Andijon davlat pedagogika institutida O‘zbek milliy maqom san’ati markazi konsert dasturi bo‘lib o‘tdi

Bugun, 22-aprel kuni Andijon davlat pedagogika institutida O‘zbekiston Respublikasi Maqom san’ati markazi Andijon viloyati hududiy bo‘limi ijodkorlari ishtirokida konsert dasturi tashkil etildi.

Tadbirning asosiy maqsadi – yoshlar orasida milliy musiqa merosimiz, xususan, maqom san’atining qadriyat sifatida e’tirof etilishini ta’minlash, ularning estetik dunyoqarashini kengaytirish hamda madaniy-ma’naviy saviyasini yuksaltirishdan iborat bo‘ldi.

Konsert davomida maqomning turli yo‘nalishlariga mansub asarlar, milliy kuy va qo‘shiqlar ijro etildi. Maqom san’atining nozik jilolari, ijrochilik madaniyati va xalqona ruhda yangragan kuylar tomoshabinlarda katta taassurot qoldirdi.

Talaba-yoshlar ushbu boy madaniy meros bilan yaqindan tanishib, san’atning inson ma’naviy hayotidagi o‘rnini yana bir bor chuqur his etdilar. Tadbir ishtirokchilari tomonidan ijrochilarga yuksak e’tirof va qizg‘in olqishlar bildirildi.

Ushbu konsert dasturi Prezident tomonidan ilgari surilgan “Yangi O‘zbekiston – ma’naviyatli jamiyat” tamoyili asosida yoshlarda milliy o‘zlikni anglash, estetik tarbiyani kuchaytirish yo‘lidagi muhim qadamlardan biri bo‘ldi.

🏛 Yangiliklardan xabardor bo‘lish uchun kanalimizni kuzatib boring!
🟦 Telegram 🟦 Facebook 🟦 Instagram 🟦 YouTube

Andijon davlat pedagogika institutida giyohvandlikka qarshi profilaktik tadbirlar o‘tkazildi

Bugun, 22-aprel kuni Andijon davlat pedagogika instituti Aniq va tabiiy fanlar fakultetida yoshlar orasida sog‘lom turmush tarzini targ‘ib qilish, giyohvand vositalarining noqonuniy aylanishiga qarshi kurashish hamda bu illatning salbiy oqibatlari haqida tushuncha berish maqsadida profilaktik tadbir tashkil etildi.

Tadbirda institut profilaktika inspektori B.Qodirov, fakultet dekan o‘rinbosarlari va tyutorlar ishtirok etib, talabalar bilan ochiq muloqot shaklida suhbatlar olib borildi. Unda giyohvandlikning inson salomatligiga, jamiyatga va kelajak avlod tarbiyasiga salbiy ta’siri haqida atroflicha ma’lumotlar berildi.

Shuningdek, mavjud qonunchilikda belgilangan jazolar, narkotik vositalar bilan bog‘liq jinoyatlarning oqibatlari hamda ularning oldini olishda yoshlarning faol ishtiroki muhimligi alohida ta’kidlandi.

Ushbu tadbir yoshlar orasida huquqiy ong va madaniyatni oshirish, ularni yot g‘oyalardan asrashga qaratilgan tizimli ishlarning bir qismi sifatida tashkil etildi.

🏛 Yangiliklardan xabardor bo‘lish uchun kanalimizni kuzatib boring!
🟦 Telegram 🟦 Facebook 🟦 Instagram 🟦 YouTube

Andijon davlat pedagogika institutida “Rektor kubogi – 2025” futbol musobaqasining 1/8 final bahslari boshlandi

Andijon davlat pedagogika institutida talabalar orasida sog‘lom turmush tarzini targ‘ib qilish va ularning jismoniy faolligini oshirish maqsadida tashkil etilgan “Rektor kubogi – 2025” futbol turnirining guruh bosqichi yakuniga yetdi. 22-aprel kuni musobaqaning 1/8 final bosqichidagi dastlabki o‘yinlari bo‘lib o‘tdi.

Turnir ishtirokchilari va tomoshabinlar uchun qiziqarli kechayotgan bahslarda jamoalar pley-off bosqichiga chiqish uchun kurashmoqda.

🏛 Yangiliklardan xabardor bo‘lish uchun kanalimizni kuzatib boring!
🟦 Telegram 🟦 Facebook 🟦 Instagram 🟦 YouTube