германияда жолаушылар пойызы рельстен шығып кетті. Теміржол апатынан 3 адам қаза тауып, 50-ден астамы жарақат алды, деп хабарлайды «Адырна» тілшісі.

Оқиға Баден-Вюртемберг федералды жеріндегі Ридлинген қаласы маңында болған.


Толығырақ: https://adyrna.kz/kk/post/1235954?show_without_publish=true

Жамбыл облысында жол апаты болып, екі адам қаза тапты. Тағы екі адам түрлі жарақатпен Шу аудандық ауруханасына жеткізілді. Желіде тараған ақпараттарға сәйкес, көлікте танымал спортшы Шавкат Рахмоновтың әйелі мен ұлы болған, деп хабарлайды «Адырна» тілшісі.

Толығырақ: https://adyrna.kz/kk/post/1235953

Әлеуметтік желіде көшеде құлап жатқан жасөспірімдердің бейнежазбасы тарады. Видео авторы, заңгер Сәуле Бикитееваның айтуынша, оқиға Алматы қаласында болған, деп хабарлайды «Адырна» тілшісі.

«Ата-аналар, балапандарыңызға қараңыздаршы. Мына көрініс шынымен де қорқынышты. Арбаттан 6 жасөспірімді кездестірдім. Олардың жағдайы нашар болды. Су беріп, жедел жәрдем шақырдым»,—деді белсенді.

Толығырақ: https://adyrna.kz/kk/post/1235961

АҚШ Еуроодақпен сауда келісімін жасады. Бұл туралы ел президенті Дональд Трамп Шотландияда Еурокомиссия төрағасы Урсула фон дер Лейенмен өткен кездесуден кейін айтты, деп хабарлайды «Адырна» тілшісі.

Толығырақ: https://adyrna.kz/kk/post/1235952

Израильдің қатаң қоршауындағы Газа секторында соңғы бір тәулікте аштықтан бес палестиналық көз жұмды, олардың екеуі – балалар. Бұл туралы Палестина денсаулық сақтау министрлігінің бас директоры Мунир әл-Берш айтты, деп хабарлайды «Адырна» тілшісі.

«Газадағы балалар аштықтан өліп жатыр. Құрбандардың жалпы саны 127 адамға жетті, олардың арасында 85 бала бар»,— деп жазды әл-Берш X желісіндегі парақшасында.

Толығырақ: https://adyrna.kz/kk/post/1235963?show_without_publish=true

Белгілі продюсер Баян Алагөзова әнші Жұбаныш Жексенұлына қатысты дауға пікір білдірді, деп хабарлайды «Адырна» тілшісі.

Ол Instagram желісіндегі парақшасында халықтың танымал адамдарға деген шектен шыққан әрекетін сынға алды.

Толығырақ: https://adyrna.kz/kk/post/1235966

Әлеуметтік желіде Қостанай қаласында Ресей әскери-теңіз флоты күніне орай өткен іс-шараның бейнежазбасы тарады. Шара қоғамдық резонанс тудырды, деп хабарлайлайды «Адырна» тілшісі.

Экономист Меруерт Махмұтова Facebook желісінде жергілікті билікті сынға алды.

«Қостанай әлі күнге дейін КСРО-ның елесімен өмір сүріп жатқандай. Олар әскери-теңіз флоты күнін атап өтуде. Қай жерде отырғандарын ұмытқан ба? Оларға кім рұқсат еткен? Қостанайда шын мәнінде билік бар ма өзі? Бұл — шектен шығу»,–деді ол.

Толығырақ: https://adyrna.kz/kk/post/1235972?show_without_publish=true

Қазақстандық опера әншісі Әйгерім Алтынбек XI Халықаралық CLIP 2025 опера байқауында жеңіске жетті. Өнерпаз бірінші орыннан бөлек, байқаудың негізгі номинацияларында үздік атанып, абсолютті жеңімпаз болды. Бұл туралы бүгін, 28 шілдеде Мәдениет және ақпарат министрлігінің баспасөз қызметі жазды, деп хабарлайды «Адырна» тілшісі.

Сондай-ақ отандасымыз көрермен көзайымы жүлдесін, «Үздік әйел дауысы» марапатын және музыка сыншысы, арт-директор әрі педагог Карло Майердың арнайы жүлдесін иеленді.

Бұл – ел мәдениетіндегі тарихи жеңіс. Байқауда алғаш рет Орталық Азия өкілі осындай жетістікке жетіп, көшбасшылар қатарынан көрінді.


Толығырақ: https://adyrna.kz/kk/post/1235969?show_without_publish=true

Ұлттық қорғаныс университетінде болашақ қолбасшылар мен әскери басқару жүйесінің жетекшілері болып саналатын магистранттардың салтанатты бітіру рәсімі өтті. Биыл магистратура бағдарламасын 66 әскери қызметші сәтті аяқтады. Олардың қатарында Қорғаныс министрлігі, ҰҚК, ІІМ, Ұлттық ұлан және басқа да күштік құрылымдардың офицерлері мен генералдары бар, деп хабарлайды «Адырна» тілшісі.

Қорғаныс министрінің орынбасары генерал-лейтенант Қаныш Әбубәкіров түлектерді құттықтап, сәттілік тіледі.

https://adyrna.kz/kk/post/1235967?show_without_publish=true

Алматы қаласындағы саябақтардың бірінде орналасқан аттракционда кәмелетке толмаған қыз жабық бас-сүйек ми жарақатын (ЖБСМЖ) алған.
Анасының айтуынша, қызының жағдайы әлі де ауыр.

“Алматыдағы саябақтардың бірінде орналасқан “Вальс” аттракционында кәмелетке толмаған қызым жабық бас-сүйек ми жарақатын алды. Нәтижесінде ол екі күрделі отадан өтті, ұзақ мерзімді оңалтудан өтіп жатыр, қатты ауырсынудан, физикалық зардаптардан және ауыр психологиялық жарақаттан зардап шегуде”, – деп жазды әйел Facebook парақшасында.

https://adyrna.kz/kk/post/1235994?show_without_publish=true

Қазақстан Президенті Қасым-Жомарт Тоқаев Мұстафа Кемал Ататүріктің кесенесін зиярат етті. Бұл туралы Ақорда жазды, деп хабарлайды “Адырна”.

Мемлекет басшысының Түркия Республикасына ресми сапары осы елдің негізін қалаушы әрі тұңғыш президенті Мұстафа Кемал Ататүріктің кесенесінен басталды.

https://adyrna.kz/kk/post/1236001?show_without_publish=true

Алты жасар бала ұзын арқанмен бекітілген үлкен үрлемелі шардың ішінде ойнап жүрген. Арқанды баланың атасы ұстап тұрған. Бірақ қатты желдің әсерінен атасы арқанды қолынан шығарып алған. Сөйтіп жел бала отырған шарды жағадан алысқа алып кеткен.

Полиция қызметкері оланбастан шардың соңынан жүзіп кеткен. Сөйтіп баланы құтқарып қалды. Құтқарған майор Талғат Оспанов болған.