تنويه مهم 👇

القناة مو للترفيه
ومو للاستعراض
ومو لحكي فاضي

هاي قناة صناعية
مخصّصة لكل شخص بيشتغل بإيده
أو عنده ورشة
أو حاب يفهم كيف الأشياء بتشتغل فعليًا

المحتوى اللي راح ينزل هون:

فيديوهات قصيرة صناعية (ريلز)

شرح مبسّط من أرض الورشة

أفكار تصنيع

فروقات حقيقية بين التقنيات

ومعلومات ما بتنحكى عادة إلا بين الصنايعية


لغتنا هون لغة الصنايعي
البسيطة
المباشرة
اللي بتوصل الفكرة بدون لف ودوران

ما رح نغرق بمصطلحات
ولا رح نلبس العلم ثوب فزلكة
العلم الحقيقي بيبين لما تقدر تشرحه ببساطة

هاي القناة مكان:

للي بده يتعلّم

للي بده يطوّر شغله

وللي مؤمن إنو الصناعة عقل قبل ما تكون عضلات


إذا وصلت لهون
إنت بالمكان الصح 👍

محرك صار يعرف موقعه
يعرف سرعته
ويصحّح نفسه بنفسه

بهالفيديو بنحكي ببساطة
كيف انتقلنا من محرك “بس يلف”
لمحرك يفهم ويقرّر

شرح من أرض الورشة
وبلغة الصنايعي
مو تنظير… تطبيق وفهم

إذا بتشتغل صناعة
هالموضوع بيمس شغلك بشكل مباشر

الدشالي مو قانون نظري ولا معادلات هو فكره ميكانيكيه بتستخدم بالمخارط والفرايز
الدشالي هو طريقه لتقسيم القطعه بالتساوي حول محيطها

ليش نحتاجه
لان في شغل كتير لازم يكون مقسم تقسيم دقيق ومتساوي
مثل تروس مسننات
مفاتيح سداسيه
شقوق اعمده
ثقوب موزعه حوالين دائره
نجمه براغي
اي قطعه بدها تقسيم متساوي

وين بيستخدم
بينحط على الفريزه غالبا
اسمه ديفيزور او راس تقسيم
القطعه بتتركب عليه
كل ما تلف الديفيزور لفه محسوبه بتاخد شق او ثقب او سن

فكرة الدشالي شو هي
الديفيزور جواته تروس
اغلب الديفيزورات المشهوره نسبتها 40 1
يعني لما تلف يد الديفيزور 40 لفه القطعه بتلف لفه كامله

هون بيجي الدشالي
بدك مثلا تعمل ترس 20 سن
بتقسم 40 على 20
يعني كل سن بدك تلف يد الديفيزور لفّتين

اذا بدك 10 سنان
40 تقسيم 10 يطلع 4 لفات لكل سن

واذا الرقم ما طلع صحيح
بتستعمل مصفايه الثقوب
يعني جزء من لفه
وهون بنعد ثقوب حسب التقسيم المطلوب

ليش المصفايه
لانها بتساعدك تعد اللفه بدقه
بدل ما تخمن او تغلط
بتعد ثقوب وتثبت

باختصار
الدشالي هو طريقه تخلينا نقسم دائره تقسيم دقيق ومتساوي
بدونه مستحيل تطلع شغل مظبوط بالتروس والتقسيمات

عم نفكّر نطلق بودكاست جديد
بس مو تطوير ذات،
ولا تحفيز وانت قاعد محلّك تسمع كلام حلو وبس.

الفكرة اسمها تنمية الفكر وتطوير المهارات
نحكي فيه عن: الصناعة
الشغل
الورش
الأخطاء اللي مرقنا فيها
التجارب الواقعية
كيف تفكّر صح
وكيف تطوّر حالك بإيدك وعقلك
مو بشعارات.

بودكاست
حكي هادي
قصص حقيقية
لغة بسيطة
من أرض الواقع.

السؤال إلك: هل بتحب تسمع هيك محتوى؟ ولو نزلنا حلقات بهالأسلوب، بتتابعها؟

⬅️ صوّت وخلّينا نعرف رأيك
⬅️ وإذا عندك فكرة أو موضوع حابب نناقشه، اكتب بالكومنت

سؤال كثير سمعناه
هل الأرجون بيسبب عقم؟

بهالفيديو الجواب العلمي الواضح
الخطر مو بالغاز
الخطر بالدخان المعدني ونقص الأوكسجين

محتوى من أرض الورشة
وبلغة الصنايعي
لأن صحتك أهم من أي شغل

#المستشار86 #advisor_86

ما حدا بلش خبير
كل الصناعيين كانوا مبتدئين
اي صناعي ناجح اليوم
كان يوم من الايام واقف قدام اول ماكينه
مرتبك
خايف
ومو فاهم كل شي
ما حدا بلش وهو بيعرف
ولا حدا مسك المهنه من اول يوم واتقنها
الخبره ما بتيجي مع الشهادات
الخبره بتيجي مع الشغل
مع الغلط
مع المحاوله
ومع الوقت
في ناس بتفكر انو الصناعي لازم يولد صناعي
او يكون عنده راس مال كبير
او يكون فاهم بكل شي من اول يوم
وهذا غلط
كل صناعي شاطر شفته
بلش بخطوه صغيره
ماكينه بسيطه
شغل بسيط
ومشاريع صغيره
الفرق الوحيد بين اللي كمل
واللي وقف
انو واحد صبر وتعلم
والثاني خاف ووقف عند اول غلطه
اذا انت اليوم حابب تدخل عالم الصناعه
لا تستنى تكون خبير
بلش
وتعلم وانت عم تشتغل
الصناعه مو شغل عضلات
ولا شغل حظ
الصناعه عقل
وتجربه
وصبر
وكل واحد فينا
اذا عطى نفسه فرصه
بيوصل

الفيديو مدته دقيقة ونص
مهم جدا لفهم عالم الغازات شوفوه
رابط الفيديو 👇
https://youtu.be/1VJOA-07Fc0?si=CxCCcxjiWOUPxHhL

شوفو الفيديو كتير مهم يا اصدقاء

كثير ناس بتراسلني وبتسأل نفس السؤال
معي راس مال بسيط شو بقدر اشتغل
والاجابه دائما مو رقم ولا مشروع جاهز
الموضوع كله دراسه وضع
واخذ بالاسباب
وتوكل على الله
مهما كان راس مالك
الف
الفين
عشره
المهم تبلش
وتشتغل بشي بتفهمه
وتراقب السوق
وتتعلم من الغلط قبل الصح
الدراسه مو معناها تعقيد
الدراسه معناها تعرف وين تحط مصرياتك
وتعرف شو بتبيع وشو بتشتري
وشو الناس بدها
الرزق مو بذكاء الانسان بس
ولا بقوة راس المال
الرزق من الله
لكن الله امرنا نتحرك
اسوا شي تعمله
تخلي المصاري نايمه
وتنطر الفرصه المثاليه
الفرصه بتيجي وانت ماشي مو وانت واقف
بلش صغير
كبر شوي شوي
وصدقني الطريق بيفتح لحاله
الصناعه مو شغل
الصناعه عقل

نصائح مهمة نزل الفيديو جديد
رابط الفيديوhttps://youtube.com/shorts/fN0LVNI5u6M?si=97EBWEz61Gvz_4QA

ليش في ورش بتفشل رغم ان شغلها ممتاز
في كتير ناس شغلها متقن
التصميم مضبوط
التنفيذ نظيف
التجميع دقيق
والنتيجه بتطلع ترضي اي زبون
بس بعد فتره بتلاقي المشروع تعثر او سكر
المشكله مو دايما بالشغل نفسه
في فرق كبير بين انك تكون حرفي شاطر
وبين انك تكون صاحب مشروع واعي
في ناس بتبدع بالتنفيذ
بس ما بتحسب التكلفه صح
ما بتحسب وقتها
ما بتحسب الهدر
ولا مصاريف التشغيل
بالنهايه بتكتشف انها عم تشتغل بدون ربح حقيقي
في ناس ما بتنظم شغلها
ما بتحدد مواعيد واضحه
ما بتحط اتفاق واضح مع الزبون
بترضى باي شغل يدخل
وبعدها بتتورط
في ناس بتكبر اسرع من اللازم
بتشتري معدات قبل وقتها
او بتفوت بمجالات مو مدروسه
وبتتشتت
الجوده مهمه جدا
بس لوحدها ما بتبني مشروع مستقر
الصناعه بده اداره
بده حساب
بده رؤيه
بده تعرف وين تكبر ووين توقف
مو كل شاطر بالتصميم او التنفيذ
شاطر باداره مشروع
لهيك دائما بقول
الصناعه مو شغل
الصناعه عقل

شارك الفيديو مع أي شخص مهتم بالأتمتة الصناعية أو ماكينات CNC 👇
لأن اللي عم تسمعه هون مو مجرد صوت… هاي لغة الصناعة الحديثة.
خمس محركات ذكية مبرمجة بتزامن كامل، تتحرك وفق أوامر رقمية دقيقة، بتعتمد على أنظمة تحكم صناعية، درايفرات، نبضات كهربائية محسوبة، ومحاور CNC مترابطة مع بعض.
لما نحكي عن المحركات الخطوية Stepper Motors أو Servo Motors، نحنا عم نحكي عن قلب الأتمتة الصناعية.
كل حركة إلها قيمة.
كل اهتزاز إله معنى.
كل تردد إله حساب.
أنظمة CNC اليوم ما عادت بس قص أو حفر.
هي برمجة
تحكم
تزامن
تحويل أوامر رقمية لحركة ميكانيكية دقيقة
هاي المعزوفة اللي سمعتها هي نتيجة:
تكامل ميكانيكي
تكامل كهربائي
برمجة احترافية
وفهم عميق للمحاور X Y Z والمحاور الإضافية
بالفيديوهات القادمة رح ندخل بتفاصيل:
كيف تشتغل المحركات الذكية
شو يعني أتمتة
كيف بيصير التزامن بين المحاور
شو دور الدرايفر
وشو الفرق بين المحركات الخطوية والسيرفو
إذا بتشتغل بالصناعة، ميكانيك، كهرباء صناعية، CNC، تصميم وتنفيذ…
فهذا المحتوى إلك.
الصناعة مو ضجيج
الصناعة نظام
الصناعة عقل.
#المستشار86 #مهران_درغام #advisor86
https://www.instagram.com/reel/DUtCelJCjXm/?igsh=MTR5aWJidW44cDZuMw==

لكل شخص قرر يشتغل بمجال الصناعة
اول معركة مو مع السوق
اول معركة مع عقليتك
اذا عقليتك لسه عقلية موظف
بدك راتب ثابت
بدك امان
بدك حدا يعطيك اوامر
الصناعة رح تتعبك
الصناعة بدها واحد يتحمل
يتحمل خسارة اول شغل
يتحمل تأخير
يتحمل زبون يتراجع
يتحمل ماكينة توقف فجأة
بدها واحد يتعلم كل يوم
مو بس شغل ايد
شغل عقل
تسعير
تفاوض
شراء مواد
تطوير منتج
وتفكير لقدام
اول سنة بالصناعة ما هي اختبار مهارة
هي اختبار نفس
في ناس بتفشل مو لانه شغلها سيئ
بتفشل لانه بتستعجل
او بدها نتائج سريعة
او بتقارن حالها بحدا اله عشر سنين بالسوق
اذا بدك تدخل عالم الصناعة
غير طريقة تفكيرك قبل ما تشتري ماكينة
قبل ما تستأجر محل
قبل ما تعلق لوحة
لما عقليتك تكبر
شغلك لحاله بيكبر
الصناعة مو شغل
الصناعة عقل