“Yangi O‘zbekiston talabalari olimpiadasi” doirasida sport musobaqalari davom etmoqda

Andijon davlat pedagogika institutida yurtimizda ilk bor o‘tkazilayotgan “Yangi O‘zbekiston talabalari olimpiadasi” doirasida sport musobaqalari yuqori saviyada tashkil etilmoqda.

Mazkur sport tadbiri yoshlar o‘rtasida sog‘lom turmush tarzini targ‘ib etish, ularning jismoniy faolligini oshirish hamda sportga bo‘lgan qiziqishini yanada kuchaytirish maqsadida o‘tkazildi.

Musobaqalarda talabalar voleybol va gandbol kabi sport turlari bo‘yicha o‘zaro kuch sinashib, g‘oliblik uchun murosasiz va qizg‘in bahslarda ishtirok etdilar.

Bellashuvlar davomida ishtirokchilarning sport mahorati, jamoaviy hamjihatligi va g‘alabaga bo‘lgan intilishi yaqqol namoyon bo‘ldi. Har bir sport turi bo‘yicha yuqori natija qayd etgan jamoa va ishtirokchilar keyingi bosqichga yo'l oladi.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

ADPI delegatsiyasi Samarqandga sayohat qilmoqda

Andijon davlat pedagogika institutining faol va iqtidorli talabalari hamda professor-o'qituvchilari uchun Samarqand shahriga ma’naviy-ma’rifiy sayohat tashkil etildi.

Sayohat davomida talabalar yurtimizning boy tarixiy-madaniy merosini o‘zida mujassam etgan muqaddas va qadimiy maskanlarda bo‘ldilar. Jumladan, ular Imom al-Buxoriy majmuasi, Shohi Zinda majmuasi, Go‘ri Amir maqbarasi hamda Registon ansambli kabi tarixiy-me’moriy obidalarni ziyorat qildilar.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

Andijon davlat pedagogika institutida rektorlik soati o‘tkazildi

Andijon davlat pedagogika institutida rektor huzurida navbatdagi rektorlik soati yig‘ilishi o‘tkazildi.

Unda institut prorektorlari, bo‘lim boshliqlari, fakultet dekanlari hamda kafedra mudirlari ishtirok etdilar.

Yig‘ilish davomida qator muhim masalalar atroflicha muhokama qilindi. Jumladan, soliqlar va kommunal to‘lovlar bo‘yicha qarzdorliklarning to‘lanish holati, ta’lim yo‘nalishlarini xalqaro akkreditatsiyadan o‘tkazish hamda milliy reytinglarda munosib o‘rin egallash masalalari, haftaning payshanba kuni doirasida o‘tkazilayotgan “Yoshlar kuni” tadbirlarini samarali tashkil etish, ijro intizomini mustahkamlash masalalari ko‘rib chiqildi.

Shuningdek, kun tartibidagi boshqa dolzarb masalalar yuzasidan mas’ullarga tegishli topshiriq va ko‘rsatmalar berildi.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube

“Talabalar ligasi” sport musobaqalari davom etmoqda

Yurtimizda keng ko‘lamda o‘tkazilayotgan “Talabalar ligasi” sport musobaqalari doirasida futzal bo‘yicha navbatdagi bellashuvlar bo‘lib o‘tdi.

Mazkur uchrashuvda Andijon davlat pedagogika instituti jamoasi Andijon qishloq xo‘jaligi va agrotexnologiyalar instituti jamoasi bilan o‘zaro bahs olib bordi. Qizg‘in va murosasiz kechgan o‘yinda ADPI jamoasi ustunlikni qo‘lga kiritib, g‘alabaga erishdi.

Bellashuv davomida jamoaning jipsligi, tezkorligi va yuqori sport mahorati yaqqol namoyon bo‘ldi. Ushbu g‘alaba talaba-yoshlarning sportga bo‘lgan qiziqishi va intilishlari ortib borayotganidan dalolat beradi.

🟦Rasmiy sahifalarimizni kuzatib boring
🟦 Telegram 🟦 Facebook 🟦 Instagram 🟦 YouTube