MARTES 16 | CONCERTO PARASITE JAZZ (FR)
21:00h | Doazón: 8-12€
Aforo limitado
Reservas: reservas@acefala.org

Parasite Jazz é un proxecto mutante formado a partires de sesións de improvisación nas que xogan percusións varias, sintetizadores, trompeta, violín, ocarinas, cordas, samples e voces procesadas. O seu album debut, Parasite Jazz (Groovedge Records, 2023) combina grabacións de estudio e directos, movéndose maxistralmente entre estilos tan diversos coma o dub, o jazz, a musica psicodélica e o folk ruidoso.
Veñen de colaborar con artistas que xa estiveron por Acéfala coma Luna (Fiesta en El Vacío) e mais recentemente Zen (Radio Hito).
Estarán presentando o seu último disco, que podes escoitar aqui:

https://disquesdelaspirale.bandcamp.com/album/ii

Non hai plan mellor para un martes de xuño, imposible.
Reserva a tua entrada escribindo a reservas@acefala.org

CULTO CARNE
XOVES 18 XUÑO 21H
DOAZÓN 8-10€ reservas@acefala.org

O Culto busca abrir na realidade unha ferida. Oculta na ferida vibra a Carne anticipándose. O Culto fende a terra coma un túnel sen luz ao final.

Nun encontro singular, música, poesía e ilustración conflúen para explorar ese espazo onde o corpo, a materia e a escuridade se confunden.

Esta proposta nace do diálogo entre dous proxectos:

Cult of Auspex, música experimental de Bruno Mosquera que, desde un setup sinxelo, case minimalista, foxe de convencionalismos técnicos para acadar texturas escuras e industriais, sons inquietantes e samples esnaquizados ata transcenderen a un plano emocional.

Mundo Carne, poemario de Branca Trigo ilustrado por Octavia Russo, amalgama o individual e o colectivo mediante a construción dun arquivo ficcional de seres incompletos cuxos corpos, vulnerables en rosa sobre un fondo negro, convidan a quen observa a entrar.

Unha celebración da ferida, da transformación e da Carne.

ESPABILA + MÁGICO ELOY (debuxo en directo)
DOMINGO 21 XUÑO 13:00H
DOAZÓN 3-11€
Aforo limitado
Reservas:reservas@acefala.org

Domingo de sesión vermú xunto a @espabilaoficial e ao seu carón estará @magicoeloy dándolle unha nota de cor (literalmente) ao concerto.

Espabila é un proxecto musical en galego que bebe dos recursos do pop máis actuais e os adereza cun toque de folk. O seu estilo e carisma sobre o escenario fixoos colleitar, en moi pouco tempo, a un bo número de fieis seguidores que os siguen por bares, festivais, salas de concertos e festividades de toda Galicia.

Vai ser a súa primeira vez tocando na Coruña.

Agardámosvos!

SÁBADO 20 | CONCERTO LE DIABLE DÉGOÛTANT + PAOLO TECON
21:00h | Doazón: 8-12€
Aforo limitado
Reservas: reservas@acefala.org

Cancións para facer bailar os ratos, con ruidos fermentados e ritmos ctónicos. Le Diable Dégoûtant (Finistère, Bretagne) manexa sintetizadores e sons concretos que dan forma a cancións en occitan e francés, remitindo tanto ao repertorio tradicional coma a historias íntimas. Ten publicado dous LPs co selo Aguirre e Glarc-La Repiblique des Granges. O seu terceiro LP acaba de ser editado polo selo Les Oreilles de Saturne, e podes escoitalo eiquí:

https://fougeremusique.bandcamp.com/album/du-formol-orgonal

Paolo Tecon é un cantautor sumerxido na pura tradición di varietà italiana, que nunca terminou de creer na sua propia estrela pese a dispor dunha gran inhabilidade comercial. Saiu do espelho de Luigi Tenco e atopou a Dalida nunha noite Sanremasca do 67. Dende entón, adícase a compor cancións íntimas con conciencia social e con influencias da cold-wave, a musica industrial e as baladas mais soñadoras. Paolo mostra unha gran afición polos traballos de Pasolini, Sacher-Masoch, Dalida… e Alaska!

Podes escoitar a sus musica eiqui:

https://kakakidsrecords.bandcamp.com/album/coulis-de-framboise

Reserva a tua entrada escribindo a reservas@acefala.org

PROXECCIÓN E CONVERSATORIO
DIGITAL DETENTION. FOR-PROFIT SURVEILLANCE OF MIGRANTS IN THE USA
Mércores 1 de xullo | 19:30 h
De balde

Proxección do documental dirixido e producido por Carolina Sánchez Boe, seguida dun coloquio coa autora.

Digital Detention revela a industria da vixilancia con ánimo de lucro das persoas migrantes nos Estados Unidos, onde dispositivos GPS e tecnoloxías de recoñecemento facial converten ás persoas migrantes e solicitantes de asilo en obxecto de control e beneficio económico.

O filme aborda os impactos persoais e sociais destas tecnoloxías a través de historias de persoas solicitantes de asilo en Austin (Texas).

No coloquio participará Carolina S. Boe, antropóloga e socióloga especializada en confinamento, vixilancia, deportación e políticas migratorias. Tamén intervirán investigadoras e investigadores de Brasil, Colombia, Francia, Italia e España para conversar sobre fronteiras e control migratorio desde unha perspectiva global.

Colaboran: Proxectos MultipLex e Expulsões.

17-23.30h | Doazón: 15€
Aforo limitado
Reservas: reservas@acefala.org

Este sábado festexamos o noso quinto aniversario! Ademais xa temos lista unha edición limitadísima de camisetas serigrafiadas para a ocasión.
🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊🎉🎊
Aquí vos deixamos a info da programación e a das artistas que nos van a acompañar (sentimos que Mani maniquí finalmente non poderán estar).

17:00-18:00 DJs Acefala
18:00-19:00 Sofi Peries
19:00-19:30 Espello Sonoro
19:30-20:30 Planete Sauvage
20:30-21:30 Jean Fixx
21:30-23:30 Karaoke

SOFI PERIES

Con letras introspectivas e producións que combinan texturas etéreas, percusións frenéticas e unha sensibilidade especial pola diversidade humana, Sofi Peries constrúe un universo propio onde a vulnerabilidade se converte en forza creativa. A súa obra inspírase na exploración do ser humano, o autodescubrimiento e a súa sensibilidade emocional.

ESPELLO SONORO

Apropiarse do cotián supón un esforzo. Apañar soños coma quen apaña nabizas nun prado onde todo é verdor, co sentido da vista agudizado para distinguir tonalidades, e á vez mecanicamente, custa moito caro. O que non eras quen de verbalizar busca un oco entre os pregos da noite. Agora deitas sobre o mesado as palabras que fuches macerando. Sonche moi escollidas.

PLANÈTE SAUVAGE

Cando non se sente ben a pel na que habitamos, cando queremos fuxir do xugo normativo, do cansazo, da algoritmia e do infinito contido… Aí nace Planète Sauvage. Con Darío Pérez á guitarra eléctrica, vocoder e voz, xunto a Cecilia Burillo (violoncelo, sintetizador e voz) compartimos co público unha viaxe para todo aquel que queira atopar ese refuxio tamén, onde convivan a visceral obra da creatividade humana e os novos conceptos e tempos que corren.

JËAN FIXX

Jëan Fixx presenta HINDSIGHT, un exercicio retrospectivo da memoria rave e a identidade sonora. Deconstruindo e reconfigurando os linguaxes da pista de baile que o formaron, dende o Techno e Electro con toques industriais ata o EBM, Electroclash e o Synthpop, filtrados a través dunha mirada contemporánea, psicodélica e emocionalmente intensa.

❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥❤️‍🔥

Fainos moita ilusión celebrar este aniversario coas amigas de Acéfala, con toda a xente que leva anos pasando por esta casa, e tamén coa que está por chegar, facendo dela un lugar vivo e lembrándonos que paga a pena seguir abrindo espazos como este.

Acéfala en Ortigueira
25 de xullo a partir das 20h

ADRIÁN DE ALFONSO
FOTOCOPIA
IRENE IVANKOVÀ
MATAR XENTE
SALMIAK
SEVERINE BEATA
WIL.HELM dj set

Entrada a doazón e acampada libre
Detalles en info@acefala.org

Estamos encantadas de que nos convidaran a trasladarnos, por un día, a un lugar moi especial e máxico en Ortigueira, con artistas e amigas queridas! Será un evento inesquecible nun refuxio agochado entre a brisa salgada do Atlántico e bosques de árbores centenarias, onde o tempo parece deterse deixando espazo para a escoita e os bailes compartidos. Un encontro coa música e coa natureza para festexar facendo comunidade.

Adrián de Alfonso abre un diálogo entre lugares, presenzas e a difusión colectiva posible entre eles. Presentaranos o seu último álbum, *Viator*, mediante unha performance interactiva de carácter semi-instalativo que incorpora transmisores de FM, radios e voz. Anímase @s asistentes a traer as súas propias radios para participar na difusión da performance.

Fotocopia é unha descarga sónica que abraza o post-punk, a experimentación electrónica e a actitude máis visceral do lo-fi. Destaca pola súa brutal honestidade e intensa posta en escena, ritmos deconstruídos e melodías que crean unha atmosfera densa, escura e profundamente aditiva.

Irene Ivankovà deleitaranos, por primeira vez, cun concerto semi-acústico de zanfona e voz dedicado ás terras de Ortegal que a recibiron en Galicia.

Matar xente conforma unha proposta ambiental pero sen ligaduras e sempre en perezosa evolución. Unha mestura atmosférica e introspectiva con sons melancólicos deseñados, en palabras do propio autor "para xente con problemas sen resolver”.

Salmiak usan bases escuras e pesadas como sustrato permanente. Ruído lacerante e mutante como liña de fuga improvisada. A vida é un eterno conflito entre permanencia e cambio para este dúo de industrial/noise rock coa misión de reflectir o mundo na súa música e desfogar a raiba e a tristeza que nacen del.

Severine Beata ofreceranos a súa electrónica en vivo con sintetizadores, ambient aventureiro, idm folklórico, motetes medievais e ciencia ficción con paxaros.

Pecharemos a noite cun DJ set de wil.helm, alter ego de @willy.the.squid que abandona o eclecticismo para centrarse en sons máis industriais, escuros e mecánicos.

VENRES 17 / PENSAMENTOS SILVESTRES, MÚSICA E POESÍA QUE DEEEEEEESVARÍA

20:00h / Doazón: 8-10€
Aforo limitado
Reservas: reservas@acéfala.org

Este venres a poesía entra en Acéfala para mecernos co latexo dun bosque, do ceo, da vida! ✨🦋

Musicalizamos letras propias e escollidas, xogamos cas palabras que viaxan a través de nós, rebuscamos nos libros vellos poemas que aínda teñen algo por dicir 📖 Viaxamos por diferentes realidades! 🌈

Nun aroma de delirio, atópanse a guitarra, o violín e o xilófono de xoguete para cantar ao absurdo, e contar coa tenrura dunha flor silvestre a tolemia de estar vivas 🍄

E para despois do bolo...queda o MICRO ABERTO, trae poema, canción, relato...que che gustaría partillar 🌛

Reserva a túa entrada escribindo a reservas@acefala.org

Esta tarde ás 20:30 teremos a Néboa presentando dunha maneira moi especial o seu último álbum Barco Fantasma.

Botarannos uns contos, cantarannos uns temas e terán á venda unhas cantas copias.

Non faltedes!

VENRES 31 | GIULIO ERASMUS (UK/BEL)
21:00h | Doazón: 6-10€
Aforo limitado
Reservas: reservas@acefala.org

A música de Giulio oscila entre os murmullos inintelixibles, a cancións e a colaxe sonora, todo feito coa idea de manter os procesos simples. Mistura-se post-punk, dub, funk nunha combinación explosiva e envolvente… Difícil de etiquetar. Giulio estará en Acéfala en formato dúo. Podes escoitar a sua música en solitario aquí:

https://mangelrecords.bandcamp.com/album/second-attempt

E tamén aqui xunto ao quinteto “The End of the Worm”, editado polo selo Disques de la Spirale (Parasite Jazz, Natura Morta):

https://disquesdelaspirale.bandcamp.com/album/hard-sell

Reserva a tua entrada escribindo a reservas@acefala.org

CONCERTO MR. DIAGONAL
SÁBADO 1 AGOSTO | 21H
Doazón: 8–10 €
reservas@acefala.org

Mr. Diagonal é o alter ego de Daniel Barbenel, músico e artista escénico nacido en Glasgow e afincado entre Bélxica e Escocia. Cun estilo único que mestura piano, teatro, humor surrealista e canción de autor, crea un universo tan elegante como imprevisible.

Comparado con The Divine Comedy, Kurt Weill ou Danny Elfman, o seu directo transita entre o cabaré, o music hall e o pop teatral, con historias cheas de ironía, personaxes imposibles e unha posta en escena magnética.

Un concerto diferente, divertido e poético, deses que non se esquecen.

https://blacklightorchestra.bandcamp.com/music

Reserva a tua entrada escribindo a reservas@acefala.org