#Adliya_xabari

Adliya vazirligi ishchi guruhi Forish tumanining “Osmonsoy” mahallasi “yettiligi” bilan uchrashib, Farmon boʻyicha “mahalla yettiligi” va adliya boʻlimining hamkorlikda amalga oshirayotgan vazifalari muhokama qilindi.

Vazirlik masʼullari adliya boʻlimi faoliyati bilan ham yaqindan tanishdi. Viloyatning eng yirik tumanlaridan boʻlgan ushbu hudud aholisi bilan huquqiy targʻibot tadbirlarini samarali tashkil etish, “Huquqiy axborot kuni” va “Adliya kuni” loyihalarini qay tartibda amalga oshirish lozimligi haqida tushunchalar berildi.

Uyma-uy yurgan holda aholi holidan xabar olindi, kundalik hayotda uchraydigan muammolarga huquqiy tushuntirishlar berildi.

@adliyangiliklari

#Adliya_xabari

Bulungʻur tumani “Oqtepa” mahallasida “Adliya kuni” tadbiri oʻtkazildi. Tadbir doirasida Samarqand viloyat adliya boshqarmasi boshligʻi S.Sattorov va Adliya vazirligi boshqarma boshligʻi N.Parpixo‘jayev tomonidan “Oqtepa”, “Qoʻngʻirot”, “Zarafshon” va “Gulobod” mahallasi aholisi uchun sayyor qabul oʻtkazildi.

Sayyor qabulda fuqarolarning 20 ga yaqin huquqiy muammolari qabul qilindi, 10 dan ortiq davlat xizmatlari koʻrsatildi, xususiy amaliyot bilan shugʻullanuvchi notarius, advokat tomonidan fuqarolarga bepul huquqiy maslahat berildi.

Shuningdek, tadbir doirasida huquqiy muammosi mavjud boʻlgan fuqarolarga uyma-uy yurish orqali huquqiy yordam berish choralari koʻrildi.

Jumladan, “Oqtepa” mahallasida yashovchi fuqaro Shavkat Islomov tushunmovchilik sabab bitta xonadoniga ikkita kadastr hujjati rasmiylashtirilganligini aniqlangani, ushbu masalani qonuniy hal qilib berishni soʻradi. Bu masala tuman adliya boʻlimiga koʻrib chiqish uchun biriktirildi.

@adliyangiliklari

#Adliya_xabari

Ayni kunlarda adliya vaziri oʻrinbosari X.Meliyev Sirdaryo viloyatida xizmat safarida boʻlib turibdi.

Vazir oʻrinbosari dastlab mahalla binolarida oʻrnatilgan infokiosklar orqali fuqarolarga koʻrsatilayotgan davlat xizmatlarining natijadorligi bilan tanishish maqsadida Xovos tumanidagi “Xovosobod” mahallasiga bordi.

Qoʻshni Tojikiston Respublikasi bilan chegaradosh ushbu hudud tuman markazidan 10 km uzoqda joylashgan. Mahalla binosiga oʻrnatilgan infokiosk davlat xizmatlaridan foydalanishda aholiga har tomonlama qulaylik yaratmoqda.

X.Meliyev ushbu qurilmadan foydalanishning afzalliklari haqida toʻxtalib oʻtdi. Shundan soʻng “mahalla yettiligi” faoliyati bilan tanishib, mavjud masalalar, faoliyatda duch kelinayotgan muammolar tahlil qilindi. Muloqotda aholining huquqiy muammolarini aniqlash, mahallalarda “Adliya kuni”, “Huquqiy targʻibot kuni” tadbirlarini tashkil etish orqali fuqarolarning huquqiy muammolarini bartaraf etishga koʻmaklashish yuzasidan zarur tavsiya va koʻrsatmalar berildi.

@adliyangiliklari

#Adliya_xabari

Navoiyda huquqiy masalalar manzilli oʻrganilmoqda

Adliya vazirligi masʼullari Navoiy viloyatida boʻlib turibdi. Bu yerda fuqarolarning huquqiy masalalari, aholiga koʻrsatilayotgan huquqiy xizmat sifati manzilli oʻrganilmoqda. Shu maqsadda Xatirchi va Nurota tumanlarida istiqomat qilayotgan fuqarolarning yashash sharoiti, huquqiy muammolari bilan yaqindan tanishildi.

Nurota tumani oʻzining turizm salohiyati, Nurota kashtalari bilan tanilgan boʻlsa, Xatirchi tumani uzumlari bilan elda mashhur. Nurota tumanida bugungi kunda 89 500 nafar aholi 31 ta mahalla mavjud, Xatirchi tumanida esa fuqarolar soni 200 mingdan ortiq, mahallalar 70 taga yetadi.

Har ikkala hududda ham aholining daromadi asosan chorvachilik va qishloq xo‘jaligidan. Bandlik, kadastr hujjatlarini rasmiylashtirish, uy-joy taʼmiri, aliment undiruvi umumiy masalalar sirasiga kiradi.

Fuqarolar bilan muloqot jarayonida bola puli olish, aliment undiruvi, mehnat munosabatlari, nafaqa tayinlash, notarial harakatlarga oid masalalarda birlamchi yuridik yordam koʻrsatildi.

@adliyangiliklari

#Adliya_xabari

Mirishkorda “Adliya kuni”

“Ma’muriy islohotlar doirasida adliya organlari va muassasalarining mas’uliyatini yanada oshirish hamda ixcham boshqaruv tizimini shakllantirish to‘g‘risida”gi Prezident Farmoni ijrosini ta’minlash maqsadida Adliya vazirligi mas'ullari tomonidan Mirishkor tumanida aholining huquqiy muammolari o‘rganildi.

👉Batafsil

@adliyangiliklari