إعلان إلى طلاب المتميزين ونظام التسريع
السلام عليكم ورحمة الله وبركاته،
أهلاً بكم من جديد.
قبل أي شيء، نحن نعرف أنكم طلاب جادون، وأن وقتكم ثمين، ولهذا بالضبط قررنا أن نبدأ من جديد بشكل مختلف.
أعدنا هيكلة هذه القناة بالكامل. تم مسح جميع المنشورات السابقة، وأُغلق خيار التعليقات تحت المنشورات، وكل هذا بهدف واحد وهو أن تجدوا في هذه القناة ما يخدمكم فعلاً دون تشتيت أو ضجيج.
إذا كان عندكم أي سؤال أو احتجتم شي، لا تترددوا في مراسلتنا مباشرة من خلال خيار مراسلة القناة الموجود في الزاوية السفلية اليسرى. راح نقرا كل رسالة تصلنا ونردّ عليها، أسئلوا دائما مهما كان السؤال سخيف بنظرك لعله يكون أهم سؤال يقودك للنجاح.
هدفنا من هذه القناة بسيط وواضح، نريد أن نوفر لكم كل ما تحتاجونه من مواد وملفات، وأن نساعدكم على استثمار وقتكم بأفضل طريقة ممكنة. لأن الفرق بين طالب يجتاز الاختبار وطالب يتفوق فيه لا يكمن دائماً في الذكاء، بل في كيفية إدارة الوقت والتحضير الصحيح.
نتمنى أن تكون هذه القناة بالنسبة لكم أكثر من مجرد مصدر للملفات، بل مساحة تشعرون فيها بأن هناك من يفهم ما تمرون به ويسير معكم خطوة بخطوة حتى تصلوا إلى النتيجة التي تستحقونها.
نتمنى لكم التوفيق، وإلى الأمام.

شبابنا الابطال حاليا المكتبة فارغة بس انضموا الها علمود توصلون مباشره للملفات الجديدة اول ماتنشر

وطبعا طلاب الدفعات القادمة راح تصير بيها امور تعجبكم
رابط المكتبة

طبعا شفت ان نظام التسريع ماكو اي اهتمام اله من 2022 من كنت طالب تسريع لحد هسه لهذا راح نحاول نحل كل المشاكل ومن ضمنها:
 
·       تصحيح جميع أخطاء كتاب فيليب كارتر وتحويله لخط واضح ومريح وقابل للطباعة
·       مسح الأسئلة الجانبية واستبدالها بأسئلة تخدم اختبار التسريع فعلاً
·       ملفات تبني أساسيات الذكاء من الصفر
·       اختبارات تجريبية على نمط الوزارة الحقيقي
·       ملف وزاريات مخصص لكل مرحلة على حدة

راح اخليكم تعتمدون على هاي القناة بشكل كلي ونوفرلكم عناء البحث سواء عن دورات او عن شلون تدرسون او ملفات وانتوا بس مطلوب منكم توفرون كل وقتكم للدراسة وترفعون راسكم وراس اهلكم🤍

وصح! لاتنسون اي شي تحتاجوا او فكرة تريدون تقترحوها تكدرون تتواصلون ويانا من خلال زر التواصل الموجود بالزاوية السفلى من اليسار وابد لاتترددون بالمشاركة.

هذا اول ملف بالمكتبة, اختبار الذكاء لسنة 2022 لكن بعد ماعدنا ترتيبه وغطينا على الاسئلة الي بيها نقص وبنهايته الاجوبة

استنسخوا وجربوا تحلوا (انطوا لنفسكم 20 ل 30 دقيقة) مو تقرون الاجوبة مباشرة!

للعلم سؤال 6 جان من الاسئلة المخادعة, مو صعب لكن مخادع وتقريبا كل الطلاب بوقتها حلوه غلط

ركزوه عليه عدل لان هيج انماط التسريع، يخليكم تجاوبون بسرعة بدون تركيز ف تطلع نص اجوبتكم غلط

واكو بعد سؤال ثاني بس ماراح اذكره لان حتعرفون حله اول ماانبهكم، جربوا حلوا بنفسكم وشوفوا

السلام عليكم ابطالنا

مبروك على اكمال الامتحانات وإن شاء الله يوم التأهل والنجاح🤍

اي سؤال تتذكروا من ذكاء او تحصيلي اكتبوا النا هنا @Tasrie_ss_bot
وحبذا لو تكتبون هذا السؤال اجه لأي مرحلة (الخامس ابتدائي او الثاني متوسط او الخامس علمي) واذا تحبون اذكروا اسمكم بنهاية الاسئلة الي تذكروها علمود نخليها بخانة المساهمين بملف اسئلة الذكاء الوزارية

خلوا رسالتكم بهذا الشكل:

(اسم المرحلة الدراسية)
(ذكاء او تحصيلي (اذكر اسم المادة اذا كان تحصيلي)
الاسئلة: ____
(اسم الطالب الثلاثي لو يحب ينذكر كـ مساهم)