قصيده للقاسم ع

احظـر زفّتّك يا گــرة العين
ما چان اعله بالي بالميادين
بيك الگلب هايم
يوليدي يجـاسم
يمه ………… يمه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يوليدي اخاف اعليك حته امنالهوه لو مر
احسبلك چنت لحظات تستاهل تعب واسهر
والعدهه ولد معروف طيب من نسل حيدر
تضمه بنص گلبها اينام وتباري لمن يكبر

يا شبل الحسن عن امك اتروح
عرسك ويـن صار وتالي مذبوح
ردتك ترد سالم
يوليدي يجاسم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يوليدي الفرح وينه كلشي مابقى منه
منهو السامع ابعريس من دم منحره اتحنه
بميدان و نبل و رماح وسيوف اليزفنه
آنه امك يبعد الروح تدري بيه شتمنه

كلشـي محَضّـره لجلك و تاني
يالوجهك طلع چن حسن ثاني
ذبحتي الهضايم
يوليدي يجاسم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عمرك ما وصل عشرين بعدك باجمل اسنينك
يمي ودوم انادي اعليك وينك يالولد وينك
لحظه ما غبت عني وعيني تنظر العينك
اذكر چنت اگللك يمته يزفك احسينك

واطفالك على حضني ينامون
نسخه من جمالك هم يطلعون
كون العمر دايم
يوليدي يجاسم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مرعوبه افز بالليل اترك حجرتي واطلع
ادور من تناديني صوتك بالحلم اسمع
ميت شفتك بعيني لاچن گلبي ما يقنع
منتظرك تدگ الباب ويگلي الولد يرجع

وآنه الشفته راسك فوگ الِرماح
شگلّـه و يقتنـع مـا يـرجـع الراح
جـوه الگـاع نايم
يـوليـدي يجاسم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الرايح ابنه يتمنه ما يبقى ويموت اوياه
الله يعينه ويصبره الفاگد سلوته واضناه
يايمه البچي شيفيد لو دم الدمع صباه
يحّدّب من كثر لهموم وين ايدور ويلگاه

هيچ آنــه عليك الضهـر محني
بس انت الوحيد و رحت يبني
دهري اوياي ظالم
يـوليــدي يجـاسم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ظلت ذكريات هـواي گدامي اشوفنهن
حته هدومك بكل يوم يوليدي اطلعهن
اشم عطر الحسن مولاي والزهره امنشمنهن
حلوه ريحة الطيبين والصدري اضمنهن

هيچ اگضي الوكت يا يمه كل يوم
اشتـــم ابعطـركـــم ظــل بالِهـدوم
يا عطر الهواشم
يوليـدي يجاسم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي

نزله للقاسم ع

يا جسام … چنه الحسن ونعومه
يا جسام … يرعب دخل للحومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل ضنهم ازغير وابد ما يگدر
وشعلمه بهاي الحرب كر و فر
تاليهه ذكـرهـم مـواقـف خيبر

جاسم والنعم …  رجفهـه الزلم
لا  مــا ينهزم … خـوفها المنايه
الجده حيدره …  محـد يگـدره
دنيـه و آخره … عاشگ للولايه

يا جسام … يـا يــوم يشبـه يومه
يا جسام …  يرعب دخل للحومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عدوانه رجعو وهوه ظل يتقدم
بچـاهـم اشمحلاتــه مـن يتبسم
راجـل نـزل و بكل عدد ما يهتم

واللي يوصله … بسيفـه يجنـدله
زلـزل كـربلـه …  عن عمه يحامي
ما همه العمر … الـزلمـه مـو كُـبُر
گلهــم افتخر … بالنصره الامامي

يا جسام … بالساحه حلوه علومه
يا جسام … يرعـب دخـل للحومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ادخيل الله من سرفنهن ارداناته
عمـره زغيـر ويـرعـب ابصـولاته
تشبــه لبــو فاضـل بعــد خزراته

متلـثم طلــع ... چـم رگـبه گطـع
والكل انفزع … من هاي الشهامه
زلمه الوحّدّه … فگــره العــانــده
كلهه تناشده … يكشف عن لثامه

يا جسام … بيهـم جلاهـا همـومه
يا جسام …  يرعب دخل للحومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حيّـرهم و بچـه الحـرب بفنـونه
شـال اللثـام و كلهـم ايشوفـونه
انت الحسن لـو منهو يتوسلونه

نـــدري بالحســن … ميت مـن زمن
رد يحمي الضعن ...ما يترك خواته
تشبهلـــه و علــي … صوتـك معتلي
مـن شكلك ولـي …  ياحامل صفاته

يا جسام … شــايلهـه كــل ارســومـه
يا جسام … يــرعــب نــزل للحــومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
گللهم آنـه ابـن الحسن عرفوني
جسام اسمـي و فنكم اتلاگوني
وحسين مـا عوفنه نور اعيوني

هاذ آنه اكبرت … تلميـــــذه صـــرت
منكم ما خفت … گدهه رافع الراس
لـو واحـد گدر … لخيــامـــه عبـــــر
يتـــــوذر وذر … هيبه وعمي عباس

يا جسام … نـــاذر العمـــه ادمــومـه
يا جسام … يــرعــب نـــزل للحـومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يامـه كتــل بيهــم زغيــر السـاده
مـل الجـنود ودور اعــله القـــاده
يــالَ ثـــار الحسن لمـــن نـــــاده

ظل يطبگ طبگ … هـايــم بالعشگ
و اليهــوه صـدگ … حوطهم عجيبه
اختنگت نينــوه ... مــا بيهـه هـــوه
و اعليهــم نـــوه … مـا يتـرك حبيبه

يا جسام …  شايــل الغيــره دومــه
يا جسام … يرعــب دخــل للحومه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي

ميمر لاكبر ع

بيك انفجع گلب حسين
لمــن طحـــت يالاكـــبر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مسرع اجاك الله يكون بعونه
ابلاحيل بالگوه ركب ميمونه
واظّلمّت الدنيه علي بعيونه

من هالخبر … محني الضهر
موقف صعب … گلبه انفطر
من مهـره ذب روحه اعليك
لاچن لگاك اموذر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ناده عله الدنيه العفه من شافك
يا اشـبه الطــه النبـي باوصـافك
مـن العطـش متفطرات اشفافك

يبچي ويون ... فاگد ابن
كلــش تعب … والد يحن
يا ويلي سابح بدماك
مــا ينحمـل هالمنظر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يمسح دمه وجهك يرد يطلع دم
يمـــك گعــــد لــــو قبــلك يتألم
چا روحه طلعت ياعلي من الهم

لا مو سهل … ما ينحمل
فگد الولد … يكتل كتل
كل ما يشم صدرك صاح
يـوليـدي بيـــش اتصـبّر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اصعـب جـرح يـاذي الابـو چلمة آه
بياحاله ويشوف الولد تجري ادماه
يمكن الـف مـوتـه تـره يموت اوياه

آهك صعب … تدمي الگلب
يالاكــــــبر … بنـص الحرب
ابن القلع ذاك الباب
من يحملك ما يگدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يامــه حسبّلك والــدك الـف احساب
انسرن عيونه من صرت اجمل شاب
يكسـر الخاطـر يا علـي بيـك انصاب

كوكب صرت … وابسع غبت
والنصــــرته … مــا قصـــرت
رادك تظل عون اوياه
تانــه لِحــد مـــا تكبر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يبچـــي و يگـــلك عــذبـــت دلالي
رحمه اعله روحك يالحبيب الغالي
بعــدك ولا لحظــه تطيــب احوالي

يا سلـــوتي  ... ويا نخوتي
يبچي الصخر … من ونتي
للباري اشكي الذبحوك
والجدي وامي وحيدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي

شوط كربلائي لعلي الاكبر ع

من طب رجف الميدان يا جيش الذي يگدره
خله الخيل تسحگ خيل واللاحه علي يشطره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خلاها الزلم طشار ليث ونازل الوحده
حيطه وحذر كل ضنهم حيدر حاظر الشده
واهس لنه ما محتار وفنون الحرب عنده

يشبه يا علي الحيدر
راح ايخلص العسكر
بالحملات ابـد ما فر
گالو ميت امنزمان معقوله نفض گبره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
احتارو المن ايسألون عميه اعيون حساده
وگف نصهم حبيب احسين يا جيش الكفر ناده
ماريد الجنود ابساع شعدكم طَلعو من قاده

اتورط بكر ابن غانم
يعرف مـا يرد سالم
قائــد دِفّعته الوادم
ما طوّل گطعله الراس الاكبر مكتسب خبره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
منهو السامع ابفارس يحاصر جيش ما يهتم
وما خاطر عله كل بال شردو وهوه يتقدم
من شافه الگمر عباس سلاماً يا علي سلّم

و گلــه يا بطـــل تگوه
يـرحــولك الــف فدوه
راعي الشيمه والنخوه
وفيت وبعد كفيت لجل حسين بالنصره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا درس العشگ خــلاه جيل الجيل يتسجل
نصيحه الكل شباب الدين لازم من علي يخجل
هنياله الخدم الحسين وبالخدمه طلع اول

باچـر آخــره و حسـاب
مسكيــن الــذي ما تاب
خادم لو صرت يا شاب
يشفعلك علي الاكبر وتگلك هله الزهره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عبره من علي ناخذ وانضحي العمر لحسين
وبهاي المجالس كون واحد ما نصير اثنين
ندري الدنيه بس ايام عليمن بلله مغرورين

عليمن تفرقه و اعناد
وليش انفـرّح الحساد
زحمه من ابو السجاد
ضحه بولده وانصاره كون الموقف انقدره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عهد ننطي العلي الاكبر ابد منعوف هالخدمه
يستاهل يماي العين كلشي يريد اله نقدمه
لحد ما يظهر الموعود اوياه انطالب ابدمه

الضحه بروحه ما ننساه
دنيـــه و آخـــره ويــــاه
و هــذا مأتمـه احظرناه
دخيله سيد الشبان عشگنه اسمه عله الفطره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي

للاكبر ع

عليا وا عليا وا علياه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علـه الاكـبر يشيعه ون الحسين
الشباب المـا تهـنه باحلــه لسنين
تـــوذر يــا حســافــه بالميـــادين
شبيـــه الطــه نــدري يـا مـوالين
يعيــن اللــه ابــوه ابساعـة البين
وگــع و ينادي احظر يـا حسيناه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
دٍمـت گـلــب الحسين الغاضـريـه
اويلي بصدره سحگت خيل اميه
مسيــه المـــا مثلهــه كــل مسيـه
ينـــادي يــا علـي بــويـه شبديـه
أنــــه الگبـــلك تمنــيــت المنــيه
حبيبي گبالي واگع سالت ادماه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يگلــه يــا علــي و نـــور الليالـي
علـى الدنيـا العفــه بعـدك يغالي
اونن والصخر يبچي اعله حالي
تگــول امــك تـأخــر مــا اجالـي
صعب لمن تشوفك هيچي تالي
و بعـــد زينـب تجـــر الآه والآه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يشيعه مـو شخص طايح كتيبه
ذبـح بيهـم ذبــح سيفــه عجيبه
اعينو حسين دگو اعله المصيبه
وابــو فـاضــل يون ويــه حبيبه
يگلــه راح الاكبـــر منيــن اجيبه
كلف ياخويه ابني وحيلي هداه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يشيعـه دگـو حيل و لا تبطلـون
نطاكم دم شبابـه و ما تقصرون
ترخصوله العمر مو دمع العيون
اكيـد الـزهـره تحظر من تنادون
تـدور عالمجالس ويــــن متكون
تـره و كلمن يشارك حاشه تنساه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علي الحب و الوفه وكل المحنه
عمــت عيـــن السيــوف الگطعنه
جمـال اللـه و نبيـه شباقــي منـه
اجـــن امــــه و خـــواتــــه گابلنه
الجــروح اهـــواي ويــــن ايقبلنه
يويلي امنالعطش متفطره شفاه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي

مقدمه ليلة عاشر

من باچر .. يا زينب .. تشوفين
كل اهلچ… عالغبره .. مطاعين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بخيمه وحده يالعقيله نگعد وخل ننجمع
شبعي شوف امنالاحبه ليلة اوداع ودمع
خـويـه الله يعيـن گلبچ بينه لمن ينفجع
باچر الوحشه يزينب ظلمه يطفون الشمع

صوب التل .. مرعوبه .. ترگضين
كــل اهلـچ .. عالغبـره .. مطاعين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
صعبه تتحول حياتچ يحمل آهآت الصبح
بيمن ابدي من اسولف كل جرح يلچم جرح
تنكتـل لنصـار كلهه حته طفلي ينذبح
خيامچ ايحرگوها خويه خيمه وحده ما تصح

بالصحره .. يا خـويـه .. تباتين
كل اهلچ .. عالغبره .. مطاعين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عينچ اتشوف المصايب يعمي دخان الخيم
وعالجمر اطفالي تسحگ كلهه تبچي من الالم
ويا رقيه تصيح إِذاني بويه وينك تجري دم
من يجر ذيچ التراچي چن يطگ گلبي بسهم

ايضربوها .. ابلا رحمه .. الملاعين
كــل اهلــچ .. عالغبــره .. مطاعين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ادري صعبه اتحمليهه من يجي ذاك الشمر
بخنجره هنانه ايتربع حيل يطعن بالصدر
بداعت امي ديري وجهچ خويه لمن  أنّحر
ضمي دمعچ عندي غالي لا يشوفونه الكفر

دين الله .. يحتاج .. الدمه حسين
كـل اهلـچ .. عالغــبره .. مطاعيــن
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الليله زينب باچر اسمچ ينعرف بام الحزن
ابقـى عـاري امسلبيني بعد ايام اندفن
ميت وخيل اعوجيه خويه وثگال الوزن
من حقدهن يالحوافر تطحن بصدري طحن

و ضلوعي .. تتكسر .. تسمعين
كل اهلچ .. عالغبره .. مطاعين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عاده صار القتل النه مو جديد اهوه القتل
لاچن الاصعب يزينب لو مشيتي اعله الهزل
وي غرب واجناب بيدچ من يشدون الحبل
آه طاري الشام يذبح و الحسن ما ينحمل

مسبيه .. ومهضومه .. تروحين
كل اهلچ .. عالغبره .. مطاعين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي

للقاسم … ع …

زفيناه زفيناه بصاية حيدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
چان ابالي هاي الجمله تظـل بسماه
يكبر جاسم خاطر يكبر حلمي اوياه
من انزفه شمعه وتضوي وننسه الآه
بأجمـل هـوسه بصاية حيـدر زفيناه

تانينــاه تانينــاه لمـن يكبر
زفيناه زفيناه بصاية حيدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ينام بحضني وآنه عيوني شلون اتنام
انظر وجهه يرسم صورة طف وخيام
گلبـي يگـلي شمالچ رمله هـاي اوهـام
اتبسـم و احلـم باليقضـه شگـد احلام

يا محلاه يا محلاه بيه اتصبر
زفينـاه زفينـاه بصـايـة حيـدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عيون القاسم تسوه الدنيه وچنهه العيد
مـن يتبسـم اسجـد لله و شكـري يزيد
تتعـب تسهـر مـا تـرتـاح العـدهـه اوحيد
و من تتأمل فـارس يصبـح چـا شتـريد

وجه وجاه وجه وجاه ما يتعذر
زفينــاه زفيــناه بصــايـة حيــدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
احسب لحظات اشگد عمره صار اسنين
الله الشاهـد شنهو ابالـي ويعرف زين
و من يتـزوج يعنـي ايخلف هـم طيبين
خـدام ايصيـرون النصـرة عمـه حسين

يا ويلاه يا ويلاه گلبي اتحسر
زفينــاه زفينــاه بصايـة حيـدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا هـو السامع يـا هالـوادم زفـه ونوح
و العـريس اتحـنه بدمـه هــواي جروح
صح جابـو للخيمـه و لاچن مابي روح
نايــم يــم الاكـبـر ويلـي و هــم مذبوح

ما انساه ما انساه نايم بالبر
زفينـاه زفينـاه بصاية حيدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يـا دنيـا شمالــچ خليتـي بگلبي صواب
بس هالواحد دوم احسبله الف احساب
و العبـاس اشگـد اتمنـه الأجمل شاب
عـريس و ربعـه ايـزفونـه يـم الباب

ليش اوياه ليش اوياه ابني اتوذر
زفينــــاه  زفينــــاه بصايـة حيـدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي

للرضيع

اويلاه .. اويلاه .. اويلاه .. اويلاه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يلحسين .. وجهــك تغيــر لونه
يلحسين .. عبدالله گلي شلونه
يلحسين .. مــا قبلــو يشربونه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اويلاه .. سمعــي ربـاب اشبيه
اويلاه .. گـص منحـــره بيديه
اويلاه .. مـا شـرب حتـه اميه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يلحسين .. ابنـي حسبـته سالم
يلحسين .. شــارب الماي ونايم
يلحسين .. شمسوي بيه الظالم
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اويلاه . ريــت السهــم ذابحني
اويلاه .. ولا شفت لـوعـة ابني
اويلاه .. مـات و بقـى شابگني
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يلحسين .. يـا ذنـب هـدرو دمه
يلحسين .. ادري الحرب مو يمه
يلحسين .. مـا گال بـويـه و يمه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اويلاه .. مـاريــد اگلــچ هيــدي
اويلاه .. من صابه سهم اوليدي
اويلاه .. طيـر و يـرفـرف بيدي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يلحسين .. من دمه ناگع صدرك
يلحسين .. مـاريـد ازيّــد بقهرك
يلحسين .. اللــه يعظــــم اجرك
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اويلاه .. هـالـــوادم ابـــلا غيره
اويلاه .. سهـم و رگبــته زغيره
اويلاه .. گلبــچ وگلبـــي بحيره
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يلحسين .. مــا تنحمـــل هالبلوه
يلحسين .. الأم و ابنهـــــه فدوه
يلحسين .. ابدونك احنه شنسوه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي

نزله للامام الحسين ع

زلــــزال .. زلـزلها  ابـن حيـدر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من صعد فوگ المهر .. ناده يا اهل الغدر
حسين ابد ما ينكسر ..وتحزم

من لزم سيفه ونشد .. يعلم الله شگد حصد
شنحسب وتاه العدد ..ما نعلم

عنده ثارات وحمل .. بكربله سوه عمل
حيّر الجيش انذهل ..ما يهتم

يا حيـد .. زلمـة علي من كر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بيهم الطف انخسف .. مدد يا حيدر هتف
اتراجفو مثل السعف ..خلاهم

اتقدم استاذ الحرب .. الّف اشكال الكتب
وامتحان الطف صعب .. ذلاهم

عله ابن العاص الزلِم .. الما لحگ يشرد يهِم
بسرعه ينزعها الهدِم  .. لاگاهم

بالطــف .. هالمشهـد اتكرر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
گلهم اليدنه تره .. للخيم ما اعذره
سيفي محد يگدره .. تدرونه

لا تگولون الگمر .. ميت وراح الحذر
كون اسويكم وذر .. وعيونه

واخته ابد ما تنولي .. والله اصليكم صلي
چنهه حيدر بت علي ..  مضمونه

زينـــب .. يـا مهجــــة الكوثر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
منين ما فرو طلع .. سيفه من دمهم نگع
لو اكو باب انقلع .. بحساسه

خيبر انعادت درس .. يومه هم يشبه امس
من يجي مرحب نجس .. طگ راسه

مغبره وماكو صحو .. عاشت ايمينه وكفو
ناده يا ثار الاخو .. عباسه

لحسيــن .. ذكــرهــــم ابخيبر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علّه خلّه بنينوه .. مايصير الهم دوه
حسين مو سهله ونوه .. يگضيهه

قائد ابقائد يطگ .. والشرد هم ينسحگ
حيل خانگهم خنگ .. واليهه

معركه وتوها بدت .. يا عدد منهم خذت
الخيل بالخيل اعثرت .. تاليهه

مهيـوب. ..  خله الجثث بالبـر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عجزو اهمه وما عجز .. موت الاحمر من برز
سبحه طشرهم خرز .. بالحومه

كلف محد يوصله .. اقوه سيف بكرله
جيش كامل زلزله .. ونعومه

نار مشتعله بگصب .. بيده سواهم حطب
نازل اعليهم غضب .. بهموما

يا ليـث .. وسط الحرب يزئر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مؤمن وصابر ابي .. نحبه يا روح النبي
والله سابيهم سبي .. بچفوفه

الله حبه وخلّدّه .. واحنه يومه انجدده
واليبغضه انعانده .. منعوفه

ما نسينه امصيبته .. بدمه خضب شيبته
بكلشي ضحه وعيلته .. بطفوفه

ويـــــاه .. يا هــو الـذي يگــدر
من صال .. يرجف بقى العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا يلـــومنـه لأن .. نعشگ حسين وحسن
بيهم اعبرنه المحن .. للتالي

ما نصير الهم عبيد .. خله ينفعم يزيد
نهج ابو الاكبر نريد .. الغالي

هذا ابن حامي الحمه .. سهله نفديله الدمه
والله حط بيهم عمه .. يالوالي

يا شيخ .. و الشــافـه يتحيّر
من صال .. يرجف بقه العسكر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي

هذا اللي خفت منه وطحت بيه
عضيـدي شلـون المــه لـو اخليه
الحوافر اخذت هواي
تطشـــر نـــــور دنياي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اجيـت بلهفــه واتعثــر حتـه دربـــي ضعيته
يا عباس انادي بصوت احچي وياي وين انته
مو ساعه رحل عني چن سنسين ما شفته
حبيبي مــا يفارگنـي ولا فـد يـوم فارگته

و مـا اگــدر اعيـش ابــدون عبــاس
اوصلت يمه وشفت بالخيل ينداس
ضامي وما شرب ماي
تطشـر نــــور دنيـــاي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عاده اليحتضر اهله واحبابه اليحظرونه
بس عبـاس لمن طاح بسيوف ويطبرونه
چا غير آنه اغمضنه السهم غمضهن عيونه
ولا سبلهـن ايـدينـه بلـوعـه يموت يردونه

يسبلهن شلـون وگطعوهن
رعبنهـم اكيـد و فرهدوهن
مات اليحمل الواي
تطشـر نـور دنيـاي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
امنصدن ليه ما صدِگ اخوي النام عالغبره
هذا شويه مو عباس فحل عباس وشكبره
اثاري الخيل من ادوس يظل بمچانهه حفره
ثجيلات الحوافر آه طبگت ضهره وي صدره

عزيز الـــــروح هيـــچ ايعــذبنــه
اوصلت يمه ولگيت اشباقي منه
اخوي ونظر عيناي
تطشـر نــور دنياي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل همي اگعدت يمه اشبگه شلون اشبگنه
بكل جسمه نبل ورماح ماكو مچان اقبلنه
وسهم العين ما ينشال تجي عينه امنشيلنه
اشم ابعطره بس ظليت عطر حيدر اشمنه

سابـح بالدمـه بــدر العشيره
كاسرلي الضهر يا ابو الغيره
حسافه اتشفت اعداي
تطشـــر نـــور دنيـــاي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بوسط شمات صرت آنه فاگدلي اخوه يسوه
مثل عباس ابد ميصير راعي الغيره والنخوه
فرحانين محتفلين السبب چا ما الي اخوه
يسمعوني الحچي المو زين لو يسمعهم شسوه

يا حچـي الشماتـه والله مسموم
صرت مركب تراني الكل الهموم
شسولف هاي لو هاي
تطشـــر نــــور دنيـاي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تعبني اخوي هواي وأنه كل حيل مابيه
مـا اگـدر بعـد انهـض مـاتـن حتـه رجليه
معسكر دوم اشوفنه بوجوده خيامي محميه
بعد عباس كلشي يضيع زينب تمشي مسبيه

اذا تسألني وينه حامي خدري
شگللهـه و تصد مكسور ظهري
شجاوب وَحَّدّي جاي
تطشـر نــــور دنيـاي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي

ما شافت راحه
زينــب تنحــب آه ام الخــدر
بس هم ونياحه
صعبه وغربه ابين اهل الغدر
لا زايـــــر يمهه  .. علي علي علي
ما يخلص همهه .. علي علي علي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يمته يا علي ترتاح يكفي كربله شسوت
ذبحو كل اهلهه هناك وحيده ابلا اهل ظلت
گبال عيونهه لحسين بصدره خيولهم سحگت
يا ليل هدعش سلهه گعده زينبك صلت

مشدوها وبالبر
طـايــح رايح منهــه شچــم طفـل
عطشانه وبالحر
اخوتهه رميه سبيه مشاها النذل
الظــالـم محنهـه .. علي علي علي
ما يخلص همهه .. علي علي علي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الشافت كل الِمصايب خلهه تموت ما تلام
بلچـن بالگـبر ترتاح تنسه جور هالايام
ابد ما مرت ابراحه الف واربع مية عام
مظلومه علي ابنيتك من الشام واهل الشام

لن ما عرفوها
بتمن اختمن مو جدهه النبي
الحره ظلموها
بكلشي وتمشي غصباً للسبي
مو زينب چنهه .. علي علي علي
ما يخلص همهه .. علي علي علي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل مسبيه تتمنه يوم امنل سبي ترتاح
بس زينب بقت وسفه بين المُفتي والذباح
يمهه حرمله لسه والهسه الشمر ما راح
وجيش ايزيد حوطهه هوسه وما يبطل صياح

اذناب اميه
صاحت جالت لا أخوه التهد
حاميه الحميه
وينك عينك خلهه اعله اللحد
هَـدّمـه يهدّمهـه .. علي علي علي
ما يخلص همهه .. علي علي علي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كل فتره يجي ظالم حچي اليوجع يسمعها
شعدهه بنت علي هنانه خلونه نطلعها
المواكب ما تجي يمهه المجالس كلهه نمنعها
صح جدهه النبي المختار خلي جدهه ينفعها

لا دين ومذهب
عدهـم كلهـم عشـاگ الـذبـح
زينب تتعذب
يمته وحته يطر فجر الصبح
الظــالــم محنهه .. علي علي علي
ما يخلص همهه .. علي علي علي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عليك بفاطمه الزهره كلنه جنود گللهه
سدوها الحدود اليوم باچر كون نوصلهه
المرجع لو نطه الفتوه جيوش الطاغيه انذلهه
اولادك يداحي الباب مو احنه الي نخذلهه

مثلك يا حيدر
نطلع نقلـع لحـدود ونطـب
لا مـــا نتأخـر
نهوه الفتوه عشاگ الحرب
نـرجــع نخدمهه .. علي علي علي
ما يخلص همهه .. علي علي علي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يمته يظهر الموعود كل انصاره ينتظرون
وخل يبني صحن زينب بگد الشام هيچ يكون
وكل الشيعه مشايه ملاين الهه يتعنون
ونسوي الاربعينيه ونرفع رايه بسم ام عون

ميظل سفياني
بكيفه بسيفه يطحنهم طحن
الهاليوم انتاني
يظهـر نفخـر مـن گد ما نحن
وننصب مأتمهه .. علي علي علي
ما يخلص همهه .. علي علي علي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي

شدي حيلچ .. يا يمـه تعبـانــه شكثر
شدي حيلچ .. من دونچ احنه ننكسر
البيت كلـه ابطيحتچ يتكدر
آهـچ اشسـوت ييمـه بحيدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تمنيت الوجع بيه اسم الله اعليچ لتموتين
گعدي وسولفي ويانه شمالچ يمه ما تحچين
احبيبه روحي لا تطلع عزيزچ يمه آنه حسين
يحنية رسول الله اعله هذا الحال لا تبقين

صدرچ اشبي .. گوه تجـرين النفس
صدرچ اشبي .. بسمار لو حافر فرس
لسه مختنگه الوجه صار اصفر
آهــچ اشســوت يـيمــه بحيدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
توچي اعليه بس گومي ييمه گلبي ما مرتاح
اگلچ لو اضل ساكت ابونه يا محمد صاح
صبر حيدر اضن خلص وحيدر للصبر مفتاح
رحت وياه للمسجد عشر مرات يمكن طاح

امصابچ ايسل .. ريتچ تشوفين الفحل
امصابچ ايسل .. خلص علي وكلش ذبل
ماهو ذاك اللي قلعها خيبر
آهچ اشسوت ييمه بحيدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الوصيه عذّبت حاله الف وسفه هظيمه شلون
الحرگو دارچ اگباله يم حسين يتمشون
حچاها بحسره وبلوعه وتجادح زعل لعيون
كل ضنهم بقو عدلين لو ماكو وصيه كون

والله كلفه .. البچّه الحروب ابصولته
والله كلفه .. مهظوم ابوي ابسكتته
يردد بأمن يجيب المظطر
آهچ اشسوت ييمه بحيدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
رجعنه يمه صوب الدار يمشي ويگعد شويه
اگلـه شبيك يا بـويـه يگلي فاطمه بيه
المثلي يموت ما يلام غير امك هوه الريه
وصل بي حال حته السيف ثگل سواه عوچيه

من يذكرچ .. ينزل دمع كل ما حچه
من يذكرچ .. بس بالصـلا شفته بچه
يموت يمكن والدي يا كوثر
آهــچ اشسوت ييمه بحيدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يهنيالچ علي يحبچ يصب دمعاته چن زمزم
ما سامع ابو الايتام مرته تموت يتيتم
حكمة طه لمن گال امي فاطمه يعلم
ام المؤمنين انتي المافهمه خل يفهم

يالزچيه .. الخاطر علي گومي العلي
يالزچيه .. و خـل يـرد حيـله الاولي
وحته فقاره يرد موت احمر
آهچ اشسوت ييمه بحيدر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
باچر كربله يمه واحنه نريدچ الباچر
موتچ هسه مو وكتهه خلي الموت للعاشر
غير امي وعليّ تبچين بدونچ اكسر الخاطر
وسمعي الآه بعد الآه بصدري لو سحگ حافر

دوريته .. وي زينب انعي بكربله
دوريته .. و حسيني محد غسله
ولمي جسمي هناك من يتطشر
آهــچ اشســوت ييمــه بحيـدر

             شدي حيلج
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ابو ياسر المياحي