Sog‘lom turmush — barqaror taraqqiyot omili

Shavkat Mirziyoyev raisligida jismoniy tarbiya va sport sohasidagi ustuvor vazifalarga bag‘ishlab o‘tkazilgan videoselektor yig‘ilishida belgilangan topshiriqlar ijrosini ta’minlash maqsadida Andijon davlat pedagogika institutida har haftaning seshanba kuni “Sport kuni” etib belgilandi.

Ushbu kun doirasida professor-o‘qituvchilar hamda ishchi-xodimlar o‘rtasida sog‘lom turmush tarzini keng targ‘ib etish, jamoaviylikni mustahkamlash hamda jismoniy faollikni oshirishga qaratilgan qator tadbirlar tizimli yo‘lga qo‘yilmoqda.

Xususan, bugun erta tongdan institut jamoasi ishtirokida tonggi badantarbiya mashg‘ulotlari yuqori kayfiyatda tashkil etildi. Mazkur mashg‘ulotlar sog‘lom turmush tarzini shakllantirishda muhim ahamiyat kasb etadi.

Mutaxassislar ta’kidlashicha, tonggi badantarbiya inson organizmi uchun bir qator ijobiy ta’sirlarni ta’minlaydi. Jumladan, ertalabki jismoniy mashqlar qon aylanish tizimini faollashtiradi, yurak-qon tomir faoliyatini mustahkamlaydi hamda organizmni kun davomida faol ishlashga tayyorlaydi. Shuningdek, muntazam badantarbiya moddalar almashinuvini tezlashtirib, ortiqcha vaznning oldini olishga xizmat qiladi.

Bundan tashqari, tonggi mashg‘ulotlar asab tizimiga ijobiy ta’sir ko‘rsatib, stress va charchoqni kamaytiradi, kayfiyatni ko‘taradi hamda ish unumdorligini oshiradi. Eng muhimi, bunday mashg‘ulotlar insonda intizom va irodani shakllantirib, sog‘lom turmush tarzini kundalik odatga aylantirishga zamin yaratadi.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

“Sport kuni” – sog‘lom hayot sari dadil qadam

Shavkat Mirziyoyev tomonidan ilgari surilgan sog‘lom turmush tarzini keng targ‘ib etish hamda jismoniy faollikni oshirishga qaratilgan tashabbuslar Andijon davlat pedagogika institutida izchil davom ettirilmoqda.

Ayni paytda institutda “Sport kuni” doirasidagi tadbirlar qizg‘in ruhda davom etmoqda. Professor-o‘qituvchilar darsdan tashqari vaqtlarida kun davomida turli sport mashg‘ulotlari bilan faol shug‘ullanib, sog‘lom turmush tarziga sodiqlik namunasini ko‘rsatmoqdalar.

Xususan, stol tennisi, voleybol, yengil atletika, krossfit mashg‘ulotlari, shuningdek, shaxmat va shashka kabi intellektual sport turlari hamda gimnastika mashqlari pedagog xodimlar tomonidan katta qiziqish bilan o‘tkazilmoqda. Mazkur jarayonlar nafaqat jismoniy chiniqishni ta’minlab, balki jamoada sog‘lom raqobat muhitini shakllantirishga xizmat qilmoqda.

Sport mashg‘ulotlari davomida ishtirokchilar o‘rtasida hamjihatlik, jamoaviylik va o‘zaro hurmat tamoyillari mustahkamlanib, sog‘lom muhit qaror topmoqda. Bu esa o‘z navbatida ta’lim jarayonida ham ijobiy natijalar berib, pedagoglarning ish samaradorligini oshirishga xizmat qilmoqda.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

“Sport kuni” – sog‘lom hayot sari dadil qadam

Shavkat Mirziyoyev tomonidan ilgari surilgan sog‘lom turmush tarzini keng targ‘ib etish hamda jismoniy faollikni oshirishga qaratilgan tashabbuslar Andijon davlat pedagogika institutida izchil davom ettirilmoqda.

Ayni paytda institutda “Sport kuni” doirasidagi tadbirlar qizg‘in ruhda davom etmoqda. Professor-o‘qituvchilar darsdan tashqari vaqtlarida kun davomida turli sport mashg‘ulotlari bilan faol shug‘ullanib, sog‘lom turmush tarziga sodiqlik namunasini ko‘rsatmoqdalar.

Xususan, stol tennisi, voleybol, yengil atletika, krossfit mashg‘ulotlari, shuningdek, shaxmat va shashka kabi intellektual sport turlari hamda gimnastika mashqlari pedagog xodimlar tomonidan katta qiziqish bilan o‘tkazilmoqda. Mazkur jarayonlar nafaqat jismoniy chiniqishni ta’minlab, balki jamoada sog‘lom raqobat muhitini shakllantirishga xizmat qilmoqda.

Sport mashg‘ulotlari davomida ishtirokchilar o‘rtasida hamjihatlik, jamoaviylik va o‘zaro hurmat tamoyillari mustahkamlanib, sog‘lom muhit qaror topmoqda. Bu esa o‘z navbatida ta’lim jarayonida ham ijobiy natijalar berib, pedagoglarning ish samaradorligini oshirishga xizmat qilmoqda.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube