#rektor_faoliyati

Universitetimiz rektori boshchiligida ijtimoiy himoyaga muxtoj oilalar holidan xabar olindi

Bugun, Andijon davlat universiteti rektori Baxtiyorjon Akbaraliyev boshchiligida Qo'rg'ontepa tumanining "Mustaqillikning 15 yilligi", "Mirzo Ulug'bek" hamda "Mustaqillik" MFYlarida istiqomat qilayotgan ijtimoiy himoyaga muhtoj xonadonlar holidan xabar olindi.

Tashrif davomida rektor ehtiyojmand xonadonlarda yashovchi yoshlar va ularning ota-onalari bilan yaqindan suhbatlashdi, yoshlar uchun ta'lim va rivojlanish imkoniyatlarini yaratish borasida ko'maklar berilishi, jumladan, ijtimoiy qo‘llab-quvvatlash va shu kabi resurslar bilan tanishtirib, ularning kelajakdagi maqsadlari haqida samimiy muloqot o'tkazdi. Shundan so'ng, kundalik extiyojlari uchun zarur bo'lgan oziq-ovqat mahsulotlari tarqatildi.

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube

🟦🟦🟦🟦

Andijon davlat universiteti "Qayta tiklanuvchi energiya manbalari" magistranti Ravshanbek Raxmatullayev Bahodirjon o'gli "El-yurt umidi jamg'armasi" 2024-yil birinchi ochiq stipendiya sovrindori boʻldi.

O‘zbekiston Respublikasi Prezidentining "Vazirlar Mahkamasi huzuridagi Mutaxassislarni xorijda tayyorlash va vatandoshlar bilan muloqot qilish bo‘yicha "El-yurt umidi" jamg‘armasi faoliyatini tashkil etish to‘g‘risida"gi Farmoni asosida tashkil etilgan bo'lib, El-yurt umidi jamg'armasi tomonidan 2024/2026-o'quv yili uchun  belgilangan tartibda xorijda o'qish va yashash xarajatlari 100% to'lab boriladi.

👏Andijon davlat universiteti jamoasi nomidan Ravshanbek Raxmatullayevni hamda unga saboq bergan ustozlarini ushbu muvaffaqiyat bilan samimiy qutlab, kelgusi o'qish va izlanishlariga omad tilaymiz!

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube

🟦🟦🟦🟦

Andijon davlat universiteti "Eng yangilikka intiluvchi universitet" nominatsiyasiga sazovor bo‘ldi

Xabaringiz bor, joriy yilning 14–16-noyabr kunlari poytaxtimiz Toshkentda Oliy ta’lim, fan va innovatsiyalar vazirligi huzuridagi Innovatsion rivojlanish agentligi tomonidan “Barqaror rivojlanish uchun innovatsiyalar” mavzusiga bag‘ishlangan xalqaro innovatsion g‘oyalar haftaligi bo‘lib o‘tdi.

Haftalik doirasida 80 nafardan ortiq kompaniyalar, eronlik va o‘zbekistonlik tadbirkorlar, ilm-fan vakillari, davlat boshqaruv organlari, hokimliklar qatorida Andijon davlat universiteti professori Mo‘ydinjon Mo‘minov boshchiligida universitetimiz jamoasi yangi turdagi energotejamkor, samarador, zamonaviy qurilish materiallari yaratish texnologiyasi; meva, sabzavotlarni qayta ishlash texnologik qurilmalarini yaratish va unda yangi turdagi oziq-ovqat mahsulotlari olish kabi ishlanmalar bilan faol ishtirok etdi.

InnoWeek-2024 xalqaro innovatsion g‘oyalar haftaligi doirasida “Innovatsion g‘oyalar yetakchisi” tanlovi g‘oliblarini taqdirlash marosimida "Eng yangilikka intiluvchi universitet" nominatsiyasiga Andijon davlat universiteti loyiq deb topildi va Oliy ta’lim, fan va innovatsiyalar vazirligi tomonidan professor M.Mo‘minov maxsus statuetka bilan taqdirlandi.

🎗Ushbu xushxabar bilan universitetimiz jamoasini samimiy qutlaymiz!

#Innoweek_2024 #taqdirlash

✴️ Andijon davlat universitetining rasmiy sahifalari👇
Veb-sayt 🌐 Telegram 🌐 Facebook 🌐 Instagram 🌐YouTube