#ТАВАЛЛУД

Бугун 10-апрел, миллатимиз ойдинларидан бири бўлган адиб, жадид бобомиз Абдулла Қодирий таваллуд топган кун...

Ҳар гал Абдулла Қодирийнинг суратларига кўзим тушар экан, ғамгин нигоҳда фақат ўксикликни кўраман, Аллоҳ раҳматига олган бўлсин...

https://t.me/Adabiyot_olami

“…Ҳар - лаҳзада тайёрсиз жангга,
Сиз ёққан чўғ олар алангга.
Асли душман сизсиз Ватанга,
Қодирийни сотган одамлар…”

© Абдувоҳид Сувонов шеъри
🎤 Динора Ғолиб қизи ўқиди
https://t.me/Adabiyot_olami

Агар Қодирийни, яқиндан билганлар сотмаганида, Москвада турганлар Қодирийни қаёқдан биларди дейсиз?!

Сизга лаънат бўлсин сотқинлар...

ҚОДИРИЙНИ СОТГАН ОДАМЛАР

Миллатим деб ўтдилар бобом,
Миллат учун қўйган қадамлар.
Сизни дея кетдилар бобом,
Қодирийни сотган одамлар.

Сабабмиди «Ўткан Кунлар»и,
Мотам бўлди кетган кунлари.
Қандай отди сўнгги тонглари?
Қодирийни сотган одамлар.

Иймон борми айтинг-чи, сизда,
Чоҳ қазийсиз тик қараб кўзга,
Юрагингиз ўралган музга,
Қодирийни сотган одамлар.

Охиратда бор сизга сўроқ,
Аросатдан оласиз сабоқ.
Меҳробдаги Чаёнсиз, бироқ,
Қодирийни сотган одамлар.

Воситачи бўлиб ишлайсиз,
Мулозамат қилиб хушлайсиз,
Ҳайвонмисиз, жавоб бермайсиз?
Қодирийни сотган одамлар.

Ҳар - лаҳзада тайёрсиз жангга,
Сиз ёққан чўғ олар алангга.
Асли душман сизсиз Ватанга,
Қодирийни сотган одамлар.

Буюкдирсиз, номдор маддоҳсиз,
Лаганбардор, осий, гумроҳсиз.
Миллатимиз шаънига доғсиз,
Қодирийни сотган одамлар.

Дунё сиздан кўрди ранж - алам,
Ер ютсайди “Ҳомид”ларни ҳам,
Кечирмайди Яратган эгам,
Қодирийни сотган одамлар.

Қодирийни ОТГАН одамлар!

© Абдувоҳид Сувонов
https://t.me/Adabiyot_olami

АҲВОЛИМИЗ

Кўр бизнинг аҳволимиз, ғафлатда қандай ётамиз,
Жойи келган чоғида виждонни пулға сотамиз.

Ўғлимизға на адаб, на фан, на яхши сўйламак,
На худони буйруғи булган улум ўрготамиз.

Коримиз шундан иборат бўлди ушбу вақтда,
Ўнтадин бедона боқиб ёзу қиш сайротамиз.

Ҳамда ҳар кун такяларда наша кўкнори чекиб,
Баччаға кокил солиб, оҳ-воҳ ила ўйнотамиз.

Қаримиз, боёнимиз, балки бу вақт оқвондамиз,
Ногаҳон кўрсак агар бир бесоқолни қотамиз.

Ўртадан чиқса агар миллатни яхши суйгучи,
Биз ани даҳрий санаб, тўфангча бирла отамиз.

Келингиз ёшлар, зиёлилар бу кун ғайрат қилинг,
Ухлаганларни агар қодир эсак уйғотамиз.

© Абдулла Қодирий
1915 йил
http://t.me/Adabiyot_olami

Одамлар чиндан кўра ёлғонга тезроқ ишонади. Бу дунёнинг ўзида ростдан кўра ёлғон кўпроқ бўлса, нима қилсин...

© Ўткир Ҳошимов
https://t.me/Adabiyot_olami

ЭШИГИНГДАН ЎТАМАН…

Куз ёйса ҳам йўлларга хазон,
Қор кўмса ҳам борлиқни бутун,
Кўклам келиб, урса ҳам хандон,
Эшигингдан ўтаман бир кун.

Сочларингга тушса ҳамки оқ,
Пешонангни босса ҳам ажин,
Кирганда ҳам гавдангга титроқ,
Эшигингдан ўтаман бир кун.

Майли, шунда танимасанг ҳам,
Ёки десанг кўрмайин турқин,
Ёшим ютиб, бошим қилиб хам,
Эшигингдан ўтаман бир кун.

Мени демай юмсанг ҳам кўзинг,
Хонанг қолса зулматга тутқун,
Хотирангга шам бўлиб ўзим,
Эшигингдан ўтаман бир кун.

Вақтим ўтиб чиқса бу жоним,
Дардларимга ясалса якун,
Бу дунёни тарк этар оним
Эшигингдан ўтаман бир кун.

© Омон Матжон
https://t.me/Adabiyot_olami

МУҲАББАТ

Муҳаббат – чиройли капалак,
Қўрқаман шўрликни тутгани.
Капалак қувганим ёдимда,
Ёдимда йўқ аммо етганим.

Юрагим ранжиган боладай,
На эрмак, таскинга кўнади.
Муҳаббат – чиройли капалак,
Ҳали ҳам гулларга қўнади.

Ортидан ҳаллослаб чопаман,
Хижолат бўламан, ғўрликдан.
Қанчалик югурмай барибир,
Орқада қолардим шўрликдан...

© Шавкат Раҳмон
https://t.me/Adabiyot_olami

ОДАМЛАР НИМА ДЕРКИН?

Қўлдан кетмиш ихтиёр,
Бу дунёда ким эркин?
Қарғиш урган бир гап бор:
“Одамлар нима деркин?”

Онам ўшандан қўрқар,
Отам ухлолмай чиқар,
Менинг кўнглимни сиқар:
“Одамлар нима деркин?”

Гап-сўзларга йўқ мажол,
Юролмайман бемалол,
Йўлим тўсар бир савол:
“Одамлар нима деркин?”

Андуҳлардан дил тилим,
Боққа кетдик, юр, Гулим.
Жовдирайди севгилим:
“Одамлар нима деркин?”

Қўшним тўй деб тўймайди,
Янги кий, деб қўймайди,
Ўзгармасам бўлмайди,
Одамлар нима деркин?

Камбағални бой қилган,
Қўлларини лой қилган,
Ҳолимизни вой қилган –
“Одамлар нима деркин?”

2008
© Беҳзод Фазлиддин
https://t.me/Adabiyot_olami

​Ҳар биримиз жуда яхши биламизки, биз ўз яқин кишиларимизга нисбатан бегона кишиларга хушмуомала муносабатда бўламиз.

©️ Дейл Карнеги
https://t.me/Adabiyot_olami

​Ёлғизликнинг яхши томони шундаки, сени ташлаб кетиши мумкин бўлган одамнинг ўзи бўлмайди.

©️ Эрих Мария Ремарк
https://t.me/Adabiyot_olami

ҲИРГОЙИ

Ҳаммамиз қуёшда куйган жиззамиз,
қачон тиз чўкувдик, ҳамон иззамиз,
сирқираб оғрийди шишган тиззамиз,
ўриндан озгина турсак майлиму?

Ўтганлар бари бек, қолган жавдирар,
гардинда кўринмас ғуллар шалдирар,
меҳнатдан ёрилган қўллар қалтирар,
ўз беким ерида юрсак майлиму?

Насимлар гулламиш озод тоғларда,
озодлик муждаси сўлу соғларда,
боболар қийналиб тиккан боғларда
ағанаб бир хаёл сурсак майлиму?

Неча минг аллома, жўмардлар ўлган,
тафаккур сасиган, руҳлари сўлган,
уруғлар айниган тап-тақир чўлда
ўз беким давлатин қурсак майлиму?

Юз эллик йилдирки мана шу ҳолат,
ҳануз давом этар маккор тижорат,
билмадим, қаердан ушбу жаҳолат,
нега сиз бўлмайсиз сира хижолат?..

Нега мен сўрайман сиздан ижозат?!

© Шавкат Раҳмон
https://t.me/Adabiyot_olami

​​Хотира шундай туйғуки сукут билан ҳам кўзингни ёшлатади...

©️ Стефан Свейг
https://t.me/Adabiyot_olami

ТАБРИКНОМА

Қўнғироқлар бўлди, таваллуд кунда,
Мактублар ёзибон, хуш этди кимлар.
Ғариб кулбамизга меҳмонлар келди,
Бир - биридан юксак илиқ табриклар.

Юз одам, хат ёзиб қўйди чамамда,
Қирқ етти кишидан бўлди қўнғироқ.
Ўттиз беш қардошим йўқлаб келганда,
Битта сен йўқламай - куйдирдинг, бироқ.

Негадир менда бир интиқлик фақат,
Ҳар сония қўнғироқ қиларсан дея.
Нотаниш рақамдан севиндим ғоят,
Оқибатсиз чиқдинг...
                                    Аллоҳ кифоя!

Ортиқча совғага муҳтожлигим йўқ,
Битта гул, бир китоб, биргина соат.
Наҳот мен шуларга арзимас эдим?
Қандай меҳрсизлик, шуми муҳаббат?!

Илгари ҳам табриклар ёғиларди хўп,
Парвойим фаллакка бўзламасди кеч.
У пайтлар йўқ эдинг, хаёлимда ҳам,
Бу - исён!
Бу ҳислар бўлмаганди ҳеч!

Тун яримлаб қолган, кетиб меҳмонлар,
Бир қўнғироқ бўлди, бермадим жавоб.
Ўн тўққиз соатга муштоқ кутганинг,
Сўнгги соатларда қилмас деб, савоб.

Туйғулар боши берк кўчада санғир,
Мендан йироқ кет эй,
Кетгин тош бағир...

© Абдувоҳид Сувонов
2025
https://t.me/Adabiyot_olami

© Абдувоҳид Сувонов шеъри
🎤 Нилуфар Ботирбоевна
https://t.me/Adabiyot_olami

БОРГАН САРИ

Бизга баҳор бегонадур борган сари,
Кўнглимиз ҳам вайронадур борган сари.

Шодон елиб юрар эдик авваллари
Энди умр ғамхонадур борган сари.

Толиқдими яшамоқдан жисму-жоним,
Тан ичра дард пинҳонадур борган сари.

Шифо истаб чиқсам манзил-маконлара
Топар жойим хилхонадур борган сари.

Дўсту-ёр ҳам йироқлашиб секин-секин,
Адоватлар хуфёнадур борган сари.

Изланаман, йиғланаман, руҳим туяр,
Ёлғиз худо ҳамхонадур борган сари.

Шошдан кетар бўлса Чоршамъ борар ери,
Бухоро-ю, Фарғонадур борган сари.

© Чоршам Рўзиев
https://t.me/Adabiyot_olami