❗️“Eng yaxshi oliy ta’lim ixtirochisi” respublika tanloviga arizalar qabuli boshlandi!

Innovatsion rivojlanish agentligi oliy ta’lim muassasalari professor-o‘qituvchilari va talabalari o‘rtasida ixtirochilik faoliyatini qo‘llab-quvvatlash maqsadida mazkur tanlovni e’lon qiladi.

📋 Tanlovning asosiy shartlari va talablari:

🔹 davlat oliy ta’lim muassasalarida faoliyat yuritayotgan professor-o‘qituvchilar va tahsil olayotgan talabalar;
🔹 talabgor aniq bir ixtiroga yoki foydali modelga ega bo‘lishi lozim. Ilgari ushbu tanlovda qatnashgan loyihalar qayta qabul qilinmaydi;
🔹 sun’iy intellekt, IT, muhandislik, qayta ishlash, tabiiy fanlar, ekologiya, qishloq xo‘jaligi, sog‘liqni saqlash, arxitektura va transport logistikasi;
🔹 tanlov uch bosqichda (OTM ichki saralashi — Hududiy bosqich — Respublika bosqichi) bo‘lib o‘tadi;
🔹 energotejamkorlik, ekologik tozalik, ijtimoiy ahamiyat, tayyorlik darajasi (maket/prototip), eksportboplik va patent mavjudligi.

Arizalar 2026-yil 11-mayga qadar qabul qilinadi. Saralash bosqichi natijalari eʼlon qilingan kundan boshlab bir kun muddatda g‘olib bo‘lgan talabgorlar arizalarni onlayn ixtiro.ilmiy.uz platformasi orqali hududiy bosqichga yuboradilar.

Muhim: Platformaning majburiy (*) kataklari to‘ldirilmagan yoki muallif bo‘lmagan shaxslar tomonidan yuborilgan arizalar ko‘rib chiqilmaydi. Ma’lumotlarning haqqoniyligi uchun loyiha rahbari shaxsan javobgar.

📞 Ma’lumot uchun: +998-71-203-32-23 (ichki raqam: 244).


👉 @abrorhamza 👈

❗️Qulaylik: Endilikda elchixona qabuliga onlayn navbat olsangiz bo‘ladi

Xorijda yashayotgan yoki vaqtincha bo‘lib turgan vatandoshlarimiz uchun my.gov.uz portalida juda muhim qulaylik mavjud. Endi konsullik xizmatlaridan foydalanishda soatlab navbat kutish shart emas!

Ilgari elchixonaga borib navbat kutilgan bo‘lsa, endi barchasini onlayn hal qilish mumkin.

3 ta qadamda elchixona qabuliga yoziling:

1️⃣ my.gov.uz portaliga kiring va “Elchixona (konsullik) qabuliga yozilish” xizmatini tanlang;

2️⃣ Sizga kerakli bo‘lgan konsullik okrugini va xizmat turini belgilang;

3️⃣ Taqvimdan o‘zingizga mos bo‘sh kun va soatni tanlab, navbat varaqasini oling.

Muhim: Qabulga yozilish xizmati mutlaqo bepul.

✅ Xorijda bo‘lsangiz ham masofadan turib vaqtingizni tejang va davlat xizmatlaridan onlayn foydalaning!


👉 @abrorhamza 👈

✈️ Buxoro shahrida qurilayotgan yangi aeroport qanday ko’rinishda bo’lishi namoyish qilindi

Prezident Shavkat Mirziyoyev kecha yangi aeroport loyihasi bilan tanishdi.

Aeroport va unga tutash infratuzilmani barpo etish uchun shahar tashqarisidan jami 370 gektar yer maydoni ajratilgan.

Loyiha doirasida aeroportga olib boruvchi avtomobil yoʻli ham qurilmoqda. Uning umumiy uzunligi 23,8 kilometrni tashkil etib, shundan 2,7 kilometri mutlaqo yangi yoʻl, 21,1 kilometri esa rekonstruksiya qilinadi.

Shuningdek, yoʻl boʻyida 2 ta yoʻl oʻtkazgich, 9 ta yerosti piyodalar oʻtish joyi va 8 ta koʻprik barpo etilishi nazarda tutilgan.

Loyihaga koʻra, yangi aeroportda uzunligi 3,3 kilometr boʻlgan, barcha turdagi havo kemalarini qabul qilish imkoniga ega uchish-qoʻnish yoʻlagi, shuningdek, soatiga 1 ming 200 nafar yoʻlovchiga xizmat koʻrsatish quvvatiga ega aerovokzal majmuasi quriladi.


👉 @abrorhamza 👈

Uzoq kutilgan oliy ta’lim tizimidagi tarixiy hujjat…


👉 @abrorhamza 👈

🇰🇿Qozog’iston Prezidenti Qosim-Jo‘mart To‘qayev:

“Toza havo borasidagi tashabbusingizni alohida qo‘llab-quvvatlamoqchiman. Toshkentning ekologik ahvoli yuzasidan xavotirlaringizga to‘la sherikman.

Bizda, Olmaotada ham vaziyat juda murakkab. Afsuski, Olmaota dunyoning eng ifloslangan yirik shaharlari ro‘yxatiga kirdi va zudlik bilan chora ko‘rish zarur.

Shu bois, agar e’tirozingiz bo‘lmasa, bugun prezidentlar homiyligida ikki mamlakat hukumatlari ijrosida “Toza havo” tashabbusini birgalikda amalga oshirishni taklif qilgan bo‘lardik.

O‘ylaymanki, davlatlarimiz jamoatchiligi va xalqaro hamjamiyat buni ijobiy qabul qiladi. Darhaqiqat, ushbu tashabbus doirasida juda ko‘p ishlarni amalga oshirish mumkin.

Bu mahalliy hokimiyat organlarini ham, tadbirkorlarni ham ekologiya va umuman tabiatni muhofaza qilishda mas’uliyatliroq bo‘lishga undaydi”.

👉 @abrorhamza 👈

❗️“PhD va DSc’landiya”: Soqqasini berib “olim” bo‘layotganlar haqida achchiq haqiqat

O‘zbekiston ilm-fanining haqiqiy darg‘asi, Fanlar akademiyasi prezidenti, O‘zbekiston Qahramoni, akademik Shavkat Ayupov “Jadid” tahririyatiga bergan intervyularida bugungi kunning eng og‘riqli nuqtalaridan biriga to‘xtalibdilar.

Ustozning gaplarini eshitib, vijdonli inson borki, hijolatdan yerga qaraydi. Shu paytgacha hech kim bu mavzuda botinib gapira olmagandi.


👉 @abrorhamza 👈

🇺🇿🇰🇿O’zbekiston va Qozog’iston yetakchilari Buxoroning qadimiy yodgorliklari – Ark qoʻrgʻoni, Poi Kalon va Labi Hovuz ansambllarini ziyorat qilishdi.


👉 @abrorhamza 👈

❓Chet tili birinchi fan bo‘lgan yo‘nalishlarga qabulda sertifikat talabi bormi? #abituriyent

✅ JAVOB: Ha, fanlar majmuasida chet tili birinchi fan etib belgilangan ta’lim yo‘nalishlariga qabul kamida B1 darajadagi milliy yoki xalqaro tan olingan sertifikat asosida amalga oshiriladi.

Sertifikat mavjud bo‘lsa: B1 daraja uchun chet tilidan maksimal ballning 75 foizi, B2 va undan yuqori daraja uchun maksimal ball beriladi.

https://t.me/abrorhamza/5871


👉 @abrorhamza 👈

❗️Maksimal ball beruvchi chet tili sertifikatlari #abituriyent

Bakalavriat ta’lim yo‘nalishlariga hujjat topshirgan va belgilangan darajadagi milliy yoki xalqaro sertifikatga ega abituriyentlarga chet tili fanidan imtihonlarsiz maksimal ball beriladi.

⬇️ Tillar va talab etiladigan darajalar bo‘yicha batafsil:

🇬🇧 Ingliz tili:

• Milliy sertifikat — B2 va undan yuqori;
• International English Language Testing System — Academic IELTS 5.5;
• Test of English as a Foreign Language — TOEFL iBT 72;
• Cambridge English Qualifications — B2 First, C1 Advanced, C2 Proficiency.

🇯🇵 Yapon tili:

• Milliy sertifikat bo‘yicha — B2 va undan yuqori.

🇩🇪 Nemis tili:

• Milliy sertifikat yoki Goethe-Zertifikat, Deutsches Sprachdiplom (DSD), Test Deutsch als Fremdsprache (TestDaF) tizimlari bo‘yicha — B2 va undan yuqori.

🇫🇷 Fransuz tili:

• Milliy sertifikat bo‘yicha — B2 va undan yuqori.

🌍 Boshqa tillar:

• Milliy sertifikat yoki xalqaro imtihon tizimlari bo‘yicha — B2 va undan yuqori.

Eslatma: Ushbu imtiyoz test sinovlari (yoki kasbiy/ijodiy imtihon) majmuasiga chet tili fani kiritilgan barcha yo‘nalishlar uchun amal qiladi.


👉 @abrorhamza 👈

❗️O‘zbekiston musulmonlari idorasi hajga borishda firibgarlardan ogoh bo‘lishga chaqirdi

“Biz ziyoratingiz xavfsiz, ibodatingiz mukammal boʻlishini istaymiz. Shu bois, turli firibgarlarga uchmasdan, davlat koʻmagida tashkil etilayotgan rasmiy va ishonchli haj safarini tanlashni tavsiya etamiz”, deyiladi idora xabarida.

👉 @abrorhamza 👈

❗Oliy taʼlim, fan va innovatsiyalar tizimi “5 T” tamoyili asosida rivojlantiriladi

Prezidentning 2026-yil 10-apreldagi PF–58-son Farmoni qabul qilindi.

Unga koʻra, sohani rivojlantirishda yangi – “5 T” (taʼlim, tarbiya, tadqiqot, tijoratlashtirish va tizimli takomillashtirish) tamoyili joriy etiladi.

Farmon bilan “U 10 – Oʻzbekistonning global darajadagi ilgʻor universitetlari” dasturi yoʻlga qoʻyiladi.

🔬 Innovatsion rivojlanish agentligi tomonidan o‘tkaziladigan tanlov gʻoliblari bo‘lgan 10 ta oliygohga milliy tadqiqot universiteti maqomi beriladi.

💰 Eng muhimi, ilmiy klaster loyihasi 150 milliard soʻmgacha boʻlgan miqdorda moliyalashtiriladi.

📋 Tanlovda ishtirokchilar quyidagi asosiy mezonlar boʻyicha baholanadi:

▪️ loyihaga jalb etilgan professor-oʻqituvchilar va olimlarning salohiyati;
▪️ ishtirokchi oliygohlarning milliy hamda xalqaro reytinglardagi oʻrni;
▪️ oliygohlarning ilmiy va moddiy-texnik bazasi;
▪️ loyihani birgalikda moliyalashtirishdagi qoʻshadigan ulushi.

Tanlov xalqaro miqyosda tan olingan Top 300 reytingga kirgan xorijiy oliy taʼlim tashkilotlari bilan birgalikda oʻtkaziladi.


👉 @abrorhamza 👈

❗️Ta’limni chet tilida bitirganlar uchun magistratura va doktoranturaga qabulda til sertifikati talab etilmaydi

Yangi qabul qilingan Farmonga ko‘ra:

✅ Bakalavriatni xorijiy tilda yakunlagan talabalar magistratura mutaxassisliklari va oliy taʼlimdan keyingi taʼlim ixtisosliklariga hujjat topshirishda xorijiy tilni bilish toʻgʻrisidagi sertifikatni taqdim etishdan ozod etiladi.

Shuningdek, tizimda quyidagi yangiliklar joriy etilmoqda:

➖ “Yangi Oʻzbekiston stipendiyasi” dasturi doirasida har yili 500 nafargacha iqtidorli chet el fuqarosining o‘qish xarajatlari qoplanadi va ularga maxsus stipendiya beriladi;

➖ 2026/2027-oʻquv yilidan boshlab xorijiy talabalar “Study in Uzbekistan” platformasi orqali o‘qishga qabul qilinadi. Qabul tartibini oliygohlarning o‘zi mustaqil belgilaydi;

➖ Oliy taʼlimni rivojlantirish tadqiqotlari markazi negizida Oliy taʼlimni rivojlantirish va global hamkorlik markazi tashkil etiladi.


👉 @abrorhamza 👈

Bu Farmon bo‘yicha yana batafsil ma’lumot olishingiz uchun oliy ta’lim vazirligining @eduuz telegram kanalini kuzatib boring.


👉 @abrorhamza 👈