‹‹አሁንም ድረስ በመሰረተ ልማት እጦት እየተሰቃየን ነው›› የኮሪደር ልማት ተነሺዎች

👉 ችግሩ ሙሉ በሙሉ ተፈቷል ለማለት አንደፍርም- የለሚ ኩራ ክ/ከተማ ዋና ስራ አስፈጻሚ

ሐሙስ ጥቅምት 14 ቀን 2017(አዲስ ማለዳ)የአዲስ አበባ ከተማ አስተዳደር በአራዳ ክፍለ ከተማ በፒያሳ እና አራት ኪሎ አካባቢዎች ይኖሩ የነበሩ ነዋሪዎች በኮሊደር ልማቱ ምክንያት ከቀድሞ የመኖሪያ መንደራቸው መነሳታቸው ይታወቃል፡፡

በመሆኑም ተለዋጭ ቤቶች እና ቦታዎችን በእጣ በማቅረብ በወጣላቸው እጣ መሰረት በለሚ ኩራ ክ/ከተማ ለልማት ተነሽዎቹ መኖሪያ ቦታን አስረክቧል፡፡

ለሙሉ ዘገባ፡ https://addismaleda.com/archives/39389

የ2017 ዓ.ም የዩኒቨርሲቲ ምደባ ይፋ ሆነ

ሐሙስ ጥቅምት 14 ቀን 2017(አዲስ ማለዳ) በ2016 ዓ.ም የ12ኛ ክፍል ማጠቃለያ አገር አቀፍ ፈተና ወስደው በመደበኛው ፕሮግራም ለትምህርት ሚኒስቴር ተጠሪ በሆኑ የመንግሥት ከፍተኛ ትምህርት ተቋማት ትምህርታቸውን ለመከታተል የሚያስችል የማለፊያ ውጤት ያስመዘገቡ ተማሪዎች የተቋም ምደባ ይፋ ሆኗል።

ተማሪዎች አማራጭ ድረ-ገጾችን ተጠቅመው ምደባቸውን ማየት እንደሚችሉ ትምህርት ሚኒስቴር ገልጿል።

ለሙሉ ዘገባ፡ https://addismaleda.com/archives/39397

“የኦሮሚኛ ቋንቋ ቤተመንግስት ለምን ገባ ብለው የሚከነክናቸው ሰዎች አሉ፡፡ አንዳንድ ጊዜ የጠቅላይ ሚኒስትር አብይ ዘመንን ሳስበው ከልጅ እያሱ ዘመን ጋር ይመሳሰልብኛል፡፡” አዲስ ማለዳ ከአንጋፋው ፖለቲከኛ አቶ ቀጄላ መርዳሳ ጋር ያደረገችውን  ክፍል 2 ቃለምልልስ ከስር ባለው መስፈንጠሪያ ተጠቅመው ይከታተሉ።

https://youtu.be/gondkDP2tdc

ከታጣቂ ኃይሎች ጋር በውጭ ሀገራት ለመገናኘት ሀሳብ ማቅረቡን አገራዊ የምክክር ኮሚሽን አስታወቀ

አርብ ጥቅምት 15 ቀን 2017(አዲስ ማለዳ) የምክክር ኮሚሽኑ ኮሚሽነር ፕሮፌሰር መስፍን አርአያ እንዳሉት የታጠቁ ኃይሎች እና ራሳቸውን ከምክክሩ ያገለሉ ፓርቲዎችን እንዲሳተፉ ለማድረግ ጥረቶች እየተደረጉ ነው።

"የታጠቁ ሀይሎችን እስካሁን ገጽ ለገጽ ወይም በቀጥታ አግኝተን አነጋግረናቸው አናውቅም ያሉት ኮሚሽነሩ የፖለቲካ ጥያቄ አቅርበው በምክክሩ እንዲሳተፉ በተለያየ መንገድ ጥሪ አድርገናል፤ ለድህንታቸው ሙሉ ዋስትና እንደምንሰጥ ከዛም አልፎ በውጭ ሀገራት ተገናኝተን ሀሳባቸውን እንዲያቀርቡ ሁኔታዎችን ለማመቻቸት ፈቃደኛ መሆናችንን ገልጸናል ሲሉ ከዚህ በፊት የተደረገውን ጥረት አንስተዋል።

ከግጭት እና ጦርነት ያተረፍነው እንግልትና ስቃይ ነው ያሉት ፕሮፌሰር መስፍን እኛ የማደራደር ሀላፊነት ባይኖረንም ግጭቶች የሚፈቱበትን መንገድ የመቀየስ ስራ ግን እንሰራለን ብለዋል፡፡

አቶ ታዲዮስ ታንቱ የ6 ዓመት ከ3ወር ጽኑ እስራትና የገንዘብ ቅጣት ተጣለባቸው

አርብ ጥቅምት 15 ቀን 2017(አዲስ ማለዳ) የጥላቻ ንግግር ማሰራጨት እና ግጭት መቀስቀስ ወንጀል የተከሰሱትን አቶ ታዲዮስ ታንቱ በ6 ዓመት ከ3 ወራት ጽኑ እስራትና በገንዘብ ተቀጡ።

የፌደራል ከፍተኛ ፍርድ ቤት ልደታ ምድብ የህገ-መንግስትና ህገ መንግስታዊ ጉዳዮች ወንጀል ችሎት አቶ ታዲዮስ ታንቱን በተከሰሱበትና ጥፋተኝነት በተባሉባቸው 3 ክሶች ነው የጽኑ እስራትና የገንዘብ ቅጣት የጣለባቸው።

አቶ ታዲዮስ ታንቱ ሰኔ 20 ቀን 2014 ዓ.ም የጥላቻ ንግግር በማሰራጨት እና የእርስ በርስ ግጭት መቀስቀስ ወንጀል ፈጽመዋል ተብለው በፍትህ ሚኒስቴር በተደራጁና ድንበር ተሻጋሪ ጉዳዮች ዐቃቤ ሕግ በኩል ተደራራቢ አራት ክሶች ቀርቦባቸው እንደነበር ይታወሳል።

ዐቃቤ ሕግ ባቀረበው አንደኛው ክስ ላይ እንዳመላክተው በ1996 ዓ.ም የወጣውን የወንጀል ህግ አንቀጽ 32/(1)ሀ እና አንቀጽ 257/ሀ ስር የተደነገገውን በመተላለፍ ግንቦት 11 ቀን እና በመጋቢት 22 ቀን 2014 ዓ.ም እና በተለያዩ የዩቲዩብ ቻናሎች ህዝባዊ አመጽ መቀስቀስ ወንጀል የሚል ነው።

በ2ኛ ክስ በተመለከተ ደግሞ የጥላቻ ንግግርንና ሀሰተኛ መረጃን ስርጭትን ለመከላከልና ለመቆጣጠር የወጣውን አዋጅ ቁ 1185/2012 አንቀጽ 4 እና 7/4 በመተላለፍ ታህሳስ 3 ቀን 2014 ዓ.ም በአንድ የዩቲዩብ ቻናል ሀሰተኛ መረጃ አሰራጭተዋል የሚል ክስ በዐቃቤ ሕግ ክስ ቀርቦባቸው ነበር።

በ3ኛ ክስ ደግሞ የወንጀል ህግ ከንቀጽ 32 /1ሀ ና አንቀጽ 337 በመተላለፍ የመከላከያ ሰራዊትን እቅስቃሴን ለማሰናከልና የመከላከል አደጋ እንዲደርስ ለማድረግ በማሰብ ሀሰተኛ ወሬ በመንዛት ቅስቀሳ ማድረግ ወንጀል የተከሰሱ ሲሆን በ4ኛ ክስ የኮምፒዩተር ወንጀል አዋጅ ቁ 958/2008 አንቀጽ 14 በመተላለፍ ህዝባዊ አመጽ እንዲፈጠር ቀስቃሽ መልዕክት በድምጽና በተቀሳቃሽ ምስል ተሰራጭቷል የሚል ክስ ቀርቦባቸው እንደነበር ይታወሳል።

ፍርድ ቤቱም የ6 ልጆች አባት መሆናቸውንና የ70 ዓመት አዛውንት መሆናቸውን ከግምት ውስጥ አስገብቶ ሁለት የቅጣት ማቅለያ በመያዝ በዕርከን 24 መሰረት በ6 ዓመት ከ3 ወራት ጽኑ እስራትና በ20 ሺህ ብር የገንዘብ መቀጮ እንዲቀጡ ወስኗል።

ባለሃብቱ አቶ መቅደስ አክሊሉ ፍርድ ቤት ቀረቡ

ዓርብ ጥቅምት 15 ቀን 2017(አዲስ ማለዳ) ላለፉት ሶስት ቀናት በጸጥታ ሃይሎች ተይዘው የነበሩበት ያልታወቀው ባለሀብቱ አቶ መቅደስ አክሊሉ ዛሬ ፍርድ ቤት መቅረባቸው ተገልጧል፡፡

አቶ መቅደስ የአቢሲኒያ ባንክ ዋና ባለ ድርሻ ሲሆኑ ለምን በቁጥጥር ስር እንደዋሉ የታወቀ ነገር አለመኖሩ የተነገረ ሲሆን ዛሬ ፍርድ ቤት ቀርበው የ13 ቀን የጊዜ ቀጠሮ እንደተሰጠባቸውም ታውቋል::

"የድጎማ ፖለቲካ ፖርቲዎችን መፍጠር ማቆም አለብን" ሲል ምርጫ ቦርድ አስታወቀ

ቅዳሜ ጥቅምት 16 ቀን 2017 (አዲስ ማለዳ) በመንግሥት ድጎማ ላይ ተንጠልጥሎ ፖርቲ መመስረት መቆም አለበት ሲል የኢትዮጵያ ብሔራዊ ምርጫ ቦርድ አስታውቋል፡፡

ቦርዱ ይህን ያለው በቅርቡ ያደረገዉን አገልግሎት ክፍያ ማሻሻያ አስመልክቶ በሰጠው መግለጫ ነው፡፡

"በኢትዮጵያ የመድብለ ፖርቲ ምስረታ ከተጀመረበት 1984 ዓ.ም በመንግሥት ድጋፍ ላይ ተንጠልጥሎ ቆይቷል" ያለው ቦርዱ በዚህም ፖርቲዎች በመንግሥት ድጎማ ላይ ተንጠልጥለዉ የቆዩ መሆናቸውን እና "የመንግሥት የገንዘብ ድጋፍ ዓላማዉ ተጨማሪ ድጋፍ ሰጥቶ ፖርቲዎች ከፍ የሚሉበት እንጂ፤ የሥራ መፍጠሪያ አይደለም" ብሏል፡፡

የቦርዱ ምክትል ሰብሳቢ የሆኑት አቶ ውብሸት አየለ "የድጎማ ፖለቲከኛ አንድ ቦታ ላይ መቆም ይኖርበታል" ሲሉ አዲስ ለሚመጡ ፓርቲዎች አሳስበዋል፡፡

የኢትዮጲያ ምርጫ ቦርድ አዲስ የሚመሰረቱ የፖለቲካ ፓርቲዎች ከዚህ በፊት የሙሉ ዕዉቅና ለማግኘት ሲከፍሉ የነበረዉን 2 መቶ ብር ወደ 30 ሺሕ ከፍ ማድረጉን ምርጫ ቦርድ ማስታወቁ ይታወሳል፡፡

‹‹የኮሪደር ልማት ግንባታና የትራፊክ ፍሰት መጨናነቅ ለእንግልት እየዳረገን ነው›› ነዋሪዎች

‹‹የኮሪደር ግንባታው ሙሉ በሙሉ ሲጠናቀቅ ብቻ ነው ችግሩ መፈታት የሚችለው›› መምሪያው

ሰኞ ጥቅምት 18 ቀን 2017(አዲስ ማለዳ) በአዲስ አበባ ከተማ በተለያዩ አካባቢዎች ላይ የኮሪደር ልማት ግንባታ እየተካሄደ ይገኛል በመሆኑም በመንገድ ዳርቻዎች ላይ የሚካሄደው ግንባታ የትራፊክ ፍሰት መጨናነቁን መጨመሩ ተገልጻል፡፡

በአንደኛ እና ሁለተኛ ዙር የግንባታ ሂደት የቀጠለው የኮሪደር ልማት አስቀድሞ ከነበረው የመንገድ መጨናነቅ እና የትራፊክ ፍሰት እጅግ እንደጨመረ እና ተሸከርካሪዎችም ሆኑ ትራንስፖርት ተጠቃሚዎች ካሰቡበት ቦታ ለመድረስ አማራጭ መንገዶችን ቢጠቀሙም ችግሩ እየባሰ እንጂ እየተፈታ እንዳልሄደ ይናገራሉ፡፡

በሰዓት ወደ ስራ ገበታ መግባትም ሆነ ተማሪዎች ወደ ትምህርት ቤት ለመሄድ በመንገድ ላይ የሚያጋጥመው የትራፊክ መጨናነቅ ቀደም ብሎም ቢሆን ዋነኛ ችግር የነበረውን የአዲስ አበባ የትራንስፖርት ጉዳይ ጥያቄ ውስጥ ከቶታል ይላሉ፡፡

አማራጭ መንገዶች ለተሸከርካሪዎች ክፍት ቢደረጉም የመንገዱ እና የተሽከርካሪው ብዛት አለመመጣጠኑ መጨናነቁን ሊያስተካክል አለመቻሉም በምሬት የሚገልጹት እነዚሁ ቅሬታ አቅራቢዎች እኔ ነኝ የሚል ተጠሪ አካል ለጉዳዩ ትክክለኛና አፋጣን ምላሽ እየሰጠ አይደለም ብለዋል፡፡

በተመሳሳይ በዛየሚሉ አሽከርካሪዎች “አቋራጭ መንገድ ነው የምንጠቀመው በታሪፍ ዋጋ አያዋጣንም” በማለት የዋጋ ጭማሪ እያደርጉ ነው በማለት ገልጸዋል፡፡
አዲስ ማለዳ ያነጋገረቻቸው የአዲስ አበባ ፖሊስ ትራፊክ ቁጥጥር መምሪያ የትራፊክ ሙያ እና ህዝብ ግንዛቤ ዲቪዥን ሀላፊ ኢንስፔክተር ሰለሞን ለገሰ በአሁን ሰዓት በግንባታ ሂደት ላይ የሚገኘው የከተማ ልማት ከተለመደው ውጪ የትራፊክ ፍሰት መጨናነቅን አስከትሏል ብለዋል፡፡

በአጠቃላይ መጨናነቁን እና አደጋውን ለመቀነስ እየተሰራ እንደሆነ እና አማራጭ መንገዶችን እንዲጠቀሙ ክፍት በማድረግ እንዲሁም ግንባታ በሚካሄድባቸው ቦታዎች በትኩረት እየተሰራ መሆኑ የገለጹት ኢንስፔክተር ሰለሞን የኮሪደር ልማቱን በፍጥነት በመጨረስ ወደ መደበኛው የትራፊክ እንቅስቃሴ መግባት ዋነኛ መፍትሄ እንደሆነም ነው ያነሱት፡፡

“በኢትዮጵያ ታሪክ ከኦሮሞ ማህበረሰብ አንድ መሪ ወጥቶ ወደ ቤተመንግስት እና ወደ ፊት ሲመጣ ግርግር መፍጠር አዲስ አይደለም፡፡ ዘመነ መሳፍንትን የፈጠረው የኦሮሞ ቤተ መንግስት መግባት ነው፡፡ ኦሮሞን ተረኛ የሚሉት በጥላቻ ነው“
አዲስ ማለዳ ከአንጋፋው ፖለቲከኛ አቶ ቀጄላ መርዳሳ ጋር ያደረገችውን የመጨረሻ ክፍል ቃለ-ምልልስ ከስር ባለው መስፈንጠሪያ ተጠቅመው ይከታተሉ።

https://youtu.be/LQUJn733Jto?si=L7DmDjdZEA5rzf8W