АСТАНАДАҒЫ «ЖАСТАР» САЯБАҒЫ ЖАҢАРЫП ЖАТЫР!

Саябақта жүргізілген абаттандыру жұмыстары кеңістікті түбегейлі өзгертті. Қала тұрғындары үшін ыңғайлы әрі тартымды демалыс аймағына айналуда.

Бүгінде мұнда скейт-парк, балалар ойын алаңдары, тынығу орындары мен арқанды саябақ ашылып, көпшіліктің сүйікті орнына айналып келеді.

Сонымен қатар, Ақбұлақ өзенінің арнасын тазарту жұмыстары жүргізілді. Бұл өзеннің экологиялық жағдайын жақсартып, саябақтың табиғи келбетін одан әрі көркейте түсті.

Ресейдің Хабаровск қаласында бокстан ірі халықаралық турнир аяқталды. Бұл жарыста Қазақстан ерлер құрамасы алты жүлдеге ие болды. Бұл туралы 21 сәуірде Ұлттық олимпиадалық комитеттің баспасөз қызметі жазды, деп хабарлайды «Адырна» тілшісі.

Сәкен Бибосынов (54 келіге дейін) пен Нұрлан Сапарбай (92 келіден жоғары) турнир жеңімпазы атанса, Сағындық Тоғамбай (92 келіге дейін) күміс медаль иеленді. Ал Теміртас Жүсіпов (48 келіге дейін), Жандос Қыдыралиев (63,5 келіге дейін) және Мұхаммедсадыр Базарбайұлы (67 келіге дейін) қола жүлдегер атанды.

https://adyrna.kz/post/234944

Президент Қасым-Жомарт Тоқаев «Таза Қазақстан» экологиялық фестивалі аясында Астана қаласындағы «Жастар» саябағында экобелсенділермен бірге ағаш екті.

🌳 Айта кетелік, «Бүкіл қазақстандық ағаш егу күні» акциясы аясында еліміз бойынша соңғы үш күнде 4,5 миллионға жуық көшет егіліп, орман алқабымызды толтырды.

Жапонияда Қазақ хандығының Цин патшалығымен хат алмасуы туралы зерттеу жарық көрген. Осы еңбектің авторы Дүйсенәлі Әбділәшімұлысұхбатында зерттеудің қыр-сыры жайындағы ойларымен бөліседі.

Қазақ хандығы мен Цин патшалығы арасындағы тарихи хаттар Жапонияда зерттеліп, жарық көрді. 452 беттен тұратын зерттеу Қытай архивтерінде сақталған қазақ тіліндегі сирек жазбаларға сүйеніп, Қазақ хандығының халықаралық аренадағы орнын, дипломатиялық қарым-қатынастарын жаңа қырынан танытады делінеді.
Аталған хаттар қазақтың төл жазба мұрасы, әрі отандық тарихты тың дереккөздермен толықтыруға зор үлес қосатын баға жетпес тарихи құжаттар ретінде аталып отыр. Бұл туралы  “Қазақ хандығының Цин патшалығына жолдаған бірегей хаттары” туралы жазылған көлемді ғылыми зерттеу еңбегінің авторы профессор, тарих ғылымдарының докторы Дүйсенәлі Әбділәшімұлынан сұрап, сұхбаттастық.

– Жақында еңбегіңіз жарық көрді, құттықтаймыз. Осы Қазақ хандығының Цин патшалығына жолдаған хаттарын зерттеуге не түрткі болды? 

– Мен өзім Қытайда, Шыңжаң-Ұйғыр автономиялы районына қарасты Іленің Күнес деген жерінде туып өстім. Орта мектепті тауысқаннан кейін Бейжіңдегі Орталық ұлттар университетіне оқуға түстім.  
Ол жерде толық курсты тәмамдаған соң магистратураға оқуға қабылданып, жалғасты білім алдым. Диссертациямның тақырыбы Қазақ хандығы тұсында жазылған хат-қағаздарға байланысты болды.
Кейін Жапонияда алдымен Нагоя университетінде бір жыл білім толықтырып, соңынан Киото университетіне емтихан тапсырып, тарих мәдениеттану мамандығы бойынша докторантураға түсіп оқыдым. Қазақ хандығы тұсында патшалық Ресей мен Цин патшалығына жолданған құжаттар, тарихи жазба деректер туралы тіпті де ден қойдым, докторлық диссертациямның тақырыбы “XVIII-XIX ғасырлардағы қазақша мұрағат құжаттары” туралы тарихи-деректанулық зерттеу болды. Соның ішінде Қазақ хандығы тарапынан Цин патшалығына жазылған бірегей тарихи құжаттарды негіз етіп зерттеу жасадым.

Толығырақ: https://adyrna.kz/post/234953

Туризм және спорт министрі Ербол Мырзабосынов Алматы қаласында өткен жартылай марафон кезінде болған қайғылы жағдайға қатысты пікір білдірді, деп хабарлайды «Адырна» тілшісі.

Министрдің айтуынша, қазіргі уақытта оқиғаға байланысты толыққанды тексеріс жүргізіліп жатыр.

https://adyrna.kz/post/234931

Ұлттық қауіпсіздік комитетінің экс-басшысы Кәрім Мәсімовтің Астанадағы үйі үшінші рет аукционға шығарылды, деп хабарлайды «Адырна» тілшісі.

Бұған дейін Қайтарылған активтерді басқару жөніндегі компания жертөле қабаты бар тұрғын үйді 1,8 млрд теңгеге бағалаған еді. Ал қазір оның құны 1,6 млрд теңгеге дейін төмендетіліп отыр.

https://adyrna.kz/post/234978

Елдегі жерасты суларының мәселесі көпшілік назарынан тыс қалып келеді. Мамандар оның өзектілігін айтқанымен, қабылданған шаралар қандай нәтижеге жеткізеді? Саланың сан қырлы проблемасын қалай шешуге болады?

Қазақстан – территориясының басым бөлігі құрғақ климат аймағында орналасқан, судың әр тамшысы бағалы ел. Ел халқының өсімі, ауыл шаруашылығы мен өнеркәсіптік даму қарқыны – бәрі суға деген сұранысты арттырып отыр. Осы орайда, жерасты суларының рөлі айрықша. Алайда бүгінгі таңда бұл ресурсқа қатысты шешілмеген мәселелер аз емес.

КӨЗГЕ КӨРІНБЕЙТІН ӨМІРЛІК МАҢЫЗДЫ РЕСУРС

Жерасты сулары – адамның тіршілігі мен табиғи тепе-теңдікті сақтаудың негізгі тетігі. Мемлекетаралық су шаруашылық үйлестіру комиссиясы ғылыми-ақпараттық орталығының бас сарапшысы Құралай Қалмағанбетқызының айтуынша, жерасты сулары жер беті суларымен тығыз байланысты және үнемі айналымда болады.

📌Толығырақ adyrna.kz сайтынан оқи аласыщ

Әлеуметтік желіде Ақтаудағы мектептердің бірінде 7-сынып оқушылары өмірге қауіпті "ойынға" қатысқаны туралы видео қызу талқыланып жатыр, деп хабарлайды “Адырна” ұлттық порталы.

Кадрлардан оқушы қыздың алдымен жәбірленушіні шапалақпен ұрғанын көруге болады. Сосын оны тұншықтырып, кеудесін басқан. Артынша қыз есін жоғалтып, еденге құлаған. 

Мәліметтерге сенсек, оқиға 8 сәуірде №33 мектепте болған. Зардап шегуші жетінші сынып оқушысы. Оқушылар туралы ақпарат кәмелетке толмағандар ісі жөніндегі инспекторға беріліпті.

https://adyrna.kz/post/235095

Әнші Сиви Махмудидің бұрынғы күйеуі Аңсар Кажымұханұлы аса ірі көлемде алаяқтық жасады деген күдікке ілініп, 5 жылға сотталды, деп хабарлайды “Адырна” ұлттық порталы.

«Қылмыстық жауапкершілік пен жазаны жеңілдететін мән-жайлар ретінде кәмелетке толмаған балаларының болуы, кінәсін мойындауы және шын ниетпен өкінуі ескерілді», – деп хабарлады сот.

Іс материалдарына қарасақ, Ұлытау облыстық ғылыми-әдістемелік орталығының бас есепшісі қызына тағылған «есірткіні сату үшін сақтау» айыбын жеңілдету үшін Қажымұқанұлына 50 мың доллар берген.

😱22 сәуір күні таңертең Атырауда Халел Досмұхамедов атындағы Атырау университетінің №2 жатақхана ғимаратының ортаңғы бөлігі опырылып құлады. Бұл ақпаратты университеттің баспасөз қызметі растады, деп хабарлайды “Адырна” ұлттық порталы.

Ақпаратқа сәйкес, оқиға таңғы алтылар шамасында болған. Ешкім зардап шеккен жоқ. Студенттер 7 мекенжайындағы ғимарат сонау 1972 жылы салынған және өткен жылы ресми түрде қауіпті деп танылған.

«Қираудың алғашқы белгілері 2022 жылдың қарашасында байқалды. Кейін университеттің техникалық қызметшілері бірінші қабаттың қабырғасында жарықшақ барын анықтап, ақпаратты қадағалау органдарына тапсырды. Мемлекеттік сәулет-құрылыс қадағалау басқармасының мамандары тексеруден кейін жатақхананы тұруға қауіпті деп таныды. 2023 жылдың 1 ақпанынан бастап мұнда студенттер орналаспады», деп хабарлады университеттің баспасөз қызметі.

😍Шымкенттік оқушы әлемнің 36 университетінен шақырту алды. Білім Инновация ер балаларға арналған лицейінде 11 сынып оқитын Дінмұхаммед Маликовтың ҰБТ көрсеткіші де көңіл көншітеді. Мектеп қабырғасында жүріп-ақ үш тілді жетік меңгерген шәкірт енді шет елде білім алуды жоспарлап отыр.

Дінмұхаммед Маликов – оқу-білімге құштар. Ұстаздардың айтуынша шет тілдерді өздігінен меңгеріп, әлемдік деңгейдегі оқу орындарына тест тапсырған. IELTS сынағынан да сүрінбей өткен. Ендігі арманы – шетелде оқып, сол білімін туған жерді түлетуге сарп ету.

“Шет елде білім алсам да, немесе Қазақстанда оқитын болсам да басты мақсатым ол алған білімім мен тәжірибемді Қазақстанды дамытуға арнау болып табылады. Менің артымда келе жатқан іні-қарындастарыма менің бұл жолым мотивация болды деп үміттенемін”, дейді түлек.

Ресей президенті Владимир Путин сәуір айының басында Дональд Трамптың өкілі Стив Уиткоффпен кездесуде АҚШ-қа Украинадағы ұрыс қимылдарын қазіргі майдан шебі бойымен тоқтатуды ұсынды. Бұл туралы Financial Times басылымы бірнеше дереккөзге сілтеме жасап жазды, деп хабарлайды "Адырна" ұлттық порталы.

Кездесу барысында Путин Мәскеу қазіргі уақытта Киевтің бақылауындағы Украина аймақтарына қатысты кейбір аумақтық талаптарынан бас тартуы мүмкін екенін де мәлімдеді. Бұл — соғыс басталғалы бері Ресейдің өз максималистік ұстанымдарынан бас тартуға дайын екендігін білдіретін алғашқы ресми ишара ретінде қарастырылып отыр.

Алайда еуропалық шенеуніктер бұл ұсынысты сақтықпен қабылдауда. Олар Путиннің бұл әрекетін Трампты Ресейдің басқа талаптарын қабылдауға көндіріп, оларды Украинаға күштеп таңу үшін жасалған айла болуы мүмкін деп санайды.

😳Ресейдің Владимир облысындағы Киржач ауданында орналасқан әскери бөлім аумағында оқ-дәрілердің детонациясынан кейін жарылыс болды, деп хабарлайды "Адырна" ұлттыққ порталы DW-ге сілтеме жасап.

Ресей Қорғаныс министрлігі жарылыстың қауіпсіздік талаптарының бұзылуынан болғанын мәлімдеп, кінәлілер жауапқа тартылатынын айтты. Өртті сөндіруге әскери бөлім мен ТЖМ мамандары жұмылдырылған.

Telegram-дағы Astra арнасының хабарлауынша, жарылыс Барсово кентінің жанында орналасқан қорғаныс министрлігінің бас зымыран-артиллериялық басқармасына қарасты 51-ші арсенал аумағында болған. Украиналық Defence Express әскери порталы бұл қойманың жалпы аумағы шамамен 3,5 шаршы шақырым екенін атап өтті.