تابع المجاراة عن دور رجال البحرية بالتصدي لمؤامرات العدوان وأسر واغتنام من يحاول غزو سواحلنا .

#ابـومـازن_الـرازحـي

التحيه للرجـال الأكـارم
قوة الساحل ومزبن عرينه

والرحى دارت على كل ظالم
واصبح المظلوم فوقه يهينه

سنَّـة الله في المخاليق دايم
كل طاغي له نهايه مشينه

بس حاكي لك شويه بهايم
في يدين الغرب صارو رهينه

#شاعر_بلاد_الروس

ذا جزاء حربه لأهل العزايم
ننهي اضلاعه ونقطع يمينه

ابن هيان صار. مثل الولايم
ماحدا ينجيه. ولاحد يعينه

صار حلف الشر مثل القمايم
بعد ماسا. كل عيبه وشينه

#ابوعادل_الموسمي

خبروا حلف الردى والمظالم
ان شعب العز ربه عوينه

برنا والبحر كله مهاجم
نحصد الغازي ونقطع يدينه

بانواجه حلف عدوان غاشم
فتح مكه بعدها والمدينه

#ابوجبريل_الشريف

جيشناوالشعب شدالعزائم
والولاللقائدالله يعينه

ياتحالف نجدحان التصادم
عاصفتكم باتولي حزينه

لن يروح الحق باية تقادم
والسفن باتلتحق بالسفينه

#زاهر_الرصابي

بحريتنا الجود والعز قايم
والشرف معقود فيهم ظمينه

ما تهنى الحلف وذاق الهزايم
وانتهى حلمه وضيع سنينه

خاسرين في البحر والخُسر دايم
والهواء والبر مهزوم حنينه

والف شُكراً للرجال الاكارم
لبحريتنا الفخر والنصر عينه

#ابوحمزة_المقاش

والهزايم با تجي ب الهزايم
سيفنا ما يرقب الا السمينه

عادها حرب النقاء حرب دايم
لين يحني كل باغي جبينه

بندقي لا صمت ما هو بصايم
والمنافق في اللقاء با نهينه

بحرنا نيران حمراء وغايم
وبحريتنا با تقود السفينه

#ابوشرف_الدين_خولان

الله اللي ينتقم كل ظالم
كل متكبر علينانهينه

من هدى القران جات الملازم
من مع ربي فربي يعينه

عاقبتكم مخزيه بااااالهزايم
وابشروا ماناخذ الا السمينه


يارجال الله ضعفت قواهم
والاسد ماينهزم في عرينه

#بن_سويد

ي تحالف كل ابتكم  بهايم
اليماني كـ الاسد في عرينه

بحرنا دونه رجال المقادم
ولقسم ماعاد تضوي سفينه

لا هُنا ي حلف يكفي جرايم
كل ضالم في اليمن بانهينه

#ابومصطفى_الرضي

نحمد الله ماتشن الغمايم
ابتدء عصر السنين السمينه

ياتحالف ردعنا في تعاظم
والبداية ماحصل للسفينه

عاد بانفتح سجل الجرايم
وخادم اسرائيل نقطع يمينه

طالما ال(صماد ) في الجو حايم
بايصل مصفاك بوقتة وحينه

#زيد_الحمران

‏العدو اليوم قد صار نادم
من غزانا ما يذوق السكينة

بعد سبع سنين والحرب قايم
الرجال اليوم شلوا سفينة

واغرقوا أحلام قوم الجرايم
بحرنا من جاه ننهي سنينه

لا تقل لي نحو مران قادم
قل قريباً نلتقي في المدينه

#ابتسام_المحطوري

أبطالنا قوة قوية صماصم
والدهر خلدهم بغرة جبينه

كم يانتصارات والشواهد جوازم
والنصر يتجلى بمعصم يمينه

ولكل من يعزم تجود العزايم
أما السفينه ساقها الله رهينه

بفضل ربي ياقلوب الاعاجم
نقضي على الطغيان ننهي سنينه

#فواز_حسن

عاد حلف الشر مهزوم نادم،
راهن ادوانه وضيع ضمينه،

مامعاه إلى الفشل والهزايم؛
في اليمن كم قد خسر من رهينه،

صاحو الابطال والحلف نايم،
للسفينه بكرو من بحينه،

سيطروا عنها وشلو الغنايم،
والتحالف منتظر للسفينه

#إتحاد_الشعراء_والمنشدين

https://t.me/aboyahyaalshami