والله لو تكفخ كما يكفخ الطير
‏نصيبك يصيبك ولا لك بديله

‏لو ياقفون الناس دونه طوابير
‏يجي لك المكتوب والا تجيله

‏- ابن جدلان

ما يستشك يا حسين كود الرديين
ولا ترى الطيب وسيعٍ بطانه

ما على الدنيا ضمير مستريح

ودي أطلع في خلا نجد وأفك الزرار
وأصدح بصوتي وأغني على واحد اثنين

يالله يا والي على كل والي
‏يا خير من يُدعى لكشف الجليلة

‏يا فارج الشدة بضيق الحوالي
‏افرج لعبدك يا منجِّي خليله

‏وحيد ما لي غير ظلك ظلالي
‏ذليل ما لي غير عزَّك وسيلة

‏يا راحم ارحم شيبتي وانخذالي
‏يا جابر اجبر عثرتي والفشيلة

‏قضيت من مخلوق محدٍ بقى لي
‏إلا أنت يا اللي ما يخلي عميله

يا فزعة المضيوم منشي الخيالي
‏يا فارج الشدَّات لو هي ثقيلة

‏افرج لمن بالحبس دونه رجالي
‏وأبواب وأقفال وحصونٍ طويلة

‏في وسط دبابٍ وحيدٍ لحالي
‏مظلم، ولا أدري وش نهاره وليله

‏الطف وناظر يا الولي في سؤالي
‏لا تواخذن فيما مضى من فعيلة

‏أطلبك تقبل توبتي عن خمالي
‏وأطلبك.. عني كل كربٍ تزيله

والله ما أخلي الطيب وانكس على الردى
والأموال عارية والأعمار فانية
راشد الخلاوي

يا طول ما وسدت راسي كتادة
من خوفتي يعتاد لين الوسايد
فمن عود العين الرقاد تعودت
ومن عود العين المساري تعاود
راشد الخلاوي

"الله أكبر، الله أكبر، الله أكبر، لا إله إلا الله، الله أكبر، الله أكبر، ولله الحمد"

"كان ابن عمر وأبو هريرة - رضي الله عنهما- يخرجان إلى السوق يكبران ويكبر الناس بتكبيرهما"

ريحه مثل ريح النفل في شعيبه
في خايعٍ علّه من الوسم تشعيب
ممطورٍ أمس وممسيٍ ما وطي به
واليوم شمس وفاح طيبٍ على طيب

أعز ما أملك في حياتي علوي
وأشد ما أكره بالحياة الدناوه

توي علي تنزيلة الراس توي
راسي عنيد ولا براسي فضاوة

ماهمني قطو بشارع يموي
ولو تمتلي كل الشوارع قطاوة

فرحان قيران

عنتر بن هذال :

‏رمتني بسهمٍ فكان السهم رنانا
‏فوطّيت راسي فمر السهم من هانا

‏إن العيون التي في طرفها حورٌ
‏ودت عيال الحمايل في خبر كانا

‏يا من هواه أعزه وأذلني
‏ما هو بحقٍ تولعنا وتنسانا

‏لا تحسبن المجد تمرا أنت اكله
‏لن تبلغ المجد حتى يجيك ما جانا 😂

ما يرجع الفايت كثير الحسوفات
‏ ولا يحيي الميت عيونٌ بكت له

البرد ما هو برد عرعر ولا الجوف
ولا تبوك الثلج وجبال حايل
البرد برد القلب في داخل الجوف
لا حال بين المحبين حايل

استميل لعزلتي وأبعد ولا عندي سبايب
‏غير حبّي للهدوء اللي عن اللجة مبدّا

‏في مكان ٍ ما يمرّه غير ذعذاع الهبايب
‏كل ما يطرق ضلوعي قلت هذي وصفة الدّاء

‏الخلا الخالي حبيبي كان باقي لي حبايب
‏عقب خلّيت الحسايف من معاليقي تغدّا

‏خاطري سامح وقلبي عن جميع الناس طايب
‏أكثر اللي كان طيّب .. تالي أيامه تردّا

الزين من زانت معاني حكاياه
ما هو بمن زانت معالم رسومه
أ. م

اغبط تقيٍ صار زوده بتقواه
‏عبدٍ لصوت الحق يرخي سموعه

‏يفرح بصوت منادي الحق لا اوحاه
‏عجل على المسجد بطيٍّ ركوعه

بندر بن سرور

ارسم لنفسك حدودٍ لا تعداها
‏من حط نفسه بدرب الضيق يحرجها

يالله برزق ما صعق دونه الباب
‏ولا وقف قطّاع الأرزاق دونه
أ. م